ဆရာကြီးသခင်ကိုယ်တော်မှိုင်း ၁၄၃ နှစ်မြောက်မွေးနေ့အခမ်းအနားကျင်းပ

ဆရာကြီးသခင်ကိုယ်တော်မှိုင်း ၁၄၃ နှစ်မြောက် မွေးနေ့အထိမ်းအမှတ်အခမ်းအနားကို ၂၀၁၉၊ မတ်လ ၂၃ ရက်နေ့ နံနက်ပိုင်းတွင် ရန်ကုန်မြို့၊ ရွှေတိဂုံဘုရားလမ်းရှိ ဆရာကြီးသခင်ကိုယ်တော်မှိုင်းဂူဗိမာန်၌ ကျင်းပခဲ့ပါသည်။ ရွှေဝါရောင်ဦးဆောင်သံဃာတော်၊ နိုင်ငံရေးပါတီ၊ အလုပ်သမား၊ လယ်သမား၊ မှိုင်းရာပြည့်ကျောင်းသားခေါင်းဆောင် အစရှိသည့် လူထုလူတန်းစား အလွှာအသီးသီးမှ ခေါင်းဆောင်များက ဂူဏ်ပြုအမှတ်တရစကား ပြောကြားခဲ့ကြပြီး သဝဏ်လွှာများလည်း ပေးပို့ခဲ့ကြပါသည်။နေ့လည်ပိုင်းတွင် “ငြိမ်းချမ်းရေးနှင့် ၂၀ဝ၈ ဖွဲ့စည်းပုံအခြေခံဥပဒေ” ခေါင်းစဉ်ဖြင့် ငြိမ်းချမ်းရေးစကားသိုင်း ပြုလုပ်ခဲ့ပါသည်။ ဦးစိုင်းညွန့်လွင်(စည်းလုံးညီညွတ်သော တိုင်းရင်းသားလူမျိုးများမဟာမိတ်)၊ ဦးကြီးမြင့်(ဥပဒေပညာရှင်)၊ ဦးတင်အေးကြူ(မှိုင်းရာပြည့်ကျောင်းသားခေါင်းဆောင်)တို့က စကားဝိုင်းကို ဦးဆောင်ဆွေးနွေးပေးခဲ့ကြပါသည်။

Continue Reading

ဆရာကြီးသခင်ကိုယ်တော်မှိုင်း ၁၄၃ နှစ်မြောက်မွေးနေ့အခမ်းအနားကို ရွှေတောင်မြို့ရှိ DPNS ရုံး၌ ကျင်းပ

ဆရာကြီးသခင်ကိုယ်တော်မှိုင်း ၁၄၃ နှစ်မြောက် မွေးနေ့အထိမ်းအမှတ်အခမ်းအနားကို ၂၀၁၉၊ မတ်လ ၂၃ ရက်နေ့ နံနက်ပိုင်းတွင် ဆရာကြီးမွေးဖွားရာဇာတိဖြစ်သည့် ရွှေတောင်မြို့ရှိ လူ့ဘောင်သစ်ဒီမိုကရက်တစ်ပါတီရုံး၌ ကျင်းပခဲ့ပါသည်။ ပြည်ခရိုင်မှိုင်းငြိမ်းကွန်ရက်နှင့် လူ့ဘောင်သစ်ဒီမိုကရက်တစ်ပါတီ ပြည်ခရိုင်တို့က ပူးပေါင်းကျင်းပခြင်းဖြစ်သည်။ ပြည်ခရိုင်အတွင်းရှိ နိုင်ငံရေးတက်ကြွလှုပ်ရှားသူများ၊ မှိုင်းငြိမ်းကွန်ရက်အဖွဲ့ဝင်များ၊ လူ့ဘောင်သစ်ဒီမိုကရက်တစ်ပါတီရဲဘော်များ၊ လူ့ဘောင်သစ်လူငယ်များ တက်ရောက်၍ ဂုဏ်ပြုအမှတ်တရစကားများ ပြောကြားခဲ့ကြပါသည်။ အခမ်းအနားသို့ ပြည်ခရိုင် မှိုင်းငြိမ်းကွန်ရက်၊ မုံရွာမှိုင်းငြိမ်းကွန်ရက်၊ ပခုက္ကူမှိုင်းငြိမ်းကွန်ရက်၊ လူ့ဘောင်သစ်ဒီမိုကရက်တစ်ပါတီတို့မှ သဝဏ်လွှာများ ပေးပို့ခဲ့ကြပါသည်။

Continue Reading

DPNS ဗဟိုအလုပ်အမှုဆောင်ကော်မတီနှင့် ပုသိမ်၊ချောင်းသာ ပါတီကော်မတီခေါင်းဆောင်များအစည်းအဝေး ပြုလုပ်

လူ့ဘောင်သစ်ဒီမိုကရက်တစ်ပါတီ ဗဟိုအလုပ်အမှုဆောင်ကော်မတီနှင့် ပုသိမ်၊ချောင်းသာ ပါတီကော်မတီခေါင်းဆောင်များ၏ အစည်းအဝေးကို ပုသိမ်မြို့ရှိ ဧရာဝတီတိုင်းဒေသကြီးရုံးခန်း၌ ၂၀၁၉၊ မတ်လ ၂၂ ရက်နေ့တွင် ပြုလုပ်ခဲ့ပါသည်။ အစည်းအဝေးတွင် ပါတီဥက္ကဋ္ဌ ဦးအောင်မိုးဇော်နှင့် ပါတီတွဲဖက်အထွေထွေအတွင်းရေးမှူး(၂) ဦးတိုးတိုးထွန်းတို့က ဦးဆောင်ပြီး ပါတီ၏ မူဝါဒ၊ သဘောထားနှင့် ဒေသအခြေအနေများ၊ ရှေ့လုပ်ငန်းစဉ်များကို ဒေသခံခေါင်းဆောင်များနှင့် ဆွေးနွေးခဲ့ကြပါသည်။

Continue Reading

“ဖက်ဒရယ်၏အခြေခံသဘောတရားများ”ဆွေးနွေးပွဲကို ရေကြည်မြို့နယ်တွင် ပြုလုပ်

၂၀၁၉၊ မတ်လ ၁၉ ရက်နေ့နှင့် ၂၀ ရက်နေ့တို့တွင် “ဖက်ဒရယ်၏အခြေခံသဘောတရားများ” ဆွေးနွေးပွဲကို ဧရာဝတီတိုင်းဒေသကြီး၊ ရေကြည်မြို့နယ် ပါတီရုံးခန်း၌ ပြုလုပ်ခဲ့ပါသည်။ ဆွေးနွေးပွဲကျင်းပရခြင်း၏ ရည်ရွယ်ချက်ကို ပါတီဥက္ကဋ္ဌ ဦးအောင်မိုးဇော်က ရှင်းလင်းပြောကြားခဲ့ပါသည်။ ထို့နောက် FTT ဆရာများက ဖက်ဒရယ်သဘောတရား၊ ဖွဲ့စည်းပုံအခြေခံဥပဒေ၊ ဖက်ဒရယ်စနစ်တွင် မတူကွဲပြားမှုကို စီမံခန့်ခွဲခြင်း ခေါင်းစဉ်များဖြင့် ရှင်းလင်းဆွေးနွေးခဲ့ကြပါသည်။ ဆွေးနွေးပွဲသို့ အသုတ်၊ ငသိုင်းချောင်း၊ ရေကြည်မြို့နယ် ပါတီခေါင်းဆောင်များနှင့် ပါတီဝင်များ ၇၀ ကျော် တက်ရောက်ခဲ့ကြပါသည်။ ဆွေးနွေးပွဲအပြီး ညနေပိုင်းတွင် ပါတီဥက္ကဋ္ဌ၊ ပါတီတွဲဖက်အထွေထွေ အတွင်းရေးမှူး(၂) တို့ ဦးဆောင်၍ မြို့နယ်ပါတီခေါင်းဆောင်များ၊ ပါတီဝင်များနှင့် ပါတီ၏မူဝါဒ၊ ရပ်တည်ချက်၊ လက်ရှိနိုင်ငံရေးအခြေအနေတို့ကို ဆွေးနွေးခဲ့ကြပါသည်။

Continue Reading

ဖက်ဒရယ်စနစ်၏ အခြေခံမူများ အလုပ်ရုံဆွေးနွေးပွဲ အင်္ဂပူတွင် ပြုလုပ်

ဖက်ဒရယ်စနစ်၏အခြေခံမူများ အလုပ်ရုံဆွေးနွေးပွဲကို ၂၀၁၉၊ မတ်လ၊ ၁၆ နှင့် ၁၇ ရက်နေ့တို့တွင် ဧရာဝတီတိုင်းဒေသကြီး၊ အင်္ဂပူမြို့နယ်၊ ကွင်းကောက်မြို့၌ ပြုလုပ်ခဲ့ပါသည်။ FTT သင်တန်းဆရာများက လုပ်ပိုင်ခွင့်နှင့် အာဏာများကို ခွဲဝေခြင်း၊ ဒေသန္တရအစိုးရများ၊ ငွေကြေးနှင့် သယံဇာတများကို စီမံခန့်ခွဲခြင်းခေါင်းစဉ်များဖြင့် ရှင်းလင်းဆွေးနွေးခဲ့ကြပါသည်။ အင်္ဂပူမြို့နယ်ကော်မတီဝင်များ၊ ပါတီဝင်များ၊ မဟာမိတ်အင်အားစုများ စုစုပေါင်း ၅၀ ခန့် ဆွေးနွေးပွဲတက်ရောက်ခဲ့ကြပါသည်။ ဆွေးနွေးပွဲအပြီးတွင် အင်္ဂပူမြို့နယ်ကော်မတီဥက္ကဋ္ဌ ဦးတင်ဝင်းက ပါတီကိုယ်စား ကျေးဇူးတင်စကား ပြောကြားခဲ့ပါသည်။ညနေပိုင်းတွင် ပါတီတွဲဖက်အထွေထွေအတွင်းရေးမှူး(၂) ဦးတိုးတိုးထွန်းဦးဆောင်၍ အင်္ဂပူမြို့နယ်ကော်မတီဝင်များ၊ ပါတီဝင်များနှင့် ဒေသဆိုင်ရာ ပါတီတည်ဆောက်ရေး လုပ်ငန်းများကို ဆွေးနွေးခဲ့ကြပါသည်။

Continue Reading

CCTU နှင့် IWWO အလုပ်သမားသမဂ္ဂများမှ တာဝန်ရှိသူများနှင့် တွေ့ဆုံ

လူ့ဘောင်သစ်ဒီမိုကရက်တစ်ပါတီ အလုပ်သမားရေးရာကော်မတီမှ ဒေါ်နှင်းနှင်းမွှေးနှင့် ဦးငွေလင်းတို့သည် ၂၀၁၉၊ မတ်လ ၁၇ ရက်နေ့ နံနက်ပိုင်းတွင် အလုပ်သမားသမဂ္ဂများ ပူးပေါင်းဆောင်ရွက်ရေးကော်မတီ(CCTU) နှင့် စက်မှုလုပ်ငန်းဆိုင်ရာ အမျိုးသမီးအလုပ်သမားများ အစည်းအရုံး(IWWO) တို့မှ တာဝန်ရှိသူများနှင့် CCTU ရုံး၌ တွေ့ဆုံဆွေးနွေးခဲ့ကြပါသည်။ထိုသို့တွေ့ဆုံရာတွင် အလုပ်သမားအရေးနှင့်စပ်လျဉ်း၍ ပူးပေါင်းဆောင်ရွက်နိုင်သည့် လုပ်ငန်းများ၊ မြန်မာ့အလုပ်သမားအရေးတွင် ရင်ဆိုင်ကြုံတွေ့နေရသည့် ပြဿနာများ၊ အခက်အခဲများ၊ ဆောင်ရွက်သင့်သည်များကိုလည်း အမြင်ချင်းဖလှယ်ခဲ့ကြပါသည်။

Continue Reading

လူ့ဘောင်သစ်ဒီမိုကရက်တစ်ပါတီ ပွင့်ဖြူမြို့နယ် ရုံးခန်းဖွင့်လှစ်

လူ့ဘောင်သစ်ဒီမိုကရက်တစ်ပါတီ ပွင့်ဖြူမြို့နယ် ရုံးခန်းဖွင့်ပွဲကို ၂၀၁၉၊ မတ်လ ၁၃ ရက်နေ့ နံနက်ပိုင်းတွင် ပြုလုပ်ခဲ့ပါသည်။ ဖွင့်ပွဲအခမ်းအနားတွင် ပါတီတွဲဖက်အထွေထွေအတွင်းရေးမှူး(၁) ဒေါ်နှင်းနှင်းမွှေး၊ ဗဟိုအလုပ်မှုဆောင်ကော်မတီဝင် ဦးငွေလင်း၊ ဗဟိုအလုပ်အမှုဆောင်ကော်မတီဝင် ကိုသူအောင်၊ ဗဟိုကော်မတီဝင် ဦးအောင်နိုင်ဦး၊ မင်းဘူးခရိုင်စည်းရုံးရေးတာဝန်ခံ ဦးသန့်စင်၊ ပွင့်ဖြူမြို့နယ်ကော်မတီအတွင်းရေးမှူး ဦးဟန်သိန်းတို့က ပါတီဖြတ်သန်းမှုသမိုင်းကြောင်း၊ ရပ်တည်ချက်၊ ရှေ့လုပ်ငန်းစဉ်များ၊ လက်ရှိနိုင်ငံရေးအခြေအနေတို့ကို ရှင်းလင်းပြောကြားခဲ့ကြပါသည်။ ရုံးခန်းဖွင့်ပွဲသို့ လူ့ဘောင်သစ်ဒီမိုကရက်တစ်ပါတီဝင်များ၊ မဟာမိတ်အင်အားစုများ၊ ပွင့်ဖြူမြို့နယ် ဒေသခံများ တက်ရောက်ခဲ့ကြပါသည်။

Continue Reading

လူမှုဖူလုံရေးစနစ် ပြန်လည်မွေးဖွားခြင်း ကျန်းမာရေးစောင့်ရှောက်မှုစနစ်နှင့် ပတ်သက်၍ အလုပ်ရုံဆွေးနွေးပွဲပြုလုပ်

“မြန်မာနိုင်ငံတွင် လူမှုဖူလုံရေးစနစ် ပြန်လည်မွေးဖွားခြင်း… ကျန်းမာရေးစောင့်ရှောက်မှုစနစ်” ခေါင်းစဉ်ဖြင့် အလုပ်ရုံဆွေးနွေးပွဲကို ၂၀၁၉၊ မတ်လ ၁၃ ရက်နေ့ နံနက် ၉းဝ၀ မှ ၅းဝ၀ အထိ နေပြည်တော်ရှိ MATA နေပြည်တော်စင်တာ၌ ကျင်းပပြုလုပ်ခဲ့ပါသည်။ လူ့ဘောင်သစ်ဒီမိုကရက်တစ်ပါတီနှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့ ပူးပေါင်းဆောင်ရွက်လျက်ရှိသော အားလုံးပါဝင်သည့်မူဝါဒ ရေးဆွဲရေး ( Inclusive Policy Formulation) လုပ်ငန်းစဉ်အရ လူမှုဖူလုံရေးကဏ္ဍ ကျန်းမာရေးစောင့်ရှောက်မှုဆိုင်ရာ မူဝါဒပေါ်ပေါက်ရန် ရည်ရွယ်၍ ဆွေးနွေးပွဲပြုလုပ်ခြင်း ဖြစ်ပါသည်။အလုပ်ရုံဆွေးနွေးပွဲသို့ ရှမ်းတိုင်းရင်းသားများဒီမိုကရေစီအဖွဲ့ချုပ်မှ ခေါင်းဆောင်များနှင့် လွှတ်တော်ကိုယ်စားလှယ်များ၊ လူ့ဘောင်သစ်ဒီမိုကရက်တစ်ပါတီမှ ခေါင်းဆောင်များ တက်ရောက်ခဲ့ကြပါသည်။ ဆွေးနွေးပွဲကို လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် ရှမ်းတိုင်းရင်းသားများဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် နန်ထွေးမှုံတို့က အဖွင့်အမှာစကားပြော ဖွင့်လှစ်ခဲ့ပါသည်။ ထို့နောက် Community Partners International အမှုဆောင်ဒါရိုက်တာ ဒေါက်တာ […]

Continue Reading

ပါတီဥက္ကဋ္ဌဟောင်း ရဲဘော်မြင့်ဇော်၏ ကျန်ရစ်သူမိသားစုများအား သွားရောက်တွေ့ဆုံ

လူ့ဘောင်သစ်ဒီမိုကရက်တစ်ပါတီ ဗဟိုအလုပ်အမှုဆောင်ကော်မတီဝင်များသည် ပါတီဥက္ကဋ္ဌဟောင်း ရဲဘော်မြင့်ဇော်(၁၉၆၄-၁၉၉၇)၏ ကျန်ရစ်သူမိသားစုအား ၂၀၁၉၊ မတ်လ ၅ ရက်နေ့ နံနက်ပိုင်းတွင် သွားရောက်တွေ့ဆုံခဲ့ကြပါသည်။ ထိုသို့ တွေ့ဆုံရာတွင် ခရမ်းမြို့နယ်ဒေသခံ နိုင်ငံရေးတက်ကြွလှုပ်ရှားသူများလည်း လာရောက်ခဲ့ကြပြီး ရဲဘော်မြင့်ဇော်ကျန်ရှိခဲ့သည့် အမှတ်တရပစ္စည်းများကို ရဲဘော်မြင့်ဇော်၏ ညီဖြစ်သူအား ပေးအပ်ခဲ့ပါသည်။

Continue Reading

ဆရာကြီး သခင်ကိုယ်တော်မှိုင်း ၁၄၃ နှစ်ပြည့်မွေးနေ့အခမ်းအနား ကျင်းပရေး အစည်းအဝေးတက်ရောက်

ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်တို့၏ အစည်းအဝေးကို ရွှေတိဂုံဘုရားလမ်းရှိ ဆရာကြီးမှိုင်းဂူဗိမာန်၌ ၂၀၁၉၊ မတ်လ ၃ ရက်နေ့၌ ပြုလုပ်ခဲ့ပါသည်။ အစည်းအဝေး၌ မတ်လ ၂၃ ရက်နေ့တွင် ကျရောက်မည့် ဆရာကြီးမှိုင်း ၁၄၃ နှစ်ပြည့်မွေးနေ့အခမ်းအနားအတွက် အသေးစိတ်အစီအစဉ်များကို ဆွေးနွေးညှိနှိုင်းခဲ့ကြပါသည်။

Continue Reading