ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

ကွဲပြားခြားနားမှုသည် ကွာခြားမှုမဟုတ်..

– တန်းတူမှု(Equality)သည် လူ့အဖွဲ့အစည်းတခုတွင် အလွန် အရေးကြီးသည်။ အထူးသဖြင့် လူမျိုးပေါင်းစုံ၊ ဘာသာပေါင်းစုံ နေထိုင်သော လူ့အဖွဲ့အစည်းတခုတွင် တန်းတူမှုသည် ပို၍ပင် မရှိမဖြစ် လိုအပ်ပါသည်။ တန်းတူမှုဆိုရာတွင် ဘာသာရေးအရ၊ လူမျိုးရေးအရ၊ လိင်အရ၊ အသားအရောင်အရ၊ ပစ္စည်းဥစ္စာ ပိုင်ဆိုင်မှုအရ ခွဲခြားဆက်ဆံမှုမရှိဘဲ အခွင့်အရေးနှင့် အခွင့်အလမ်းများ တန်းတူရည်တူ ရရှိရန် လိုအပ်ပေသည်။
– မေလ ၁၅ ရက်နေ့ည ၁၀း၀၀ နာရီခန့်တွင် မျိုးချစ်ရဟန်းတော်များဆိုသည့် အဖွဲ့နှင့်အတူ အရပ်သားအချို့က တောင်ဒဂုံမြို့နယ်၊ အမှတ်(၆၄)ရပ်ကွက်နှင့်(၁၀၆)ရပ်ကွက်ရှိ အစ္စလာမ် ရမ္မဒန်(ဥပုသ်)ကာလ ဝတ်ပြုဆုတောင်းရာနေရာများကို လူစုလူဝေးဖြင့် ပိတ်ဆို့တားမြစ် နှောက်ယှက်ခဲ့သည်။ အဆိုပါနေရာများသည် ရန်ကုန်းတိုင်းဒေသကြီးအစိုးရက အစ္စလာမ်ဘာသာဝင်များ၏ နေ့ကြီးရက်ကြီးအခါကြီးဖြစ်သည့် ရမ္မဒန်ဥပုသ်ကာလတွင် စုပေါင်းဝတ်ပြုနိုင်ရန်အတွက် မေလ ၈ ရက်နေ့၌ တရားဝင် ခွင့်ပြုပေးထားခဲ့သည့် နေရာများ ဖြစ်သည်။
– ၂၀၀၈ ဖွဲ့စည်းပုံအခြေခံဥပဒေ၊ အခန်း(၈) “နိုင်ငံသား၊ နိုင်ငံသားများ မူလအခွင့်အရေးနှင့် တာဝန်”ပါ ပုဒ်မ (၃၅၄) အပိုဒ်(ဃ)တွင် ” . . . . . .မိမိချစ်ခင်မြတ်နိုးသည့်စကား၊ စာပေ၊ ယဉ်ကျေးမှု၊ ကိုးကွယ်သည့် ဘာသာ၊ သာသနာနှင့် ဓလေ့ထုံးတမ်းများကို လွတ်လပ်စွာ ဆောင်ရွက်ပိုင်ခွင့်”ရှိကြောင်း ဖော်ပြထားပါသည်။ အဆိုပါ ဖွဲ့စည်းပုံဥပဒေထဲ၌ မြန်မာနိုင်ငံတွင် အစ္စလာမ်ဘာသာမှာ တရားဝင်ဘာသာတခုဖြစ်ကြောင်း အသိအမှတ်ပြုထားပြီးလည်း ဖြစ်သည်။
– တရားဝင် အသိအမှတ်ပြုခံထားရသော ဘာသာတခု၏ အထွဋ်အမြတ် အခါကြီးရက်ကြီး ဝတ်ပြုဆုတောင်းမှုအား ဘာသာရေးအစွန်းရောက် လူတစု၏ရန်မှ ကာကွယ်ပေးရန် အာဏာပိုင်များဘက်က ပျက်ကွက်ခြင်းသည် မဖြစ်သင့်သောကိစ္စ ဖြစ်သည်။ မျိုးချစ်အမည်ခံ အစုအဖွဲ့၏ လုပ်ရပ်သည် နိုင်ငံတကာအလယ်တွင် မြန်မာနိုင်ငံ၏ပုံရိပ်နှင့် နိုင်ငံသားတို့၏ ဂုဏ်သိက္ခာကို ညစ်နွမ်းကျဆင်းစေသည်။ အစိုးရအနေဖြင့် လူနည်းစု ဘာသာဝင်တို့၏ လွတ်လပ်စွာ ယုံကြည်ကိုးကွယ်မှုကို အကာအကွယ်ပေးရန် လိုအပ်ပါသည်။ ယခုအခါ အစိုးရတာဝန်ရှိသူများအနေဖြင့် အကာအကွယ်မပေးသည့်အပြင် မိမိတို့ တရားဝင် ခွင့်ပြုထားပြီးဖြစ်သော စုပေါင်းဝတ်ပြုခွင့်ကို လျစ်လျူရှု၍ အစွန်းရောက်လူအုပ်၏ တောင်းဆိုချက်အတိုင်း ဝတ်ပြုမှုအား ပိတ်ပင်ခြင်းသည် မသင့်လျော်သည့် မလုပ်သင့် မလုပ်ထိုက်သည့် လုပ်ရပ်ဖြစ်သည်။
– အချုပ်အားဖြင့်ဆိုရသော် မြန်မာနိုင်ငံအနေတွင် လူမျိုးရေးအရ၊ ကိုးကွယ်ယုံကြည်သည့် ဘာသာအရ၊ လိင်အရ၊ အသားအရောင်အရ၊ ပစ္စည်းဥစ္စာ ပိုင်ဆိုင်မှုအရ ခွဲခြားဆက်ဆံမှုအားလုံးကို ရပ်တန့်စေရန် လိုအပ်နေပြီဖြစ်ပါသည်။
သို့သော်လည်း တားဆီးရမည့်အစား အချို့သော ဘာသာရေး၊ လူမျိုးရေးအစွန်းရောက် ပုဂ္ဂိုလ်၊ အဖွဲ့အစည်းများက အမုန်းစကား အမုန်းတရားများ ပေါ်ပေါ်ထင်ထင် ပြောဆိုပြုမူ ဆောင်ရွက်နေကြသည်ကို ဝမ်းနည်းဖွယ် တွေ့ရှိနေရပေသည်။ ထိုအခြေအနေများက မိမိတို့ လူ့အဖွဲ့အစည်းကို အကျည်းတန်စေရုံမျှမက မမြင်နိုင်သော အန္တရာယ်များကို ထပ်တလဲလဲ ဖိတ်ခေါ်နေခြင်းဖြစ်သည်။ သို့ဖြစ်၍ သက်ဆိုင်ရာ အာဏာပိုင်များအနေဖြင့် ကြီးစွာသောသတိဖြင့် တင်းတင်းကြပ်ကြပ် ကိုင်တွယ်ဖြေရှင်းသင့်ကြောင်း၊ ပြစ်မှုကျူးလွန်သူများကိုလည်း ဥပဒေနှင့်အညီ အရေးယူအပြစ်ပေးသင့်ကြောင်း မိမိတုိ့ပါတီ၏ သဘောထားအမြင်ကို ဖော်ပြအပ်ပါသည်။
photo- MPA