၂၀၁၉၊ မေလ ၂၆ ရက်နေ့ညနေပိုင်းတွင် မဟာဗန္ဓုလပန်းခြံရှေ့၌ ဘာသာပေါင်းစုံစတုဒီသာအလှူနှင့် စုပေါင်းဝါဖြေပွဲ ပြုလုပ်ခဲ့ပါသည်။ ၎င်းပွဲသို့ ဘာသာကြီးလေးရပ်မှ ဆရာတော် သံဃာတော်များ၊ လူ့အခွင့်အရေး တက်ကြွလှုပ်ရှားသူများ၊ နိုင်ငံရေးပါတီခေါင်းဆောင်များ၊ နိုင်ငံရေးအကျဉ်းသားဟောင်းများ၊ သတင်းမီဒီယာသမားများ၊ ဘာသာအသီးသီး လူထုလူတန်းစား အလွှာအသီးသီးမှပုဂ္ဂိုလ်များ၊ ရန်ကုန်မြို့တော်ဝန်နှင့် လွှတ်တော်ကိုယ်စားလှယ်များ စုံစုံညီညီ လာရောက်ခဲ့ကြပါသည်။ ၎င်းဝါဖြေပွဲတွင် လူ့ဘောင်သစ်ဒီမိုကရက်တစ်ပါတီနှင့် လူ့ဘောင်သစ်လူငယ်ခေါင်းဆောင်များလည်း ပူးပေါင်းပါဝင်ခဲ့ကြပါသည်။