၁။ ၇ ဇူလိုင်အရေးတော်ပုံသည် ၁၉၆၂ ခုနှစ်၊ ဇူလိုင် (၇)ရက် တွင်၊ အာဏာသိမ်းစစ်အုပ်စု၏ ရက်စက်ကောက်ကျစ်မှုကို သွေးမြေ ကျခံလျက် ဖော်ထုတ်၊ ဖွင့်ချနိုင်ခဲ့သည်။ ၂။ လွန်ခဲ့သော (၅၃) နှစ်က ဤယနေ့တွင် ရန်ကုန်တက္ကသိုလ်ကျောင်းသားထုသည် အမျိုးသားလွတ်မြောက်ရေးတိုက်ပွဲအတွင်း ဂုဏ်ရောင်ပြောင်ခဲ့သည့် အစဉ်အလာကောင်းကို ဆက်ခံ၊တိုးချဲ့၍ စစ်အာဏာရှင်ဆန့်ကျင်ရေး တိုက်ပွဲတပ်ဦးတွင် ထပ်မံ မော်ကွန်း တင်နိုင်ခဲ့ပေသည်။ ၃။ သမိုင်းစဉ်အတွင်း မှားယွင်း၊ တာဝန်မဲ့မှုများနှင့် မှန်ကန်၊ရဲရင့်သော တိုက်ပွဲအစဉ်အလာများကို မမေ့မလျော့ခြင်းသည် အာဃာတ နှင့် အမုန်းတရားများကို ဖော်ထုတ်ခြင်း မဟုတ်ဘဲ၊ လွတ်လပ်သော တန်းတူသော သွေးစည်းချစ်ကြည်သော ဒီမိုကရက်တစ် ဖက်ဒရယ် ပြည်ထောင်စုကြီး ထူထောင်နိုင်ရေးအတွက် ကျွန်ုပ်တို့ ဆက်လက် အားထုတ်၊ကြိုးပမ်းကြရမည့် လုပ်ငန်းစဉ်များကို ဓမ္မဓိဋ္ဌာန်ကျကျ မှန်ကန်စွာ ရွေးချယ်နိုင်ရေးအတွက် လိုအပ်သည့် ဆောင်ရွက်မှုပင် ဖြစ်ပေသည်။ ၄။ ကျွန်ုပ်တို့ ပါတီအနေဖြင့် ငြိမ်းချမ်း ညီညွတ် လွတ်လပ် တန်းတူသည့် ဒီမိုကရက်တစ် ဖက်ဒရယ် ပြည်ထောင်စု ကြီး ထူ ထောင်နိုင်သည်အထိ ၇ ဇူလိုင် စိတ်ဓာတ်နှင့် အစဉ်အလာတို့ကို ဆက်ခံ၊ကိုင်စွဲလျက် လူမျိုးစုံ မြန်မာပြည်သူလူထုကြီးနှင့် အတူ ဆက် လက် အားထုတ်၊ကြိုးပမ်းသွားကြမည်ဟု လေးနက်စွာ အဓိဋ္ဌာန်လျက် ဂုဏ်ပြု သဝဏ်လွှာ ပေးပို့ပါသည်။ ဗဟိုစည်းရုံးရေးကော်မတီ လူ့ဘောင်သစ်ဒီမိုကရက်တစ်ပါတီ (ဌာနချုပ်) ၂၀၁၅ ခုနှစ်၊ ဇူလိုင်လ၊ ၇ ရက်။ ၁၃၇၇ ခု၊ ပထမ ဝါဆို၊ လဆုတ် ၆ ရက်။

ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်ကို သမိုင်းလိုအပ်ချက်အရ ကျောင်းသူကျောင်းသားများကိုယ်တိုင် တည်ထောင်ဖွဲ့စည်းခဲ့သည်မှာ ၂၀၁၅ ခုနှစ်မေလ (၈) ရက်နေ့တွင် (၇၉) နှစ် တင်းတင်း ပြည့်မြောက်ခဲ့ပြီ ဖြစ်ပါသည်။ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ (၇၉) နှစ်တာသမိုင်းသည် နယ်ချဲ့ဆန့်ကျင်ရေး၊ အမျိုးသားလွတ် မြောက်ရေး၊ ဒီမိုကရေစီရေးနှင့် ပြည်တွင်းငြိမ်းချမ်းရေး လှုပ်ရှားမှုသမိုင်း ဖြစ်သည်။ တနည်းအားဖြင့် လူမျိုးစုံမြန်မာပြည်သူများ ရင် ဆိုင်ကြုံတွေ့နေရသည့် ဒုက္ခခပ်သိမ်းအတွက် ကိုယ်ကျိုးလုံးဝမပါပဲ လူထုရှေ့မှ မားမားမတ်မတ်ရပ်ပြီး လူထုနှင့်အတူ လက်တွဲရုန်း ကန်ခဲ့သည့်၊ ရုန်းကန်နေဆဲဖြစ်သည့် တိုက်ပွဲသမိုင်းလည်း ဖြစ်ပါသည်။ ဒီမိုကရေစီပညာရေးကို အပြည့်အ၀အာမခံသည့် အမျိုးသားပညာရေးဥပဒေတရပ် ရေးဆွဲပြဋ္ဌာန်းနိုင်ရေးအတွက် နိုင်ငံ အနှံ့မှ ကျောင်းသူကျောင်းသားများ၏ တောင်းဆိုတိုက်ပွဲဝင်နေမှုများသည် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ အစဉ်အလာကို ရဲရဲဝံ့ဝံ့ ဆက်ခံသယ်ဆောင် ထမ်းရွက်နေကြခြင်း ဖြစ်သည်ဟု မိမိတို့ပါတီက တန်ဖိုးထားပါသည်။ မိမိတို့ လူ့ဘောင်သစ်ဒီမိုကရက်တစ်ပါတီအနေဖြင့် ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ်၏ မူ (၅) ချက်ကို အပြည့်အ၀ ထောက်ခံပါသည်။ ကျောင်းသူကျောင်းသားတို့၏ အမျိုးသားပညာရေးဆိုင်ရာတိုက်ပွဲကို အပြည့်အ၀ ထောက်ခံပါသည်။ အာဏာပိုင်များ၏ လက်ပံတန်းအကြမ်းဖက်ဖြိုခွဲမှုကို ပြတ်ပြတ်သားသား ရှုတ်ချပါသည်။ အဖမ်းဆီးခံကျောင်းသူကျောင်းသားများနှင့် ၀န်းရံပြည်သူများကို ခြွင်းချက်မရှိ အမြန်ဆုံးပြန်လွှတ်ပေးရန်နှင့် တရားစွဲဆို မှုများ၊ ဖမ်းဝရမ်းထုတ်မှုများကို ဖျက်သိမ်းပေးရန် အာဏာပိုင်များကို အလေးအနက် တောင်းဆိုပါသည်။ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် အပါအ၀င် တိုက်ပွဲဝင်ကျောင်းသူကျောင်းသားအားလုံးနှင့် အခိုင် အမာ လက်တွဲပြီး ယနေ့ကာလအမျိုးသားနိုင်ငံရေးတာဝန်များကို တက်ကြွစွာထမ်းရွက်သွားမည်ဖြစ်ကြောင်း ကတိသစ္စာပြုရင်း ဤ သ၀ဏ်လွှာကို ပေးပို့အပ်ပါသည်။ ဗဟိုစည်းရုံးရေးကော်မတီ လူ့ဘောင်သစ်ဒီမိုကရက်တစ်ပါတီ(ဋ္ဌာနချုပ်) ၂၀၁၅ ခုနှစ်၊ မေလ (၁၀) ရက်

ဆရာကြီးသခင်ကိုယ်တော်မှိုင်း (၁၃၉) နှစ်မြောက် မွေးနေ့အထိမ်းအမှတ် အခမ်းအနားသို့ မိမိတို့ပါတီက ၀မ်းမြောက်လှိုက်လှဲ စွာဖြင့် ဤဂုဏ်ပြုသ၀ဏ်လွှာကို ပေးပို့အပ်ပါသည်။ ယနေ့ကာလ မြန်မာနိုင်ငံတွင် စစ်မှန်သည့်ငြိမ်းချမ်းရေး တည်ဆောက်နိုင်ရန်အတွက် နှစ်(၆၀)ကျော်ကြာဖြစ်ပွားနေသော ပြည်တွင်းစစ်ကြီးအပေါ်ထားသည့်သဘောထား၊ ဒီမိုကရေစီနှင့် လူ့အခွင့်အရေးကို အပြည့်အ၀အာမခံနိုင်မှုအပေါ်ထားသည့်သဘောထား၊ ပြည်ထောင်စုသားအားလုံးအတွက် အမျိုးသားတန်းတူခွင့်နှင့် ကိုယ်ပိုင်ပြဋ္ဌာန်းခွင့်အပေါ်ထားသည့်သဘောထားများသည် အခရာကျ သည်ဟု မိမိတို့ပါတီက အလေးအနက် ခံယူပါသည်။ ခေတ်အဆက်ဆက် ဖိနှိပ်ရေးအစိုးရများ မှားယွင်းစွာကျင့်သုံခဲ့ကြသည့် အပြုတ်တိုက်ရေး၊ အမြစ်ဖြတ် သုတ်သင် ချေမှုန်းရေး၊ ရက်ရက်စက်စက် အကြမ်းဖက်ဖြိုခွဲ ဖိနှိပ်ရေး၊ နိုင်ငံရေးပြဿနာအထွေထွေကို စစ်အင်အား အသုံးချလျက် တဖက်သတ်အသာစီးရယူရေး စသည့်လုပ်ဟန်များအား အပြီးတိုင် စွန့်ဖယ်၊နိဂုံးချုပ်စေ၍ နိုင်ငံရေး ပြဿနာများ၊ နိုင်ငံသားတို့၏အခွင့်အရေးဆိုင်ရာ ပြဿနာရပ်များ၊ ဒီမိုကရေစီအခွင့်အရေးဆိုင်ရာ ပြဿနာရပ်များကို ငြိမ်းငြိမ်းချမ်းချမ်း၊ တန်းတူရည်တူ တွေ့ဆုံဆွေးနွေး အဖြေရှာကြသော လုပ်ဟန်မျိုး ဖြင့်သာ မှန်မှန်ကန်ကန် ဖြေရှင်းနိုင်ကြလိမ့်မည်ဟုလည်း မိမိတို့ပါတီက ယုံကြည်ပါသည်။ အဆိုပါ ကိစ္စရပ်များအပေါ် အစိုးရနှင့်တပ်မတော်အနေဖြင့်လည်းကောင်း၊ တိုင်းရင်းသားလူမျိုးစုများအပါအ၀င် နိုင်ငံရေး အင်အားစုအသီးသီးအနေဖြင့်လည်းကောင်း မှန်ကန်သောသဘောထားများ ကိုယ်စီကိုယ်င ခိုင်မာစွာရှိကြရန် လိုအပ်သည်ဟုလည်း မိမိတို့ ပါတီက ယူဆပါသည်။ တိုင်းပြည်နှင့် တိုင်းရင်းသားပြည်သူတို့၏ အကျိုးစီးပွားအတွက် အမျိုးသားပြန်လည်သင့်မြတ်ရေးကို အမှန် တကယ်လိုလားပါက ဆရာကြီးသခင်ကိုယ်တော်မှိုင်း၏ သူမနာကိုယ်မနာငြိမ်းချမ်းရေးမူကို အခိုင်အမာကိုင်စွဲကြရပေမည်။ တိုင်းရင်းသားလူမျိုးစုများ အပါအ၀င် နိုင်ငံရေးအင်အားစုအားလုံး၊ အစိုးရကိုယ်စားလှယ်များ၊ တပ်မတော်သားကိုယ်စားလှယ်များ ပါဝင်သည့် ပင်လုံညီလာခံကဲ့သို့သော ပြည်ထောင်စုညီလာခံကြီးတရပ် ကျင်းပပြီး၊ တိုင်းပြည်တွင်းရှိပြဿနာအရပ်ရပ်တို့ကို အကျေအလည်၊ ဆွေးနွေးညှိနှိုင်း အဖြေရှာကြရပေ လိမ့်မည်။ မိမိတို့ပါတီသည် အမျိုးသားပြန်လည်သင့်မြတ်ရေးနှင့် ငြိမ်းချမ်းရေး လုပ်ငန်းတာဝန်များကို လူမျိုးစုံပြည်သူ လူထုကြီးနှင့်အတူ လက်တွဲထမ်းရွက်သွားမည်ဟု သန္နိဌာန်ပြုအပ်ပါသည်။ ဗဟိုစည်းရုံးရေးကော်မတီ လူ့ဘောင်သစ်ဒီမိုကရက်တစ်ပါတီ(ဋ္ဌာနချုပ်) ၂၀၁၅ခုနှစ် မတ်လ (၂၃) ရက်နေ့။