နိုင်ငံရေးအကျဉ်းသားဟောင်း ဦးထွန်းရီ(၁၉၆၀- ၂၀၁၉)၏ ဈာပနကို မေလ ၂၅ ရက်နေ့ ညနေ ၃းဝ၀ နာရီတွင် ရန်ကုန်မြို့၊ ရေဝေးသုဿန်၌ ပြုလုပ်ခဲ့ပါသည်။ ဦးထွန်းရီသည် ၁၉၇၅၊ ဇွန် ၆ အလုပ်သမားနှစ်ပတ်လည် ရွှေတိဂုံကျောင်းသားသပိတ်တိုက်ပွဲတွင် ဖမ်းဆီးခံရပြီး စစ်ခုံရုံးမှ ထောင်ဒဏ် ၄ နှစ်ချမှတ်ခြင်း ခံခဲ့ရသည်။ ထောင်ကျချိန်တွင် နဝမတန်းကျောင်းသားဖြစ်ပြီး အသက် ၁၅နှစ်သာရှိသေးသည်။ ၁၉၇၆၊ ဧပြီ ၁ရက် ထောင်တွင်းသပိတ်တိုက်ပွဲတွင် အကြမ်းဖက်ရိုက်နှက်ခံရသဖြင့် ဒဏ်ရာပြင်းထန်စွာ ရရှိခဲ့သည်။ ထောင်မှပြန်လည်လွတ်မြောက်လာပြီးနောက်ပိုင်းတွင် ကျန်းမာရေးမကောင်းသည့်ကြားမှပင် စစ်အာဏာရှင်စနစ်ဆန့်ကျင်ရေးကို အစဉ်တစိုက် စွဲမြဲခိုင်မာခဲ့သူဖြစ်သည်။ ဦးထွန်းရီ၏ဈာပနသို့ ၁၉၇၄- ၇၅- ၇၆ နိုင်ငံရေးအင်အားစုများ၊ လူ့ဘောင်သစ်ဒီမိုကရက်တစ်ပါတီ၊ လူ့ဘောင်သစ်လူငယ်နှင့် နိုင်ငံရေးအကျဉ်းသားဟောင်းများ တက်ရောက်ဂါရဝပြုခဲ့ကြပါသည်။
[ngg src=”galleries” ids=”591″ display=”basic_thumbnail”]
