“ဖက်ဒရယ်ပညာရေးစနစ်နှင့် လူထုအခြေပြုလုပ်ငန်းများကို အားပေးမြှင့်တင်ခြင်း” ခေါင်းစဉ်ဖြင့် ကျင်းပသည့် NNER တတိယအကြိမ်ညီလာခံကို ၄-၅-၂၀၁၇ ရက်နေ့တွင် မွန်ပြည်နယ်၊ မော်လမြိုင်မြို့၊ သာသနာ ၂၅၀ဝ ကျောင်း၌ စတင်ပြုလုပ်ခဲ့ပါသည်။ ညီလာခံပထမနေ့တွင် ကိုယ်စားပြုကော်မတီနှင့် လုပ်ငန်းအဖွဲ့များ၏ အစည်းအဝေး ပြုလုပ်ခဲ့ပါသည်။ အစည်းအဝေးအဖွင့်အမှာစကားကို သဘာပတိ ဆရာကြီးနိုင်ငွေသိန်းနှင့် ဥက္ကဋ္ဌ ဒေါက်တာသိန်းလွင်တို့က ပြောကြားခဲ့ကြသည်။ ထို့နောက် ညီလာခံအစီအစဉ်များကို ဆွေးနွေးအတည်ပြုခြင်း၊ ကိုယ်စားပြုကော်မတီ အစီရင်ခံစာနှင့် ပညာရေးမူဝါဒဆိုင်ရာ ပြင်ဆင်ချက်များ၊ တင်သွင်းမည့်အဆိုများ၊ NNER ၏ မဟာမိတ်မူဝါဒတို့ကို တင်ပြဆွေးနွေးခဲ့ကြပါသည်။ နေ့လည်ပိုင်းတွင် ‘ပညာရေးအသုံးစရိတ်ကို ခွဲခြမ်းစိတ်ဖြာခြင်းနှင့် တိုက်တွန်းနှိုးဆော်ခြင်း’ ဆွေးနွေးပွဲကို ဆက်လက်ပြုလုပ်ခဲ့ရာ APSBAE မှ Ms. Helen Dabue နှင့် Mr. Rene Raya တို့က နိုင်ငံတကာ အခြေအနေများကို ဆွေးနွေးတင်ပြခဲ့ကြပါသည်။ အစည်းအဝေးသို့ NNER ကိုယ်စားပြုကော်မတီဝင်များ၊ လုပ်ငန်းအဖွဲ့ဝင်များ၊ ပြည်နယ်နှင့်တိုင်းအသီးသီးမှ ကိုယ်စားလှယ်များ တက်ရောက်ဆွေးနွေးခဲ့ကြပါသည်။
[ngg_images source=”galleries” container_ids=”194″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]
