ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲသို့ တက်ရောက်ဆွေးနွေး

ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲသို့ တက်ရောက်ဆွေးနွေး

Comreg နှင့် EBO Myanmar တို့ ပူးပေါင်းစီစဉ်မှုဖြင့် ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲကို ရန်ကုန်မြို့၊ Orchid Hotel ၌ ၂၀၁၆၊ ဇွန်လ ၁၇ ရက်နေ့မှ ၁၉ ရက်နေ့အထိ သုံးရက်ကြာပြုလုပ်ခဲ့ပါသည်။
ဆွေးနွေးပွဲ ပထမနေ့တွင် အခြေခံဥပဒေနှင့် ဖက်ဒရယ်စနစ် ဗဟိုချုပ်ကိုင်မှုလျှော့ချခြင်း၊ ၎င်းစနစ်တို့၏ အခွင့် အလမ်းများ၊ မတူကွဲပြားခြားနားခြင်းနှင့် စည်းလုံးညီညွတ်မှု တည်ဆောက်ခြင်း ခေါင်းစဉ်သုံးခုဖြင့် ဆွေးနွေးခဲ့ကြပါသည်။
ဆွေးနွေးပွဲ ဒုတိယနေ့တွင် လုပ်ပိုင်ခွင့်အာဏာများ ခွဲဝေခြင်း၊ ဒေသန္တရအစိုးရ ခေါင်းစဉ်တို့ဖြင့် ဆရာခိုင်ကျော်မိုးကလည်း ကောင်း၊ ပညာရေးမူဝါဒများကို နှိုင်းယှဉ်လေ့လာခြင်း ခေါင်းစဉ်ဖြင့် ဆရာဒေါက်တာသိန်းလွင်ကလည်းကောင်း ရှင်း လင်းဆွေးနွေးခဲ့ ကြပါသည်။
ဆွေးနွေးပွဲတတိယနေ့တွင် သယံဇာတ ခွဲဝေသုံးစွဲခြင်းနှင့် ဖက်ဒရယ်စနစ်ခေါင်းစဉ်ကို ဆရာခိုင်ကျော်မိုးက လည်းကောင်း၊ ငြိမ်းချမ်းရေးလုပ်ငန်းစဉ်နှင့် ဖက်ဒရယ်စနစ်ခေါင်းစဉ်ကို ဆရာVictor Biak Lian ကလည်းကောင်း ရှင်းလင်း ဆွေးနွေးခဲ့ပါသည်။ ၎င်းဆွေး နွေးပွဲသို့ ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) အဖွဲ့ဝင်များ၊ ဗကသများအဖွဲ့ချုပ် အဖွဲ့ဝင်များ၊ တက္ကသိုလ်ဆရာ၊ဆရာမများအသင်း(UTA) အဖွဲ့ဝင်များ တက်ရောက်ကြပြီး ပါတီမှ အတွင်းရေးမှူး (၂) ဒေါ်နှင်းနှင်းမွှေး တက်ရောက် ဆွေးနွေးခဲ့ကြ ပါသည်။

အမျိုးသားပြန်လည်ရင်ကြားစေ့ရေးနှင့် ၂၁ ရာစုပင်လုံ ညီလာခံ ဟောပြောဆွေးနွေးပွဲ

နိုင်ငံရေးအကျဉ်းသားဟောင်းများအဖွဲ့(FPPS)က စီစဉ်ကျင်းပသော အမျိုးသားပြန်လည်ရင်ကြားစေ့ရေးနှင့် ၂၁ ရာစုပင်လုံ ညီလာခံ ဟောပြောဆွေးနွေးပွဲကို ပြည်မြို့၊ သီရိခေတ္တရာခန်းမတွင် ၁၈၊ ၆၊ ၂၀၁၆ ရက်နေ့ နံနက်ပိုင်းက ပြုလုပ် ခဲ့ပါသည်။ ဆွေးနွေးပွဲတွင် ဦးအောင်မိုးဇော် (ဥက္ကဋ္ဌ-လူ့ဘောင်သစ် ဒီမိုကရက်တစ်ပါတီ)၊ ဦးစိုင်းညွန့်လွင် (အထွေထွေ အတွင်းရေးမှူး – ရှမ်းတိုင်းရင်းသားများဒီမိုကရေစီအဖွဲ့ချုပ်)၊ ဦးအေးမောင်ကျော် ( ပြည်သူ့အရေးဂျာနယ် ပင်တိုင်ဆောင်း ပါးရှင်) တို့က ဦးဆောင်ဆွေးနွေးခဲ့ကြပါသည်။
ဦးအောင်မိုးဇော်က ဆွေးနွေးရာတွင် အမျိုးသားပြန်လည်သင့်မြတ်ရေး ဆိုသည်မှာ ပြည်သူအချင်းချင်းကြား၊ တိုင်းရင်းသား အချင်းချင်းကြား၊ အင်အားစုများတခုနှင့်တခုကြား ပြန်လည်ရင်ကြားစေ့ရန် ပြန်လည်သင့်မြတ်ရန် ဆောင် ရွက်ရခြင်း ဖြစ်ကြောင်း၊ ငြိမ်းချမ်းရေးရမှ၊ အမျိုးသားပြန်လည်ရင်ကြားစေ့ရေးလုပ်ဆောင်ပြီးမှ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရမည် ဆိုသည့် ပြောဆိုချက်မှာ လုံးဝ မဖြစ်သင့်ကြောင်း၊ ဖြစ်လည်း မဖြစ်နိုင်ကြောင်း၊ ၁၉၄၇ ပင်လုံညီလာခံသည် တောင်တန်းနှင့်မြေပြန့် လွတ်လပ်ရေးကို အတူတကွလက်တွဲပြီးယူကြရန်ဟူသော ရည်မှန်းချက်ပေါ်တွင် တညီတညွတ် တည်းအာရုံစိုက်၍ ဆွေးနွေးခဲ့ကြသည့်အတွက် ပင်လုံညီလာခံက အောင်မြင်ခဲ့သည်ဟု ယူဆကြောင်း၊ ယနေ့စစ်တပ်က ကာချုပ်မူ(၆)ချက်ကို တရားသေ ကိုင်စွဲထားနေသည့်အတွက် ဆွေးနွေးရာတွင် အခက်အခဲများရှိနေကြောင်း၊ ၂၁ရာစု ပင်လုံညီလာခံတွင် နိုင်ငံရေး အဖွဲ့အစည်းများအားလုံးမှ ပါဝင် သင့်ပါဝင်ထိုက်သူများ ပါဝင်နိုင်အောင် ဆောင်ရွက်ပေး သင့်ကြောင်း၊ ဒေသအသီးသီး၊ အဖွဲ့အသီးသီးမှ သြဇာရှိသူများ ပါဝင်သင့်ကြောင်း ထည့်သွင်းပြောကြားခဲ့ပါသည်။
ဟောပြောဆွေးနွေးပွဲသို့ ပြည်မြို့နှင့် အနီးအနားဒေသများမှ နိုင်ငံရေးအကျဉ်းသားဟောင်းများ၊ ပြည်ခရိုင် နိုင်ငံရေးအင်အားစုများ၊ ကျောင်းသားကျောင်းသူများ၊ လှုပ်ရှားတက်ကြွသူများ၊ စိတ်ပါဝင်စားသူများနှင့် ဖိတ်ကြားထား သည့်ဧည့်သည်တော်များ တက်ရောက်ဆွေးနွေးခဲ့ကြပါသည်။

ဆရာကြီး ဂူဗိမာန် နှစ် (၅၀) ပြည့်အခမ်းအနား ကျင်းပရေး အစည်းအဝေး

ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် ဆရာကြီးသခင်ကိုယ်တော်မှိုင်းငြိမ်းချမ်းရေး ကွန် ရက်တို့ သည် ဆရာကြီးဂူဗိမာန်တွင် အစည်းအဝေးများ ကျင်းပခဲ့ကြပါသည်။ လူ့ဘောင်သစ်ဒီမိုကရက်တစ်ပါတီသည် ဆရာကြီးသခင်ကိုယ်တော်မှိုင်းငြိမ်းချမ်းရေး ကွန်ရက် အဖွဲ့ဝင်အဖွဲ့အစည်း ဖြစ်သည့်အတွက် ထိုအစည်းအဝေးများသို့ ပါတီမှ အတွင်းရေးမှူး (၂) ဒေါ်နှင်းနှင်းမွှေး တက်ရောက် ဆွေးနွေးခဲ့ပါသည်။
အစည်းအဝေးများကို ၂၀၁၆၊ ဇွန်လ ၅ ရက်နှင့် ၁၅ ရက်နေ့တို့တွင် ကျင်းပခဲ့ကြပြီး အစည်းအဝေး၌ ဇူလိုင် ၂၃ ရက်နေ့တွင် ကျရောက်မည့် ဆရာကြီးသခင်ကိုယ်တော်မှိုင်း ကွယ်လွန်ခြင်း (၅၂) နှစ်ပြည့်နှင့် ဂူဗိမာန် နှစ် (၅၀) ပြည့် အခမ်းအနား ကျင်းပရေးအတွက် အသေးစိတ် အစီအစဉ်များကို ညှိနှိုင်း ဆွေးနွေးခဲ့ကြပါသည်။
အစည်းအဝေးများမှ ရွှေတိဂုံဘုရားလမ်းရှိ ဆရာကြီး၏ဂူဗိမာန်၌ ဇူလိုင်လ ၂၁ ရက် နေ့လည် ၁း၀၀ နာရီတွင် ကဗျာရွတ်ဆိုခြင်းအစီအစဉ်၊ ၂၂ ရက် နေ့လည် ၁း၀၀ နာရီတွင် စာတမ်းဖတ်ခြင်းအစီအစဉ်၊ ၂၃ ရက်နေ့ နံနက် ၇း၀၀ နာရီမှ ၉း၀၀ နာရီအထိ ဧည့်ခံကျွေးမွေးခြင်းအစီအစဉ်နှင့် နံနက် ၁၀း၀၀ နာရီမှ ၁၂း၀၀ နာရီအထိ အခမ်းအနားအစီအစဉ်များဖြင့် ကျင်းပမည်ဟု ဆွေးနွေးဆုံးဖြတ်ခဲ့ကြပါသည်။

(၄၂) နှစ်မြောက် ၇၄ အလုပ်သမားအရေးအခင်း နှစ်ပတ်လည်နေ့ အခမ်းအနားသို့ တက်ရောက်

(၄၂) နှစ်မြောက် ၇၄ အလုပ်သမားအရေးအခင်း နှစ်ပတ်လည်နေ့နှင့် ၇၄-၇၅-၇၆ ကျောင်းသားလှုပ်ရှားမှု အထိမ်းအမှတ် အခမ်းအနားကို ၆၊၆၊၂၀၁၆ ရက်နေ့ နံနက်ပိုင်းက တောင်ဥက္ကလာ စိတ်တိုင်းကျစားသောက်ဆိုင်တွင် ကျင်းပခဲ့ပါသည်။ အခမ်းအနားသို့ ၇၄-၇၅-၇၆ လှုပ်ရှားမှုတွင် ပါဝင်ခဲ့ကြသော အလုပ်သမားခေါင်းဆောင်များ၊ ကျောင်းသား ခေါင်းဆောင်များ၊နိုင်ငံရေးသမားကြီးများ၊ စိတ်ဝင်စားသူ ကျောင်းသားလူငယ်များနှင့် နိုင်ငံရေးပါတီများမှ တာဝန်ရှိသူများ တက်ရောက်ခဲ့ကြပါသည်။

အခမ်းအနားတွင် ၀ါရင့်နိုင်ငံရေးသမားကြီး ဦးလှရွှေ(အောင်သာ-ပီသုံးလုံး)၊ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း၊ ၇၄ အလုပ်သမားခေါင်းဆောင် ဦးဝင်းကျော်၊ ၇၄ ကျောင်းသားဟောင်း ဦးစံနု၊ ၈၈ ကျောင်းသားခေါင်းဆောင် ဦးမင်းဇေယျ၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဒု-ဥက္ကဋ္ဌ ကိုမိုးထက်နေတို့က အမှတ်တရစကားများ ပြောကြားခဲ့ကြပါသည်။

ဦးငွေလင်းက အမှတ်တရစကားပြောကြားရာတွင် ၂၀၀၈ ဖွဲ့စည်းပုံအခြေခံဥပဒေကို လူထုဆန္ဒနှင့် ကိုက်ညီသော အခြေခံဥပဒေ ဖြစ်လာစေရေး၊ စစ်အာဏာရှင်စနစ် အကုန်အစင် အပြီးသတ်ချုပ်ငြိမ်းစေရေးတို့အတွက် ယခုလက်ရှိ အစိုးရ သည် ပြည်သူများ၊ နိုင်ငံရေးပါတီများ၊ နိုင်ငံရေးအင်အားစုများအားလုံးနှင့်လက်တွဲ၍ ၀ိုင်းဝန်းပူးပေါင်း ကြိုးပမ်းဖို့ လိုအပ် ကြောင်း တိုက်တွန်းပြောကြားခဲ့ပါသည်။ ထို့နောက် ပေးပို့လာသော သဝဏ်လွှာများကို ဖတ်ကြား မှတ်တမ်းတင် ခဲ့ပါသည်။

ဗဟိုစည်းရုံးရေးကော်မတီဝင် ရဲဘော်မင်းနိုင်၏ ဈာပန

လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီဝင် ရဲဘော်မင်းနိုင်သည် ၂၊၆၊၂၀၁၆ ရက်နေ့ နံနက် ၆း၃၀ နာရီတွင် ဆုံးပါးသွားခဲ့ပါသည်။ ရဲဘော်မင်းနိုင်၏လုပ်ဖေါ်ကိုင်ဖက်များက (၁၉) ဦးပါ ဈာပနကော်မတီကို ထိုနေ့ နေ့လည်မှာ ဖွဲ့စည်းလိုက်ကြသည်။ ထိုကော်မတီနှင့် မိသားစုမှ ဦးဆောင်ကာ ဈာပနအခမ်းအနားကို ၄-၆-၁၆ ရက်နေ့လည် ၁း၀၀ နာရီက ရေဝေးသုဿန်၌ ပြုလုပ်ခဲ့ကြပါသည်။
ဈာပနအခမ်းအနားသို့ ရဲဘော်မင်းနိုင်၏ မိသားစုဝင်များ၊ ရွှေဝါရောင်တော်လှန်ရေး ဦးဆောင်သံဃာတော်များ၊ လူ့ဘောင်သစ်ဒီမိုကရက်တစ်ပါတီဝင်များ၊ လူ့ဘောင်သစ်လူငယ်များ၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ ချုပ်အဖွဲ့ဝင်များ၊ ဗကသများအဖွဲ့ချုပ်-အောက်ဗမာပြည် ( ၁၉၉၀-၁၉၉၁) အဖွဲ့ဝင်များ ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်အဖွဲ့ဝင်များ၊ ဗကသများအဖွဲ့ချုပ် (နိုင်ငံခြားရေးကော်မတီ) မှ အဖွဲ့ဝင်များ၊ ဆရာကြီးသခင်ကိုယ် တော်မှိုင်းဂူဗိမာန်စောင့်ရှောက်ရေးအဖွဲ့ဝင်များ၊ ၈၈ မျိုးဆက် ငြိမ်း ချမ်းရေးနှင့် ပွင့်လင်းလူ့အဖွဲ့အစည်းမှ ခေါင်း ဆောင်များ၊ ၇၄-၇၅-၇၆ နိုင်ငံရေးအင်အားစုများ၊ မြန်မာနိုင်ငံစာရေးဆရာများသမဂ္ဂ၊ လူငယ်ကဗျာဆရာများသမဂ္ဂ၊ နိုင်ငံရေး အကျဉ်း သားဟောင်းများအဖွဲ့၊ AAPP-B အဖွဲ့ဝင်များ ၊ အလုပ်သမားအရေး-လယ်သမားအရေး လှုပ်ရှားဆောင်ရွက်သူများ၊ ၈၈ အရေးတော်ပုံကာလမှ ယနေ့အချိန်အထိ လုပ်ဖော်ကိုင်ဘက် ရဲဘော် ရဲဘက်များနှင့် ဆွေမျိုးမိတ်သင်္ဂဟများ တက် ရောက်ခဲ့ကြပါသည်။
အခမ်းအနားတွင် ရဲဘော်မင်းနိုင်၏ လုပ်ဖော်ကိုင်ဘက်များက အမှတ်တရစကားများ ပြောကြားခဲ့ကြပြီး လူ့ဘောင် သစ်ဒီမိုကရက်တစ်ပါတီမှ အမိန့်ပြန်တမ်းကို ဖတ်ကြားခဲ့ပါသည်။ နေ့လည် ၂း၀၀ နာရီတွင် ကြွင်းကျန်ရစ်သောရုပ်ကလာပ် ကို မီးသဂြိုဟ်၍ အရိုးပြာအိုးကို အမှတ်တရ ဂူသွင်းခဲ့ကြပါသည်။

၂၀၁၆၊ ဇွန်လ ၂ ရက်နေ့တွင် ကွယ်လွန်ခဲ့သော ရဲဘော်မင်းနိုင်(၁၉၆၅-၂၀၁၆)အတွက် အမှတ်တရ

၂၀၁၆၊ ဇွန်လ ၂ ရက်နေ့တွင် ကွယ်လွန်ခဲ့သော ရဲဘော်မင်းနိုင်(၁၉၆၅-၂၀၁၆)အတွက် အမှတ်တရစာအုပ်ကို လူ့ဘောင်သစ်ဒီမိုကရက်တစ်ပါတီ ဗဟိုစည်းရုံးရေးကော်မတီက အခမဲ့ထုတ်ဝေလိုက်ပါသည်။ ဤစာအုပ်တွင် ကိုမင်းနိုင်ကွယ်လွန်စဉ်က အမှတ်တရရေးသားခဲ့ကြသော စာများ၊ ကဗျာများကို စုစည်းဖော်ပြထားပါသည်။ အနယ်နယ်အရပ်ရပ်ရှိ ကိုမင်းနိုင်ကိုချစ်ခင်လေးစားကြသော ရဲဘော်များနှင့် စာအုပ်လက်ဝယ်မရရှိသူများ သိမ်းဆည်းထားနိုင်ရန်ရည်ရွယ်၍ စာအုပ်တအုပ်လုံး၏ jpg ဖိုင်များကို မျှဝေလိုက်ခြင်းဖြစ်သည်။

To up load_Page_001

Get PDF files

 

SYCB မှ ဖွင့်လှစ်ထားသော Youth Training Centre သင်တန်းသားများကို လက်ခံဆွေးနွေး

၂၀၁၆၊ မေလ ၂၆ ရက်နေ့ ညနေပိုင်းတွင် SYCB (Students and Youths Congress of Burma) မှ ဖွင့်လှစ် ထားသော Youth Training Centre သင်တန်းသူသင်တန်းသားများသည် လူ့ဘောင်သစ်ဒီမိုကရက်တစ်ပါတီ ဌာန ချုပ်ရုံးသို့ လာရောက်လေ့လာကြပါသည်။
ထိုသင်တန်းကျောင်းသည် အနယ်နယ်အရပ်ရပ်မှ တိုင်းရင်းသားလူငယ်များကို အရည်အချင်းမြှင့်တင်ပေး သည့် နိုင်ငံရေးသိပ္ပံကျောင်း ဖြစ်ပါသည်။ ကျောင်းဆင်းခါနီးတွင် နိုင်ငံရေးပါတီများအား လေ့လာခြင်းအစီအစဉ်အရ လူ့ဘောင်သစ်ဒီမိုကရက်တစ်ပါတီကို လာရောက်လေ့လာကြခြင်း ဖြစ်ပါသည်။ ပါတီမှ ဥက္ကဋ္ဌ၊ အထွေထွေအတွင်းရေးမှူး အပါအ၀င် ပါတီတာဝန်ရှိသူများက နွေးနွေးထွေးထွေး ကြိုဆိုကြပြီး ပါတီ၏ ဖြတ်သန်းမှုသမိုင်းအကျဉ်း၊ ယနေ့ကာလ နိုင်ငံရေးအခြေအနေများအပေါ် ပါတီ၏အမြင်၊ ပါတီ၏ လတ်တလောလုပ်ငန်းစဉ်များကို အကျဉ်းမျှ ရှင်းလင်း တင်ပြ ပေးပါသည်။လူ့ဘောင်သစ်လူငယ်အကြောင်းကိုလည်း မိတ်ဆက်တင်ပြပေးကြပါသည်။
သင်တန်းသားများက စိတ်ဝင်စားကြပြီး ၎င်းတို့ ပိုမို ရှင်းလင်းစွာ သိမြင်လိုသည့်အချက်များကို မေးမြန်းကြ ပါသည်။ ပါတီမှ တာဝန်ရှိသူများက ရှင်းလင်းပြောကြားပေးကြပြီး သင်တန်းသားများဖက်ကလည်း လက်ရှိနိုင်ငံရေး အခြေအနေများအပေါ် ၎င်းတို့၏အမြင်များကို ပြန်လည်ဆွေးနွေးပေးခဲ့ကြပါသည်။

မကဒတ ကျောင်းသားတပ်မတော် (ABSDF)  ဒုတိယ ဥက္ကဋ္ဌ ဦးမျိုးဝင်းနှင့် တွေ့ဆုံဆွေးနွေး

၂၃၊ ၅၊ ၂၀၁၆ ရက်နေ့တွင် ပါတီဋ္ဌာနချုပ်ရုံးတွင် မကဒတ ကျောင်းသားတပ်မတော် (ABSDF)  ဒုတိယ ဥက္ကဋ္ဌ ဦးမျိုးဝင်းနှင့် ပါတီမှ တာဝန်ရှိသူများ ပြည်တွင်းငြိမ်းချမ်းရေးလုပ်ငန်းစဉ်များနှင့် ပတ်သက်၍ တွေ့ဆုံဆွေးနွေး ခဲ့ကြပါသည်။

ABSDF ဒုတိယ ဥက္ကဋ္ဌ ဦးမျိုးဝင်းက ABSDF ၏ ရပ်တည်ချက်၊ NCA လက်မှတ်ထိုးထားသည့် (၈) ဖွဲ့ ၏ ရပ်တည်ချက်နှင့် ဆောင်ရွက်နေပုံများ၊NCA လက်မှတ်မထိုးရသေးသောအဖွဲ့အစည်းများနှင့် ၎င်း (၈)ဖွဲ့တို့၏ ဆွေးနွေး ထားမှုများ၊ (၈) ဖွဲ့နှင့် ဒေါ်အောင်ဆန်းစုကြည် တွေ့ဆုံမှု အခြေအနေများကို ဖလှယ်ပေး၍ရသည်များကို ဖလှယ် ပေးခြင်း ဖြစ်ပါသည်။

ပါတီဖက်မှလည်း လက်ရှိဆောင်ရွက်နေသော ငြိမ်းချမ်းရေးလုပ်ငန်းစဉ်များနှင့်ရှေ့အလားအလာအပေါ် ပါတီ ၏ အမြင်များကို ပြန်လည်ဆွေးနွေးတင်ပြခဲ့ကြပါသည်။

DIPD နှင့် IDEA တို့ ပူးတွဲပြုလုပ်သော ရွေးကောက်ပွဲ ရံပုံငွေဆွေးနွေးပွဲသို့ တက်ရောက်

DIPD နှင့် IDEA တို့ ပူးတွဲပြုလုပ်သော ရွေးကောက်ပွဲ ရံပုံငွေဆွေးနွေးပွဲသို့ တက်ရောက်

Denish Institute for Parties and Democracy (DIPD) နှင့် International Institue for Democracy and Electoral Assitance (IDEA) တို့က ပူးတွဲပြုလုပ်သော ဆွေးနွေးပွဲတရပ်ကို ၂၀၁၆ မေလ ၂၀ ရက်နေ့ နံနက်ပိုင်းက DIPD ရန်ကုန်ရုံးတွင် ကျင်းပခဲ့ပါသည်။ ထိုဆွေးနွေးပွဲသည် ၂၀၁၅ ရွေးကောက်ပွဲကာလအတွင်း ငွေကြေးရံပုံငွေသုံးစွဲမှု သုတေသနစာတမ်းကို IDEA နှင့် DIPD က ဆွေးနွေးတင်ပြသည့် ပွဲဖြစ်သည်။ ထိုပွဲသို့ နိုင်ငံ ရေးပါတီများမှ တာဝန်ရှိသူများ တက်ရောက်ကြသည်။ ပါတီမှ ဗဟိုဦးဆောင်ကော်မတီဝင် ဒေါ်နိုးနိုးထက်စံ တက် ရောက်ခဲ့ပါသည်။
တက်ရောက်လာသော ပါတီကိုယ်စားလှယ်များက စာတမ်းပါအချက်အလက်များနှင့် တင်ပြချက်များအနက် မရှင်းလင်းသည်များ ပြန်လည်မေးမြန်းပြီး ဆွေးနွေးအကြံပြုခဲ့ကြပါသည်။

ရန်ကုန်မြို့ ဘက်စုံဖွံ့ဖြိုးမှု အခြေခံအချက်အလက်များနှင့် အဆိုပြုချက်များ ဆွေးနွေးပွဲသို့ တက်ရောက်

 

Renaissance Institute မှ စီစဉ်သော ရန်ကုန်မြို့ ဘက်စုံဖွံ့ဖြိုးမှု အခြေခံအချက်အလက်များနှင့် အဆိုပြု ချက်များ ဆွေးနွေးပွဲကို ၂၀၁၆၊ မေလ ၅ ရက်နေ့က ရန်ကုန်မြို့တော်ခန်းမ၌ ပြုလုပ်ခဲ့ပါသည်။

ထိုဆွေးနွေးပွဲသို့ ရန်ကုန်တိုင်းဒေသကြီးအစိုးရအဖွဲ့ဝင်များ၊ ပညာရှင်များ၊ လူထုအခြေပြု အရပ်ဖက်အဖွဲ့ အစည်းများ၊ နိုင်ငံရေးပါတီများ တက်ရောက်ဆွေးနွေးကြပါသည်။ ဆွေးနွေးပွဲသို့ ပါတီမှ အတွင်းရေးမှူး(၂) ဒေါ်နှင်းနှင်း မွှေး တက်ရောက်ခဲ့ပါသည်။

ဆွေးနွေးပွဲတွင် ရန်ကုန်တိုင်းဝန်ကြီးချုပ် ဦးဖြိုးမင်းသိန်းနှင့် ရန်ကုန်မြို့တော်ဝန် ဦးမောင်မောင်စိုးတို့က အမှာ စကား ပြောကြားခဲ့ကြပါသည်။ ထို့နောက် ရန်ကုန်မြို့တော်စည်ပင်သာယာရေးဌာနကိုယ်စား ဒေါက်တာတိုးအောင်က ဆောင်ရွက်ပြီးနှင့် ဆောင်ရွက်နေဆဲ စီမံကိန်းများကို ရှင်းလင်းတင်ပြပြီး မြို့ပြစီမံကိန်းပညာရှင် ဒေါက်တာကျော်လတ် က ရန်ကုန်မြို့ ဘက်စုံဖွံ့ဖြိုးရေးအတွက် အကြံပြုချက်များ တင်ပြခဲ့ပါသည်။ တက်ရောက်လာသော ဧည့်သည်များ ကလည်း သိလိုသည်များကို မေးမြန်းဆွေးနွေး အကြံပြုခဲ့ကြပါသည်။

Page 34 of 37« First...1020...3233343536...Last »