Category: ပါတီလှုပ်ရှားမှုများ

၂၀၁၉၊ ဒီဇင်ဘာ ၁၂။ ရန်ကုန်။ DPNS ပါတီစည်းရုံးရေးမှူးသင်တန်း(၂/၂၀၁၉) သင်တန်းသားများသည် ဒီဇင်ဘာလ ၁၂ရက်နေ့လည်ပိုင်းတွင် ပါတီတာဝန်ရှိသူများနှင့်အတူ ရန်ကုန်မြို့တွင်းလေ့လာရေးခရီးစဉ် သွားရောက်ခဲ့ကြပါသည်။ လေ့လာရေးအဖွဲ့ဝင်များသည် ပထမဦးစွာ ရွှေတိဂုံဘုရားလမ်းရှိ ဆရာကြီးသခင်ကိုယ်တော်မှိုင်းဂူဗိမာန်သို့ သွားရောက်ဂါရဝပြုခဲ့ကြပါသည်။ ထိုသို့ သွားရောက်ရာတွင် ဆရာကြီးသခင်ကိုယ်တော်မှိုင်းဂူဗိမာန်စောင့်ရှောက်ရေးအဖွဲ့နှင့် မှိုင်းငြိမ်းကွန်ရက်တို့မှ တာဝန်ရှိသူများက လေ့လာရေးအဖွဲ့အား ရင်းနှီးနွေးထွေးစွာ ကြိုဆိုခဲ့ကြပြီး ဂူဗိမာန်နှင့်ပတ်သက်သည်များကို ရှင်းလင်းပြောကြားခဲ့ကြပါသည်။ ထို့နောက် လေ့လာရေးအဖွဲ့ဝင်များသည် ဒေါ်ခင်ကြည်၊ စုဘုရားလတ်၊ ဦးသန့်တို့၏ ဂူဗိမာန်များ၊ ရွှေတိဂုံဘုရားရင်ပြင်တော်ပေါ်ရှိ သပိတ်မှောက်ကျောင်းသားကြီးများ၏ အထိမ်းအမှတ်ကျောက်တိုင်၊ အာဇာနည်ဗိမာန်နှင့် သွေးဆေးကန်တို့သို့လည်း သွားရောက်လေ့လာခဲ့ကြပါသည်။

၂၀၁၉၊ ဒီဇင်ဘာ ၁၁။ နောင်ထောဝ်၊ ရှမ်းပြည်နယ်။ ရှမ်းပြည်လူမျိုးပေါင်းစုံ ပြည်သူ့လွတ်မြောက်ရေးအဖွဲ့(ရလလဖ)၏ “ရှမ်းပြည်ပဒေသရာဇ်စနစ် ဆန့်ကျင်တော်လှန်ရေးနေ့” နှစ် ၇၀ ပြည့် အထိမ်းအမှတ်အခမ်းအနားကို ၂၀၁၉၊ ဒီဇင်ဘာ ၁၁ ရက်နေ့တွင် ရှမ်းပြည်နယ်၊ နောင်ထောဝ်၌ ကျင်းပခဲ့ပါသည်။ ၎င်းအခမ်းအနားသို့ ပါတီက ပေးပို့သည့် ဂုဏ်ပြုသဝဏ်လွှာတွင် မိမိတို့ လူ့ဘောင်သစ်ဒီမိုကရက်တစ်ပါတီသည် လူမျိုးပေါင်းစုံ ပြည်သူများ၏ အကျိုးအတွက် ကြိုးပမ်းဆောင်ရွက်နေသဖြင့် တူညီသော ဘုံဦးတည်ချက်များရှိသည့် မိမိတို့အဖွဲ့အစည်း (၂) ဖွဲ့သည် ချစ်ကြည်ရင်းနှီးသော မဟာမိတ်များအဖြစ် လွန်ခဲ့သည့် (၂၆) နှစ်ကျော်ကာလကပင် အတူတကွ ပူးပေါင်းဆောင်ရွက်နိုင်ခဲ့ကြသည်ကို ဂုဏ်ယူ ဝမ်းမြောက်ကြောင်း၊ ထိုချစ်ကြည်ရင်းနှီး ပူးပေါင်းမှုကို ထိန်းသိမ်းလျက် လူမျိုးပေါင်းစုံပြည်သူများ၏ လွတ်လပ်မှု၊ တရားမျှတ တန်းတူမှုနှင့် သွေးစည်းချစ်ကြည်မှုများ တိုးတက်ခိုင်မာလာစေရေးကို နောင်အရှည်အမြင့် အတူလက်တွဲ […]

၂၀၁၉၊ ဒီဇင်ဘာ ၉။ ရန်ကုန်။ အမျိုးသမီးများအဖွဲ့ချုပ်(မြန်မာနိုင်ငံ)-WLB ဖွဲ့စည်းတည်ထောင်ခြင်း နှစ် ၂၀ ပြည့်အခမ်းအနားကို ၂၀၁၉၊ ဒီဇင်ဘာ ၉ ရက်နေ့ ညနေပိုင်းက ရန်ကုန်မြို့ Inya Lake ဟိုတယ်၌ ပြုလုပ်ခဲ့ပါသည်။ အခမ်းအနားသို့ WLB အဖွဲ့ဝင်များ၊ နိုင်ငံရေးပါတီခေါင်းဆောင်များ၊ အမျိုးသမီးအသင်းအဖွဲ့များ၊ လူ့အခွင့်အရေး တက်ကြွလှုပ်ရှားသူများ၊ ဖိတ်ကြားထားသည့် ဧည့်သည်များ တက်ရောက်ခဲ့ကြပါသည်။ လူ့ဘောင်သစ်ဒီမိုကရက်တစ်ပါတီ အမျိုးသမီးလုပ်ငန်းကော်မတီခေါင်းဆောင်များနှင့် လူ့ဘောင်သစ်လူငယ်များလည်း အခမ်းအနားတက်ရောက် ဂုဏ်ပြုခဲ့ကြပါသည်။ WLB တွင် တိုင်းရင်းသားအမျိုးသမီးသမဂ္ဂပေါင်း ၁၃ ခု စုပေါင်းဖွဲ့စည်းထားပြီး စတင်ဖွဲ့စည်းချိန်မှစ၍ ယနေ့တိုင်အောင် စစ်အာဏာရှင်စနစ်ဆန့်ကျင်ရေး၊ အမျိုးသမီးထုအခွင့်အရေး၊ လူ့အခွင့်အရေးများအတွက် စွမ်းစွမ်းတမံ ရပ်တည်တိုက်ပွဲဝင်လျက်ရှိကာ မိမိတို့ DPNS နှင့်လည်း မဟာမိတ်အဖြစ် လက်တွဲဆောင်ရွက်လျက်ရှိသည့် အဖွဲ့အစည်းဖြစ်ပါသည်။

၂၀၁၉၊ ဒီဇင်ဘာ ၇- ၈- ၉။ ရွာငံမြို့နယ်၊ ရှမ်းပြည်နယ်။ စည်းလုံးညီညွတ်သောတိုင်းရင်းသားလူမျိုးများမဟာမိတ်နှင့် ဓနုကိုယ်ပိုင်အုပ်ချုပ်ခွင့်ရဒေသ အခြေစိုက်အဖွဲ့အစည်းများ၏ ပြည်ထောင်စုတည်ဆောက်ရေးဆိုင်ရာ နှီးနှောဖလှယ်ပွဲအား ရွာငံမြို့နယ်၊ ဗထူးခန်းမတွင် ၂၀၁၉ ဒီဇင်ဘာ ၇ ရက်နေ့မှ ၉ ရက်နေ့အထိ ကျင်းပပြုလုပ်ခဲ့ပါသည်။ အခမ်းအနားတွင် စည်းလုံးညီညွတ်သောတိုင်းရင်းသားလူမျိုးများမဟာမိတ်(UNA)၏ ဖက်ဒရယ်ပြည်ထောင်စုတည်ဆောက်ရေးဆိုင်ရာအခြေခံမူများ(မူကြမ်း)အား ရှင်းလင်းတင်ပြခဲ့ပြီး ဖွဲ့စည်းပုံအခြေခံဥပဒေအကြပ်အတည်း၏ ထွက်ပေါက်များ၊ အနာဂါတ်ပြည်ထောင်စုမြန်မာနိုင်ငံတွင်စံထားသင့်သည့် စံနှုန်းများနှင့် State Building and Nation Building အကြောင်းများအား ပညာရှင်အသီးသီးက ရှင်းလင်းတင်ပြဆွေးနွေးခဲ့ကြပါသည်။ အခမ်းအနားသို့ အဖွဲ့အစည်းအသီးသီးနှင့် ဒေသခံပြည်သူ ၂၅၀ ခန့်တက်ရောက်ဆွေးနွေးခဲ့ပါသည်။လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်လည်း အဆိုပါဆွေးနွေးပွဲသို့ တက်ရောက်၍ DPNS ၏ အခြေခံနိုင်ငံရေးအယူအဆနှင့် တန်ဖိုးထားမှုများတွင်ပါဝင်သည့် ဒီမိုကရက်တစ်ဖက်ဒရယ်ပြည်ထောင်စု တည်ဆောက်ရေးဆိုင်ရာအမြင်များကို ဦးဆောင်ဆွေးနွေးပေးခဲ့ပါသည်။ ဓာတ်ပုံ – UNA […]

၂၀၁၉၊ ၃- ၄- ၅ ဒီဇင်ဘာ။ ဂျကာတာမြို့၊ အင်ဒိုနီးရှားနိုင်ငံ။ SocDem Asia က စီစဉ်ပြုလုပ်သည့် လူမှုတရားမျှတရေးအတွက် အားလုံးပါဝင်သည့် မူဝါဒ ဖော်ဆောင်နိုင်ရေး ဆွေးနွေးပွဲကို ၂၀၁၉၊ ဒီဇင်ဘာလ ၃ ရက်နေ့မှ ၅ ရက်နေ့အထိ အင်ဒိုနီးရှားနိုင်ငံ၊ ဂျကာတာမြို့၌ ပြုလုပ်ခဲ့ပါသည်။ အင်ဒိုနီးရှားနိုင်ငံမှ NasDem ပါတီက အိမ်ရှင်အဖြစ် လက်ခံကျင်းပခြင်းဖြစ်သည်။ ၎င်းအစည်းအဝေးသို့ မြန်မာ၊ ထိုင်း၊ ဒိန်းမတ်၊ အင်ဒိုနီးရှား၊ မလေးရှား၊ ဖိလစ်ပိုင်၊ အိန္ဒိယ၊ နီပေါနိုင်ငံတို့မှ SocDem Asia အဖွဲ့ဝင် ပါတီခေါင်းဆောင်များ တက်ရောက်ခဲ့ကြပါသည်။ ၎င်းဆွေးနွေးပွဲသို့ မြန်မာနိုင်ငံမှ လူ့ဘောင်သစ်ဒီမိုကရက်တစ်ပါတီနှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့မှ ခေါင်းဆောင်များလည်း တက်ရောက်ဆွေးနွေးခဲ့ကြပါသည်။

၂၀၁၉၊ နိုဝင်ဘာ ၂၅။ ဌာနချုပ်ရုံး။ လူ့ဘောင်သစ်ဒီမိုကရက်တစ်ပါတီ စည်းရုံးရေးမှူးသင်တန်း အမှတ်စဉ် ၂/၂၀၁၉ ဖွင့်ပွဲကို ၂၀၁၉၊ နိုဝင်ဘာ ၂၅ ရက်နေ့တွင် ရန်ကုန်မြို့ရှိ ပါတီဌာနချုပ်ရုံး၌ ပြုလုပ်ခဲ့ပါသည်။ လူထုအတွင်းစည်းရုံးရေးလုပ်ငန်းများ လုပ်ဆောင်ရာတွင် ထက်မြက်တက်ကြွခိုင်မာသည့် ပါတီစည်းရုံးရေးမှူးကောင်းများ ပေါ်ထွက်လာစေရန်အတွက် ရည်ရွယ်ပြီး စည်းရုံးရေးမှူးသင်တန်းများ ဖွင့်လှစ်ရခြင်းဖြစ်သည်။ ဖွင့်ပွဲအခမ်းအနားတွင် ပါတီခေါင်းဆောင်များက သင်တန်းသားများအား ကြိုဆိုနှုတ်ခွန်းဆက်စကား ပြောကြားခဲ့ကြပါသည်။ ထို့ပြင် မဟာမိတ်အဖွဲ့အစည်းများဖြစ်ကြသည့် စည်းလုံးညီညွတ်သော တိုင်းရင်းသားလူမျိုးများမဟာမိတ်၊ ကရင်အမျိုးသားပါတီ၊ ရခိုင်ဒီမိုကရေစီအဖွဲ့ချုပ်၊ ရှမ်းတိုင်းရင်းသားများဒီမိုကရေစီအဖွဲ့ချုပ်၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ၁၉၇၄-၇၅-၇၆ နိုင်ငံရေးအင်အားစုတို့ တက်ရောက်အားပေး ကြိုဆိုနှုတ်ခွန်းဆက်စကား ပြောကြားခဲ့ကြပါသည်။

၂၀၁၉၊ နိုဝင်ဘာ ၂၄-၂၅။ ဘန်ကောက်။ SocDem Asia အစည်းအဝေးကို ၂၀၁၉၊ နိုဝင်ဘာ ၂၄ ရက်နှင့် ၂၅ ရက်နေ့တို့တွင် ထိုင်းနိုင်ငံ၊ ဘန်ကောက်မြို့၌ ပြုလုပ်ခဲ့ပါသည်။ မြန်မာ၊ ထိုင်း၊ အိန္ဒိယ၊ ဆွီဒင်၊ မလေးရှား၊ အင်ဒိုနီးရှား၊ ဖိလစ်ပိုင်နိုင်ငံတို့မှ SocDem Asia အဖွဲ့ဝင်များ တက်ရောက်ခဲ့ကြရာ မြန်မာနိုင်ငံမှ လူ့ဘောင်သစ်ဒီမိုကရက်တစ်ပါတီနှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့၏ ကိုယ်စားလှယ်များလည်း တက်ရောက်ခဲ့ကြပါသည်။တက်ရောက်လာသည့် ကိုယ်စားလှယ်များက မိမိတို့နိုင်ငံအသီးသီး၏ ပြုပြင်ပြောင်းလဲရေးအတွက် လိုအပ်ချက်များ၊ စိန်ခေါ်မှုများ၊ လက်ရှိအခြေအနေများကို တင်ပြဆွေးနွေးခဲ့ကြပါသည်။

၂၀၁၉၊ နိုဝင်ဘာ ၁၈ – ၂၂ ဌာနချုပ်ရုံး၊ ရန်ကုန်။ လူ့ဘောင်သစ်ဒီမိုကရက်တစ်ပါတီ၏ ရွေးကောက်ပွဲမဟာဗျူဟာ အလုပ်ရုံဆွေးနွေးပွဲကို ၂၀၁၉၊ နိုဝင်ဘာ ၁၈ ရက်နေ့မှ ၂၂ ရက်နေ့ထိ ရန်ကုန်မြို့ရှိ ပါတီဌာနချုပ်ရုံး၌ ကျင်းပခဲ့ပါသည်။ ဆွေးနွေးပွဲတွင် နိုင်ငံရေးဦးဆောင်မှု၊ ပဋိပက္ခဖြေရှင်းရေးဆိုင်ရာ သဘောတရား၊ ရွေးကောက်ပွဲတွင် မဲဆွယ်စည်းရုံးခြင်း စသည့် ခေါင်းစဉ်များဖြင့် ဆွေးနွေးခဲ့ကြပြီး ပါတီဗဟိုကော်တီဝင်များ၊ ဒေသဆိုင်ရာကော်မတီခေါင်းဆောင်များ၊ ဖိတ်ကြားထားသူများ တက်ရောက်ခဲ့ကြပြီး ဆွေးနွေးခဲ့ကြပါသည်။