ရန်ကုန်မြို့၊ ရန်ကုန်တက္ကသိုလ်အပန်းဖြေရိပ်သာ၌ ပြုလုပ်သည့် ရှစ်လေးလုံးဒီမိုကရေစီအရေးတော်ပုံ နှစ် ၃၀ ပြည့်အခမ်းအနားသို့လည်းကောင်း၊ ပဲခူးရိုးမအနောက်ခြမ်းနိုင်ငံရေးအင်အားစုများ ကျင်းပသည့် ရှစ်လေးလုံးလူထုအရေးတော်ပုံ နှစ် ၃၀ ပြည့် အခမ်းအနားသို့လည်းကောင်း လူ့ဘောင်သစ်ဒီမိုကရက်တစ်ပါတီက ဂုဏ်ပြုသဝဏ်လွှာပေးပို့ခဲ့ပါသည်။ ဧရာဝတီတိုင်းဒေသကြီး မြောင်းမြမြို့တွင် ကျင်းပသည့် ရှစ်လေးလုံးဒီမိုကရေစီအရေးတော်ပုံ နှစ် ၃၀ ပြည့်အခမ်းအနားသို့ လူ့ဘောင်သစ်ဒီမိုကရက်တစ်ပါတီက ဂုဏ်ပြုသဝဏ်လွှာ ပေးပို့ခဲ့ပြီး ပါတီအတွင်းရေးမှူး ၂ ဦးတိုးတိုးထွန်းလည်း တက်ရောက်၍ အမှတ်တရစကား ပြောကြားခဲ့ပါသည်။ ကရင်ပြည်နယ် ဘားအံမြို့တွင် ပြုလုပ်သည့် ရှစ်လေးလုံးဒီမိုကရေစီအရေးတော်ပုံ နှစ် ၃၀ ပြည့်အထိမ်းအမှတ် နေ့ဆွမ်းဆက်ကပ်လှူဒါန်းပွဲသို့ လူ့ဘောင်သစ်ဒီမိုကရက်တစ်ပါတီ ဘားအံမြို့နယ်စည်းရုံးရေးဥက္ကဋ္ဌနှင့် ကော်မတီဝင်များ တက်ရောက်ခဲ့ကြသည်။ ပဲခူးတိုင်းအရှေ့ခြမ်းနိုင်ငံရေးအင်အားစုများ စုပေါင်းကျင်းပသည့် ဒီမိုကရေစီမော်ကွန်းကျောက်တိုင်ဖွင့်ပွဲနှင့် ၈၈၈၈ ပြည်သူ့အရေးတော်ပုံ နှစ် ၃၀ ပြည့်အခမ်းအနားကို ၂၀၁၈ သြဂုတ်လ ၈ ရက်နေ့နံနက်ပိုင်းတွင် ပဲခူးမြို့၊ ရန်ကင်းသာပန်းခြံ၌ ပြုလုပ်ခဲ့ပါသည်။ အခမ်းအနားသို့ လူ့ဘောင်သစ်ဒီမိုကရက်တစ်ပါတီ၊ လူ့ဘောင်သစ်လူငယ်၊ မှိုင်း/ ငြိမ်းကွန်ရက် (ရန်ကုန်)၊ ၇၄-၇၅-၇၆ နိုင်ငံရေးအင်အားစု၊ ၁၉၇၄-၇၅ သပိတ်မှောက်အကျဉ်းကျခံ အလုပ်သမားဟောင်းကြီးများကွန်ရက်၊ AAPP (B)၊ ပဲခူးတိုင်းအရှေ့ခြမ်း နိုင်ငံရေးအင်အားစုများ၊ CSOs များ၊ ပဲခူးတိုင်းဝန်ကြီးချုပ်နှင့် အစိုးရအဖွဲ့ဝင်များ၊ တိုင်းဒေသကြီးလွှတ်တော်ဥက္ကဋ္ဌနှင့် လွှတ်တော်ကိုယ်စားလှယ်များ တက်ရောက်ခဲ့ကြပါသည်။
