Author: DPNS INFORMATION

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER)၏ လုပ်ငန်းညှိနှိုင်းအစည်းအဝေးကို ၂၀၁၆၊ ဩဂုတ်လ ၁၃ ရက်နေ့ညနေပိုင်းတွင် မကွေးမြို့ ကပ်ကျော်ပညာပါရမီကျောင်း၌ ပြုလုပ်ခဲ့ပါသည်။ အစည်းအဝေးသို့ NNER လုပ်ငန်းအဖွဲ့ဝင်များ၊ NNER ပြည်နယ်နှင့်တိုင်း ကွန်ရက်အဖွဲ့ဝင်များ၊ ဒေသခံကျောင်းသားသမဂ္ဂအဖွဲ့ဝင်များ တက်ရောက်ခဲ့ကြပါသည်။ အစည်းအဝေးတွင် လာမည့် အောက်တိုဘာလ ၁ ရက်နှင့် ၂ ရက်နေ့များတွင် မကွေးမြို့၌ ကျင်းပပြုလုပ်မည့် NNER ပြည်နယ်နှင့်တိုင်း ကွန်ရက်များ၏ ၆ လပတ်အစည်းအဝေးနှင့် ဟောပြောဆွေးနွေးပွဲအတွက် အသေးစိတ် အချက်အလက်များကို ညှိနှိုင်းတိုင်ပင်ခဲ့ကြပါသည်။

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) မကွေးကွန်ရက်မှ စီစဉ်ကျင်းပသော ပညာရေးဟောပြောဆွေးနွေးပွဲကို ၂၀၁၆၊ သြဂုတ်လ ၁၃ရက်နေ့ နံနက် ၉:၀၀ နာရီက မကွေးဟော်တယ်ခန်းမ၌ ပြုလုပ်ခဲ့ပါသည်။ ဟောပြောပွဲ၌ ဆရာဦးခင်မောင်ကြင်က ပညာရေးဖွံ့ဖြိုးတိုးတက်ရေးတွင် သင်ရိုးညွှန်းတမ်း အခန်းကဏ္ဏ၊ ကိုရဲဝင်းက ၂၀၁၆-၂၀၁၇ ပညာရေးနှစ်တွင် ကျောင်းအပ်နှံခွင့် ငြင်းပယ်ခံရသော မသန်စွမ်းကလေးများနှင့် ကျောင်းတွင်တွေ့ကြုံရသည့် အခက်ခဲများစစ်တမ်း၊ ဒေါက်တာသိန်းလွင်က လက်ရှိနိုင်ငံရေးအခြေအနေအောက်က ပညာရေးပြောင်းလဲမှုကို သုံးသပ်ခြင်းဟူသည့် ခေါင်းစဉ်များဖြင့် ဟောပြောခဲ့ကြပါသည်။ ဆွေးနွေးပွဲသို့ ပညာရေးပြုပြင်ပြောင်းလဲရေးကို စိတ်ပါဝင်စားသည့် ဒေသခံများ၊ ဆရာဆရာမများ၊ အငြိမ်းစားပညာရေးဝန်ထမ်းများ၊ ကျောင်းသားသမဂ္ဂများ၊ ပညာရေးလုပ်ငန်း လုပ်ဆောင်နေသည့် အဖွဲ့အစည်းများ၊ NNER လုပ်ငန်းအဖွဲ့ဝင်များ၊ NNER ပြည်နယ်နှင့်တိုင်း ကွန်ရက်အဖွဲ့ဝင်များ တက်ရောက်၍ သိလိုသည်များကို မေးမြန်းဆွေးနွေးခဲ့ကြပါသည်။

လူ့ဘောင်သစ်ဒီမိုကရက်တစ်ပါတီ ပြည်ခရိုင်မှ ဦးစီးကျင်းပသော ရှစ်လေးလုံးဒီမိုကရေစီအရေးတော်ပုံ ၂၈ နှစ်ပြည့် အခမ်းအနားကို DPNS ရွှေတောင်မြို့နယ်ရုံး၌ ၈၊၈၊၁၆ ရက်နေ့နံနက်ပိုင်းတွင် ကျင်းပခဲ့ပါသည်။ အခမ်းအနားတွင် လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်က အဖွင့်အမှာစကား ပြောကြားခဲ့ပါသည်။ ထို့နောက် ရွှေတောင်မြို့နယ် တိုင်းဒေသကြီးလွှတ်တော်ကိုယ်စားလှယ် ဦးညွန့်ဝေ၊ ရွှေတောင်မြို့နယ် ရှစ်လေးလုံးခေါင်းဆောင် ဦးဇော်မိုးကျော်၊ DPNS ပြည်ခရိုင်ဥက္ကဋ္ဌ ဦးအောင်မြင့်စိန်၊ ပြည်ခရိုင် ရှစ်လေးလုံးခေါင်းဆောင်တဦးဖြစ်သည့် ဦးချစ်ဆောင်ဦး၊ ၈၈ မျိုးဆက် ငြိမ်းချမ်းရေးနှင့်ပွင့်လင်းလူ့အဖွဲ့အစည်း(ပြည်)မှ ဦးညီညီ၊ သဲကုန်းမြို့နယ်လယ်သမားသမဂ္ဂမှ ဦးပေါက်စ၊ နိုင်ငံရေးအကျဉ်းသားဟောင်းများအဖွဲ့(ရွှေတောင်)မှ ဦးသန်းထွန်း၊ ရွှေတောင်ရှစ်လေးလုံးရဲဘော် ဦးမင်းမော်သိန်းတို့က အမှတ်တရဂုဏ်ပြုစကားများ ပြောကြားခဲ့ကြပါသည်။ ပါတီဥက္ကဋ္ဌ ဦးအောင်မိုးဇော်က အဖွင့်စကား ပြောကြားရာတွင် ၈၈ အရေးတော်ပုံ၏ ရည်မှန်းချက်များဖြစ်သည့် ဒီမိုကရေစီရေး၊ စစ်အာဏာရှင်စနစ် အကုန်အစင် ဖျက်သိမ်းရေး၊ ငြိမ်းချမ်းရေးတို့ကို မဖော်ဆောင်နိုင်သေးသည့်အတွက် နိုင်ငံရေးအင်အားစုများ၊ ပြည်သူများက ရှစ်လေးလုံး အရေးတော်ပုံစိတ်ဓာတ်ကို စွဲကိုင်ပြီး ညီညီညွတ်ညွတ်ဖြင့် ဆက်လက်ကြိုးပမ်းဆောင်ရွက်ကြဖို့ လိုအပ်ကြောင်း၊ နိုင်ငံရေး အာမခံချက်မရှိဘဲ ငြိမ်းချမ်းရေးမရနိုင်ကြောင်း၊ မြန်မာ့နိုင်ငံရေးပြသနာများဖြေရှင်းနိုင်ဖို့အတွက် ၂၀၀၈ ဖွဲ့စည်းပုံ အခြေခံဥပဒေကို အမြန်ဆုံး ပြင်ဆင်နိုင်ရန် အရေးကြီးကြောင်းတို့ကို ထည့်သွင်းပြောကြားခဲ့ပါသည်။ လူ့ဘောင်သစ်ဒီမိုကရက်တစ်ပါတီ(ဌာနချုပ်)၊ လူ့ဘောင်သစ်လူငယ်၊ DPNS (ပြည်ခရိုင်)၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်၊ အခြေခံပညာ ကျောင်းသားများသမဂ္ဂ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်(ပြည်ခရိုင်)၊ နိုင်ငံရေးအကျဉ်းသားဟောင်းများ အဖွဲ့၊ ပဲခူးတိုင်းအနောက်ခြမ်း ရှစ်လေးလုံးမျိုးဆက်ကျောင်းသား ရဲဘော်ဇော်နေမျိုးတို့က သဝဏ်လွှာများ ပေးပို့ခဲ့ကြပြီး မျိုးဆက်သစ်ကမ္ဘာမကြေသီချင်း သီဆိုကာ အခမ်းအနားကို ရုပ်သိမ်းခဲ့ပါသည်။ အခမ်းအနားသို့ ပြည်ခရိုင် နိုင်ငံရေးအင်အားစုများ၊ လူ့ဘောင်သစ်ဒီမိုကရက်တစ်ပါတီဝင်များ၊ လူ့ဘောင်သစ်လူငယ်များ၊ အမျိုးသားဒီမိုကရေစီအဖွဲ့ချုပ် ပါတီဝင်များ၊ ဗကသ နှင့် အကသရဲဘော်များ၊ မှိုင်းငြိမ်းကွန်ရက်အဖွဲ့ဝင်များ၊ နိုင်ငံရေးအကျဉ်းသားဟောင်းများ၊ ၈၈ အရေးတော်ပုံကာလ တိုက်ပွဲဝင်ရဲဘော်များ၊ သဲကုန်းမြို့နယ် တောင်သူလယ်သမားသမဂ္ဂအဖွဲ့ဝင်များ၊ ၈၈ ငြိမ်း-ပွင့် အဖွဲ့ဝင်များ၊ နိုင်ငံရေးလှုပ်ရှားတက်ကြွသူများ တက်ရောက်ခဲ့ကြပါသည်။

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် NNER အလုပ်အဖွဲ့၏ လုပ်ငန်းညှိနှိုင်းအစည်းအဝေးကို ၄၊ ၈၊ ၁၆ ရက်နေ့ ညနေပိုင်းက ကျင်းပခဲ့ပါသည်။ ယခင်အစည်းအဝေးကျင်းပပြီးချိန်မှ ယခုအချိန်ထိ ဆောင်ရွက်ထားရှိမှုများအား ပြန်လည်တင်ပြခြင်း၊ CSO Forum တွင် NNER ပါဝင်မှုအခြေအနေနှင့် ဆက်လက်ဆောင်ရွက်မည့် ကိစ္စရပ်များ၊ NNER လုပ်ငန်းအဖွဲ့နှင့် မကွေးကွန်ရက်တို့၏ အစည်းအဝေးအတွက် အသေးစိတ်အစီအစဉ်များ၊ အောက်တိုဘာလတွင် မကွေးမြို့၌ကျင်းပမည့် NNER ပြည်နယ်နှင့်တိုင်းကွန်ရက်များ၏ ၆ လပတ်အစည်းအဝေးအတွက် ကြိုတင်ပြင်ဆင်ထားသင့် သည့်ကိစ္စများ စသည်တို့ကို ညှိနှိုင်းဆွေးနွေးခဲ့ကြပါသည်။

မန္တလေးတိုင်းနှင့် ပဲခူးတိုင်းအတွင်းမှ လယ်သမားများနှင့် လယ်သမားအရေးဆောင်ရွက်သူများသည် ၂၊ ၈၊ ၁၆ ရက်နေ့ ညနေပိုင်းတွင် ရန်ကုန်မြို့၊ ဆိပ်ကမ်းသာလမ်းရှိ လူ့ဘောင်သစ်ဒီမိုကရက်တစ်ပါတီ ဌာနချုပ်ရုံးသို့ လာရောက်လေ့လာခဲ့ကြ ရာ ပါတီအတွင်းရေးမှူး(၁) ဦးသီဟထွဋ်ခင်က ပါတီသမိုင်းကြောင်းကို၎င်း၊ မရွှေရည်လင်းထင်က လူ့ဘောင်သစ်လူငယ် (YNS)အကြောင်းကို၎င်း မိတ်ဆက်ရှင်းပြခဲ့ပါသည်။ ထို့နောက် လယ်သမားအရေးဆောင်ရွက်နေသူများက ၎င်းတို့ လက်ရှိ ဆောင်ရွက်နေသော အခြေအနေများကို ရှင်းလင်းပြောကြားခဲ့ရာ ပါတီတာဝန်ရှိသူများက ပြန်လည်အကြံပြု ဆွေးနွေးခဲ့ကြ ပါသည်။

ELEVEN Media Group တည်ထောင်ခြင်း ၁၆ နှစ်ပြည့် နှစ်ပတ်လည်အခမ်းအနားကို ၃၁၊ ၇၊ ၁၆ ရက်နေ့ ညနေ ၆း၃၀ နာရီက ရန်ကုန်မြို့ရှိ Novotel Hotel ၌ ပြုလုပ်ခဲ့ရာ နိုင်ငံရေးပါတီများမှ ခေါင်းဆောင်များ၊ နိုင်ငံရေးအခြေပြုနှင့် လူထုအခြေပြုအရပ်ဖက်အဖွဲ့အစည်းများမှ တာဝန်ရှိသူများ၊ နိုင်ငံရေး၊ စာပေနှင့် အနုပညာနယ်ပယ်မှ ဖိတ်ကြားထားသော ဧည့်သည်တော်များ တက်ရောက်ခဲ့ကြပါသည်

၄၅ နှစ်မြောက် ကိုကိုးကျွန်းပြည်သူ့သူရဲကောင်းနေ့အခမ်းအနားကို ၃၁၊ ၇၊ ၁၆ ရက်နေ့ နံနက်ပိုင်းက တောင်ဥက္ကလာပ စိတ်တိုင်းကျစားသောက်ဆိုင်တွင် ကျင်းပခဲ့ရာ ကျွန်းပြန်ရဲဘော်ကြီးများနှင့် မိသားစုဝင်များ၊ ၁၉၆၂ ကျောင်းသားခေါင်းဆောင်များ၊ ၇၄-၇၅-၇၆ နိုင်ငံရေးအင်အားစုများ၊ လူ့ဘောင်သစ်ဒီမိုကရက်တစ်ပါတီနှင့် အခြားနိုင်ငံရေးပါတီများမှ ခေါင်းဆောင်များ၊ လူ့ဘောင်သစ်လူငယ်များ၊ ဗကသများအဖွဲ့ချုပ် အဖွဲ့ဝင်များ၊ ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့ဝင်များ၊ သခင်ကိုယ်တော်မှိုင်းငြိမ်းချမ်းရေးကွန်ရက် အဖွဲ့ဝင်များ၊ UNDO အဖွဲ့ဝင်များ၊ လက်ပံတောင်းတောင်ဒေသခံများ၊ နိုင်ငံရေးလှုပ်ရှားတက်ကြွသူများ တက်ရောက်ခဲ့ကြပါသည်။ အခမ်းအနားတွင် ဦးလှချို(ကျွန်းပြန်)၊ ဦးဖေအောင်(ကျွန်းပြန်)၊ ဦးအံ့မောင်(နာယက – မှိုင်းငြိမ်းကွန်ရက်)၊ ဦးစိုင်းညွန့်လွင်(အတွင်းရေးမှူး – UNA)၊ ဗိုလ်မှူးကြီးစောလွင်(တွဲဖက်အတွင်းရေးမှူး – ကယန်းပြည်သစ်ပါတီ)၊ ကိုမိုးထက်နေ(ဒုဥက္ကဋ္ဌ – ဗကသ)၊ ဒေါက်တာညိုညိုသင်း၊ ဒေါ်ခင်မမမျိုးတို့က ကျွန်းစနစ်နှင့် ကိုယ်ထူကိုယ်ထစနစ်ဖျက်သိမ်းရေး ၅၃ ရက်ကြာတိုက်ပွဲတွင် ကျဆုံးခဲ့ရသော သူရဲကောင်းရဲဘော် ၈ ဦးအတွက် ဂုဏ်ပြုအမှတ်တရစကားများ ပြောကြားခဲ့ကြပါသည်။ ကျွန်းပြန်ရဲဘော်များ၏ သဘောထားကြေညာချက်တစောင်ကို ထုတ်ပြန်ခဲ့ပြီး ၎င်းအခမ်းအနားသို့ လူ့ဘောင်သစ်ဒီမိုကရက်တစ်ပါတီနှင့် အခြားအဖွဲ့အစည်းများက ဂုဏ်ပြုသ၀ဏ်လွှာများ ပေးပို့ခဲ့ကြပါသည်။