ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

လူ့ဘောင်သစ်ဒီမိုကရက်တစ်ပါတီ တောင်သူလယ်သမားရေးရာကော်မတီ အစည်းအဝေးကျင်းပ

လူ့ဘောင်သစ်ဒီမိုကရက်တစ်ပါတီ တောင်သူလယ်သမားရေးရာကော်မတီ တတိယအကြိမ် လုပ်ငန်းညှိနှိုင်းအစည်းအဝေးကို ၂၄၊ ၇၊ ၁၆ ရက်နေ့က ရန်ကုန်တိုင်း၊ ကျောက်တံတားမြို့နယ်၊ ဆိပ်ကမ်းသာလမ်းရှိ ပါတီဌာနချုပ်ရုံးခန်း၌ ကျင်းပခဲ့ပါသည်။ အစည်းအဝေးသို့ ဧရာဝတီတိုင်း၊ ပဲခူးတိုင်း၊ မန္တလေးတိုင်း၊ စစ်ကိုင်းတိုင်း၊ မကွေးတိုင်းတို့မှ လယ်သမားအရေး ဆောင်ရွက်နေသောရဲဘော်များနှင့် ဌာနချုပ်အတွင်းရေးမှူးအဖွဲ့ဝင်များ တက်ရောက်ခဲ့ကြပါသည်။ အစည်းအဝေးတွင် ဒုတိယအကြိမ် လုပ်ငန်းညှိနှိုင်းအစည်းအဝေးထိ ရရှိချက်များကို ကော်မတီတာဝန်ခံ ကိုသန့်စင်က ပြန်လည်တင်ပြခဲ့ပါသည်။ တက်ရောက်လာသော ကော်မတီဝင်ရဲဘော်များက သက်ဆိုင်ရာဒေသအသီးသီး၌ လက်တွေ့လုပ်ကိုင် ဆောင်ရွက်ရာတွင် ကြုံတွေ့ရသော အခြေအနေများ၊ အခက်အခဲများ၊ ရရှိချက်များ၊ တိုးမြှင့်ဆောင်ရွက်သင့်သည်များကို တင်ပြခဲ့ရာ ပါတီ၏ ဘဏ္ဍာရေးအခြေအနေအရ ပါဝင်ကူညီ အားဖြည့်နိုင်မှုအနေအထားကို ပါတီအထွေထွေအတွင်းရေးမှူး ဦးငွေလင်းက ပြန်လည်တင်ပြဆွေးနွေးခဲ့ပါသည်။ ထို့နောက် ရှေ့ဆက်ဆောင်ရွက်မည့် လုပ်ငန်းစဉ်များကို ဆွေးနွေးညှိနှိုင်း ဆုံးဖြတ်ခဲ့ကြပါသည်။

ဆရာကြီးသခင်ကိုယ်တော်မှိုင်းကွယ်လွန်ခြင်း ၅၂ နှစ်မြောက်နှင့် ဂူဗိမာန် နှစ် ၅၀ မြောက်အခမ်းအနား ကျင်းပ

ငြိမ်းချမ်းရေးပိသုကာ၊ မျိုးချစ်စာဆို ဆရာကြီးသခင်ကိုယ်တော်မှိုင်း ကွယ်လွန်ခြင်း ၅၂ နှစ်မြောက်နှင့် ဂူဗိမာန် နှစ် ၅၀ ပြည့် အထိမ်းအမှတ်အခမ်းအနားများကို ရန်ကုန်မြို့ ရွှေတိဂုံဘုရားလမ်းရှိ သခင်ကိုယ်တော်မှိုင်းဂူဗိမာန်၌ ၂၁၊ ၇၊ ၁၆ ရက်နေ့မှ ၂၃၊ ၇၊ ၁၆ ရက်နေ့အထိ သုံးရက်တာ ကျင်းပခဲ့ပါသည်။ ၂၁၊ ၇၊ ၁၆ ရက်နေ့တွင် ငြိမ်းချမ်းရေးကဗျာရွတ်ဆိုပွဲ ကျင်းပခဲ့ရာ ဆရာဦးအံ့မောင်(မုံရွာ)က အဖွင့်အမှာစကား ပြောကြားပြီးနောက် သခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် သခင်ကိုယ်တော်မှိုင်းငြိမ်းချမ်းရေးကွန်ရက်တို့၏ ပြန်ကြားရေးအဖွဲ့ဝင် ဦးထွန်းဝင်းငြိမ်းက ကဗျာရွတ်ဆိုပွဲကျင်းပရသည့် ရည်ရွယ်ချက်ကို ရှင်းလင်းပြောကြားခဲ့ပါသည်။ ထို့နောက် ဆရာကြည်နိုင်၊ ချစ်ဦးညို၊ မောင်နွေထက်တို့က ဆရာကြီး၏ လေးချိုးများကို ရွတ်ဆိုဂါရဝပြုခဲ့ကြပါသည်။ မောင်မှိုင်းလွင်(အင်းဝ)၊ မအိ၊ ခင်မောင်အေး-ပခုက္ကူ၊ ပြည်-ချစ်ဆောင်၊ ကိုတော-မုံရွာ၊ ရွှေကြယ်မိုး၊ လင်းမြတ်အိမ် အစရှိသည့်ကဗျာဆရာများကလည်း ငြိမ်းချမ်းရေးကဗျာများ ဂုဏ်ပြုရွတ်ဆိုခဲ့ ကြပါသည်။
၂၂၊ ၇၊ ၁၆ ရက်နေ့တွင် ငြိမ်းချမ်းရေးစာတမ်းဖတ်ပွဲ ကျင်းပခဲ့ရာ မှိုင်းငြိမ်းကွန်ရက်နာယကအဖွဲ့ဝင် ဆရာဦးအံ့မောင်  (မုံရွာ)က အဖွင့်အမှာစကား ပြောကြားခဲ့ပါသည်။ ထို့နောက် ”ဇာတိမာန်စာဆို၏ ကလောင်အစွမ်း” ခေါင်းစဉ်ဖြင့် ဆရာ ကြည်နိုင်ကလည်းကောင်း၊ “မဟာကဗျာဆရာကြီး သခင်ကိုယ်တော်မှိုင်းရဲ့ ငြိမ်းချမ်းရေးအိမ်ကလေးထဲက နောက်ဆုံး ငြိမ်းချမ်းရေးစကား” ခေါင်းစဉ်ဖြင့် ဆရာမောင်နွေထက်ကလည်းကောင်း၊ “Saya Hmaing’s Woes” ခေါင်းစဉ်ဖြင့် ဆရာ ဘိုးလှိုင်ကလည်းကောင်း၊ “ဆရာမှိုင်းအလွန်နှစ်ငါးဆယ် သမိုင်းကြောင်းကို ငဲ့စောင်းကြည့်ခြင်း” ခေါင်းစဉ်ဖြင့် ဆရာ ထွန်းထိန်(ရေနံမြေ)ကလည်းကောင်း၊ “ငြိမ်းချမ်းရေးက မငြိမ်းချမ်းသေးလို့ ပြည်တွင်းစစ်ကြီး ရပ်ပါတော့” ခေါင်းစဉ်ဖြင့် ဆရာမောင်အောင်ပွင့်ကိုယ်စား ဦးဝင့်သူကလည်းကောင်း စာတမ်းများ ဖတ်ကြားခဲ့ကြပါသည်။ ထို့နောက် နော်ဝေနိုင်ငံမှ ဆရာဇေမှိုင်း ပေးပို့သော “ကြာခဲ့သော်လည်း” နှင့် “ဝေနေတဲ့မိုးစက်မှိုင်း” ကဗျာနှစ်ပုဒ်ကို ဦးထွန်းဝင်းငြိမ်းမှ ကိုယ်စား ရွတ်ဆိုပေးခဲ့ပါသည်။
ဆရာကြီးသခင်ကိုယ်တော်မှိုင်း ကွယ်လွန်ခြင်း ၅၂ နှစ်မြောက်နှင့် ဂူဗိမာန် နှစ် ၅၀ ပြည့် အထိမ်းအမှတ် အခမ်းအနားကို ၂၃၊ ၇၊ ၁၆ ရက်နေ့ နံနက်ပိုင်းတွင် ကျင်းပခဲ့ရာ အမျိုးသားဒီမိုကရေစီအဖွဲ့ချုပ်နာယက သူရဦးတင်ဦးက အဖွင့်အမှာစကား ပြောကြားခဲ့သည်။ ထို့နောက် သခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် သခင်ကိုယ်တော်မှိုင်းငြိမ်းချမ်းရေး ကွန်ရက်တို့၏ နာယကအဖွဲ့ဝင် ဆရာဦးအံ့မောင်(မုံရွာ)၊ လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်၊ ကယန်းပြည်သစ်ပါတီ တွဲဘက်အတွင်းရေးမှူး ဗိုလ်မှူးကြီးစောလွင်၊ မှိုင်းရာပြည့်ကျောင်းသားခေါင်းဆောင် ဦးတင်အေးကြူ (မောင်မှိုင်းလွင်-အင်းဝ)၊ ဗကသများအဖွဲ့ချုပ် ဥက္ကဋ္ဌ ကိုကျော်ကိုကိုတို့က ဂုဏ်ပြု အမှတ်တရစကားများ ပြောကြားခဲ့ကြ ပါသည်။ ဂူဗိမာန်သမိုင်းအကျဉ်းကို ဒေါ်ခင်ညိုလွင်ကလည်းကောင်း၊ ငြိမ်းချမ်းရေးကွန်ရက်၏ သဘောထားထုတ်ပြန်ချက်ကို ဦးမြင့်စန်းကလည်းကောင်း ဖတ်ကြားခဲ့ကြပါသည်။
ပါတီဥက္ကဋ္ဌ ဦးအောင်မိုးဇော်က အမှတ်တရစကား ပြောကြားရာတွင် ဆရာကြီး၏ သူမနာကိုယ်မနာ ငြိမ်းချမ်းရေး အယူအဆသည် ယခုအချိန်ထိ ခေတ်မီမှန်ကန်နေဆဲဖြစ်ကြောင်း၊ ယနေ့အခြေအနေသည် ဒီမိုကရေစီရပြီ ငြိမ်းချမ်းရေး ရပြီဟု မပြောနိုင်သေးကြောင်း၊ ငြိမ်းချမ်းရေးကိစ္စသည် တဦးတယောက်ကောင်း တဖွဲ့ကောင်းပုံစံဖြင့် လုပ်ဆောင်၍ မရ ကြောင်း၊ ပါဝင်သင့်ပါဝင်ထိုက်သူအားလုံး ပါဝင်ခွင့်ရဖို့ အရေးကြီးကြောင်း၊ တနိုင်ငံလုံးနှင့် သက်ဆိုင်သည့်အတွက် အမျိုးသားအဆင့် ငြိမ်းချမ်းရေးညီလာခံဖြစ်ဖို့ လိုအပ်ကြောင်း၊ မကြာသေးမီက ဖွဲ့စည်းခဲ့သည့် အရေးပေါ်ကာလ စီမံခန့်ခွဲရေး ဗဟိုကော်မတီသည် ဒီမိုကရေစီရေး၊ ငြိမ်းချမ်းရေးတို့တွင် များစွာ အနှောက်အယှက် အဟန့်အတားဖြစ်စေ သဖြင့် မရှိသင့်ကြောင်းတို့ကို ထည့်သွင်းပြောကြားသွားခဲ့ပါသည်။
တော်ဘုရားကလေးမိသားစုကလည်း သခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် သခင်ကိုယ်တော်မှိုင်း ငြိမ်းချမ်းရေးကွန်ရက်အတွက် အလှူငွေများ ပေးအပ်လှူဒါန်းပြီး တော်ဘုရားကလေးစာပေဆုနှင့် ပတ်သက်၍ သမီးဖြစ်သူ ဒေါ်ဒေဝီသန့်စင်က ရှင်းလင်းပြောကြားခဲ့ပါသည်။ ထို့နောက် သခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့ ဥက္ကဋ္ဌ ဦးအောင်ထိုက်က ကျေးဇူးတင်စကား ပြောကြားပြီး အခမ်းအနားကို ရုပ်သိမ်းခဲ့ပါသည်။ အခမ်းအနားသို့ နိုင်ငံရေးပါတီများ၊ ဗကသများအဖွဲ့ချုပ်ဝင်များ၊ ဖိတ်ကြားထားသည့်ဧည့်သည်များ၊ နိုင်ငံရေးအခြေပြု လူထုအဖွဲ့အစည်းများ၊ လူငယ် စွမ်းရည်မြှင့်သင်တန်းကျောင်းသားများ၊ ဆရာကြီးကို ချစ်ခင်လေးစားကြသူများ၊ ဆရာကြီး၏ မိသားစုဝင်များ တက်ရောက်ခဲ့ ကြပါသည်။

ကျား-မရေးရာကိုတာစနစ် စာအုပ်မိတ်ဆက်ပွဲနှင့်ဆွေးနွေးပွဲ

ဘားအံမြို့၊ ဇွဲကပင်ဟိုတယ်၊ ဗန်ဒဝါဂီရိခန်းမတွင် ၂၂၊ ၇၊ ၂၀၁၆ သောကြာနေ့ နံနက် ၉းဝဝ နာရီမှ နေ့လည် ၁း၀၀ နာရီအထိ ကျား-မရေးရာကိုတာစနစ်(Gender Quota System) စာအုပ်မိတ်ဆက်ပွဲနှင့် ဆွေးနွေးပွဲ ပြုလုပ်ခဲ့ရာ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် တက်ရောက်၍ အဖွင့်နှုတ်ခွန်းဆက်စကား ပြောကြားခဲ့ပါသည်။ ထို့နောက် ပွဲစီစဉ်သည့် WCDI မှ တာဝန်ရှိသူက WCDI အကြောင်း မိတ်ဆက်နှင့် ပွဲပြုလုပ်ရခြင်း၏ ရည်ရွယ်ချက်ကို ရှင်းလင်း ပြောကြားခဲ့ပြီး ကျား-မရေးရာကိုတာစနစ်နှင့် ပတ်သက်သည့် စကားဝိုင်းဆွေးနွေးပွဲကို ဆက်လက်ပြုလုပ်ခဲ့ပါသည်။ ၎င်းဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ ဘားအံမြို့နယ် စည်းရုံးရေးကော်မတီဝင်များနှင့် လူငယ်အမျိုးသမီးများ တက်ရောက်ခဲ့ ကြပါသည်။

ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်များ၏ အစည်းအဝေးကျင်းပ

ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်များ၏ အစည်းအဝေးကို ၂၂၊ ၇၊ ၁၆ ရက်နေ့နံနက်ပိုင်းက ရန်ကုန်မြို့၊ ရွှေတိဂုံဘုရားလမ်းရှိ သခင်ကိုယ်တော်မှိုင်းဂူဗိမာန်၌ ပြုလုပ်ခဲ့ပါသည်။ အစည်းအဝေးသို့ ရန်ကုန်၊ မှော်ဘီ၊ ပြည်ခရိုင်၊ မန္တလေး၊ မြင်းခြံ၊ မုံရွာ၊ ပခုက္ကူ၊ သခင်ကိုယ်တော်မှိုင်း ငြိမ်းချမ်းရေးကွန်ရက်အဖွဲ့ဝင်များ တက်ရောက်ခဲ့ကြပါသည်။ အစည်းအဝေးတက်ရောက်လာသူများက ငြိမ်းချမ်းရေးရရှိရန်အတွက် ဆရာကြီးသခင်ကိုယ်တော်မှိုင်း၏ သူမနာကိုယ်မနာ ငြိမ်းချမ်းရေးမူအရ တန်းတူမှု၊ အပြန်အလှန်လေးစားမှုတို့ကို အခြေခံကာ စားပွဲဝိုင်းတွင် တွေ့ဆုံဆွေးနွေးအဖြေရှာကြရန် လိုအပ်ကြောင်း၊ မိုင်ဂျာယန်ဆွေးနွေးပွဲနှင့် ၂၁ ရာစု ပင်လုံညီလာခံတို့သည် ငြိမ်းချမ်းရေးအတွက် လွန်စွာအရေးကြီးကြောင်း၊ ညီလာခံတွင် ပါဝင်သင့်ပါဝင်ထိုက်သူအားလုံး ပါဝင်ခွင့်ရဖို့ လိုအပ်ကြောင်း၊ ညီလာခံရလဒ်ကို အခြေခံ၍ ၂၀၀၈ အခြေခံဥပဒေ ပြောင်းလဲပြင်ဆင်ရေး အခြေခံအုတ်မြစ်အဖြစ် ဆက်လက်သယ်ဆောင်နိုင်မှသာ စစ်မှန်သော ဖက်ဒရယ် ပြည်ထောင်စု တည်ဆောက်နိုင်မည်ဖြစ်ကြောင်း ဆွေးနွေးခဲ့ကြပါသည်။

အာဇာနည်နေ့အတွေးအမြင် ဆွေးနွေးပွဲသို့ တက်ရောက်ဆွေးနွေး

SYCB က ဖွင့်လှစ်ထားသော Youth Training Center တွင် ၁၉၊ ၇၊ ၁၆ ရက်နေ့လည် ၁:၃၀ နာရီမှ ညနေ ၄:၀၀ နာရီအထိ
အာဇာနည်နေ့အတွေးအမြင် ဆွေးနွေးပွဲကို ပြုလုပ်ခဲ့ပါသည်။ Youth Training Center သင်တန်းသူသင်တန်းသားများ၏  ဖိတ်ကြားချက် အရ ဦးငွေလင်း (လူ့ဘောင်သစ် ဒီမိုကရက်တစ်ပါတီ – အထွေထွေအတွင်းရေးမှူး)၊ ဒေါ်အေးမြင့်သန်း (NLD ရန်ကုန်အရှေ့ပိုင်းခရိုင် – အတွင်းရေးမှူး)၊ ကိုထက်မြက်(လူ့အခွင့်အရေး ဆောင်ရွက်သူ)တို့က သွားရောက်ဆွေးနွေးပေးကြခြင်း ဖြစ်သည်။
ဆွေးနွေးပွဲတွင် ဦးငွေလင်းက အာဇာနည်ခေါင်းဆောင်ကြီးများ၏ တိုင်းပြည်အတွက်၊ပြည်သူများအတွက် ကောင်းမှုပြုချက် များကို ဆွေးနွေးပြခဲ့သည်။ အာဇာနည်ခေါင်းဆောင်ကြီးများ၏ လွတ်လပ်ရေးရပြီးနောက်ပိုင်း မြန်မာနိုင်ငံကို ဒီမိုကရက်တစ်ဖက် ဒရယ်ပြည်ထောင်စုကြီးအဖြစ် တည်ဆောက်နိုင်ရေးအတွက် ကြိုးပမ်းအားထုတ်ခဲ့ကြပုံ၊ အခြေခံတွေတည်ဆောက်ပေးခဲ့ကြပုံများကို ထောက်ပြပြီး  ယနေ့ခေတ်တွင်လည်း ထိုကဲ့သို့သောခေါင်းဆောင်မျိုးတွေ အများကြီး လိုအပ်နေကြောင်း ဆွေးနွေးပေးခဲ့ပါသည်။ သင်တန်းသူသင်တန်းသားများက သိလိုသည်များကို မေးမြန်းပြီး အပြန်အလှန်ဆွေးနွေးပေးခဲ့ကြပါသည်။

(၆၉)နှစ်မြောက် အာဇာနည်နေ့အခမ်းအနားများသို့ တက်ရောက်

(၆၉)နှစ်မြောက် အာဇာနည်နေ့အခမ်းအနားကို ပြည်နယ်နှင့်တိုင်း ဒေသအသီးသီး၌ ကျင်းပခဲ့ကြရာ ရန်ကုန်တိုင်း၊ ဗဟန်းမြို့နယ်ရှိ အာဇာနည်ဗိမာန်၌ ကျင်းပသော (၆၉)နှစ်မြောက် အာဇာနည်နေ့အခမ်းအနားသို့ လူ့ဘောင်သစ် ဒီမိုကရက်တစ်ပါတီ ဗဟိုစည်းရုံးရေးကော်မတီဝင်များ တက်ရောက်၍ ပန်းခြင်းချ ဂါရဝပြုခဲ့ကြပါသည်။
မြင်းခြံမြို့နယ်၊ ပြည်မြို့နယ်၊ ဘားအံမြို့နယ်၊ ပုသိမ်မြို့နယ်တို့တွင်ကျင်းပသော အာဇာနည်နေ့ အခမ်းအနားများသို့လည်း လူ့ဘောင်သစ်ဒီမိုကရက်တစ်ပါတီ မြို့နယ်စည်းရုံးရေးကော်မတီဝင်များ၊ ပါတီဝင်ရဲဘော်များ တက်ရောက် အလေးပြု ခဲ့ကြပါသည်။

ဗိုလ်မှူးကြီဗထူး ရာပြည့်အခမ်းအနားကျင်းပ

ဗိုလ်လ်မှူးကြီးဗထူး ရာပြည့်အခမ်းအနားကို ၁၇၊ ၇၊ ၁၆ ရက်နေ့လည်က အမှတ် (၁၆)၊ နတ်မောက်လမ်း၊ တာမွေမြို့နယ်ရှိ ဗိုလ်မှူးဘရှင် ရည်ညွှန်းစာကြည့်တိုက်တွင် ကျင်းပခဲ့ပါသည်။ အခမ်းအနားတွင် ကျင်းပရေးကော်မတီ ဝင် ဒေါက်တာလှမြင့်က ရာပြည့်ပွဲကျင်းပရခြင်း အကြောင်းရင်းကို ရှင်းပြခဲ့ပါသည်။ ထို့နောက် မြန်မာနိုင်ငံစာရေး ဆရာများသမဂ္ဂ ဥက္ကဋ္ဌ ဆရာထက်မြက်၊ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်မှ ဦးထွန်းဝင်းငြိမ်းတို့က အမှတ်တရစကားများ ပြောကြားခဲ့ကြပြီး ဆရာအောင်ဇင်မင်း၊ ဆရာမ မအိတို့က ကဗျာရွတ်ဆို ဂုဏ်ပြုခဲ့ကြပါသည်။
ပါတီအထွေထွေအတွင်းရေးမှူး ဦးငွေလင်းက အမှတ်တရစကား ပြောကြားရာတွင် ဗိုလ်မှူးကြီးဗထူးသည် နယ်ချဲ့ဆန့်ကျင်ရေး၊ ဖက်ဆစ်ဆန့်ကျင်ရေး၊အမျိုးသားလွတ်မြောက်ရေးသမိုင်းတွင် စံထားထိုက်သည့် တပ်မှူးကြီး တဦးဖြစ်ကြောင်း၊ ကိုယ်ကျိုးမဖက်ဘဲ တိုင်းပြည်နှင့်လူမျိုးအတွက် စွန့်လွှတ်ပေးဆပ်ခဲ့သော သူရဲကောင်းအာဇာနည် တဦးလည်းဖြစ်ကြောင်း၊ ပြည်သူ့တပ်မတော်အတွက် ဂုဏ်ယူထိုက်သည့် ပုဂ္ဂိုလ်၏ နှစ်တရာပြည့်နေ့အပေါ် အလေး အမြတ်ထားဂုဏ်ပြုမှု နည်းပါးနေသည်ကို တွေ့ရသည့်အတွက် မိမိအနေဖြင့်  စိတ်မကောင်းဖြစ်မိကြောင်း၊ ဗိုလ်မှူး ကြီးဗထူးတို့ခေတ်က တပ်မတော်သည် ပြည်သူတွေ၏အကျိုးစီးပွားကို ကာကွယ်စောင့်ရှောက်ပေးသည့် ပြည်သူ့ တပ်မတော် ဖြစ်ခဲ့ကြောင်း၊ ဗိုလ်နေ၀င်းလက်ထက်မှာ တပ်ကို ဗိုလ်နေ၀င်း၏ တလက်ကိုင်တပ်အဖြစ် ဖျက်ဆီးပစ်ခဲ့ ကြောင်း၊ဗိုလ်မှူးကြီးဗထူးကဲ့သို့သော ပြည်သူတွေက တသသ လွမ်းကျန်ရစ်ရမည့် တပ်မတော်သားကောင်းများ၊ တပ်မှူးကောင်းများ ပေါ်ထွက်လာစေရန် မိမိတို့ခေတ်တပ်ကို ဝိုင်းဝန်းတည့်မတ်ပြုပြင်ပေးကြရမည်ဖြစ်ကြောင်း ထည့် သွင်းပြောကြားပြီး ဂုဏ်ပြုခဲ့ပါသည်။

ဗဟိုစည်းရုံးရေးကော်မတီ အစည်းအဝေး (၁/၂၀၁၆) ကို ကျင်းပပြုလုပ်

လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီအစည်းအဝေး(၁/၂၀၁၆) ကို ၂၀၁၆၊ ဇူလိုင်လ  ၉ ရက်နှင့် ၁၀ ရက်နေ့တို့တွင် ကျင်းပခဲ့ရာ အနယ်နယ်အရပ်ရပ်မှ ပါတီဗဟိုစည်းရုံးရေးကော်မတီဝင်များ တက်ရောက်ခဲ့ ကြပါသည်။ အစည်းအဝေးပထမနေ့၌ ပါတီဥက္ကဋ္ဌ ဦးအောင်မိုးဇော်က အဖွင့်အမှာစကားပြောကြားရာတွင် လက်ရှိနိုင်ငံ ရေးအခြေအနေများကို သုံးသပ်ပြောကြားခဲ့ပြီး ရှေ့ဆက်လုပ်ဆောင်ရမည့်ကိစ္စရပ်များတွင် ဒီမိုကရေစီအင်အားစုများ၏ စုစည်းညီညွတ်မှုသည် အထူးအရေးကြီးကြောင်း၊ ဗဟိုစည်းရုံးရေးကော်မတီဝင်များအနေဖြင့် တွေ့ကြုံလာရနိုင်သည့် အခက်အခဲ အကျပ်အတည်းများကို ကြံ့ကြံ့ခံ ရင်ဆိုင်နိုင်ကြဖို့လိုအပ်ကြောင်း တိုက်တွန်းပြောကြားခဲ့ပါသည်။
ထို့နောက် တိုးချဲ့ရန် ရွေးချယ်ထားသော ဗဟိုကော်မတီဝင်အသစ်များကို အတည်ပြုပြီး တာဝန်ပေးအပ်ခဲ့သည်။ လက်ရှိနိုင်ငံရေးအခြေအနေများအပေါ် သုံးသပ်ထားသည့် နိုင်ငံရေးအစီရင်ခံစာကို ပါတီအထွေထွေအတွင်းရေးမှူး ဦးငွေ လင်းက တင်ပြခဲ့ပြီး တက်ရောက်လာသော ရဲဘော်များက ၀ိုင်းဝန်းဆွေးနွေး အတည်ပြုခဲ့ကြသည်။ ပြီးခဲ့သော ဗဟိုကော် မတီအစည်းအဝေးမှ ယခုအစည်းအဝေး ကျင်းပချိန်အထိ ဆောင်ရွက်ပြီးစီးခဲ့သော လုပ်ငန်းအစီရင်ခံစာနှင့် စည်းရုံးရေး ခရီးစဉ်များ စီစဉ်ထားရှိမှုကို ပါတီ အတွင်းရေးမှူး(၂) ဦးသီဟထွဋ်ခင်ကတင်ပြပြီး ၀ိုင်းဝန်းအကြံပြု ဆွေးနွေးခဲ့ကြပါသည်။ ထို့နောက် ဗဟိုစည်းရုံးရေး ကော်မတီဝင်များက လက်တွေ့ဆောင်ရွက်ထားသည့် လုပ်ငန်းအခြေအနေများနှင့် ကြုံတွေ့ရ သေအခြေအနေများ၊ အခက်အခဲများကို တင်ပြ၍ အပြန်အလှန် ဆွေးနွေးခဲ့ကြပါသည်။
အစည်းအဝေး ဒုတိယနေ့တွင် ပါတီ၏ လက်ရှိဘဏ္ဍာရေးအခြေအနေနှင့် ရေးဆွဲထားသည့် ၂၀၁၆ အတွင်း ပါတီ၏ ဆောင်ရွက်ရန်လုပ်ငန်းများကို ပါတီအထွေထွေအတွင်းရေးမှူး ဦးငွေလင်းက တင်ပြကာ တက်ရောက်လာသော ရဲဘော်များ က ၀ိုင်းဝန်းဆွေးနွေး အတည်ပြုခဲ့ပါသည်။ ထို့နောက် ပါတီနှင့်မိမိကိုယ်ကို ပြန်လည်သုံးသပ်ခြင်း၊ မဟာမိတ် အဖွဲ့အစည်းများနှင့် ဆက်ဆံရေး၊ ပါတီတည်ဆောက်ရေးဆိုင်ရာ အလုပ်ရုံဆွေးနွေးပွဲပြုလုပ်ရေး၊ တောင်သူလယ်သမား ရေးရာကော်မတီ၏ ဆောင်ရွက်ထားရှိမှုနှင့် ရှေ့လုပ်ငန်းစဉ်များ၊ လူ့ဘောင်သစ်လူငယ် ဖွဲ့စည်းဆောင်ရွက်မှု အခြေအနေ၊ ပါတီ Website စာမျက်နှာ ပြန်လည်ဖွင့်လှစ်ထားရှိမှု၊ ပါတီစာစဉ်ထုတ်ဝေရေးတို့နှင့် ပတ်သက်၍ တင်ပြဆွေးနွေးခဲ့ကြပါ သည်။ ၎င်းနောက်၂-၆-၂၀၁၆ ရက်နေ့က ကွယ်လွန်သွားခဲ့သော ပါတီဗဟိုကော်မတီဝင် ရဲဘော်မင်းနိုင်အတွက် ၀မ်းနည်းကြောင်းကိုလည်း အစည်းအဝေးတွင် မှတ်တမ်းတင်ခဲ့ကြပါသည်။

(၅၄) နှစ်မြောက် ၇ ဇူလိုင်အခမ်းအနားကို ရွှေတောင်မြို့နယ်ရုံး၌လည်း ကျင်းပ

(၅၄) နှစ်မြောက် ၇ ဇူလိုင်အခမ်းအနားကို လူ့ဘောင်သစ်ဒီမိုကရက်တစ်ပါတီ၊ ရွှေတောင်မြို့နယ်ရုံး၌ ၇၊ ၇၊ ၂၀၁၆ ရက် နေ့လယ်ပိုင်းတွင် ကျင်းပခဲ့ပါသည်။ အခမ်းအနားတွင် လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်၊ ဗကသများအဖွဲ့ချုပ် (သာယာဝတီခရိုင်) ဥက္ကဋ္ဌ ကိုမင်းသူရှိန်၊ ၁၉၆၂ ကျောင်းသားဟောင်း ဦးအုန်းကျော်၊ ဆရာကြီးသခင်ကိုယ်တော်မှိုင်း ငြိမ်းချမ်းရေး ကွန်ရက်(ပြည်ခရိုင်)မှ ဦးချစ်ဆောင်ဦး၊ လူ့ဘောင်သစ်ဒီမိုကရက်တစ်ပါတီ (ပြည်ခရိုင်) ဥက္ကဋ္ဌ ဦးအောင်မြင့်စိန်၊ ပေါက်ခေါင်းလယ်သမား သမဂ္ဂဥက္ကဋ္ဌ ဦးအေးစိုး၊ ပြည် ၈၈ ငြိမ်း-ပွင့်မှ ဦးညီညီ၊ နိုင်ငံရေးအကျဉ်းသားဟောင်းများအဖွဲ့ (ပြည်)မှ ဦးကျော်ဆန်းတို့က ဂုဏ်ပြု အမှတ်တရစကားများ ပြောကြားခဲ့ကြပါသည်။
အခမ်းအနားတွင် လူ့ဘောင်သစ်ဒီမိုကရက်တစ်ပါတီ (ဌာနချုပ်)၊လူ့ဘောင်သစ်ဒီမိုကရက်တစ်ပါတီ(ပြည်ခရိုင်)၊ လူ့ဘောင်သစ် လူငယ်၊ ဗကသများအဖွဲ့ချုပ်၊ မှိုင်းငြိမ်းကွန်ရက်(ပြည်ခရိုင်)တို့မှ ပေးပို့သောသဝဏ်လွှာများကိုလည်း ဖတ်ကြားခဲ့ပါသည်။ လူ့ဘောင်သစ် ဒီမိုကရက်တစ်ပါတီ ရွှေတောင်မြို့နယ်ဥက္ကဋ္ဌ ဦးမိုးမင်းဦးက ကျေးဇူးတင်စကား ပြောကြားနောက် အခမ်းအနားကို ရုပ်သိမ်းခဲ့ပါသည်။ ဦးအောင်မိုးဇော်က အမှတ်တရစကား ပြောကြားရာတွင် မြန်မာနိုင်ငံတွင် ဒီမိုကရေစီနှင့် ငြိမ်းချမ်းရေး မရသေးကြောင်း၊ စစ်တပ်မှာ နိုင်ငံရေးက မထွက်သေးကြောင်း၊ ဖွဲ့စည်းပုံအခြေခံဥပဒေကို မပြင်ဘဲ ငြိမ်းချမ်းရေးရဖို့ ခက်လိမ့်မည်ဖြစ်ကြောင်း၊ အားလုံး တိုင် တိုင်ပင်ပင် စုစုစည်းစည်း လုပ်ကြဖို့လိုအပ်ကြောင်း၊ ဗကသ မူ ၅ ချက်အပေါ် ခိုင်ခိုင် မာမာရပ်တည်သည့် သမဂ္ဂကို ထောက်ခံဝန်းရံ သွားကြရမှာ ဖြစ်ကြောင်း၊ မည်သူတွေက မူ ၅ ချက်ကို ထိကပါးရိကပါးလုပ်လုပ် ဗကသအလံတော်ကတော့ အမြဲထာဝရ တလူလူလွင့်နေမည်ဟု အလေးအနက်ယုံကြည်ကြောင်း ထည့်သွင်းပြောကြားခဲ့ပါသည်။

YES ကျောင်းတွင် ကျင်းပသည့် ၅၄နှစ်မြောက် 7 July အခမ်းအနားသို့ တက်ရောက်

လူငယ်စွမ်းရည်မြှင့်သင်တန်းကျောင်း (Youth Empowerment School) သန်လျင်တွင် ၇ – ၇ – ၂၀၁၆ ရက်နေ့က (၅၄) နှစ်မြောက် 7 July အခမ်းအနားကို ကျင်းပခဲ့ပါသည်။ ၎င်းအခမ်းအနားသို့ လူ့ဘောင်သစ်ဒီမိုကရက်တစ်ပါတီ အထွေ ထွေအတွင်းရေးမှူး ဦးငွေလင်းနှင့် ဗကသများအဖွဲ့ချုပ်နိုင်ငံခြားရေးရာကော်မတီဝင်ဟောင်း ဦးတင်အေးတို့ကို ဖိတ်ကြား ဟောပြောစေခဲ့ပါသည်။ ဦးတင်အေးက 7 July နေ့ ဖြစ်ပေါ်လာပုံသမိုင်းအကျဉ်းနှင့် 7 July စိတ်ဓာတ်အပေါ် ၎င်း၏ ခံစားချက်ကို ဆွေးနွေးခဲ့ပါသည်။  ဦးငွေလင်းက 7 July နှင့်ပတ်သက်၍ ယနေ့ကာလ ထားရှိရမည့် နိုင်ငံရေးတာဝန်များကို ဆွေးနွေးရာတွင် ဇူလိုင် ၇ ရက်သူရဲကောင်းစိတ်ဓာတ်အဓွန့်ရှည်ရေး၊ ဗကသများအဖွဲ့ချုပ် အဓွန့်ရှည်ရေး စစ်အာဏာ ရှင်စနစ်ကျဆုံးရေး၊ ၂၀၀၈ ဖွဲ့စည်းပုံအခြေခံဥပဒေ ကျဆုံးရေးတို့ကို အဓိကထား ဆွေးနွေးခဲ့ပါသည်။ YES ကျောင်းသူ ကျောင်းသားများက သိလိုသည်များကို မေးမြန်းဆွေးနွေးခဲ့ကြပြီး 7 July အမှတ်တရကဗျာများလည်း ရွတ်ဆိုခဲ့ကြပါသည်။ ထို့နောက် ကျောင်းသူကျောင်းသားများက မျိုးဆက်သစ် ကမ္ဘာမကြေသီချင်း ဂုဏ်ပြုသီဆိုကာ အခမ်းအနားကို ရုပ်သိမ်း ခဲ့ပါသည်။

 

Page 24 of 28« First...10...2223242526...Last »