လူ့ဘောင်သစ်ဒီမိုကရက်တစ်ပါတီ
ပါတီခေါင်းဆောင်များ၏ ပြည်သူ့ထံသို့ နိုင်ငံရေးသတင်းစကား

ပြည်တွင်းစစ် ရပ်စဲရေး ပြည်တွင်းငြိမ်းချမ်းရေးနဲ့ ပတ်သက်ပြီး ကျွန်တော်နည်းနည်းလေး တင်ပြချင်ပါတယ်။ ပြည်တွင်းစစ် ဒီလောက်ထိရှည်ကြာနေတာ ဘာကြောင့်လဲဆိုတဲ့ အချက်မှာ ဒီမိုကရေစီဆိတ်သုန်းတာနဲ့ အမျိုးသားတန်းတူခွင့် ကိုယ်ပိုင်ပြဌာန်းခွင့်တွေ ကင်းမဲ့တာကြောင့်ဖြစ်ပါတယ်။ အဲတာ တွေနဲ့ ပတ်သက်ပြီးတော့မှ ငြိမ်းချမ်းရေးဆွေးနွေးတဲ့ အစိုးရအဆက်ဆက်က တိတိကျကျဘာမှမလုပ်ခဲ့ပဲနဲ့ အကုန် အတုအယောင်တွေကြီးပဲလုပ်ခဲ့တယ်။ ဒီဘက်ခေတ် ဒီမိုကရေစီအကူးအပြောင်းခေတ်မှာ ရှိတဲ့အစိုးရ တွေက ငြိမ်းချမ်းရေးဆွေးနွေးပွဲနဲ့ ပတ်သက်ပြီးနည်းနည်းရှေ့ရောက်လာတယ်လို့ ပြောလို့ရတယ်။ သို့ပေမဲ့ လိုအပ်ချက်တွေက အများကြီးပဲ ဒါကြောင့်မို့ စစ်ပွဲတွေက ဆက်ဖြစ်နေတယ်။ အထူးသဖြင့်ဆိုရင်တော့ ရခိုင်မြောက်ပိုင်းဒေသနဲ့ ချင်းပြည်နယ်မှာ ဖြစ်နေတဲ့ စစ်ပွဲတွေက တော်တော်ကြေကွဲစရာကောင်းတဲ့စစ်ပွဲတွေဖြစ်ပါတယ်။ ဒီစစ်ပွဲတွေရဲ့အကျိုးဆက်ကြောင့် အမုန်းတရားတွေ အာယာတတွေ အမျိုးသားသွေးစည်းညီညွှတ်မှု ပြိုကွဲမှုတွေ ယုံကြည်ကင်းမဲ့မှုတွေဖြစ်လာနိုင်တယ်။ မြန်နိုင်သမျှအမြန်ရပ်တန့်ဖြစ်ဖို့လိုတယ်။ ဖြေရှင်းပစ်ဖို့လိုတယ်။ အဲအချိန်မှာ တံဆိပ် ဆိုးတွေ ကပ်နေမဲ့အစား မပြီးဆုံးနိုင်မဲ့တိုက်ပွဲတွေတိုက်နေမဲ့အစား တန်းတူရည်တူ လွတ်လွတ်လပ်လပ် တစ်ဦးကိုတစ်ဦးတန်းဖိုးထားပြီးတော့မှ အသိအမှတ်ပြုပြီးတော့မှ အမျှော်မြင်ကြီးကြီးနဲ့ ဆွေး နွေးကြဖို့လိုတယ်လို့ ကျွန်တော်တို့အနေနဲ့ထောက်ပြချင်တယ်။

ဦးငွေလင်း
ဗဟိုအလုပ်မှုဆောင်ကော်မတီ
လူ့ဘောင်သစ်ဒီမိုကရက်တစ်ပါတီ

လူ့ဘောင်သစ်ဒီမိုကရက်တစ်ပါတီ ပါတီခေါင်းဆောင်များ၏ ပြည်သူ့ထံသို့ နိုင်ငံရေးသတင်းစကား

ဖက်ဒရယ်ဆိုတာကို ဖြည့်ပြောချင်တာဖြစ်ပါတယ် ဒါကရှေ့မျိုးဆက်စီက ကျွန်တော်တို့လက်ဆင့်ကမ်းပြီးတော့ ခံယူခဲ့တဲ့ စိတ်ကူးအိမ်မက် တန်ဖိုးထားမှု တစ်ခုလို့ဆိုရမှာပါ ဒီနိုင်ငံကိုနိုင်ငံတော် တစ်ရပ်အဖြစ်စပြီးတော့အခြေ သယ်ခဲ့တဲ့ခေါင်းဆောင်တွေစီကနေ လက်ဆင့်ကမ်းလာတာလဲဖြစ်ပါတယ် ဒါကိုလက်တွေ့အကောင်ထည်ဖော်ဖို့အတွက် မျိုးဆက်တွေနဲ့ချီပြီး ဘဝတွေအသက်တွေရင်းပြီးတော့ အားထုတ်ခဲ့ကြတယ် ကြိုးပမ်းခဲ့ကြတယ် ဒါပေမယ့် အခုလူငယ်မျိုးဆက်သစ်တွေစီကြတော့ ဒါကိုအလေးပေးတန်ဖိုးထားမှုတွေက လျော့သွားတာတွေရတယ် သူတို့တိမ်းညွတ်မှုက ကွန်ဖက်ဒရေးရှင်းတို့ သီးခြားလွတ်လပ်တဲ့ နိုင်ငံတို့ဖြစ်သွားပြီး ဒါဟာသမိုင်းလက်တွေ့ က စိတ်ပျက်ဝမ်းနည်းစရာကောင်းအောင် သင်ကြားလိုက်တဲ့ သင်ကြားချက်တွေကြောင့် ရုပ်တိနည်းကြလူငယ်တွေပြောင်းလဲသွားတာဖြစ်ပါတယ်။ ဒါကိုပြန်ပြင်ဖို့ဆိုရင် ကျွှန်တော်တို့ နိုင်ငံရေးအင်အားစုအားလုံးမှာ တာဝန်သေသေချာချာရှိတယ် ဒီအလားအလာဆိုးလက်က မျိုးဆက်တွေကို ဆယ်တင်ဖို့ဆိုရင် ဒီနိုင်ငံကိုဦးဆောင်ဦးရွက်ပြုပြီးတော့စီမံခန့်ခွဲနေသူတွေက တာဝန်အရှိဆုံး လို့ပြောချင်တယ် ဒါကိုကျွန်တော်သတိပေးချင်တာဖြစ်တယ်။

ဦးသီဟထွဋ်ခင်
အထွေထွေအတွင်းရေးမှုး
လူ့ဘောင်သစ်ဒီမိုကရက်တစ်ပါတီ

လူ့ဘောင်သစ်ဒီမိုကရက်တစ်ပါတီ ပါတီခေါင်းဆောင်များ၏ ပြည်သူ့ထံသို့ နိုင်ငံရေးသတင်းစကား

ဦးအောင်မိုးဇော်ဥက္ကဋ္ဌ

”လွတ်လပ်မှု ၊ တန်းတူမှု ၊ သွေးစည်းညီညွတ်မှု” ဆိုတဲ့ နိုင်ငံရေးတန်ဖိုးတွေက ကျွန်တော်တို့ လူ့ဘောင်သစ်ဒီမိုကရက်တစ်ပါတီ က အသေအချာကိုဆုပ်ကိုင်ပြီးတန်ဖိုးထားတဲ့ တန်ဖိုးတွေဖြစ်ပါတယ်။လွတ်လပ်မှု ရှိမှ တန်းတူမှုရှိမှ ကျွန်တော်တို့တောင်းဆိုနေတဲ့ ဒီမိုကရေစီလူ့အဖွဲ့အစည်းကို တည်ဆောက်သွား နိုင်မှာဖြစ်သလို လွတ်လပ်မှုမဲ့ရင် တန်းတူမှုမဲ့ရင် ကျွန်တော်တို့တောင်းဆိုနေတဲ့ ဒီမိုကရေစီလူ့အဖွဲ့အစည်း ဆိုတာကလည်းဘဲ အဓိပ္ပါယ်မဲ့မှာဖြစ်ပါတယ်။ဒီလိုလွတ်လပ်မှုတွေ ဒီလိုတန်းတူညီတူရှိမှုတွေကို ရရှိခံစားနိုင်ဖို့အတွက် ကျွန်တော်တို့အားလုံး စည်းစည်းလုံးလုံးညီညီညွတ်ညွတ် သွေးစည်းညီညွတ်ပြီးတော့ အတူတကွတိုက်ပွဲဝင်ကြရမယ် ၊ အတူတကွရုန်းကန်ကြရမယ်ဖြစ်တယ်လို့ ကျွန်တော်တို့အခိုင်အမာ ယုံကြည်ပါတယ်။ဦးအောင်မိုးဇော်ဥက္ကဋ္ဌလူ့ဘောင်သစ်ဒီမိုကရက်တစ်ပါတီ