ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – [email protected]
Facebook – Democratic Party for a New Society

December 2019
M T W T F S S
 1
2345678
9101112131415
16171819202122
23242526272829
3031  

DPNS ပါတီမူဝါဒ ဆွေးနွေးပွဲပြုလုပ်

၂၀၁၉၊ ဒီဇင်ဘာ ၁၁-၁၂။ ရန်ကုန်။ လူ့ဘောင်သစ်ဒီမိုကရက်တစ်ပါတီ ပါတီမူဝါဒ ဆွေးနွေးပွဲကို ၂၀၁၉၊ ဒီဇင်ဘာ ၁၁ ရက်နေ့နှင့် ၁၂ ရက်နေ့တို့တွင် ရန်ကုန်မြို့ရှိ ပါတီဌာနချုပ်ရုံး၌ ပြုလုပ်ခဲ့ပါသည်။ ဆွေးနွေးပွဲတွင် ပါတီ၏ အထွေထွေနိုင်ငံရေးသဘောထား၊ လတ်တလောလုပ်ငန်းစဉ်များ၊ ပါတီတည်ဆောက်ရေး ရေရှည်ရည်မှန်းချက်များကို တင်ပြသုံးသပ် ဆွေးနွေးခဲ့ကြပါသည်။ ပါတီဒုတိယဥက္ကဋ္ဌ ဒေါ်နိုးနိုးထက်စံက ဆွေးနွေးပွဲအဖွင့်နှုတ်ခွန်းဆက်စကားပြောကြားရာတွင် ပါတီခေါင်းဆောင်များ ရဲဘော်များကြား၌ အပြန်အလှန် လေးစားတန်ဖိုးထားပြီး ပါတီ၏ မူဝါဒသဘောထားများ၊ လုပ်ငန်းစဉ်များကို ပါတီစိတ်ဓာတ်ဖြင့် အတူတကွ လက်တွဲဖော်ဆောင်ကြဖို့ အရေးကြီးကြောင်း ထည့်သွင်းပြောကြားခဲ့ပါသည်။ ဆွေးနွေးပွဲတွင် ပါတီဗဟိုအလုပ်အမှုဆောင်ကော်မတီဝင်များ၊ ရေကြည်၊ အင်္ဂပူ၊ ချောင်းသာ၊ မန္တလေး၊ မင်းဘူး၊ ပွင့်ဖြူ အစရှိသည့် မြို့နယ်ပါတီကော်မတီများမှ ခေါင်းဆောင်များ၊ လူ့ဘောင်သစ်လူငယ်များ၊ ဖိတ်ကြားထားသူများ တက်ရောက်ဆွေးနွေးခဲ့ကြပါသည်။

မဲဆွယ်စည်းရုံးခြင်းလုပ်ငန်းစဉ်များအား စီမံခန့်ခွဲခြင်းသင်တန်း

၂၀၁၉၊ ဒီဇင်ဘာ ၉ – ၁၂။ မုံရွာ။ DIPD က စီစဉ်ကျင်းပသည့် မဲဆွယ်စည်းရုံးခြင်းလုပ်ငန်းစဉ်များအား စီမံခန့်ခွဲခြင်းသင်တန်းကို ၂၀၁၉၊ ဒီဇင်ဘာ ၉ ရက်နေ့မှ ၁၂ ရက်နေ့အထိ မုံရွာမြို့ Glorious Monywa Hotel ၌ ပြုလုပ်ခဲ့ပါသည်။ သင်တန်းတွင် ပါတီတွင်းရှိ အမျိုးသမီးများ ရွေးကောက်ပွဲဖြစ်စဉ်တွင် ပါဝင်နိုင်ရန်နှင့် မဲဆွယ်စည်းရုံးခြင်းလုပ်ငန်းစဉ်များတွင် ထိရောက်စွာစီမံခန့်ခွဲနိုင်ရေးကိစ္စရပ်များကို ရှင်းလင်း ဆွေးနွေးခဲ့ကြပါသည်။ ၎င်းသင်တန်းတွင် စစ်ကိုင်းတိုင်းနှင့် မန္တလေးတိုင်းအတွင်းရှိ နိုင်ငံရေးပါတီအသီးသီးမှ အမျိုးသမီးခေါင်းဆောင်များ တက်ရောက်ခဲ့ကြပါသည်။ လူ့ဘောင်သစ်ဒီမိုကရက်တစ်ပါတီမှလည်း မြင်းခြံနှင့် ယင်းမာပင်မြို့နယ်တို့မှ အမျိုးသမီးခေါင်းဆောင်များ တက်ရောက်ခဲ့ကြပါသည်။

ပါတီစည်းရုံးရေးမှူးသင်တန်း(၂/၂၀၁၉) သင်တန်းသားများ၏ လေ့လာရေးခရီးစဉ်

၂၀၁၉၊ ဒီဇင်ဘာ ၁၂။ ရန်ကုန်။ DPNS ပါတီစည်းရုံးရေးမှူးသင်တန်း(၂/၂၀၁၉) သင်တန်းသားများသည် ဒီဇင်ဘာလ ၁၂ရက်နေ့လည်ပိုင်းတွင် ပါတီတာဝန်ရှိသူများနှင့်အတူ ရန်ကုန်မြို့တွင်းလေ့လာရေးခရီးစဉ် သွားရောက်ခဲ့ကြပါသည်။ လေ့လာရေးအဖွဲ့ဝင်များသည် ပထမဦးစွာ ရွှေတိဂုံဘုရားလမ်းရှိ ဆရာကြီးသခင်ကိုယ်တော်မှိုင်းဂူဗိမာန်သို့ သွားရောက်ဂါရဝပြုခဲ့ကြပါသည်။ ထိုသို့ သွားရောက်ရာတွင် ဆရာကြီးသခင်ကိုယ်တော်မှိုင်းဂူဗိမာန်စောင့်ရှောက်ရေးအဖွဲ့နှင့် မှိုင်းငြိမ်းကွန်ရက်တို့မှ တာဝန်ရှိသူများက လေ့လာရေးအဖွဲ့အား ရင်းနှီးနွေးထွေးစွာ ကြိုဆိုခဲ့ကြပြီး ဂူဗိမာန်နှင့်ပတ်သက်သည်များကို ရှင်းလင်းပြောကြားခဲ့ကြပါသည်။ ထို့နောက် လေ့လာရေးအဖွဲ့ဝင်များသည် ဒေါ်ခင်ကြည်၊ စုဘုရားလတ်၊ ဦးသန့်တို့၏ ဂူဗိမာန်များ၊ ရွှေတိဂုံဘုရားရင်ပြင်တော်ပေါ်ရှိ သပိတ်မှောက်ကျောင်းသားကြီးများ၏ အထိမ်းအမှတ်ကျောက်တိုင်၊ အာဇာနည်ဗိမာန်နှင့် သွေးဆေးကန်တို့သို့လည်း သွားရောက်လေ့လာခဲ့ကြပါသည်။