Month: August 2018

လူငယ်စွမ်းရည်မြှင့်သင်တန်းကျောင်း(Youth Empowerment School)တွင် တက်ရောက်လျက်ရှိသည့် ကျောင်းသူကျောင်းသားများအား လူ့ဘောင်သစ်ဒီမိုကရက်တစ်ပါတီ အမျိုးသမီးလုပ်ငန်းကော်မတီ (Women Worcking Committee) အကြောင်းကို WWC အကြံပေးဖြစ်သည့် ဒေါ်နှင်းနှင်းမွှေးက ၂၀၁၈၊ သြဂုတ်လ ၁၁ ရက်နေ့တွင် မိတ်ဆက်ပြောကြားပေးခဲ့ပါသည်။

လူ့ဘောင်သစ်ဒီမိုကရက်တစ်ပါတီ မြင်းခြံမြို့နယ်၊ လေးရွာဆုံကျေးရွာ ရပ်ကျေးဆိုင်းဘုတ်တင်ပွဲကို ၂၀၁၈ ခုနှစ်၊ သြဂုတ်လ၊ ၉ ရက်နေ့၊ နံနက် ၁၀း၀၀ နာရီ၌ ပြုလုပ်ခဲ့ပါသည်။ ဆိုင်းဘုတ်တင်ပွဲသို့ မြင်းခြံမြို့နယ်စည်းရုံးရေးကော်မတီဝင်များ၊ ပါတီဝင်များ၊ ပါတီထောက်ခံသူများ တက်ရောက်ခဲ့ကြပါသည်။

၁၉၉၀ ပြည်သူ့လွှတ်တော်ကိုယ်စားလှယ်များအဖွဲ့နှင့် မိတ်ဖက်နိုင်ငံရေးအင်အားစုများညီလာခံကို ၂၀၁၈ သြဂုတ်လ ၇ ရက်နေ့လည်ပိုင်းတွင် ရန်ကုန်မြို့၊ ယုဒဿန်ခန်းမ၌ ကျင်းပပြုလုပ်ခဲ့ပါသည်။ ညီလာခံတွင် ၁၉၉၀ ပြည်သူ့လွှတ်တော်ကိုယ်စားလှယ်များအဖွဲ့၏ ကြေညာချက်တစ်စောင်ကိုလည်း ထုတ်ပြန်ခဲ့ပါသည်။ ၁၉၉၀ ပြည်သူ့လွှတ်တော်ကိုယ်စားလှယ်များ၊ UNDO အဖွဲ့ဝင်များ၊ လူ့ဘောင်သစ်ဒီမိုကရက်တစ်ပါတီ၊ UNA အဖွဲ့ဝင်နိုင်ငံရေးပါတီများ၊ ၇၄-၇၅-၇၆ နိုင်ငံရေးအင်အားစု၊ ကျွန်းပြန်နိုင်ငံရေးအင်အားစု၊ ပြည်ထောင်စုတိုင်းရင်းသားတောင်သူလယ်သမားသမဂ္ဂ၊ ဒီမိုကရေစီနှင့်ငြိမ်းချမ်းရေးအမျိုးသမီးအဖွဲ့၊ ဆရာကြီးသခင်ကိုယ်တော်မှိုင်းငြိမ်းချမ်းရေးကွန်ရက်၊ ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့၊ နိုင်ငံရေးအကျဉ်းသားဟောင်းများအဖွဲ့ အစရှိသည့် မိတ်ဖက်အဖွဲ့အစည်းများ ညီလာခံတက်ရောက်ခဲ့ကြပါသည်။

ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)၏ မြေယာဆိုင်ရာမူဝါဒ(မူကြမ်း) ဆွေးနွေးရေးဆွဲခြင်းကို ၂၀၁၈၊ သြဂုတ်လ ၁ ရက်နေ့မှ ၂ ရက်နေ့အထိ မန္တလေးမြို့ရှိ Golden City Light Hotel ၌ ပြုလုပ်ခဲ့ပါသည်။ မြေယာဆိုင်ရာ မူဝါဒမူကြမ်း ရေးဆွဲနိုင်ရေးအတွက် လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီဝင် ကိုသန့်စင်(AGFA)၊ ကိုစည်သူ(LIOH)တို့က ပူးပေါင်းကူညီပေးခဲ့ကြပြီး SNLD မြေယာနှင့်သယံဇာတအဖွဲ့ဝင်များ တက်ရောက်ရေးဆွဲခဲ့ကြပါသည်။