ရွှေတောင်မြို့နယ်ရုံးဖွင့်ခြင်း (၂)နှစ်ပြည့်နှင့် ၇ ဇူလိုင်အခမ်းအနားကို ရွှေတောင်မြို့တွင် ကျင်းပ

၇၊ ၇၊ ၂၀၁၇ ရက်နေ့တွင် ကျရောက်သည့် ၅၅ နှစ်မြောက် ၇-ဇူလိုင် အခမ်းအနားကို လူ့ဘောင်သစ်ဒီမိုကရက်တစ်ပါတီ ရွှေတောင်မြို့နယ် ရုံး၌ ကျင်းပခဲ့ပါသည်။ မြို့နယ်ရုံးဖွင့်လှစ်ခြင်း ၂ နှစ်ပြည့်အခမ်းအနားကိုပါ ပူးတွဲကျင်းပခဲ့ခြင်းဖြစ်သည်။ ပြည်ခရိုင်မှိုင်းငြိမ်းကွန်ရက်၊ ဗကသများအဖွဲ့ချုပ်၊ နိုင်ငံရေးအကျဉ်းသားဟောင်းများအဖွဲ့ အစရှိသည့် နိုင်ငံရေးအင်အားစုအသီးသီး တက်ရောက်ဂုဏ်ပြုခဲ့ကြပါသည်။
အခမ်းအနားသို့ တက်ရောက်လာကြသည့် အင်အားစုအသီးသီးက အမှတ်တရစကား ပြောကြားခဲ့ကြပြီး ပါတီဗဟိုစည်းရုံးရေးကော်မတီဝင် ဦးအောင်မြင့်စိန်ကလည်း ဂုဏ်ပြုအမှတ်တရစကား ပြောကြားခဲ့ပါသည်။ လူ့ဘောင်သစ်ဒီမိုကရက်တစ်ပါတီဌာနချုပ်၊ လူ့ဘောင်သစ်လူငယ်နှင့် အခြားအဖွဲ့အစည်းများမှ ပေးပို့လာသည့် သဝဏ်လွှာများကို ဖတ်ကြားပြီးနောက် မြို့နယ်စည်းရုံးရေးကော်မတီဥက္ကဋ္ဌ ဦးမိုးမင်းဦးက ကျေးဇူးတင်စကား ပြောကြား၍ အခမ်းအနားကို ရုပ်သိမ်းခဲ့ပါသည်။

[ngg_images source=”galleries” container_ids=”227″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]