Month: September 2016

၂၉၊ ၉၊ ၂၀၁၆ ရက်နေ့တွင် ပါတီအထွေထွေအတွင်းရေးမှူး ဦးငွေလင်းသည် ဧရာဝတီတိုင်းဒေသကြီး စည်းရုံး ရေးကော်မတီရုံး၌ တိုင်းစည်းများနှင့် သွားရောက် တွေ့ဆုံခဲ့ပါသည်။ ဆွေးနွေးပွဲသို့ တိုင်းစည်းရုံးရေးကော်မတီဝင်များ တက်ရောက်ခဲ့ကြပြီး
ဦးငွေလင်းက ဗဟိုစည်းရုံးရေးကော်မတီ အစည်းအဝေးရရှိချက်၊ ပါတီတည်ဆောက်ရေးဆိုင်ရာ အလုပ်ရုံဆွေးနွေးပွဲ ရရှိချက်များကို အခြေခံပြီး ပါတီဋ္ဌာနချုပ် နောက်ဆုံးစုစည်းချက်များကို မိတ်ဆက်ပေးပါသည်။
ယနေ့ကာလ အခြေအနေတခုလုံးအပေါ် ထားရမည့်သဘောထား၊ ငြိမ်းချမ်းရေးလုပ်ငန်းစဉ်အပေါ် ထားရ မည့်သဘောထား၊ ဒေါ်အောင်ဆန်းစုကြည်နှင့် အစိုးရသစ်အပေါ် ထားရမည့်သဘောထား၊ လယ်သမားအရေး ဆောင် ရွက်ရန် ပြင်ဆင်ထားမှုများ၊ ပါတီ၏အခန်းကဏ္ဍနှင့် ၂၀၂၀ ပါတီမျှော်မှန်းချက်၊ ပါတီတည်ဆောက်ရေးဆိုင်ရာ အခြေခံ စဉ်းစားချက်များကို မိတ်ဆက်ပေးပါသည်။ ဧရာဝတီတိုင်းဒေသကြီး စည်းရုံးရေးကော်မတီဝင်များကလည်း ဒေသဆိုင်ရာ နောက်ဆုံးအခြေအနေများနှင့် ဆောင်ရွက်ထားမှုများကို တင်ပြကြပါသည်။
ဆက်လက်ပြီး ၂၀၁၆ ခုနှစ်အတွင်း ယခုအထိ ဖွဲ့စည်းပြီး မြို့နယ်စည်းကော်မတီများ ပြန်လည်စိစစ်စုဖွဲ့ပေးရန်၊
ဧရာဝတီတိုင်းဒေသကြီး စည်းကော်မတီ ပြန်လည်စုဖွဲ့ရန်၊ အထက်အောက်စီးဆင်းမှု ရှင်သန်နေစေရေးအတွက် ကြိုး ပမ်းသွားရန် စသည့် လတ်တလောလုပ်ဆောင်သွားရန် လုပ်ငန်းများကို ဆွေးနွေးညှိနှိုင်းခဲ့ကြပါသည်။

ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER) လုပ်ငန်းအဖွဲ့အစည်းအဝေးကို ၂၆၊ ၉၊ ၁၆ ရက်နေ့ ညနေပိုင်းက ရန်ကုန်မြို့၌ ပြုလုပ်ခဲ့ပါသည်။ မကွေးမြို့၌ ၂၀၁၆၊ အောက်တိုဘာလ ၁ ရက်နှင့် ၂ ရက်နေ့တို့တွင် ကျင်းပပြုလုပ်မည့် NNER ပြည်နယ်နှင့်တိုင်းကွန်ရက်များ၏ ၆ လပတ် အစည်းအဝေးနှင့် ပညာရေးဟောပြောဆွေးနွေးပွဲတို့အတွက် အသေးစိတ်ပြင်ဆင်ရမည့် ကိစ္စရပ်များ၊ ရှေ့လုပ်ငန်းစဉ်များ စသည်တို့ကို ဆွေးနွေးညှိနှိုင်းခဲ့ကြပါသည်။

ကရင်ပညာရေးဌာန Karen Education Department(KED) နှင့် World Education တို့ ပူးပေါင်း၍ ကရင်ပြည်နယ်ပညာရေးအတွက် ဆောင်ရွက်နေမှုများ၊ လေ့လာတွေ့ရှိချက်များ၊ အစိုးရသို့ အကြံပြုချက်များ (School Committees and Community Engagement in Education in Karen State) အား ရှင်လင်းတင်ပြသည့် အခမ်းအနားကို ၂၆၊ ၉၊ ၁၆ ရက်နေ့ နံနက်ပိုင်းက Summit Parkview Hotel ၌ ပြုလုပ်ခဲ့ပါသည်။ ကရင်ပြည်အတွင်းရှိ ကျောင်းနေရွယ်ကလေးများ ပညာသင်ကြားနိုင်ရေးအတွက် ဆောင်ရွက်ရာတွင် တွေ့ရှိရသည့် လမ်းပန်းဆက်သွယ်ရေး အခက်အခဲ၊ ဆင်းရဲနွမ်းပါးမှု၊ ဆရာဆရာမများ အရည်အသွေးမြှင့်တင်ရေး၊ မိခင်ဘာသာစကားဖြင့် သင်ကြားနိုင်ရေး၊ အစိုးရကျောင်းများတွင် ဆက်လက်ပညာသင်ကြားနိုင်ရေး၊ ကျောင်းအခြေပြု စီမံခန့်ခွဲပိုင်ခွင့် အစရှိသည့် အခြေအနေများကို တင်ပြခဲ့ပြီး တက်ရောက်လာသူများ၏ မေးမြန်းဆွေးနွေးချက်များကို တာဝန်ရှိသူများက ပြန်လည်ရှင်းလင်း ဖြေကြားပေးခဲ့ ကြပါသည်။ ၎င်းအခမ်းအနားသို့ ပြည်တွင်းနှင့် နိုင်ငံတကာ ပညာရေးအဖွဲ့အစည်းများ၊ ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER)လုပ်ငန်းအဖွဲ့မှ ဒေါက်တာသိန်းလွင်၊ ဒေါ်သူသူမာ၊ ဒေါ်နှင်းနှင်းမွှေး၊ ဦးစိုးထွန်း၊ ကိုဘုန်းပြည့်ကြွယ်တို့ တက်ရောက်ခဲ့ကြပါသည်။

ဦးအောင်ထိုက်(စိတ်တိုင်းကျ)၏ ဈာပနအခမ်းအနားကို ၂၅၊ ၉၊ ၁၆ ရက်နေ့လည်ပိုင်းက ရန်ကုန်မြို့ ရေဝေးသုသန်တွင် ကျင်းပခဲ့ရာ လူ့ဘောင်သစ်ဒီမိုကရက်တစ်ပါတီက ၀မ်းနည်းကြောင်းသ၀ဏ်လွှာနှင့် လွမ်းသူ့ပန်းခြင်း ပေးပို့ဂုဏ်ပြုခဲ့ပါသည်။ ဦးအောင်ထိုက်သည် ၇၄-၇၅-၇၆ နိုင်ငံရေးအင်အားစုများ အလုပ်အမှုဆောင်၊ ဆရာကြီးသခင်ကိုယ်တော်မှိုင်း ဂူဗိမာန်ထိန်းသိမ်းစောင့်ရှောက်ရေးအဖွဲ့ ဥက္ကဋ္ဌ၊ သခင်ကိုယ်တော်မှိုင်း ငြိမ်းချမ်းရေးကွန်ရက် အဖွဲ့ဝင်၊ ဟံသာဝတီဦးဝင်းတင်ဖောင်ဒေးရှင်း အလုပ်အမှုဆောင်၊ NLD လူမှုထောက်ကူပြုအဖွဲ့ ဒုဥက္ကဋ္ဌ၊ နိုင်ငံရေးအကျဉ်းသားဟောင်းများအဖွဲ့ အကြံပေး စသည့်နိုင်ငံရေးတာဝန်များကို မကွယ်လွန်မီအချိန်ထိ တက်ကြွစွာ ထမ်းဆောင်ခဲ့သူဖြစ်ပါသည်။ ဈာပနအခမ်းအနားတွင် NLD နာယကကြီးဦးတင်ဦး၊ ၇၄-၇၅-၇၆ နိုင်ငံရေးအင်အားစုများမှ ဦးဝင်းကျော်၊ ဆရာကြီးသခင်ကိုယ်တော်မှိုင်း ဂူဗိမာန်ထိန်းသိမ်းစောင့်ရှောက်ရေးအဖွဲ့ နာယက ဆရာဦးအံ့မောင်(မုံရွာ)၊ သခင်ကိုယ်တော်မှိုင်း ငြိမ်းချမ်းရေးကွန်ရက်(ပဲခူး)မှ ဦးကျော်ကျော်၊ ၈၈ ငြိမ်း-ပွင့်မှ ဦးကိုကိုကြီး၊ ဗကသများအဖွဲ့ချုပ်ဥက္ကဋ္ဌ ကိုကျော်ကိုကိုတို့က ဂုဏ်ပြုအမှတ်တရစကား ပြောကြားခဲ့ကြပါသည်။ ဟံသာဝတီဦးဝင်းတင်ဖောင်ဒေးရှင်း၊ လူ့ဘောင်သစ်ဒီမိုကရက်တစ်ပါတီ၊ ပြည်ပရောက် ၈၈ အင်အားစုများ၏ ၀မ်းနည်းကြောင်းသ၀ဏ်လွှာများကိုလည်း ဖတ်ကြားခဲ့ကြပါသည်။

နိုင်ငံရေးအကျဉ်းသားဟောင်းများအဖွဲ့ FPPS မှ စီစဉ်သော “ဗဟိုချုပ်ကိုင်မှု လျှော့ချရုံလောက်နဲ့ ဒီမိုကရေစီဖက်ဒရယ်ပြည်ထောင်စု ဖြစ်ပြီလား” ဟောပြောဆွေးနွေးပွဲကို ၂၄၊ ၉၊ ၁၆ ရက်နေ့လည် ၂း၀၀ နာရီမှ ၅း၀၀ နာရီအထိ ရန်ကုန်မြို့၊ တော်ဝင်နှင်းဆီစားသောက်ဆိုင်တွင် ကျင်းပပြုလုပ်ခဲ့ပါသည်။ ဆွေးနွေးပွဲတွင် ဒေါက်တာကျော်ဝင်း(ပါမောက္ခ၊ဌာနမှူး၊ ရန်ကုန်တက္ကသိုလ် သမိုင်းဌာန-အငြိမ်းစား)၊ ဦးခွန်မြင့်ထွန်း(ဥက္ကဋ္ဌ- ပအိုဝ်းအမျိုးသား လွတ်မြောက်ရေးအဖွဲ့)၊ ဒေါက်တာရန်မျိုးသိန်း(မြန်မာ့နိုင်ငံရေး လေ့လာသုံးသပ်သူ)တို့က ဖက်ဒရယ်ပြည်ထောင်စုဆိုင်ရာ အယူအဆများ၊ ကမ္ဘာ့နိုင်ငံများတွင် ကျင့်သုံးလျှက်ရှိသည့် ဖက်ဒရယ်စနစ်ပုံစံများ၊ မြန်မာနိုင်ငံတွင် ဖက်ဒရယ်စနစ် တည်ဆောက်နိုင်ရေးအတွက် မဖြစ်မနေ လုပ်ဆောင်ရမည့်၊ လုပ်ဆောင်သင့်သည့် အချက်များ၊ ရှိသင့်ရှိထိုက်သော အခြေခံ သဘောတရားများကို ဟောပြောတင်ပြခဲ့ပြီး တက်ရောက်လာသူများ၏ မေးခွန်းများကို ပြန်လည် ဆွေးနွေးဖြေကြားပေးခဲ့ကြပါသည်။ ၎င်းဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း နှင့် အတွင်းရေးမှူး ၂ ဒေါ်နှင်းနှင်းမွှေးတို့လည်း တက်ရောက်ဆွေးနွေးခဲ့ကြပါသည်။

မြန်မာ့လွတ်လပ်ရေး ကြိုးပမ်းမှုသမိုင်းတွင် ထင်ရှားသော ခေါင်းဆောင်တဦးဖြစ်သည့် သခင်ဗဟိန်း(၁၉၁၇-၁၉၄၆) နှစ်(၁၀၀)ပြည့်အခမ်းအနား ကျင်းပနိုင်ရေးအတွက် အမှုဆောင်ကော်မတီဖွဲ့စည်းသည့် အစည်းအဝေးကို ၂၀၁၆၊ စက်တင်ဘာ ၂၄ ရက် နံနက် ၉း၀၀ နာရီက မန္တလေးမြို့ရှိ နိုင်ငံရေးအကျဉ်းသားဟောင်းများကွန်ရက် ရုံးခန်း၌ ကျင်းပခဲ့ပါသည်။ ထိုအစည်းအဝေးသို့ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက် အထက်မြန်မာပြည် အဖွဲ့ဝင်များ၊ ဗကသများအဖွဲ့ချုပ်ခေါင်းဆောင်များ၊ နိုင်ငံရေးအကျဉ်းသားဟောင်းများ၊ လူထုအခြေပြု အရပ်ဖက်အဖွဲ့အစည်းများ၊ သခင်ဗဟိန်းကို ချစ်ခင်လေးစားသူများ တက်ရောက်ခဲ့ကြပါသည်။ လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီဝင် ဒေါ်မေဖြူဆွေ၊ မန္တလေးတိုင်းစည်းရုံးရေးကော်မတီဝင် ဦးဇော်ဝင်းနှင့် ဦးသန်းထွန်းအောင်တို့လည်း တက်ရောက်ခဲ့ကြပါသည်။

Danish Social Democratic Party ကွန်ဂရက်ကို ၂၃၊ ၉၊ ၂၀၁၆ ရက် နေ့လည် ၁း၀၀ နာရီက ဒိန်းမတ်နိုင်ငံ၊ အားဘတ်ဂ်မြို့၌ စတင်ကျင်းပခဲ့ပါသည်။ ၎င်းကွန်ဂရက်သို့ တက်ရောက်သူ ၁၀၀၀ ခန့်ရှိရာ Danish Social Democratic Party ၏ မဟာမိတ်ပါတီများမှ ကိုယ်စားလှယ်များ နှင့် သံအမတ်များအပါအ၀င် နိုင်ငံတကာမှ ဧည့်သည်တော် ၇၀ ကျော်လည်း တက်ရောက်ခဲ့ကြပါသည်။ မြန်မာနိုင်ငံမှ လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် ရှမ်းအမျိုးသားများဒီမိုကရေစီအဖွဲ့ချုပ်မှ ဦးစိုင်းလင်းမြတ်တို့လည်း SODEM-ASIA ၏ ကိုယ်စားလှယ်များအဖြစ် တက်ရောက်ခဲ့ကြပါသည်။

Progressive Alliance Seminar: Living together in a New World, Building solidarity and Social Justice ကို အင်ဒိုနီးရှားနိုင်ငံ၊ ဒင်ပဆာ၊ ဘာလီရှိ Padma Resort Hotel တွင် ၂၀၁၆၊ စက်တာင်ဘာ ၁၉ နှင့် ၂၀ တို့၌ ပြုလုပ်ကျင်းပခဲ့ပါသည်။ Indonesian Democratic Party of Struggle (PDI) က အိမ်ရှင်အဖြစ် လက်ခံကျင်းပခဲ့ခြင်း ဖြစ်ပြီး ဆွီဒင်၊ ဂျာမနီ၊ ကော့စတာရီကာ၊ မိုရိုကို၊ တူနီးရှား၊ နယ်သာလန်၊ အင်္ဂလန်၊ ဂျော်ဂျီယာ၊ အီရပ်၊ ပါလက်စတိုင်း၊ တီမောလက်စတေး၊ သြစတြေလျ၊ အိန္ဒိယ၊ မလေးရှား၊ အင်ဒိုနီးရှား၊ မွန်ဂိုလီးယား၊ နီပေါ၊ ပါကစ္စတန်၊ ဖိလစ်ပိုင်၊ တောင်ကိုရီးယား၊ မြန်မာနိုင်ငံတို့မှ နိုင်ငံရေးပါတီခေါင်းဆောင်များ တက်ရောက်ခဲ့ကြပါသည်။ ၎င်းဆီမီနာသို့ မြန်မာနိုင်ငံမှ လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် ဗဟိုဦးဆောင်ကော်မတီဝင် ဒေါ်နိုးနိုးထက်စံတို့ တက်ရောက်ဆွေးနွေးခဲ့ကြပါသည်။