ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

August 2019
M T W T F S S
« Jul    
 1234
567891011
12131415161718
19202122232425
262728293031  

“ဥဒါန်း ဘယ်မကြေစရာ” အဖြစ်အပျက်များ သမိုင်းအမွေဆိုးအဖြစ် မကျန်ရှိရေးအတွက် အမြန်ဆုံး ဖြေရှင်းပါ

(၆၊ ၆၊ ၂၀၁၉)

Alpha ဘိလပ်မြေစက်ရုံအရေးဆန့်ကျင်ဆန္ဒပြကြတဲ့ဒေသခံအောင်သပြေရွာသားတွေကို အကြမ်းဖက်ဖြိုခွင်းဖမ်းဆီးမှုတွေရဲ့နောက်ဆက်တွဲဖြစ်ရပ်မှာလူ့အသက်ဆုံးရှုံးသည်အထိဖြစ်ခဲ့ရပါပြီ်။အောင်သပြေရွာသား၊ လက်သမားဆရာကိုထွန်းမြင့်ဝင်းဟာဖမ်းဆီးချုပ်နှောင်ခံထားရစဉ် ဇွန် ၅ ရက်၊ မနက် ၅း၀၀ နာရီမှာသေဆုံးခဲ့ပါတယ်။ အရက်ကြောင်ရောဂါကြောင့်လို့တာဝန်ရှိအာဏာပိုင်တွေကပြောဆိုပေမယ့် ခန္ဓာကိုယ်ပေါ်မှာညှဉ်းပမ်းနှိပ်စက် ရိုက်နှက်ထားတဲ့ဒဏ်ရာတွေတွေ့ တယ်လို့မိသားစုဝင်တွေကပြောပါတယ်။ အာဏာပိုင်တွေပြောကြားတဲ့ရောဂါအမျိုးအစားဟာအသက်ဆုံးရှုံးသည်အထိ ဖြစ်နိုင်၊ မဖြစ်နိုင်ဆိုတာကိုတော့ဆေးသိပ္ပံပညာကတိတိကျကျ သိနိုင်မှာဖြစ်ပါတယ်။ လွန်ခဲ့တဲ့မေ ၁၅ ရက်နေ့ကအောင်သပြေရွာသားတွေအပေါ် အကြမ်းဖက်ဖြိုခွင်းတဲ့ဖြစ်စဉ်အပြီးမှာဆက်တိုက် ဖြစ်ပွါးခဲ့တဲ့ အဖြစ်အပျက်တွေဖြစ်ပါတယ်။

ရဲအင်အားအများအပြားသုံးပြီးအောင်သပြေရွာ အဝင်အထွက်ကိုပိတ်ဆို့ထားပါတယ်။ နာမည်ကျော် နိုင်ငံတော် အကြည်ညိုပျက်စေမှု ပုဒ်မ ၅၀၅(ခ) အပါအဝင်၊ မီးရှို့မှု၊ အကျိုးဖျက်ဆီးမှု စတဲ့ ပုဒ်မများစွာနဲ့အောင်သပြေရွာသားများစွာဖမ်းဆီးချုပ်နှောင်ခံကြရပါတယ်။ ဝရမ်းပြေးဖြစ်ကြရပါတယ်။ ကျေးရွာအုပ်ချုပ်ရေးမှူး ဦးမိုးလင်းပုသိမ်ကြီးမြို့နယ် ထွေ/အုပ်ရုံးကအစည်းအဝေးဖိတ်လို့အသွားမှာဖမ်းဆီးခံရပါတယ်။ ယခုသေဆုံးရသူကိုထွန်းမြင့်ဝင်းမှာလည်းသူ့လက်သမားလုပ်ငန်းခွင်ကိုအသွားမှာဖမ်းဆီးခံရတာဖြစ်ပါတယ်။ အောင်သပြေကျေးရွာသား၊ ၉ တန်းကျောင်းသားမောင်ထူးဝေယံဆိုရင်လည်းကျောင်းဖွင့်ချိန် ကျောင်းသုံးပစ္စည်းတွေ မန္တလေးမြို့ပေါ် တက်ဝယ်ပြီးသူငယ်ချင်းတွေနဲ့အတူတူ ပြန်လာစဉ် အဖမ်းခံရခြင်းဖြစ်ပါတယ်။ ဖခင် ဦးရွှေအုန်းကကျောက်မီးသွေးစွမ်းအင်သုံး Alpha ဘိလပ်မြေစက်ရုံအရေးကိုကန့်ကွက်လှုပ်ရှားသူဖြစ်လို့ဖခင်ကိုယ်စားအဖမ်းဆီးခံရတယ်လို့ ဆိုပါတယ်။

လက်ရှိ အမျိုးသားဒီမိုကရေစီအဖွဲ့ချုပ်အစိုးရရဲ့ရွေးကောက်ပွဲကြွေးကြော်သံဖြစ်တဲ့ “တရားဥပဒေစိုးမိုးရေး” ဆိုတဲ့ အရေးကိုသတိချပ်ဖို့လိုကြောင်းထောက်ပြလိုပါတယ်။ “ကြီးတဲ့အမှု ငယ်စေ ”ဆိုတဲ့လေးနက်ထိရောက်တဲ့ မြန်မာ့ရှေးစကားကိုလည်းတရားဥပဒေစိုးမိုးရေးကဏ္ဍမှာလေးနက်စွာသတိမူသင့်ပါတယ်။ အာဏာပိုင်သူ၊ ဆုံးဖြတ်ခွင့် လက်ဝယ်ရှိသူတို့အတွက် ရှေးလူတွေရဲ့အတွေ့အကြုံအရထိရောက်လှတဲ့လမ်းညွှန်သတိပေးချက်လို့ဆိုချင်ပါတယ်။

ပြဿနာအရပ်ရပ်အားညှိနှိုင်းဆွေးနွေး အဖြေရှာခြင်းကသာအကောင်းမွန်ဆုံး၊ အသင့်တော်ဆုံးနည်းလမ်းဖြစ်ကြောင်းကိုမိမိတို့ ထောက်ပြခဲ့ဖူးပြီဖြစ်ပါတယ်။ ယခုထပ်မံတင်ပြလိုတာကတော့ဥဒါန်းဘယ်မကြေစရာအဖြစ်အပျက်တွေသမိုင်းအမွေဆိုးအဖြစ် မကျန်ရှိစေရေးအတွက် အလေးဂရုပြုဖို့အရေးကြီးတဲ့အချိန် ရောက်ပြီဖြစ်ကြောင်းအလေးအနက် သတိပေးလိုပါတယ်။ လွန်ခဲ့တဲ့ (၄၅)နှစ်ကာလဇွန် ၆ အလုပ်သမားလှုပ်ရှားမှုအပေါ် မဆလစစ်အာဏာရှင်တို့ကဥဒါန်းဘယ်မကြေစရာမှောက်မှားလွန်ကျူးခဲ့ပုံကိုလည်းကောင်းစွာသင်ခန်းစာယူသင့်ကြောင်းတင်ပြလိုပါတယ်။ ပြည်ထဲရေးဌာနကိုရွေးကောက်ခံအစိုးရအနေနဲ့တိုက်ရိုက်ကိုင်တွယ်လို့မရဆိုတဲ့ ဆင်ခြေလောက်နဲ့ ကာကွယ်၍မဖြစ်နိုင်ဟုမိမိတို့ အလေးအနက် ယုံကြည်ပါ တယ်။

နောက်ဆုံးထပ်မံတိုက်တွန်းချင်တာကတော့မိမိတို့ ယခင် တင်ပြဖူးခဲ့တဲ့အတိုင်းအမျိုးသားဒီမိုကရေစီအဖွဲ့ချုပ်အစိုးရအနေနဲ့ ပြည်သူလူထုကဒီမိုကရေစီနည်းကျ ရွေးချယ်တင်မြှောက်ထားတဲ့ အစိုးရတစ်ရပ် ဖြစ်တဲ့အားလျော်စွာ ပြည်သူ့ဘက်ကရပ်တည်ပြီး ပြတ်ပြတ်သားသား၊ ရဲရဲရင့်ရင့် ပြည်သူလူထုကိုကာကွယ်ပေးရမှာဖြစ်ပါတယ်။ ပြည်သူ့ဘဝ၊ အသက် လုံခြုံမှုတွေကိုတိုက်ရိုက် ထိခိုက်နစ်နာအသက်ဆုံးစေခဲ့တဲ့ တာဝန်ရှိသူအဆင့်ဆင့်အားထိထိရောက်ရောက် ကိုင်တွယ်ဖြေရှင်းခြင်း၊ အရေးယူအပြစ်ပေးခြင်းများ ပြုသင့်ကြောင်းကိုလေးလေးနက်နက် တိုက်တွန်းတောင်းဆိုအပ်ပါတယ်။

လူ့ဘောင်သစ်ဒီမိုကရက်တစ်ပါတီ

          ၂၀၁၉၊ ဇွန်လ၊ ၆ ရက်။

3-2019DPNS-Commentary

ဓာတ်ပုံ – MPA