ပါတီတံဆိပ်

ဆက်သွယ်ရန်

အမှတ်(၂၅၁)၊ တတိယထပ်၊ ဆိပ်ကမ်းသာလမ်း (အပေါ်ဘလောက်)၊ ကျောက်တံတား မြို့နယ်၊ ရန်ကုန်မြို့။
ဖုန်း - (၉၅) ဝ၉၂၅၀၅၆၆၀၁၈
အီးမေးလ် - hqdpns@gmail.com
Facebook - Democratic Party for a New Society

လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီ အစည်းအဝေး (၁/၂၀၁၇) ပထမနေ့

လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီ အစည်းအဝေး (၁/၂၀၁၇) ပထမနေ့ကို ၁၉၊၃၊၁၇ ရက်နေ့တွင် ပါတီဌာနချုပ်ရုံး၌ ကျင်းပခဲ့ပါသည်။ အစည်းအဝေးတွင် ပါတီဥက္ကဋ္ဌ ဦးအောင်မိုးဇော်က အဖွင့်စကား ပြောကြားပြီးနောက် အတွင်းရေးမှူးအဖွဲ့က နိုင်ငံရေးအခြေအနေသုံးသပ်ချက်နှင့် လုပ်ငန်းအစီရင်ခံစာကို တင်သွင်းခဲ့ပါသည်။ ထို့နောက် တက်ရောက်လာသော ဗဟိုစည်းရုံးရေးကော်မတီဝင်များက မိမိတို့၏ ဒေသဆိုင်ရာအခြေအနေများကို တင်ပြဆွေးနွေးခဲ့ကြပါသည်။

“လူငယ်နှင့် အနာဂတ်ပညာရေးအိပ်မက်” နိုင်ငံရေးစကားဝိုင်း

Renaissance Reserach Library က စီစဉ်သည့် မျက်မှောက်ခေတ် နိုင်ငံရေးစကားဝိုင်း (Current Political Dialogue) “လူငယ်နှင့် အနာဂတ်ပညာရေးအိပ်မက်” စကားဝိုင်းကို ၁၇၊၃၊၁၇ နေ့လည် ၁:၀၀ နာရီမှ ညနေ ၄:၀၀ နာရီအထိ ပြုလုပ်ခဲ့ပါသည်။ စကားဝိုင်းကို မရွှေရည်စိုးလင်း (ဗကသများအဖွဲ့ချုပ်)၊မအိသဉ္ဇာမောင် (လူ့ဘောင်သစ်လူငယ်)၊ကိုဇေလင်းမွန် (National Youth Congress)၊
ကိုဟန်စော (ရန်ကုန်ဆေးတက္ကသိုလ် ၂ ကျောင်းသား)တို့က ဦးဆောင်ဆွေးနွေးပေးခဲ့ကြပါသည်။ လက်ရှိမြန်မာ့ပညာရေးစနစ်နှင့် အမျိုးသားပညာရေးဥပဒေ၏ လိုအပ်ချက်များ၊ မှားယွင်းလွဲချော်နေမှုများ၊ ပြုပြင်ပြောင်းလဲ သင့်သည့်အချက်များ၊ အလွတ်ကျက်ဖြေစနစ်တို့ကို ဝေဖန်ထောက်ပြ ဆွေးနွေးခဲ့ကြပါသည်။ အနာဂတ်ပညာရေးတွင် နိုင်ငံတကာနှင့် ရင်ပေါင်တန်းနိုင်ရေး၊ ဒီမိုကရေစီဖက်ဒရယ်ပညာရေးစနစ်ကို ဖော်ဆောင်နိုင်ရေး၊ အရည်အချင်းပြည့်ဝသည့် ဆရာ ဆရာမများ၏ သင်ကြားပေးမှုဖြင့် ကျောင်းနေပျော်၍ ပညာတော်သည့်ကလေးများဖြစ်လာရန်အတွက် ပတ်ဝန်းကျင်ကောင်းများ ဖန်တီးပေးနိုင်ရေး၊ ဗဟိုချုပ်ကိုင်မှု လျှော့ချရေး၊ မိခင်ဘာသာစကားဖြင့် သင်ကြားခွင့်ရရေး၊ သင်ရိုးညွှန်းတမ်း လွတ်လပ်ခွင့်၊ ရေရှည်တည်တံ့ဖွံ့ဖြိုးပြီး လူသားဝါဒကိုအခြေခံသည့် ပညာရေးစနစ်ဖြစ်ပေါ်လာရေး စသည်တို့ကိုလည်း ဆွေးနွေးခဲ့ကြပါသည်။ ဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ၊ လူ့ဘောင်သစ်လူငယ်၊ ဗကသများအဖွဲ့ချုပ်၊ ဆိုရှယ်ဒီမိုကရက်တစ်ညီညွတ်ရေးတပ်ဦး၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ စိတ်ပါဝင်စားသူများနှင့် သတင်းမီဒီယာများ တက်ရောက်ခဲ့ကြပါသည်။

 

စဥ့်ကိုင်အလုပ်သမားသပိတ်သို့ကူညီငွေပေးပို့လှူဒါန်း

မန္တလေးတိုင်းဒေသကြီး၊ စဥ့်ကိုင်မြို့ရှိ ကံကောင်းခြင်းရတနာသစ်အချောထည်စက်ရုံ အလုပ်သမားများသပိတ်စခန်းမှ သပိတ်မှောက်အလုပ်သမားများ၏ စားဝတ်နေရေး၊ ကျန်းမာရေးအခက်ခဲများအတွက် လူ့ဘောင်သစ်ဒီမိုကရက်တစ်ပါတီ(DPNS)မှ ထောက်ပံ့ကူညီငွေ ပေးပို့လှူဒါန်းခဲ့ပါသည်။

NNER အလုပ်အဖွဲ့အစည်းအဝေး ကျင်းပ

NNER အလုပ်အဖွဲ့အစည်းအဝေးကို ၉၊၃၊၁၇ ရက်နေ့ ညနေပိုင်းက NNER ရုံးခန်း၌ ပြုလုပ်ခဲ့ပါသည်။ အစည်းအဝေး၌ (၁) လားရှိုးတွင်ပြုလုပ်ခဲ့သည့် ပညာရေးဆွေးနွေးပွဲ အကြောင်း ပြန်လည်ရှင်းလင်းတင်ပြခြင်း၊ (၂) မတ်လနှင့် ဧပြီလများအတွင်း ပြုလုပ်မည့် NNER မူဝါဒဆိုင်ရာ ဆွေးနွေးပွဲများနှင့် ခရီးစဉ်များ၊ (၃) Cso Forum တွင်NNER ပါဝင်ဆောင်ရွက်နေမှု အခြေအနေ၊(၄) NNER ကိုယ်စားပြုကော်မတီ အစည်းအဝေးနှင့် တတိယအကြိမ်ညီလာခံကျင်းပရေး၊ (၅) အမျိုးသားပညာရေးမူဝါဒ(NESP) အပေါ်သဘောထား စသည်တို့ကို ဆွေးနွေးညှိနှိုင်းခဲ့ကြပါသည်။

ဒီမိုကရေစီပညာရေး ပင်မသပိတ်စစ်ကြောင်း အကြမ်းဖက်ခံရခြင်း ၂ နှစ်ပြည့်

ဒီမိုကရေစီပညာရေး ပင်မသပိတ်စစ်ကြောင်း အကြမ်းဖက်ခံရခြင်း ၂ နှစ်ပြည့်အခမ်းအနားကို ၁၀၊၃၊၁၇ ရက်နေ့ နံနက် ၁၀:၁၀ နာရီအချိန်တွင် လက်ပံတန်းမြို့၊ အောင်မြေဗိမာန်ကျောင်းတိုက်၌ ဗကသများအဖွဲ့ချုပ်က ဦးစီးကျင်းပခဲ့ပါသည်။ အခမ်းအနားတွင် ဗကသများအဖွဲ့ချုပ်မှ ကိုမင်းသူရှိန်က အဖွင့်အမှာစကားပြောကြားခဲ့ပြီး အောင်မြေဗိမာန် ကျောင်းထိုင်ဆရာတော်က ဩဝါဒကထာ မြွက်ကြားပေးခဲ့ပါသည်။ ထို့နောက် အဖွဲ့အစည်းအသီးသီးမှ ပေးပို့လာသော သဝဏ်လွှာများ ဖတ်ကြားခဲ့ပြီး သပိတ်တွင် ပါဝင်ခဲ့သူများကလည်း အမှတ်တရစကား ပြောကြားပေးခဲ့ကြပါသည်။ အခမ်းအနားသို့ ဗကသများအဖွဲ့ချုပ်၊ အကသ၊ လူ့ဘောင်သစ်လူငယ်၊ လူ့ဘောင်သစ်ဒီမိုကရက်တစ်ပါတီ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ လူငယ်ကဗျာဆရာများသမဂ္ဂ၊ နိုင်ငံရေးအကျဉ်းသားဟောင်းများ၊ ကျောင်းသားမိဘများ၊ သပိတ်တွင် ပါဝင်ခဲ့သူများ၊ ဒေသခံများ တက်ရောက်ခဲ့ကြပါသည်။

တကသအဆောက်အဦ ပြန်လည်တည်ဆောက်ရေး အစည်းအဝေး

တကသအဆောက်အဦ ပြန်လည်တည်ဆောက်ရေးအတွက် ဖြစ်မြောက်ရေးကော်မတီဖွဲ့စည်းရန် အစည်းအဝေးကို၂၀၁၇ခုနှစ်၊ ဖေဖော်ဝါရီလ၊ (၂၈)ရက်နေ့တွင် ရန်ကုန်မြို့၊ တော်ဝင်နှင်းဆီခန်းမတွင် နံနက်(၁၀)နာရီမှ ညနေ(၄)နာရီခန့်အထိ ကျင်းပခဲ့ရာ မျိုးဆက်အသီးသီးမှ သမဂ္ဂကျောင်းသားများနှင့် စိတ်ပါဝင်စားသူများ တက်ရောက်ဆွေးနွေးခဲ့ကြသည်။
တက်ရောက်ဆွေးနွေးခဲ့ကြသော ၁၉၅၃-၂၀၁၇ ကျောင်းသားမျိုးဆက်များက တနိုင်ငံလုံးရှိ တက္ကသိုလ်၊ ကောလိပ်ကျောင်းများ အားလုံးတွင် သမဂ္ဂ၏ တရားဝင်တည်ရှိမှုအား တစုံတရာ အာမခံချက် ရရှိပြီးမှသာ ကော်မတီဖွဲ့စည်းရေးအတွက် ကျယ်ပြန့်သည့် အစည်းအဝေးများ ပြုလုပ်ခြင်း က လက်တွေ့ကျပြီး ပိုမိုအကျိုးဖြစ်ထွန်းနိုင်လိမ့်မည်ဟု ၎င်းတို့အားလုံး၏ သဘောထားကို ဖေါ်ပြ ဆွေးနွေးခဲ့ကြသည်။

 

ပြည်တွင်းငြိမ်းချမ်းရေးလှုပ်ရှားမှု အစည်းအဝေး

ပြည်တွင်းငြိမ်းချမ်းရေးလှုပ်ရှားမှုအတွက် ဆွေးနွေးတိုင်ပင်သည့်အစည်းအဝေးကို ၂၇၊၂၊၁၇ ရက်နေ့လည်ပိုင်းတွင် လူ့ဘောင်သစ်လူငယ်ရုံးခန်း၌ ပြုလုပ်ခဲ့ပါသည်။ အစည်းအဝေးတွင် လွိုင်ကော်ခရီးစဉ် ဆွေးနွေးရရှိချက်များနှင့် လုပ်ငန်းစဉ်များ၊ ပန်ဆန်းညီလာခံအပေါ် သုံးသပ်ချက်၊ မြန်မာ့ငြိမ်းချမ်းရေး ရှေ့အလားအလာများ၊ တကသအဆောက်အဦ ပြန်လည်ဆောက်လုပ်မည့်ကိစ္စအပေါ် သဘောထားတို့ကို ဆွေးနွေးခဲ့ကြပါသည်။ အစည်းအဝေးသို့ လူ့ဘောင်သစ်ဒီမိုကရက်တစ်ပါတီ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ လူ့ဘောင်သစ်လူငယ်၊ ဆိုရှယ်ဒီမိုကရက်တစ် ညီညွတ်ရေးတပ်ဦး၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ညီညွတ်သော အမျိုးသားဒီမိုကရေစီအဖွဲ့တို့မှ တာဝန်ရှိသူများ တက်ရောက်ဆွေးနွေးခဲ့ကြပါသည်။

ပြည်တွင်းငြိမ်းချမ်းရေးလှုပ်ရှားမှုခရီးစဉ်

ဦးငွေလင်းနှင့် ဒေါ်နှင်းနှင်းမွှေး(DPNS)၊ ကိုကောင်းထက်ကျော် (ABFSU)၊ ဦးထွန်းဝင်းငြိမ်း(မှိုင်း-ငြိမ်းကွန်ရက်)၊ ကိုသီဟဝင်းတင်(SDUF) တို့သည် ငြိမ်းချမ်းရေးလှုပ်ရှားမှုခရီးစဉ်အဖြစ် ၁၆၊၂၊၁၇ ရက်နေ့တွင် ကယားပြည်နယ်၊ လွိုင်ကော်မြို့သို့ ရောက်ရှိခဲ့ကြပါသည်။ ထိုနေ့ နံနက်ပိုင်းတွင် ကလလတခေါင်းဆောင်များနှင့်လည်းကောင်း၊ ညနေပိုင်းတွင် ကယန်းပြည်သစ်ပါတီဥက္ကဋ္ဌနှင့်လည်းကောင်း၊ ၁၇၊၂၊၁၇ ရက်နေ့နံနက်ပိုင်းတွင် ကရင်နီပြည် လူငယ်များသမဂ္ဂ တာဝန်ရှိသူများနှင့်လည်းကောင်း၊ နေ့လည်ပိုင်းတွင် ကယန်းမျိုးဆက်သစ်လူငယ် ခေါင်းဆောင်များနှင့်လည်းကောင်း တွေ့ဆုံခဲ့ကြပါသည်။ ထိုသို့ တွေ့ဆုံရာတွင် မြန်မာ့နိုင်ငံရေး၊ ငြိမ်းချမ်းရေး လက်ရှိအခြေအနေများကို ဆွေးနွေးသုံးသပ်၍ ရှေ့လုပ်ငန်းစဉ်များကို တိုင်ပင်ဆွေးနွေးခဲ့ကြပါသည်။ ဖေဖော်ဝါရီ ၁၇ ရက်နေ့ ညနေပိုင်းတွင် ကယန်းအမျိုးသားခေါင်းဆောင်ကြီး ဦးရွှေအေး၏ဇနီးကိုလည်း သွားရောက်ဂါရဝပြု နှုတ်ဆက်ခဲ့ကြပါသည်။

ပြည်သူ့တိုးတက်ရေးပါတီဥက္ကဋ္ဌ ဦးခင်မောင်မြင့် ကျဆုံးခြင်း (၂၄) နှစ်ပြည့် အခမ်းအနား

” ၁၆၊ ၂၊ ၂၀၁၇ တွင် ကျရောက်သည့် ပြည်သူ့တိုးတက်ရေးပါတီဥက္ကဋ္ဌ ဦးခင်မောင်မြင့် ကျဆုံးခြင်း (၂၄) နှစ်ပြည့် အထိမ်းအမှတ်အခမ်းအနားကို ရန်ကုန်မြို့ – တောင်ဥက္ကလာပရှိ စိတ်တိုင်းကျ လ္ဘက်ရည်ဆိုင်တွင် ကျင်းပခဲ့ရာ ကျွန်းပြန်နိုင်ငံရေးသမားကြီးများ၊ ပြည်သူ့တိုးတက်ရေးပါတီရဲဘော်ကြီးများ၊ ဆရာကြီးသခင်ကိုယ်တော်မှို်င်း ငြိမ်းချမ်းရေးကွန်ရက်၊ ၁၉၇၄ – ၇၅ – ၇၆ နိုင်ငံရေးအင်အားစုများ၊ ဗကသရဲဘော်များ၊ လူ့ဘောင်သစ်လူငယ်များ၊ ဆိုရှယ်ဒီမိုကရက်တစ်ညီညွတ်ရေးတပ်ဦး၊ လူ့ဘောင်သစ်ဒီမိုကရက်တစ်ပါတီ စသည့် နိုင်ငံရေးအင်အားစုများမှ တက်ရောက် ဂုဏ်ပြုခဲ့ကြပါသည်။ ”

ဖဒိုမန်းရှာ လုပ်ကြံသတ်ဖြတ်ခံရခြင်း (၉) နှစ်ပြည့်အခမ်းအနားကျင်းပ

KNU အထွေထွေအတွင်းရေးမှူး ဖဒိုမန်းရှာ လုပ်ကြံသတ်ဖြတ်ခံရခြင်း ၉ နှစ်မြောက် နှစ်လည် အောက်မေ့ဖွယ်အခမ်းအနားနှင့် ကြေးရုပ်တုဖွင့်ပွဲကို ဖဒိုမန်းရှာ၏ဇာတိ ပန်းတနော်မြို့နယ် တောကျောင်းကျေးရွာ၌ ဖေဖော်ဝါရီ ၁၄ ရက်နေ့တွင် ကျင်းပပြုလုပ်ခဲ့ပါသည်။ ဦးစွာ ကြေးရုပ်တုကို ဒေသခံဆရာတော်များ၊ ကရင်အမျိုးသားနိုင်ငံရေး၊ လူမှုရေးအဖွဲ့အစည်းများ၊ ဒေသခံကရင်အမျိုးသားများက ဖွင့်လှစ်ပေးခဲ့ပြီး ဖဒိုမန်းရှာ၏ ကိုယ်ရေးအကျဉ်းကို ဖတ်ကြားခဲ့သည်။ အခမ်းအနားကို ဖန်းဖောင်ဒေးရှင်း၏ ဆုပေးပွဲနှင့် တွဲဖက်ပြုလုပ်ခဲ့ပြီး ဆရာတော် သံဃာတော်များ၊ ကရင်အမျိုးသားအစည်းအရုံး၊ ကရင်အမျိုးသားပါတီ၊ လူ့ဘောင်သစ်ဒီမိုကရက်တစ်ပါတီ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး၊ တက်ကြွလှုပ်ရှားသူများ၊ ကရင်လူမှုအဖွဲ့အစည်းများ၊ ကရင်အမျိုးသားများ တက်ရောက်ခဲ့ကြပါသည်။ အခမ်းအနားတွင် ကရင်အမျိုးသားအစည်းအရုံး၊ လူ့ဘောင်သစ်ဒီမိုကရက်တစ်ပါတီ၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦးနှင့် ပဒိုမန်းရှာ၏ နိုင်ငံရေးလုပ်ဖော်ကိုင်ဖက်များမှ အမှတ်တရစကားများ ပြောကြားခဲ့ကြသည်။ ဖဒိုမန်းရှာ၏ အကိုဖြစ်သူ မန်းတင်ရွှေက ကျေးဇူးတင်စကားပြောကြားပြီး အခမ်းအနားကို ရုပ်သိမ်းခဲ့ပါသည်။

Page 6 of 20« First...45678...20...Last »