၂၀၁၉၊ စက်တင်ဘာ၊ ၂၅။ ရန်ကုန်။

ဒဂုံမြို့သစ်၊ ဆိပ်ကမ်းမြို့နယ်၊ စက်မှုဇုံ (၁)ရှိ MCE Rainbow ဆပ်ပြာစက်ရုံ သပိတ်စခန်းတွင် ၂၅၊၉၊၂၀၁၉ ရက်နေ့ နံနက် ၁၀း၀၀ နာရီ၌ စာနယ်ဇင်းရှင်းလင်းပွဲတခု ပြုလုပ်ခဲ့ပါသည်။ ရှင်းလင်းပွဲသို့ လူ့ဘောင်သစ်ဒီမိုကရက်တစ်ပါတီ၊ ဗမာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်၊ ၁၉၇၄-၇၅-၇၆ နိုင်ငံရေးအင်အားစုနှင့် သတင်းဋ္ဌာနများ တက်ရောက်ခဲ့ကြပါသည်။
သပိတ်ကို ၂၂၊ ၈၊၂၀၁၉ ရက်နေ့မှ စတင်ခဲ့ပြီး ယနေ့ဆိုလျှင် ၃၄ ရက်တိတိ ရှိပြီဖြစ်ကြောင်း၊ တောင်းဆိုချက် (၁၃) ရပ် တောင်းဆိုထားကြောင်း၊ အလုပ်ရှင်ဘက်မှ လူမိုက်များငှား၍ ခြိမ်းခြောက်ခိုင်းခြင်း၊ လုံခြုံရေးများ တိုးမြှင့်ချထားခြင်း၊ ခွေးများခေါ်ယူလာပြီး ခြိမ်းခြောက်ခြင်းတို့ ပြုလုပ်ပြီး သပိတ်ကို နှောက်ယှက်နေကြောင်း၊ ၂၂၊၉၊၂၀၁၉ ရက်နေ့အထိ စက်ရုံပိုင်ရှင်ဘက်နှင့် သပိတ်တိုက်ပွဲဝင်များကြားတွင် ၅ ကြိမ် ညှိနှိုင်းခဲ့သော်လည်း သပိတ်က လက်ခံပေးနိုင်သည့် အဆင့်သို့ လုံးဝ မရောက်သေးကြောင်း၊ အမျိုးသားဒီမိုကရေစီအဖွဲ့ချုပ် အလုပ်သမားရေးရာဋ္ဌာနမှ ဦးကျော်ထွေး လာရောက်ညှိနှိုင်းပေးခဲ့သော်လည်း လုပ်ငန်းကျွမ်းကျင်ကြေးတိုးပေးရေးကိစ္စမှာ ညှိ၍မရသေးကြောင်း၊ ၎င်းတို့ အနေဖြင့် ညှိနှိုင်းရေးကို ဆက်လက်ဖွင့်ထားပြီး အောင်ပွဲရရှိသည်အထိ သပိတ်ဆက်မှောက်သွားမည်ဖြစ်ကြောင်း ရှင်းလင်းခဲ့ကြပါသည်။ စက်ရုံသည် တရုတ်အမျိုးသားပိုင်စက်ရုံဖြစ်ပြီး အလုပ်သမား ၃၀၁ ယောက် ရှိရာ သပိတ်တွင် အလုပ်သမား ၉၀ ပါဝင်လျက်ရှိသည်ဟု သိရပါသည်။
ရှင်းလင်းပွဲသို့ ပါတီမှ အလုပ်သမားရေးရာကော်မတီတာဝန်ခံ ဦးငွေလင်းတက်ရောက်ခဲ့ပြီး သပိတ်စခန်းတွင် သပိတ် ကော်မတီခေါင်းဆောင်များနှင့်လည်းကောင်း၊ သပိတ်မှောက်အလုပ်သမားများနှင့်လည်းကောင်း တွေ့ဆုံဆွေးနွေးခဲ့ပါသည်။ သပိတ်တောင်းဆိုချက်များမှာ မှန်ကန်သင့်လျော်သည့် တောင်းဆိုချက်များဖြစ်ပြီး တကယ့်အခြေခံ လိုအပ်ချက်များသာ ဖြစ်ကြောင်း၊ အေးချမ်းစွာ လက်မှတ်ရေးထိုးတင်ပြခြင်း၊ အလုပ်ရှင်ဘက်က လျစ်လျူရှု ပစ်ပယ်လာသည့်အချိန်တွင် ယခုကဲ့သို့ ငြိမ်းချမ်းစွာသပိတ်မှောက်ခြင်း၊ တပြိုင်နက်တည်းတွင် ညှိနှိုင်းရေးကို ဖွင့်ထားလျက် မိမိတို့၏သပိတ်ကို ခိုင်မာအားကောင်းအောင် ဆောင်ရွက်နေခြင်း စသည့် လုပ်ဟန်များမှာလည်း မှန်ကန်ကောင်းမွန်ကြောင်း၊ မိမိတို့ပါတီအပါအ၀င် အင်အားစုအသီးသီးက ထောက်ခံပါကြောင်း၊ မိမိတို့၏ အခြေခံရပိုင်ခွင့်အတွက် မိမိတို့ကိုယ်တိုင် တောင်းဆိုတိုက်ပွဲဝင်ရဲသည့် သပိတ်မှောက်အမျိုးသမီးရဲဘော်များကို ပါတီက ချီးကျူးဂုဏ်ပြုပါကြောင်း၊ အတတ်နိုင်ဆုံး ၀န်းရံထောက်ခံ အကူအညီပေးသွားမည်ဖြစ်ကြောင်း ဆွေးနွေးအားပေးခဲ့ပါသည်။

၂၀၁၉၊ စက်တင်ဘာ၊ ၂၄။ ရန်ကုန်။
=====================================
ရွေးကောက်ပွဲဆိုင်ရာ ပြည်သူ့လှုပ်ရှားမှုအဖွဲ့(PACE)က “၂၀၂၀ ခုနှစ်အတွက် နိုင်ငံသားများ၏ နိုင်ငံရေးမျှော်မှန်းချက်”စာအုပ်တွင် ဖော်ပြထားသည့် သုတေသနဆိုင်ရာ အချက်အလက်များအား ရှင်းလင်းတင်ပြသည့်အစီအစဉ်ကို UNA ရုံး၌ ပြုလုပ်ခဲ့ရာ စည်းလုံးညီညွတ်သော တိုင်းရင်းသားလူမျိုးများမဟာမိတ်(UNA)အဖွဲ့ဝင်ပါတီများနှင့် မိတ်ဖက်အဖွဲ့အစည်းများမှ ခေါင်းဆောင်များ တက်ရောက်ခဲ့ကြပါသည်။ လူ့ဘောင်သစ်ဒီမိုကရက်တစ်ပါတီနှင့် လူ့ဘောင်သစ်လူငယ်ခေါင်းဆောင်များလည်း တက်ရောက်ဆွေးနွေးခဲ့ကြပါသည်။ ၎င်းစာအုပ်တွင် လက်ရှိမြန်နိုင်ငံအနေအထား အပါအဝင် သုတေသနတွေ့ရှိချက်များအား အခန်း ၁၀ ခန်းခွဲ၍ တင်ပြထားပါသည်။

စက်တင်ဘာ ၂၂၊ ၂၀၁၉။ ငဖဲ။

လူ့ဘောင်သစ်ဒီမိုကရက်တစ်ပါတီ ငဖဲမြို့နယ်ကော်မတီကို ၂၀၁၉ စက်တင်ဘာလ ၂၂ ရက်နေ့တွင် အောင်မြင်စွာဖွဲ့စည်းခဲ့ပါသည်။ ကော်မတီဖွဲ့စည်းရေးအစည်းအဝေးတွင် ပါတီဥက္ကဋ္ဌ ဦးအောင်မိုးဇော်၊ တွဲဖက်အထွေထွေအတွင်းရေးမှူး(၁) ဒေါ်နှင်းနှင်းမွှေး၊ ဗဟိုအလုပ်အမှုဆောင်ကော်မတီဝင် ဦးငွေလင်းတို့က ပါတီဖြတ်သန်းမှုသမိုင်းကြောင်း နိုင်ငံရေးဦးတည်ချက်နှင့် လှုပ်ရှားဆောင်ရွက်နေမှုများကို ရှင်းလင်းပြောကြားခဲ့ကြပါသည်။ ထို့နောက် တက်ရောက်လာသည့်ရဲဘော်များနှင့် ဒေသဆိုင်ရာအခြေအနေများ၊ ရှေ့လုပ်ငန်းစဉ်များကို အပြန်အလှန် ဆွေးနွေးညှိနှိုင်းခဲ့ကြပါသည်။ မြို့နယ်ကော်မတီကို ရွေးချယ်ဖွဲ့စည်းပြီးနောက် ကော်မတီဝင်များက ပါတီအလံကို ကိုင်ဆောင်၍ သစ္စာအဓိဋ္ဌာန် ၅ ချက် ရွတ်ဆိုအဓိဋ္ဌာန်ပြုခဲ့ကြပါသည်။ ထို့နောက် ငဖဲမြို့နယ်ကော်မတီဥက္ကဋ္ဌက ကျေးဇူးတင်စကား ပြောကြားပြီးနောက် အစည်းအဝေးကို ရုပ်သိမ်းခဲ့ပါသည်။ အစည်းအဝေးသို့ ပါတီဗဟိုကော်မတီဝင် ဦးအောင်နိုင်ဦး၊ ပွင့်ဖြူမြို့နယ်ကော်မတီဝင်များ၊ မင်းဘူးမြို့နယ်ကော်မတီဝင်များနှင့် ပါတီလိုလားသူများလည်း တက်ရောက်ခဲ့ကြပါသည်။

၁၈၊ ၉၊ ၂၀၁၉။ သာဓုကျောင်းတိုက်၊ ရန်ကုန်။

ရွှေဝါရောင်တော်လှန်ရေး ၁၂ နှစ်ပြည့် အထိမ်းအမှတ်အခမ်းအနားကို ရန်ကုန်မြို့ရှိ သာဓုကျောင်းတိုက်၌ ၂၀၁၉၊ စက်တင်ဘာ၊ ၁၈ ရက်နေ့ နံနက်ပိုင်းတွင် ပြုလုပ်ခဲ့ပါသည်။ အခမ်းအနားတွင် ရွှေဝါရောင်ဦးဆောင်သံဃာတော်များက သြ၀ါဒကထာ၊ အခမ်းအနားကျင်းပရခြင်း ရည်ရွယ်ချက်နှင့် သဘောထားထုတ်ပြန်ချက်တို့ကို မြွက်ကြားခဲ့ကြပါသည်။ အခမ်းအနားသို့ ရွှေဝါရောင်ဦးဆောင်သံဃာတော်၊ ဆရာတော်များ၊ နိုင်ငံရေးအင်အားစုများ တက်ရောက်ခဲ့ကြရာ လူ့ဘောင်သစ်ဒီမိုကရက်တစ်ပါတီခေါင်းဆောင်များလည်း တက်ရောက်ခဲ့ကြပါသည်။
၂၀၀၇၊ စက်တင်ဘာလတွင် သံဃာတော်များဦးဆောင်ပြီး ငြိမ်းချမ်းစွာဆန္ဒထုတ်ဖော်သည့် ရွှေဝါရောင်တော်လှန်ရေးကို စစ်အစိုးရက အကြမ်းဖက် ရိုက်နှက်ပစ်ခတ်သတ်ဖြတ်နှိမ်နင်းခဲ့သဖြင့် အသက်ပေါင်းများစွာ သေကျေခဲ့ရသည်။ ရဟန်းရှင်လူအမြောက်အမြားမှာလည်း ဖမ်းဆီးနှိပ်စက် ထောင်သွင်းအကျဉ်းချခြင်း ခံခဲ့ကြရသည်။

စက်တင်ဘာ၊ ၁၇၊ ၂၀၁၉။ ဆားလင်းကြီး။

လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်၊ တွဲဖက်အထွေထွေအတွင်းရေးမှူး(၂) ဦးတိုးတိုးထွန်း နှင့် ဗဟိုကော်မတီဝင်များသည် ဆားလင်းကြီးမြို့နယ် ကံကုန်းကျေးရွာအုပ်စု၌ ကံကုန်း၊ ညောင်ပင်ကြီး၊ တုန်ကျေးရွာအုပ်စုတို့မှ ပါတီဝင်များ၊ အမျိုးသမီးတက်ကြွလှုပ်ရှားသူများနှင့် တွေ့ဆုံခဲ့ပါသည်။
ထိုသို့ တွေ့ဆုံရာတွင် ပါတီနှင့် ပါတီအမျိုးသမီးလုပ်ငန်းကော်မတီအား မိတ်ဆက်ခဲ့ပြီး ပါတီ၏ လယ်သမားရေးရာနှင့် ပါတ်သက်သည့် အခြေခံသဘောထားကိုလည်း ရှင်းလင်းတင်ပြခဲ့ပါသည်။ ထို့နောက် ဒေသခံများ ကြုံတွေ့နေရသည့် အခြေအနေများအား အပြန်အလှန် ရင်းရင်းနှီးနှီး ဆွေးနွေးဖလှယ်ခဲ့ကြပါသည်။