Author: DPNS INFORMATION

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) လုပ်ငန်းအဖွဲ့များ၏ ၆ လပတ် အစည်းအဝေးကို ၁၊၁၀၊ ၁၆ ရက်နေ့က မကွေးမြို့၊ နန်းထိုက်သူဟိုတယ်၌ ကျင်းပခဲ့ပါသည်။ NNER လုပ်ငန်းအဖွဲ့အသီးသီး၏ လုပ်ငန်းအစီရင်ခံစာများကို ဖတ်ကြားတင်သွင်းခဲ့ပြီး ကျောင်းသုံးပြဋ္ဌာန်းထားသည့်ဖတ်စာအုပ်များအပေါ် ဝေဖန်သုံးသပ်ခဲ့ကြပါသည်။ NNER ကိုယ်စားပြု ကော်မတီကို ဖွဲ့စည်းခဲ့ပြီး တက်ရောက်လာသော ကိုယ်စားလှယ်များက ရှေ့လုပ်ငန်းစဉ်များကို ဆွေးနွေးအကြံပြုခဲ့ကြပါသည်။ ကိုယ်စားပြုကော်မတီ ပထမအကြိမ်အစည်းအဝေးကို ၁၊ ၁၀၊ ၁၆ ရက်နေ့ညပိုင်းတွင် ကျင်းပခဲ့ရာ ကိုယ်စားပြုကော်မတီ၏ သက်တမ်းနှင့် လုပ်ငန်းတာဝန်များ၊ ရှေ့လုပ်ငန်းစဉ်များကို ဆွေးနွေးအတည်ပြုခဲ့ကြပါသည်။ ၂၊ ၁၀၊ ၁၆ ရက်နေ့တွင် “နိုင်ငံအသွင် ကူးပြောင်းမှုကာလအတွင်း ပညာရေးပြုပြင်ပြောင်းလဲမှု” ခေါင်းစဉ်ဖြင့် ဟောပြောဆွေးနွေးးပွဲကို နန်းထိုက်သူဟိုတယ်၌ပင် ပြုလုပ်ခဲ့ပါသည်။ ပညာရေးသည် လူ့အခွင့်အရေး၊ အဆင့်မြင့်ပညာရေးကဏ္ဍတွင် ပြုပြင်ပြောင်းလဲမှု အခြေအနေ၊ နိုင်ငံအသွင် ကူးပြောင်းမှုကာလအတွင်း ပညာရေးပြုပြင်ပြောင်းလဲမှုဟူသည့် ခေါင်းစဉ်ကြီးသုံးခုဖြင့် ဆွေးနွေးခဲ့ကြပါသည်။ အဆင့်မြင့်ပညာရေး ကဏ္ဍတွင် ပြုပြင်ပြောင်းလဲမှုအခြေအနေ ခေါင်းစဉ်ဖြင့် ဆွေးနွေးကြရာတွင် ကိုဟန်သူ(မကွေးဆေးတက္ကသိုလ်၊ လူ့ဘောင်သစ် လူငယ် အတွင်းရေးမှူး)က ကျောင်းများ၌ အလွတ်ကျက်ဖြေစနစ်၊ ဆရာဗဟိုပြုသင်ကြားရေးနည်းစနစ်များကို ကျင့်သုံးခြင်းသည် အမှန်တကယ် ပညာတတ်မြောက်ရေးအတွက် အထောက်အကူမပြုကြောင်း၊ ကျောင်သားများကိုယ်တိုင် လက်တွေ့လေ့လာ သင်ယူသည့် ကျောင်းသားဗဟိုပြုသင်ကြားရေးစနစ်ကို ပြောင်းလဲကျင့်သုံးမှသာလျှင် ပညာတတ်အစစ်များ ပေါ်ထွက်လာနိုင်မည် ဖြစ်ကြောင်းကို ဆွေးနွေးပေးခဲ့ပါသည်။

လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် ပါတီဗဟိုဦးဆောင်ကော်မတီဝင် ဒေါ်နိုးနိုးထက်စံ တို့သည် ဆွီဒင်နိုင်ငံသို့ ၂၀၁၆၊ စက်တင်ဘာလ စတုတ္ထပတ်တွင် သွားရောက်ခဲ့ကြပါသည်။ ၂၉၊ ၉၊ ၁၆ ရက်နေ့တွင် Swedish Social Democratic Party ၏ အထွေထွေအတွင်းရေးမှူး Lena Rådström Baastad နှင့်လည်းကောင်း၊ Swedish Social Democratic Youth League (SSU) ဥက္ကဋ္ဌ Philip Bodström၊ အထွေထွေအတွင်းရေးမှူး Andrea Törnestam ၊ အပြည်ပြည်ဆိုင်ရာ အတွင်းရေးမှူး Rebecca Abrahamsson တို့နှင့်လည်းကောင်း လက်ရှိမြန်မာ့နိုင်ငံရေး အခြေအနေများကို ဆွေးနွေးခဲ့ကြပါသည်။
၃၀၊ ၁၀၊ ၁၆ ရက်နေ့တွင် စတော့ဟုမ်းမြို့တော်ခန်းမသို့ သွားရောက်၍ ဆိုရှယ်ဒီမိုကရက်ပါတီ၏ နိုင်ငံရေးအကြံပေး Oscar Lavelid နှင့်လည်းကောင်း၊ စတော့ဟုမ်း ဒုတိယမြို့တော်ဝန် Johan Sjölander၊ အလုပ်သမားသမဂ္ဂ အတွင်းရေးမှူး Anders Jonsson၊ လူထုဆက်ဆံရေးဌာန တာဝန်ခံ Maria Östberg Svanelind နှင့်လည်းကောင်း တွေ့ဆုံ၍ မြန်မာ့နိုင်ငံရေးအခြေအနေများ၊ ဆွီဒင်အလုပ်သမားသမဂ္ဂများ၏ အခြေအနေများကို အပြန်အလှန် လေ့လာဆွေးနွေးခဲ့ကြပါသည်။

ပုသိမ်မြို့ ကရုဏာစင်တာခန်းမ၌ ၂၉၊ ၉၊ ၂၀၁၆ ရက်နေ့က လက်ရှိနိုင်ငံရေးအခင်းအကျင်းနှင့် လူငယ်များ၏အခန်းကဏ္ဍ ခေါင်းစဉ်ဖြင့် အလုပ်ရုံဆွေးနွေးပွဲတခုကို ပြုလုပ်ခဲ့ပါသည်။ ထိုဆွေးနွေးပွဲကို လူငယ်အ၀ိုင်းအ၀န်း (Youth Circle)က ကမကထပြုပြီး ပုသိမ်အခြေစိုက်လူငယ်အဖွဲ့အစည်းများ စုစည်း ပြုလုပ်ခြင်းကြခြင်း ဖြစ်ပါသည်။ လူငယ်ကွန်ရက်များမှ တာဝန်ရှိသူများ ၄၀ ခန့် တက်ရောက်ကြပြီး နံနက်ပိုင်းတွင် လက်ရှိနိုင်ငံရေးအခင်းအကျင်းအား လေ့လာခြင်းကို ပြုလုပ်ကြပြီး နေ့လည်ပိုင်း၌ လူငယ်များ၏ အခန်းကဏ္ဍအပိုင်းကို ဆက်လက်ဆွေးနွေးခဲ့ကြပါသည်။
လက်ရှိနိုင်ငံရေးအခင်းအကျင်းနှင့်ပတ်သက်၍ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်းက ဆွေးနွေးပေးခဲ့ပါသည်။
ဆွေးနွေးပွဲသို့ ပုသိမ်မြို့ရှိ နိုင်ငံရေးပါတီများကိုလည်းဖိတ်ကြားထားရာ လူ့ဘောင်သစ်ဒီမိုကရက်တစ်ပါတီ ဧရာဝတီတိုင်းစည်းမှ ရဲဘော်များလည်း တက်ရောက်ခဲ့ကြပါသည်။
ဆွေးနွေးပွဲတွင် ဆွေသဟာအဖွဲ့မှ ကိုစိမ်းခက်စိုးက အကျိုးဆောင်အဖြစ်ဆောင်ရွက်ပေးခဲ့ပြီး လူငယ်အ၀ိုင်း အ၀န်း (Youth Circle)မှ ကိုစောထွန်းထွန်းက အဓိကအားဖြင့် ဦးဆောင်ပြုလုပ်ခဲ့ခြင်းဖြစ်ပါသည်။

၂၉၊ ၉၊ ၂၀၁၆ ရက်နေ့တွင် ပါတီအထွေထွေအတွင်းရေးမှူး ဦးငွေလင်းသည် ဧရာဝတီတိုင်းဒေသကြီး စည်းရုံး ရေးကော်မတီရုံး၌ တိုင်းစည်းများနှင့် သွားရောက် တွေ့ဆုံခဲ့ပါသည်။ ဆွေးနွေးပွဲသို့ တိုင်းစည်းရုံးရေးကော်မတီဝင်များ တက်ရောက်ခဲ့ကြပြီး
ဦးငွေလင်းက ဗဟိုစည်းရုံးရေးကော်မတီ အစည်းအဝေးရရှိချက်၊ ပါတီတည်ဆောက်ရေးဆိုင်ရာ အလုပ်ရုံဆွေးနွေးပွဲ ရရှိချက်များကို အခြေခံပြီး ပါတီဋ္ဌာနချုပ် နောက်ဆုံးစုစည်းချက်များကို မိတ်ဆက်ပေးပါသည်။
ယနေ့ကာလ အခြေအနေတခုလုံးအပေါ် ထားရမည့်သဘောထား၊ ငြိမ်းချမ်းရေးလုပ်ငန်းစဉ်အပေါ် ထားရ မည့်သဘောထား၊ ဒေါ်အောင်ဆန်းစုကြည်နှင့် အစိုးရသစ်အပေါ် ထားရမည့်သဘောထား၊ လယ်သမားအရေး ဆောင် ရွက်ရန် ပြင်ဆင်ထားမှုများ၊ ပါတီ၏အခန်းကဏ္ဍနှင့် ၂၀၂၀ ပါတီမျှော်မှန်းချက်၊ ပါတီတည်ဆောက်ရေးဆိုင်ရာ အခြေခံ စဉ်းစားချက်များကို မိတ်ဆက်ပေးပါသည်။ ဧရာဝတီတိုင်းဒေသကြီး စည်းရုံးရေးကော်မတီဝင်များကလည်း ဒေသဆိုင်ရာ နောက်ဆုံးအခြေအနေများနှင့် ဆောင်ရွက်ထားမှုများကို တင်ပြကြပါသည်။
ဆက်လက်ပြီး ၂၀၁၆ ခုနှစ်အတွင်း ယခုအထိ ဖွဲ့စည်းပြီး မြို့နယ်စည်းကော်မတီများ ပြန်လည်စိစစ်စုဖွဲ့ပေးရန်၊
ဧရာဝတီတိုင်းဒေသကြီး စည်းကော်မတီ ပြန်လည်စုဖွဲ့ရန်၊ အထက်အောက်စီးဆင်းမှု ရှင်သန်နေစေရေးအတွက် ကြိုး ပမ်းသွားရန် စသည့် လတ်တလောလုပ်ဆောင်သွားရန် လုပ်ငန်းများကို ဆွေးနွေးညှိနှိုင်းခဲ့ကြပါသည်။

ကရင်ပညာရေးဌာန Karen Education Department(KED) နှင့် World Education တို့ ပူးပေါင်း၍ ကရင်ပြည်နယ်ပညာရေးအတွက် ဆောင်ရွက်နေမှုများ၊ လေ့လာတွေ့ရှိချက်များ၊ အစိုးရသို့ အကြံပြုချက်များ (School Committees and Community Engagement in Education in Karen State) အား ရှင်လင်းတင်ပြသည့် အခမ်းအနားကို ၂၆၊ ၉၊ ၁၆ ရက်နေ့ နံနက်ပိုင်းက Summit Parkview Hotel ၌ ပြုလုပ်ခဲ့ပါသည်။ ကရင်ပြည်အတွင်းရှိ ကျောင်းနေရွယ်ကလေးများ ပညာသင်ကြားနိုင်ရေးအတွက် ဆောင်ရွက်ရာတွင် တွေ့ရှိရသည့် လမ်းပန်းဆက်သွယ်ရေး အခက်အခဲ၊ ဆင်းရဲနွမ်းပါးမှု၊ ဆရာဆရာမများ အရည်အသွေးမြှင့်တင်ရေး၊ မိခင်ဘာသာစကားဖြင့် သင်ကြားနိုင်ရေး၊ အစိုးရကျောင်းများတွင် ဆက်လက်ပညာသင်ကြားနိုင်ရေး၊ ကျောင်းအခြေပြု စီမံခန့်ခွဲပိုင်ခွင့် အစရှိသည့် အခြေအနေများကို တင်ပြခဲ့ပြီး တက်ရောက်လာသူများ၏ မေးမြန်းဆွေးနွေးချက်များကို တာဝန်ရှိသူများက ပြန်လည်ရှင်းလင်း ဖြေကြားပေးခဲ့ ကြပါသည်။ ၎င်းအခမ်းအနားသို့ ပြည်တွင်းနှင့် နိုင်ငံတကာ ပညာရေးအဖွဲ့အစည်းများ၊ ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER)လုပ်ငန်းအဖွဲ့မှ ဒေါက်တာသိန်းလွင်၊ ဒေါ်သူသူမာ၊ ဒေါ်နှင်းနှင်းမွှေး၊ ဦးစိုးထွန်း၊ ကိုဘုန်းပြည့်ကြွယ်တို့ တက်ရောက်ခဲ့ကြပါသည်။

ဦးအောင်ထိုက်(စိတ်တိုင်းကျ)၏ ဈာပနအခမ်းအနားကို ၂၅၊ ၉၊ ၁၆ ရက်နေ့လည်ပိုင်းက ရန်ကုန်မြို့ ရေဝေးသုသန်တွင် ကျင်းပခဲ့ရာ လူ့ဘောင်သစ်ဒီမိုကရက်တစ်ပါတီက ၀မ်းနည်းကြောင်းသ၀ဏ်လွှာနှင့် လွမ်းသူ့ပန်းခြင်း ပေးပို့ဂုဏ်ပြုခဲ့ပါသည်။ ဦးအောင်ထိုက်သည် ၇၄-၇၅-၇၆ နိုင်ငံရေးအင်အားစုများ အလုပ်အမှုဆောင်၊ ဆရာကြီးသခင်ကိုယ်တော်မှိုင်း ဂူဗိမာန်ထိန်းသိမ်းစောင့်ရှောက်ရေးအဖွဲ့ ဥက္ကဋ္ဌ၊ သခင်ကိုယ်တော်မှိုင်း ငြိမ်းချမ်းရေးကွန်ရက် အဖွဲ့ဝင်၊ ဟံသာဝတီဦးဝင်းတင်ဖောင်ဒေးရှင်း အလုပ်အမှုဆောင်၊ NLD လူမှုထောက်ကူပြုအဖွဲ့ ဒုဥက္ကဋ္ဌ၊ နိုင်ငံရေးအကျဉ်းသားဟောင်းများအဖွဲ့ အကြံပေး စသည့်နိုင်ငံရေးတာဝန်များကို မကွယ်လွန်မီအချိန်ထိ တက်ကြွစွာ ထမ်းဆောင်ခဲ့သူဖြစ်ပါသည်။ ဈာပနအခမ်းအနားတွင် NLD နာယကကြီးဦးတင်ဦး၊ ၇၄-၇၅-၇၆ နိုင်ငံရေးအင်အားစုများမှ ဦးဝင်းကျော်၊ ဆရာကြီးသခင်ကိုယ်တော်မှိုင်း ဂူဗိမာန်ထိန်းသိမ်းစောင့်ရှောက်ရေးအဖွဲ့ နာယက ဆရာဦးအံ့မောင်(မုံရွာ)၊ သခင်ကိုယ်တော်မှိုင်း ငြိမ်းချမ်းရေးကွန်ရက်(ပဲခူး)မှ ဦးကျော်ကျော်၊ ၈၈ ငြိမ်း-ပွင့်မှ ဦးကိုကိုကြီး၊ ဗကသများအဖွဲ့ချုပ်ဥက္ကဋ္ဌ ကိုကျော်ကိုကိုတို့က ဂုဏ်ပြုအမှတ်တရစကား ပြောကြားခဲ့ကြပါသည်။ ဟံသာဝတီဦးဝင်းတင်ဖောင်ဒေးရှင်း၊ လူ့ဘောင်သစ်ဒီမိုကရက်တစ်ပါတီ၊ ပြည်ပရောက် ၈၈ အင်အားစုများ၏ ၀မ်းနည်းကြောင်းသ၀ဏ်လွှာများကိုလည်း ဖတ်ကြားခဲ့ကြပါသည်။

နိုင်ငံရေးအကျဉ်းသားဟောင်းများအဖွဲ့ FPPS မှ စီစဉ်သော “ဗဟိုချုပ်ကိုင်မှု လျှော့ချရုံလောက်နဲ့ ဒီမိုကရေစီဖက်ဒရယ်ပြည်ထောင်စု ဖြစ်ပြီလား” ဟောပြောဆွေးနွေးပွဲကို ၂၄၊ ၉၊ ၁၆ ရက်နေ့လည် ၂း၀၀ နာရီမှ ၅း၀၀ နာရီအထိ ရန်ကုန်မြို့၊ တော်ဝင်နှင်းဆီစားသောက်ဆိုင်တွင် ကျင်းပပြုလုပ်ခဲ့ပါသည်။ ဆွေးနွေးပွဲတွင် ဒေါက်တာကျော်ဝင်း(ပါမောက္ခ၊ဌာနမှူး၊ ရန်ကုန်တက္ကသိုလ် သမိုင်းဌာန-အငြိမ်းစား)၊ ဦးခွန်မြင့်ထွန်း(ဥက္ကဋ္ဌ- ပအိုဝ်းအမျိုးသား လွတ်မြောက်ရေးအဖွဲ့)၊ ဒေါက်တာရန်မျိုးသိန်း(မြန်မာ့နိုင်ငံရေး လေ့လာသုံးသပ်သူ)တို့က ဖက်ဒရယ်ပြည်ထောင်စုဆိုင်ရာ အယူအဆများ၊ ကမ္ဘာ့နိုင်ငံများတွင် ကျင့်သုံးလျှက်ရှိသည့် ဖက်ဒရယ်စနစ်ပုံစံများ၊ မြန်မာနိုင်ငံတွင် ဖက်ဒရယ်စနစ် တည်ဆောက်နိုင်ရေးအတွက် မဖြစ်မနေ လုပ်ဆောင်ရမည့်၊ လုပ်ဆောင်သင့်သည့် အချက်များ၊ ရှိသင့်ရှိထိုက်သော အခြေခံ သဘောတရားများကို ဟောပြောတင်ပြခဲ့ပြီး တက်ရောက်လာသူများ၏ မေးခွန်းများကို ပြန်လည် ဆွေးနွေးဖြေကြားပေးခဲ့ကြပါသည်။ ၎င်းဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း နှင့် အတွင်းရေးမှူး ၂ ဒေါ်နှင်းနှင်းမွှေးတို့လည်း တက်ရောက်ဆွေးနွေးခဲ့ကြပါသည်။