ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်ကို သမိုင်းလိုအပ်ချက်အရ ကျောင်းသူကျောင်းသားများကိုယ်တိုင် တည်ထောင်ဖွဲ့စည်းခဲ့သည်မှာ ၂၀၁၅ ခုနှစ်မေလ (၈) ရက်နေ့တွင် (၇၉) နှစ် တင်းတင်း ပြည့်မြောက်ခဲ့ပြီ ဖြစ်ပါသည်။ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ (၇၉) နှစ်တာသမိုင်းသည် နယ်ချဲ့ဆန့်ကျင်ရေး၊ အမျိုးသားလွတ် မြောက်ရေး၊ ဒီမိုကရေစီရေးနှင့် ပြည်တွင်းငြိမ်းချမ်းရေး လှုပ်ရှားမှုသမိုင်း ဖြစ်သည်။ တနည်းအားဖြင့် လူမျိုးစုံမြန်မာပြည်သူများ ရင် ဆိုင်ကြုံတွေ့နေရသည့် ဒုက္ခခပ်သိမ်းအတွက် ကိုယ်ကျိုးလုံးဝမပါပဲ လူထုရှေ့မှ မားမားမတ်မတ်ရပ်ပြီး လူထုနှင့်အတူ လက်တွဲရုန်း ကန်ခဲ့သည့်၊ ရုန်းကန်နေဆဲဖြစ်သည့် တိုက်ပွဲသမိုင်းလည်း ဖြစ်ပါသည်။ ဒီမိုကရေစီပညာရေးကို အပြည့်အ၀အာမခံသည့် အမျိုးသားပညာရေးဥပဒေတရပ် ရေးဆွဲပြဋ္ဌာန်းနိုင်ရေးအတွက် နိုင်ငံ အနှံ့မှ ကျောင်းသူကျောင်းသားများ၏ တောင်းဆိုတိုက်ပွဲဝင်နေမှုများသည် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ အစဉ်အလာကို ရဲရဲဝံ့ဝံ့ ဆက်ခံသယ်ဆောင် ထမ်းရွက်နေကြခြင်း ဖြစ်သည်ဟု မိမိတို့ပါတီက တန်ဖိုးထားပါသည်။ မိမိတို့ လူ့ဘောင်သစ်ဒီမိုကရက်တစ်ပါတီအနေဖြင့် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ မူ (၅) ချက်ကို အပြည့်အ၀ ထောက်ခံပါသည်။ ကျောင်းသူကျောင်းသားတို့၏ အမျိုးသားပညာရေးဆိုင်ရာတိုက်ပွဲကို အပြည့်အ၀ ထောက်ခံပါသည်။ အာဏာပိုင်များ၏ လက်ပံတန်းအကြမ်းဖက်ဖြိုခွဲမှုကို ပြတ်ပြတ်သားသား ရှုတ်ချပါသည်။ အဖမ်းဆီးခံကျောင်းသူကျောင်းသားများနှင့် ၀န်းရံပြည်သူများကို ခြွင်းချက်မရှိ အမြန်ဆုံးပြန်လွှတ်ပေးရန်နှင့် တရားစွဲဆို မှုများ၊ ဖမ်းဝရမ်းထုတ်မှုများကို ဖျက်သိမ်းပေးရန် အာဏာပိုင်များကို အလေးအနက် တောင်းဆိုပါသည်။ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် အပါအ၀င် တိုက်ပွဲဝင်ကျောင်းသူကျောင်းသားအားလုံးနှင့် အခိုင် အမာ လက်တွဲပြီး ယနေ့ကာလအမျိုးသားနိုင်ငံရေးတာဝန်များကို တက်ကြွစွာထမ်းရွက်သွားမည်ဖြစ်ကြောင်း ကတိသစ္စာပြုရင်း ဤ သ၀ဏ်လွှာကို ပေးပို့အပ်ပါသည်။ ဗဟိုစည်းရုံးရေးကော်မတီ လူ့ဘောင်သစ်ဒီမိုကရက်တစ်ပါတီ(ဋ္ဌာနချုပ်) ၂၀၁၅ ခုနှစ်၊ မေလ (၁၀) ရက်

၁။ ယနေ့ကျရောက်သော (၁၂၅)ကြိမ်မြောက် ကမ္ဘာ့အလုပ်သမားနေ့ (မေဒေး)၌ မေဒေးအကြိုကာလတွင်လည်းကောင်း၊ မေဒေးနှင့် မေဒေး အလွန် ကာလတွင်လည်းကောင်း မိမိတို့နှင့်ထိုက်တန်သော ကိုယ်ပိုင်အခွင့်အရေးများ၊ ဂုဏ်သိက္ခာအဆင့်အတန်းများကို ရရှိရန် ရာစုများချီ လျက် ပြင်းထန်၊ခက်ခဲသော တိုက်ပွဲများအကြား အသက်၊သွေး၊ချွေး ပေးဆပ် စွန့်လွှတ်ခဲ့ကြသည့် အလုပ်သမား ထုကြီးအား မိမိတို့ပါတီက အလေးအနက် ဦးညွှတ် ဂုဏ်ပြုအပ်ပါသည်။ ၂။ မိမိတို့နိုင်ငံတွင် ဒီမိုကရေစီရေး၊ငြိမ်းချမ်းရေး၊အမျိုးသားပြန်လည်သင့်မြတ်ရေး၊ တန်းတူ၍ ကိုယ်ပိုင်ပြဋ္ဌာန်းခွင့်ရှိသည့် ဖက်ဒရယ်ပြည် ထောင်စုထူထောင်ရေး စသည့် အရေးကြီးသောနိုင်ငံရေးပြဿနာရပ်များ ရင်ဆိုင် ဖြေရှင်းနေကြရသော ယခုကာလတွင် မြန်မာနိုင်ငံအလုပ် သမားလူထုမှာ အပတ်စဉ် နာရီ(၄၀)အလုပ်ချိန်အားဖြင့် တည်ဆဲ စားဝတ်နေမှုဘဝကုန်ကျစရိတ် ဖူလုံစွာရရှိနိုင်ရေး ဟူသော မေဒေးရလဒ်ကို ပြည့်ဝစွာ မခံစားကြရသေးဘဲ ယနေ့ထက်တိုင် အဖမ်းဆီး၊ အရိုက်နှက်၊ အညှဉ်းပမ်းများခံလျက် တိုက်ပွဲ ဝင်နေကြရဆဲ ဖြစ်ပေသည်။ ၃။ မိမိတို့နိုင်ငံ၏ အခရာကျသော အလုပ်သမားလူထုဘဝတွင် တရားမျှတခြင်း၊ ငြိမ်းချမ်းခြင်းများ ဆိတ်သုဉ်းနေသမျှ မိမိတို့ မျှော်မှန်းသော ငြိမ်းချမ်း၊ ညီညွတ်၊ လွတ်လပ်၊ တန်းတူသော ဖက်ဒရယ်ပြည်ထောင်စုသစ်နှင့် အစဉ်ဖွံ့ဖြိုးတိုးတက်သော လူ့အဖွဲ့ အစည်းသစ်တရပ် ထူ ထောင်၊ရရှိနိုင်ရေးမှာ အလှမ်းဝေးနေလိမ့်ဦးမည်ဟု မိမိတို့ပါတီက အလေးအနက် ယုံကြည်သည်။ ၄။ ထိုကြောင့် မိမိတို့ မျှော်မှန်းသည့် နိုင်ငံသစ်တရပ်၊ လူ့အဖွဲ့အစည်းသစ်တရပ် ထူထောင်နိုင်သည်အထိ အလုပ်သမားလူထုနှင့် အခိုင်အမာ သွေးစည်းလက်တွဲပြီး အားထုတ်ကြိုးပမ်းသွားမည်ဖြစ်ကြောင်း တည်ကြည်စွာ ကတိဓိဋ္ဌာန်ပြုလျက် ဤဂုဏ်ပြုသဝဏ်လွှာအား ပေးပို့လိုက် ပါသည်။ ဗဟိုစည်းရုံးရေးကော်မတီ လူ့ဘောင်သစ်ဒီမိုကရက်တစ်ပါတီ (ဋ္ဌာနချုပ်) ၂၀၁၅ ခုနှစ်၊ မေလ၊ ၁ ရက်။