၂၀၁၉၊ စက်တင်ဘာ၊ ၁၄။

လူ့ဘောင်သစ်ဒီမိုကရက်တစ်ပါတီ မန္တလေးတိုင်းဒေသကြီး တိုင်းရုံးဖွင့်လှစ်ပွဲ အခမ်းအနားကို အောင်မြေသာစံမြို့နယ်ရှိ တိုင်းရုံးတွင် ၂၀၁၉၊ စက်တင်ဘာ၊ ၁၄ ရက်နေ့ နံနက် ၁၀း၀၀ နာရီမှ နေ့လည် ၁၂း၀၀ နာရီအထိ ပြုလုပ်ခဲ့ပါသည်။ တိုင်းရုံးဖွင့်လှစ်ပွဲအခမ်းအနားသို့ ရွှေဝါရောင်ဦးဆောင်သံဃာတော်များ၊ စည်းလုံးညီညွတ်သောတိုင်းရင်းသားလူမျိုးများမဟာမိတ်(UNA) ရှမ်းတိုင်းရင်းသားများဒီမိုကရေစီအဖွဲ့ချုပ် မန္တလေးမြို့ပေါ်ရှိ နိုင်ငံရေးပါတီများ မိတ်ဖက်နိုင်ငံရေးအဖွဲ့အစည်းများမှ ခေါင်းဆောင်များ နိုင်ငံရေးလုပ်ဖော်ကိုင်ဖက်များ ပါတီဗဟိုကော်မတီဝင်များ မန္တလေး မြင်းခြံ တံတားဦးပါတီရဲဘော်များ တက်ရောက်ခဲ့ကြပါသည်။
အခမ်းအနားတွင် ပါတီဥက္ကဋ္ဌ၊ ဒုဥက္ကဋ္ဌ၊ မန္တလေးတိုင်းကော်မတီဥက္ကဋ္ဌ၊ လူ့ဘောင်သစ်လူငယ်ဥက္ကဋ္ဌတို့က အဖွင့်စကား ပြောကြားပေးခဲ့ကြပါသည်။ အခမ်းအနား တက်ရောက်လာသည့် မဟာမိတ်ပါတီများနှင့် မိတ်ဖက်အဖွဲ့အစည်းခေါင်းဆောင်များကလည်း ဂုဏ်ပြုအမှတ်တရစကား ပြောကြားပေးခဲ့ကြပါသည်။
ပါတီဥက္ကဋ္ဌဦးအောင်မိုးဇော်က အဖွင့်စကားပြောကြားရာတွင် စစ်ဝါဒလွှမ်းမိုးမှု အပြီးတိုင် ဖယ်ရှားနိုင်ပြီး ဒီမိုကရေစီရေးနှောင့်နှေးနေမှု၊ ငြိမ်းချမ်းရေးအလှမ်းဝေးနေမှုတို့ကို အဆုံးသတ်ကာ ဖက်ဒရယ်ဒီမိုကရေစီနိုင်ငံထူထောင်နိုင်ရေးအတွက် ဒီမိုကရက်တစ်အင်အားစုများ အတူတကွ ပူးပေါင်းဆောင်ရွက်ကြရမည်ဖြစ်ကြောင်း ထည့်သွင်းပြောကြားခဲ့ပါသည်။

12►

၇- ၉- ၂၀၁၉။ ရန်ကုန်။

ပုဇွန်တောင်မြို့နယ်ရှိ ရန်ကုန်နိုင်ငံရေးသိပ္ပံကျောင်း (YSPS)၏ အစည်းအဝေးခန်းမတွင် ၇၊၉၊၂၀၁၉ ရက်နေ့ နံနက် ၉း၃၀ နာရီမှ ညနေ ၃း၃၀ နာရီအထိ အလုပ်ရုံဆွေးနွေးပွဲတခုပြုလုပ်ရာ ပါတီမှ ဗဟိုအလုပ်အမှုဆောင်ကော်မတီဝင် ဦးငွေလင်း တက်ရောက်ခဲ့ပါသည်။
ဆွေးနွေးပွဲသည် ပြည်သူ့လွှတ်တော်ရွေးကောက်ပွဲဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)၊ အမျိုးသားလွှတ်တော်ရွေးကောက်ပွဲဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)၊ တိုင်းဒေသကြီးနှင့်ပြည်နယ်လွှတ်တော်ရွေးကောက်ပွဲ ဥပဒေ ပဉ္စမအကြိမ် ပြင်ဆင်သည့်ဥပဒေ (မူကြမ်း)တို့ကို လေ့လာကြပြီး မူကြမ်းအတိုင်း ထားသင့်သည်များ၊ ပြင်ဆင်ဖြည့်စွက်လိုသည်များ၊ ဖြုတ်ချပယ်ဖျက်လိုသည်များ၊ သီးခြားအကြံပြု ဖြည့်စွက်လိုသည်များကို ဆွေးနွေးစုစည်းကြခြင်း ဖြစ်ပါသည်။
ဆွေးနွေးပွဲကို ရန်ကုန်နိုင်ငံရေးသိပ္ပံကျောင်း (YSPS)က ကမကထပြု ဖိတ်ကြားဆောင်ရွက်ခြင်းဖြစ်ပြီး လူ့ဘောင်သစ်ဒီမိုကရက်တစ်ပါတီ၊ စည်းလုံးညီညွတ်သောတိုင်းရင်းသားလူမျိုးများမဟာမိတ် (UNA) အဖွဲ့ဝင်အဖွဲ့အစည်းများ၊ Myanmar Legal Aid Network(MLAW)၊ Myammar Justice Center(MJC) နှင့် New Myanmar Foundation(NMF) အပါအ၀င် လူထုအခြေပြုအရပ်ဖက်အဖွဲ့အစည်းများ တက်ရောက်ခဲ့ကြပါသည်။
တက်ရောက်သူများက ဒီမိုကရေစီစံနှုန်း၊ လူ့အခွင့်အရေးစံနှုန်း၊ ဖက်ဒရယ်ပြည်ထောင်စုစံနှုန်း၊ အားလုံးပါဝင်နိုင်မှု စံနှုန်းများအပေါ် အခြေခံပြီး မူကြမ်းများကို ဆန်းစစ်ခြင်း၊ ဖြည့်စွက်ခြင်း၊ အကြံပြုခြင်းများ ပြုလုပ်ခဲ့ကြပါသည်။
ဆွေးနွေးပွဲ၏ စုစည်းရရှိချက်များကို ၁၆၊ ၉၊ ၂၀၁၉ ရက်နေ့တွင် ထပ်မံဆွေးနွေး အချောပြုစုကြပြီး လာမည့် ပြည်သူ့လွှတ်တော်အစည်းအဝေးသို့ ပေးပို့တင်ပြ အကြံပြုသွားကြမည် ဖြစ်ပါသည်။

[လူ့ဘောင်သစ်ဒီမိုကရက်တစ်ပါတီ၏ နိုင်ငံရေးအမြင်သုံးသပ်ချက် – ၆/၂၀၁၉]

စစ်ပွဲတွေ ချက်ချင်းရပ်ပါ၊ ထိုးစစ်၊တိုက်စစ်တွေ ချက်ချင်းရပ်ပါ၊ နိုင်ငံရေးအရ ဆွေးနွေးအဖြေရှာပါလို့ အကြိမ်ကြိမ် တောင်းဆိုခဲ့ကြတယ်။ ရခိုင်ပြည်သူတွေ နေ့စဉ်နဲ့အမျှ ရင်ဆိုင်ခံစားနေရတဲ့ဒုက္ခတွေအတွက် သမ္မတကြီး ကိုယ်တိုင် ကိုင်တွယ်ဆောင်ရွက် ဖြေရှင်းပေးပါလို့ နိုင်ငံရေးပါတီတွေနဲ့ လူထုအခြေပြု အရပ်ဖက်အဖွဲ့အစည်းတွေက အိတ်ဖွင့်ပေးစာ ပေးပို့တောင်းဆိုခဲ့ကြတယ်။ ဒါပေမဲ့ ဘာတုန့်ပြန်မှုမှ မရခဲ့ဘူး။ စစ်ပွဲတွေ ပိုကြမ်းလာတယ်၊ အင်တာနက် လိုင်းတွေ ဖြတ်ပစ်လိုက်တယ်။ စစ်တားဆီးရေးလှုပ်ရှားသူတွေ ဖမ်းဆီးခံရတယ်။ ရခိုင်ပြည်မြောက်ပိုင်းကလူထုတွေ ပိုပြီး ထိခိုက်သေကျေလာပြီး စစ်ဘေးဒုက္ခသည်တွေသာ ပိုပိုပြီး တိုးပွားလာခဲ့တယ်။
တပ်က စစ်ပွဲတွေကို ရခိုင်ပြည်မြောက်ပိုင်းစစ်မျက်နှာမှာ ကြမ်းသည်ထက် ကြမ်းပြလာတာကြောင့် ရှမ်းပြည် မြောက်ပိုင်းစစ်မျက်နှာ စပေါ်လာခဲ့တယ်။ အလားတူပဲ ရှမ်းပြည်မြောက်ပိုင်းမှာလည်း အရပ်သားတွေ ထိခိုက်သေကျေ ဖြစ်ကြရတယ်။ သြဂုတ် ၁၅ ကနေ စက်တင်ဘာ ၃ ရက်နေ့အထိ ရှမ်းပြည်မြောက်ပိုင်းမှာ မိုင်းထိသေဆုံးသူ ၈ ဦး၊ လက်နက်ကြီးကျသေဆုံးသူ ၅ ဦး၊ ဒဏ်ရာရသူ ၉ ဦး၊ ပျက်စီးသွားတဲ့တံတား ၄ စင်း၊ မီးလောင်ပျက်စီးအပါအ၀င် ပစ်ခတ်တိုက်ခိုက်ခံရတဲ့ကား ၃၇ စီး၊ ပိတ်လိုက်ရတဲ့ စာသင်ကျောင်းပေါင်း ၁၂၀၊ စစ်ဘေးရှောင်ရသူ ၅၂၀၇ ဦး၊ ကုန်သွယ်ရေးထိခိုက်သွားတာ အမေရိကန်ဒေါ်လာ သန်းပေါင်း ၃၂၀ လို့ သိရပါတယ်။
ဒါဟာ ဘာကြောင့်လဲ။ အဓိကကတော့ တပ်က စစ်ပွဲတွေကို ရပ်ဖို့ အားမထုတ်ဘဲ အချိန်ဆွဲနေတာကြောင့် ဖြစ် ပါတယ်။ NCA လမ်းကြောင်းကလွဲလို့ ဘာလမ်းကြောင်းမှ မရှိဘူးလို့ အသေဆုပ်ကိုင်ထားတယ်။ တပ်နေရာချထားရေး တွေ ညှိမရအောင်၊ အဖြေမရောက်အောင် တောင်းဆိုနေတယ်။ တွေ့ဆုံဆွေးနွေးပွဲနေရာကို ခက်ခဲအောင်၊ ညှိမရ အောင် လုပ်ထားတယ်။
ဒါတွေကြောင့် ပဏာမအဆင့် တွေ့ဆုံဖို့ဆိုတာတောင် ဟိုရွှေ့ဒီရွှေ့နဲ့ တော်တော်ကြီး ကြာသွားခဲ့ရပြီး ၂၀၁၉ သြဂုတ် ၃၁ ရက်နေ့ကျမှပဲ ကျိုင်းတုံမှာ ဆွေးနွေးဖြစ်တော့တယ်။
မိမိတို့ပါတီအနေနဲ့ ကျိုင်းတုံဆွေးနွေးပွဲနဲ့ ကျိုင်းတုံပူးတွဲကြေညာချက်ကို အခြေခံအားဖြင့် ကြိုဆိုပါတယ်။ စစ်ပွဲ တွေ ချက်ချင်း ရပ်တန့်ပြီး Bilateral Ceasefire Agreement လက်မှတ်ထိုးနိုင်အောင် ဦးတည်ဆွေးနွေးကြတယ်ဆိုတာ ကောင်းတဲ့ကိစ္စ ဖြစ်ပါတယ်။
ဒီဆွေးနွေးပွဲရဲ့အဆက်အဖြစ် စက်တင်ဘာ ၁၆၊ ၁၇ မှာ ဆက်လက်ဆွေးနွေးကြမယ်လိုိ့ ဆိုပါတယ်။
အဲဒီလို ဆွေးနွေးတဲ့အခါမှာ တပ်နေရာချထားရေးကိစ္စ၊ စစ်ပွဲတွေ ဆက်လက်မဖြစ်ပွားအောင် စည်းမျဉ်းစည်း ကမ်းတွေ သတ်မှတ်ရေးကိစ္စတွေကို လက်တွေ့ကျကျ ဆွေးနွေးဖို့ လိုအပ်ပါတယ်။ မဖြစ်နိုင်တာ မဖြစ်သင့်တာတွေကို ဇွတ်အတင်း ဖိအားပေး လက်ခံခိုင်းပြီး ကြန့်ကြာစေတာမျိုးကို အထူး သတိပြုသင့်တယ်လို့ အလေးအနက် ထောက်ပြ ချင်ပါတယ်။
ပြည်သူတွေကို မျက်နှာမူပြီး၊ ငြိမ်းချမ်းရေးကို အလေးအနက် အာရုံထားပြီး ဆွေးနွေးအဖြေရှာဖို့ တောင်းဆိုပါ တယ်။ လူကြည့်ကောင်းရုံ ဟန်ပြမဟုတ်ဘဲ လူထုတွေ သွေးမျက်ရည်တစ်စက်မှ ထပ်ပြီး မကျရတော့အောင် တကယ့် စိတ်ရင်းနဲ့ ဆောင်ရွက်ကြဖို့ လိုအပ်ပါတယ်။
“ စစ်ပွဲလို့ မသုံးနှုန်းရ၊ တိုက်ပွဲလို့သာ သုံးနှုန်းရမယ်၊ စစ်ဘေးဒုက္ခသည်စခန်းလို့ မသုံးရ၊ စစ်ရှောင်စခန်းလို့သာ သုံးရမယ်၊ တိုက်ပွဲရှောင်စခန်းလို့ သုံးရမယ်”ဆိုတဲ့ တဖက်ကို ဂုဏ်သိက္ခာထိခိုက်စေတဲ့၊ လက်တွေ့ဖြစ်ရပ်တွေအပေါ် လေးနက်မှုလျော့ကျစေတဲ့ စကားလုံးသုံးစွဲမှုကအစ အပေါ်စီးယူလိုက်ရမှဆိုတဲ့ စိတ်ထားမျိုးနဲ့ လုံးဝ အလုပ်မဖြစ်နိုင်ပါ။ ကျိုင်းတုံဆွေးနွေးပွဲအပြီးမှာကိုပဲ စစ်ပွဲတွေ ဆက်ဖြစ်နေတာ၊ အရပ်သားထိခိုက်မှုတွေ ဆက်ရှိနေတာတွေအပေါ် တနိုင် ငံလုံးက အလွန်အမင်း စိတ်မသက်မသာ ဖြစ်ကြရပါတယ်။
မြန်မာနိုင်ငံရဲ့ လက်တွေ့က စစ်ပွဲတွေ ကြာလာတာနဲ့အမျှ လူထုက ဒုက္ခတွေ ပိုပိုပြီးသည်းသန်၊ စစ်ပွဲကို အမှီ ပြုပြီး ချမ်းသာတဲ့လူတစုကကျ ထားစရာမရှိတော့အောင် ပိုပိုပြီးချမ်းသာ ဆိုတာမျိုး ဖြစ်နေတယ်။ မျက်ဖြူဆိုက်လေ ဆရာကြိုက်လေစိတ်ထားနဲ့ ဇယားရွှေ့ရုံသာ ရွှေ့နေကြမယ်ဆိုရင်တော့ ငြိမ်းချမ်းရေးကို စီးပွားဖြစ် အကျိုးစီးပွားထုတ် လုပ်ရေးယန္တရားလို အသုံးချပြီး လူထုကိုလှည့်စားနေတာသာ ဖြစ်လိမ့်မယ်လို့ ထောက်ပြချင်ပါတယ်။

လူ့ဘောင်သစ်ဒီမိုကရက်တစ်ပါတီ(ဌာနချုပ်)
စက်တင်ဘာ ၅ ရက်၊ ၂၀၁၉။

မှီငြမ်းကိုးကား။
၁။ Eastern Review News Agency
၂။ ကျိုင်းတုံမြို့ဆွေးနွေးမှု ပူးတွဲသတင်းထုတ်ပြန်ချက် (၂၀၁၉ခုနှစ်၊ သြဂုတ်လ၊ ၃၁ရက်)

၂၀၁၉၊ သြဂုတ်၊ ၃၁။ ပဲခူး။
………………………………………………………………………………
ပဲခူးမြို့ မေတ္တာစင်တာတွင် ၂၉၊ ၈၊ ၂၀၁၉ မှ ၃၁၊၈၊၂၀၁၉ အထိ ၃ ရက်တိုင် “ လူထုအကျိုးပြုသော လွှတ် တော်ကိုယ်စားလှယ်များ အားကောင်းလာစေရေး” ခေါင်းစဉ်ဖြင့် အလုပ်ရုံဆွေးနွေးပွဲတရပ်ကို ပြုလုပ်ခဲ့ကြပါသည်။ ဆွေးနွေးပွဲကို Burma Monitor၊၊ ပေါင်းကူးနှင့် ပုံရိပ်တို့က ဦးဆောင် ကမကထပြု ဆောင်ရွက်ခဲ့ကြခြင်းဖြစ်ပြီး တိုင်းနှင့်ပြည်နယ် ၁၄ ခုမှ လွှတ်တော်ကိုယ်စားလှယ်များ၊ နိုင်ငံရေးပါတီများ၊ လူထုလူတန်းစားအဖွဲ့အစည်းများ၊ လူထု အခြေပြုအရပ်ဖက်အဖွဲ့အစည်းများ စုစုပေါင်း ၁၀၀ ခန့် တက်ရောက်ဆွေးနွေးခဲ့ကြပါသည်။
အားကောင်းလာသော၊ လူထုအသံကို ထင်ဟတပ်ဖော်ထုတ် ဆောင်ရွက်ပေးနိုင်သော လွှတ်တော်များ ဖြစ်ထွန်းလာစေရေးအတွက် အဓိကကျသည့် အခြေခံစဉ်းစားချက်များ သိမြင်တိုးပွားလာစေရန် ရည်ရွယ် ဆောင်ရွက်ကြခြင်း ဖြစ်ပါသည်။
ပညာရေးကဏ္ဍ၊ ကျန်းမာရေးကဏ္ဍ၊ ဖွံ့ဖြိုးရေးကဏ္ဍ၊ အခြေခံအဆောက်အဦကဏ္ဍ၊ လျှပ်စစ်နှင့်ရေအရင်း အမြစ်ကဏ္ဍ၊ ပို့ဆောင်ရေးနှင့်ဆက်သွယ်ရေးကဏ္ဍ၊ အုပ်ချုပ်ရေးကဏ္ဍ၊ မြေယာကဏ္ဍ၊ သဘာဝနှင့်သယံဇာတကဏ္ဍ၊ လူကုန်ကူးမှုတားဆီးကာကွယ်ရေးကဏ္ဍ၊ အလုပ်သမားနှင့်လူဝင်မှုကြီးကြပ်ရေးကဏ္ဍ၊ စီးပွားရေးကဏ္ဍ၊ စိုက်ပျိုးရေးနှင့် မွေးမြူရေးကဏ္ဍ၊ မူးယစ်ဆေးဝါးတိုက်ဖျက်ရေးကဏ္ဍ၊ ပဋိပက္ခနှင့်ငြိမ်းချမ်းရေးလုပ်ငန်းစဉ်ကဏ္ဍ စသည့် ခေါင်းစဉ် ၁၅ ခုအပေါ်မူတည်ပြီး ပြင်ဆင်ထားသင့်သည့် အခြေခံအမြင်နှင့် ဆောင်ရွက်ရန်ကိစ္စများကို ဆွေးနွေးစုစည်းခဲ့ကြပါသည်။
ထိုဆွေးနွေးပွဲကို ပါတီကိုယ်စား ပါတီဗဟိုအလုပ်အမှုဆောင်ကော်မတီဝင် ဦးငွေလင်းနှင့် လူ့ဘောင်သစ်လူငယ် ဗဟိုလုပ်ငန်းကော်မတီဝင် ကိုဝေဇင်တို့ တက်ရောက်ဆွေးနွေးပြီး အမြင်ဖလှယ်ခဲ့ကြပါသည်။ ၎င်းဆွေးနွေးပွဲကို နောက်တစ်ကြိမ် ထပ်မံပြုလုပ်သွားကြရန်လည်း ညှိနှိုင်းခဲ့ကြပါသည်။

၂၉၊ ၈၊၂၀၁၉။ ချောင်းသာမြို့။
………………………………………………………………………………
လူ့ဘောင်သစ်ဒီမိုကရက်တစ်ပါတီ ချောင်းသာမြို့ပါတီဝင်ရဲဘော်များနှင့် တွေ့ဆုံပွဲကို ၂၉၊ ၈၊၂၀၁၉ ရက်နေ့ တွင် ချောင်းသာမြို့ ပါတီရုံးခန်း၌ ပြုလုပ်ခဲ့ပါသည်။ တွေ့ဆုံပွဲတွင် ချောင်းသာမြို့ကော်မတီဝင်များ ပါတီဝင်များ ပါတီဗဟိုအလုပ်အမှုဆောင် ဦးစောအောင်နှင့် ပါတီဗဟိုကော်မတီ ဦးမောင်မောင်ကြီးတို့ တက်ရောက်ခဲ့ကြပါသည်။ အစည်းအဝေးတွင် ရပ်ကျေးရုံးခန်းများဖွင့်လှစ်ရန် စီစဉ်ဆောင်ရွက်နေမှု မြေလွတ်မြေရိုင်းများ လျှောက်ထားခြင်း လမ်းတိုးချဲ့ခြင်း စသည့် လူထုအကျိုးပြုလုပ်ငန်းများ ဆောင်ရွက်နေမှု အခြေအနေများ ပါတီလူငယ်ဆိုင်ရာအခြေအနေများကို ဆွေးနွေးခဲ့ကြပါသည်။