ပါတီတံဆိပ်

ဆက်သွယ်ရန်

အမှတ်(၂၅၁)၊ တတိယထပ်၊ ဆိပ်ကမ်းသာလမ်း (အပေါ်ဘလောက်)၊ ကျောက်တံတား မြို့နယ်၊ ရန်ကုန်မြို့။
ဖုန်း - (၉၅) ဝ၉၂၅၀၅၆၆၀၁၈
အီးမေးလ် - hqdpns@gmail.com
Facebook - Democratic Party for a New Society

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) ကိုယ်စားပြုကော်မတီအစည်းအဝေး ပထမနေ့

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) ကိုယ်စားပြုကော်မတီအစည်းအဝေး ပထမနေ့ကို ၁၀၊၁၂၊၁၆ ရက်နေ့က ရန်ကုန်မြို့၊ ကရင်ခြံ၌ ပြုလုပ်ခဲ့ပါသည်။ အစည်းအဝေးတွင် ဒေါက်တာမင်းသိန်းနှင့် ဒေါက်တာသိန်းလွင်တို့က မြန်မာနိုင်ငံပညာရေးစနစ်၏ ယခင်နှင့်ယခု အခြေအနေ နှိုင်းယှဉ်ချက်၊ NNER က ပြည်တွင်း၊နိုင်ငံတကာအဖွဲ့အစည်းများနှင့် ချိတ်ဆက် လုပ်ဆောင်နေသည့် အခြေအနေများ၊ ကမ္ဘာ့ပညာရေးညီလာခံ၏ ရရှိချက်၊ရည်မှန်းချက်များနှင့် NNER မူဝါဒများ ကိုက်ညီနေကြောင်းတို့ကို ရှင်းလင်းပြောကြားခဲ့ကြသည်။ လက်တွေ့လုပ်ဆောင်ရာတွင် ကြုံတွေ့ရသည့် အခြေအနေများ၊ အခက်အခဲများ၊ လိုအပ်ချက်များ၊ ရှေ့ဆက်လုပ်ဆောင်သင့်သည့်ကိစ္စများကို NNER လုပ်ငန်းအဖွဲ့အသီးသီးက တင်ပြဆွေးနွေးခဲ့ကြပါသည်။ ကိုယ်စားပြုကော်မတီ၏ လုပ်ငန်းတာဝန်များနှင့် အဖွဲ့ဝင်များလိုက်နာရန် စည်းကမ်းများကိုလည်း ဆွေးနွေးသတ်မှတ်ခဲ့ကြပါသည်။ NNER ကိုယ်စားပြုကော်မတီဝင်တဦးဖြစ်သည့် လူ့ဘောင်သစ်ဒီမိုကရက်တစ်ပါတီ အတွင်းရေးမှူး ၂ ဒေါ်နှင်းနှင်းမွှေးလည်း အစည်းအဝေးတက်ရောက်၍ ဆွေးနွေးခဲ့ပါသည်။ ထိုသို့ ဆွေးနွေးရာတွင် မိမိတို့ပါတီ၏ ပညာရေးမူဝါဒသည် “လူတိုင်းအတွက် ပညာရေး” ဟူသည့်အချက်ပေါ်တွင် အခြေခံထားသဖြင့် NNER ၏ ပညာရေးမူဝါဒနှင့် တူညီကြောင်း၊ NNER ပညာရေးမူဝါဒများ ပြည်သူလူထုကြားတွင် ပိုမိုသိရှိ နားလည်လာစေရေးအတွက် ဆွေးနွေးပွဲများ၊ အသိပညာမျှဝေပွဲများ၊ ပုံမှန်ထုတ်ဝေသည့် စာစဉ် စသည့်နည်းလမ်းများ အသုံးပြုသင့်ကြောင်းတို့ကို ဆွေးနွေးခဲ့ပါသည်။