ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

ဗဟိုစည်းရုံးရေး ကော်မတီဝင်များနှင့် ပြည်ခရိုင်ခရိုင်ပါတီခေါင်းဆောင်များတွေ့ဆုံဆွေးနွေးညှိနှိုင်း

” လူ့ဘောင်သစ်ဒီမိုကရက်တစ်ပါတီ အတွင်းရေးမှူး (၁)ဦးသီဟနှင့် ဗဟိုစည်းရုံးရေးကော်မတီဝင် ဦးတိုးတိုးထွန်းတို့သည် ၇၊ ၄၊ ၂၀၁၇ နေ့က ပဲခူးတိုင်း(အနောက်ခြမ်း) ပြည်ခရိုင် ရွှေတောင်မြို့နယ်ရုံး၌ခရိုင်ပါတီခေါင်းဆောင်များနှင့် တွေ့ဆုံလျက် ၂၀၁၇
အတွင်း ပါတီက ဆောင်ရွက်ရန် လျာထားသောလုပ်ငန်းစဉ်များ လက်တွေ့အကောင်အထည်ဖော်နိုင်ရေးအတွက် အကြို ဆွေးနွေးညှိနှိုင်းမှုများပြုလုပ်ခဲ့ကြသည်။ ”

NNERပညာရေးမူဝါဒဆွေးနွေးပွဲနှင့်တနင်္လာရီတိုင်းကွန်ရက်ဖွဲ့စည်းခြင်း

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER)၏ ပညာရေးမူဝါဒဆိုင်ရာ အလုပ်ရုံဆွေးနွေးပွဲ ဒုတိယနေ့ကို မြိတ်မြို့၊ ပုလဲရတနာခန်းမ၌ ၂၊၄၊၁၇ ရက်နေ့တွင် ဆက်လက်ပြုလုပ်ခဲ့ပါသည်။ NNER လုပ်ငန်းအဖွဲ့ဝင်များ၊ လူ့ဘောင်သစ်လူငယ်၊ လူ့ဘောင်သစ်ဒီမိုကရက်တစ်ပါတီ၊ ဗကသများအဖွဲ့ချုပ်၊ ထားဝယ်ခရိုင်ကျောင်းသားများသမဂ္ဂ၊ မြိတ်ခရိုင်တက္ကသိုလ်များ ကျောင်းသားသမဂ္ဂ၊ LGBT၊ အလွတ်ပညာသင်ကျောင်းဆရာများ၊ မြန်မာနိုင်ငံ ဆရာ ဆရာမများအဖွဲ့ချုပ်၊ ၈၈ – ငြိမ်း/ပွင့်၊ တောင်သူများသမဂ္ဂ၊ ဘကကျောင်းဆရာများ၊ ပညာရေးပြုပြင်ပြောင်းလဲမှုကို စိတ်ပါဝင်စားသော ဒေသခံများနှင့် ပညာရေးဝန်ထမ်းဟောင်းများ တက်ရောက်ဆွေးနွေးခဲ့ကြပါသည်။ နံနက်ပိုင်းတွင် NNER ၏ ပညာရေးမူဝါဒများကို ဆွေးနွေးခဲ့ကြသည်။ ညနေပိုင်းတွင် တက်ရောက်လာသည့် အဖွဲ့အစည်းအသီးသီးက အပြန်အလှန် ဆွေးနွေးညှိနှိုင်းကြ၍ တနင်္သာရီတိုင်းဒေသကြီး NNER ကွန်ရက်အား ဖွဲ့စည်းခဲ့ကြပါသည်။

တနင်္လာရီတိုင်းဒေသကြီး ပညာရေးမူဝါဒ အလုပ်ရုံဆွေးနွေးပွဲ(ပထမနေ့)

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER)၏ ပညာရေးမူဝါဒဆိုင်ရာ အလုပ်ရုံဆွေးနွေးပွဲ ပထမနေ့ကို မြိတ်မြို့တွင် ၁၊၄၊၁၇ ရက်နေ့တွင် ပြုလုပ်ခဲ့ပါသည်။ ဆွေးနွေးပွဲတွင် NNER လုပ်ငန်းအဖွဲ့ဝင်များ၊ လူ့ဘောင်သစ်လူငယ်၊ လူ့ဘောင်သစ်ဒီမိုကရက်တစ်ပါတီ၊ အမျိုးသားဒီမိုကရေစီအဖွဲ့ချုပ်၊ ဗကသများအဖွဲ့ချုပ်၊ ထားဝယ်ကျောင်းသားသမဂ္ဂ၊ ပညာရေးပြုပြင်ပြောင်းလဲမှုကို စိတ်ပါဝင်စားသော ဒေသခံများနှင့် ပညာရေးဝန်ထမ်းဟောင်းများ တက်ရောက်ဆွေးနွေးခဲ့ကြပါသည်။

ပါတီစည်းရုံးရေးစာစဉ် အတွဲ(၁)၊ အမှတ်(၅)

ပါတီစည်းရုံးရေးစာစဉ် အတွဲ(၁)၊ အမှတ်(၅)ကို ပါတီတွင်းကန့်သတ်အဖြစ် အခမဲ့ဖြန့်ဝေလိုက်ပါသည်။

စာစဉ်ရယူရန် ပါတီစည်းရုံးရေးစာစဉ် အတွဲ(၁)၊ အမှတ်(၅)

NNER အစည်းအဝေးသို့တက်ရောက်(ဒုတိယနေ့)

NNER(ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်) ကိုယ်စားပြုကော်မတီအစည်းအဝေးနှင့် ပညာရေးမူဝါဒဆွေးနွေးပွဲ ဒုတိယနေ့ကို ၂၉၊၃၊၁၇ ရက်နေ့ နံနက် ၉:၀၀ နာရီမှ ညနေ ၅:၀၀ နာရီအထိ မော်လမြိုင်မြို့တွင် ကျင်းပခဲ့ပါသည်။ အစည်းအဝေးသို့ လု့ဘောင်သစ်ဒီမိုကရက်တစ်ပါတီကိုယ်စားလှယ် အပါအဝင် NNER ကိုယ်စားပြုကော်မတီဝင်များ၊ လုပ်ငန်းအဖွဲ့ဝင်များ၊ အတွင်းရေးမှူးအဖွဲ့ဝင်များ၊ နာယကများ၊ ဗကသများအဖွဲ့ချုပ်၊ တိုင်းရင်းသားကျောင်းသားသမဂ္ဂများ၊ ပညာရေးအပြောင်းအလဲကို စိတ်ပါဝင်စားသည့် ဒေသခံအဖွဲ့အစည်းများ၊ လူပုဂ္ဂိုလ်များ တက်ရောက်ခဲ့ကြပါသည်။ နံနက်ပိုင်း၌ ဒေါက်တာအာကာမိုးသူက အဖွင့်အမှာစကား ပြောကြားပေးပြီးနောက် “လက်ရှိနိုင်ငံရေး အခင်းအကျင်းတွင် အနာဂတ်ပညာရေး အလားအလာ” ခေါင်းစဉ်ဖြင့် ဒေါက်တာသန့်လွင်မောင်(ကိုတာ)၊ ဒေါက်တာသိန်းလွင်၊ ဒေါက်တာညိုညိုသင်း၊ ဒေါက်တာကျော်သူ၊ ဦးမြင့်ဇော်တို့က တင်ပြဆွေးနွေးပေးခဲ့ကြသည်။ ညနေပိုင်း၌ မေလပထမပတ်၊ မော်လမြိုင်မြို့တွင် ကျင်းပမည့် NNER တတိယအကြိမ်မြောက် ညီလာခံအတွက် ဆောင်ရွက်ရန်ကိစ္စရပ်များကို ဆွေးနွေးညှိနှိုင်းခဲ့ကြပါသည်။

NNERကိုယ်စားပြုကော်မတီအစည်းအဝေးသို့တက်ရောက်

NNER(ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်) ကိုယ်စားပြုကော်မတီအစည်းအဝေးနှင့် ပညာရေးမူဝါဒဆွေးနွေးပွဲ ပထမနေ့ကို ၂၈၊၃၊၁၇ ရက်နေ့ နံနက် ၉:၀၀ နာရီမှ ညနေ ၅:၀၀ နာရီအထိ မော်လမြိုင်မြို့တွင် ကျင်းပခဲ့ပါသည်။ အစည်းအဝေးသို့ လူ့ဘောင်သစ်ဒီမိုကရက်တစ်ပါတီကိုယ်စားလှယ် အပါအဝင် ပြည်နယ်နှင့်တိုင်းအသီးသီးမှ NNER ကိုယ်စားလှယ်များ၊ လုပ်ငန်းကော်မတီဝင်များ၊ အတွင်းရေးမှူးအဖွဲ့ဝင်များ၊ နာယကများ တက်ရောက်ခဲ့ကြပါသည်။ အစည်းအဝေးတက်ရောက်လာသည့် ပြည်နယ်နှင့်တိုင်းကိုယ်စားလှယ်များ၊ အစုအဖွဲ့အသီးသီးမှ ကိုယ်စားလှယ်များက မိမိတို့ဒေသအသီးသီးတွင် ဆောင်ရွက်ထားရှိချက်များ၊ ဒေသအခြေအနေများ၊ အတွင်းရေးမှူးအဖွဲ့ အစီရင်ခံစာတို့ကို တင်ပြအစီရင်ခံခဲ့ပြီး ရှေ့လုပ်ငန်းစဉ်များကိုလည်း ဆွေးနွေးခဲ့ကြပါသည်။

ကျောင်းသားသမဂ္ဂအဆောက်အဦနှင့် ပတ်သက်၍ ဆွေးနွေးပွဲကျင်းပ

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က စီစဉ်ကျင်းပသည့် “ကျောင်းသားသမဂ္ဂအဆောက်အဦနှင့် ပတ်သက်၍ ကျောင်းသားမျိုးဆက်အသီးသီးပါဝင်သော ဆွေးနွေးပွဲ”တရပ်ကို ၂၆၊ ၂၊ ၁၇ ရက်နေ့ နံနက် ၉း၀၀ နာရီမှ ညနေ ၅း၀၀ နာရီအထိ ဗိုလ်တထောင်မြို့နယ်ရှိ Orchid ဟိုတယ်တွင် ပြုလုပ်ခဲ့ပါသည်။ ဆွေးနွေးပွဲ၌ ၁၉၅၃ ခုနှစ်မှစ၍ ယနေ့ကာလအထိ ကျောင်းသားမျိုးဆက်အသီးသီး၏ သဘောထားများကို ဆွေးနွေးခဲ့ကြပြီး ဘုံသဘောတူညီချက်များကို စုစည်းရရှိခဲ့ကြပါသည်။

ဆရာကြီးသခင်ကိုယ်တော်မှိုင်း ၁၄၁ နှစ်မြောက် မွေးနေ့အထိမ်းအမှတ် ကဗျာသဘင်

ဆရာကြီးသခင်ကိုယ်တော်မှိုင်း ၁၄၁ နှစ်မြောက် မွေးနေ့အထိမ်းအမှတ်အဖြစ် “စာနယ်တခွင်က မှိုင်းရဲ့ ကဗျာသဘင်” ခေါင်းစဉ်ဖြင့် ကဗျာရွတ်ဆိုပွဲကို လမ်းမတော်သံဈေး ၅ လွှာရှိ Myanmar Book Plaza တွင် ၂၆၊၃၊၁၇ ရက်နေ့လည် ၁:၀၀ နာရီမှ ညနေ ၄:၀၀ နာရီအထိ ကျင်းပခဲ့ပါသည်။ ဤအခမ်းအနားကို ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့၊ သခင်ကိုယ်တော်မှိုင်း ငြိမ်းချမ်းရေးကွန်ရက်နှင့် Myanmar Book Plaza တို့ ပူးပေါင်းစီစဉ်ခြင်းဖြစ်သည်။ ဆရာကြည်နိုင်၊ ဆရာချစ်ဦးညို ၊ ဆရာအောင်စောဦး၊ ဆရာမောင်နွေထက်၊ ဆရာထွန်းဝင်းငြိမ်းတို့က ဆရာကြီး၏ ငြိမ်းချမ်းရေးသဘောထား၊ မျိုးချစ်စိတ်ဓာတ်၊ လွတ်လပ်ရေးလှုပ်ရှားမှု၊ မှိုင်းရာပြည့်လှုပ်ရှားမှုတို့ကို ဟောပြောခဲ့ကြပြီး ဆရာကြီးရေးဖွဲ့ခဲ့သော လေးချိုးကြီးများကို ရွတ်ဆိုခဲ့ကြပါသည်။ ထို့နောက် တက်ရောက်လာသော ကဗျာဆရာများကလည်း ကဗျာများရွတ်ဆို ဂုဏ်ပြုခဲ့ကြပြီးနောက် အခမ်းအနားကို ရုပ်သိမ်းခဲ့ပါသည်။ အခမ်းအနားသို့ လူ့ဘောင်သစ်ဒီမိုကရက်တစ်ပါတီ၊ လူ့ဘောင်သစ်လူငယ်၊ ဆိုရှယ်ဒီမိုကရက်တစ်ညီညွတ်ရေးတပ်ဦး၊ သခင်ကိုယ်တော်မှိုင်းဂူဗိမာန်စောင့်ရှောက်ရေးအဖွဲ့၊ မှိုင်းငြိမ်းကွန်ရက်၊ ၇၄-၇၅ နိုင်ငံရေးအင်အားစုများ၊ လူငယ်ကဗျာဆရာများသမဂ္ဂ၊ စာပေမွေ့သူများနှင့် ဆရာကြီးကို ချစ်ခင်ကြည်ညိုသူများ တက်ရောက်ခဲ့ကြပါသည်။

 

 

“ပျိုမျစ်သူတို့နိုင်ငံတော်” နိုင်ငံရေးဆွေးနွေးပွဲ

လူ့ဘောင်သစ်လူငယ်(YNS)ကစီစဉ်ကျင်းပသည့်”ပျိုမျစ်သူတို့နိုင်ငံတော်လူငယ်နှင့်နိုင်ငံရေး၊နိုင်ငံရေးနှင့်လူငယ်”နိုင်ငံရေးဆွေးနွေးပွဲကို၂၅၊ ၂၊ ၁၇ ရက်နေ့လည်ပိုင်းတွင် ဗိုလ်တထောင်မြို့နယ်ရှိ သျှရီရာမခရစ်ရှနာခန်းမ၌ ကျင်းပခဲ့ပါသည်။ ဆွေးနွေးပွဲတွင် ကိုရဲအောင်အေး(ဥက္ကဋ္ဌ-လူ့ဘောင်သစ်လူငယ်)က အဖွင့်စကားပြောကြားခဲ့ပြီးကိုမိုးထက်နေ(ဆိုရှယ်ဒီမိုကရက်တစ်ညီညွတ်ရေးတပ်ဦး)၊
ကိုရဲဝင်း(NNER)၊မအိသဉ္ဇာမောင်(လူ့ဘောင်သစ်လူငယ်)၊ကိုကျော်ဇင်လင်း(ဗမာနိင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်)တို့က ဦးဆောင်ဆွေးနွေးခဲ့ကြပါသည်။ ဆွေးနွေးပွဲသို့ ဗကသများအဖွဲ့ချုပ်၊ လူ့ဘောင်သစ်ဒီမိုကရက်တစ်ပါတီ၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်၊ ကျွန်းပြန်နိုင်ငံရေးအင်အားစု၊ ဆိုရှယ်ဒီမိုကရက်တစ် ညီညွတ်ရေးတပ်ဦး၊ နိုင်ငံရေးအကျဉ်းသားဟောင်းများအဖွဲ့၊ လူငယ်ကဗျာဆရာများသမဂ္ဂ၊နိုင်ငံရေးလှုပ်ရှားတက်ကြွသူများ၊စိတ်ပါဝင်စားသူများနှင့်သတင်းမီဒီယာများတက်ရောက်ဆွေးနွေးခဲ့ကြပါသည်။

NNER အစည်းအဝေးသို့တက်ရောက်

ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER) လုပ်ငန်းအဖွဲ့ အစည်းအဝေးကို ၂၄၊၃၊၁၇ ရက်နေ့ညနေပိုင်းက NNER ရုံးခန်း၌ ပြုလုပ်ခဲ့ပါသည်။ မတ်လ ၂၈၊ ၂၉ တွင် မော်လမြိုင်မြို့၌ ကျင်းပမည့် NNER ကိုယ်စားပြုကော်မတီအစည်းအဝေးနှင့် ပညာရေးမူဝါဒဆိုင်ရာ ဆွေးနွေးပွဲ၊ ဧပြီလဆန်းတွင် မြိတ်မြို့၌ ပြုလုပ်မည့် မူဝါဒရေးရာ အလုပ်ရုံဆွေးနွေးပွဲ၊ မေလ ပထမပတ်တွင် မော်လမြိုင်မြို့၌ ကျင်းပမည့် NNER တတိယအကြိမ်ညီလာခံဆိုင်ရာ ကိစ္စရပ်များကို ဆွေးနွေးညှိနှိုင်းခဲ့ကြပါသည်။