ပါတီတံဆိပ်

ဆက်သွယ်ရန်

အမှတ်(၂၅၁)၊ တတိယထပ်၊ ဆိပ်ကမ်းသာလမ်း (အပေါ်ဘလောက်)၊ ကျောက်တံတား မြို့နယ်၊ ရန်ကုန်မြို့။
ဖုန်း - (၉၅) ဝ၉၂၅၀၅၆၆၀၁၈
အီးမေးလ် - hqdpns@gmail.com
Facebook - Democratic Party for a New Society

(၅၄) နှစ်မြောက် ၇ ဇူလိုင်အခမ်းအနားကို ရွှေတောင်မြို့နယ်ရုံး၌လည်း ကျင်းပ

(၅၄) နှစ်မြောက် ၇ ဇူလိုင်အခမ်းအနားကို လူ့ဘောင်သစ်ဒီမိုကရက်တစ်ပါတီ၊ ရွှေတောင်မြို့နယ်ရုံး၌ ၇၊ ၇၊ ၂၀၁၆ ရက် နေ့လယ်ပိုင်းတွင် ကျင်းပခဲ့ပါသည်။ အခမ်းအနားတွင် လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်၊ ဗကသများအဖွဲ့ချုပ် (သာယာဝတီခရိုင်) ဥက္ကဋ္ဌ ကိုမင်းသူရှိန်၊ ၁၉၆၂ ကျောင်းသားဟောင်း ဦးအုန်းကျော်၊ ဆရာကြီးသခင်ကိုယ်တော်မှိုင်း ငြိမ်းချမ်းရေး ကွန်ရက်(ပြည်ခရိုင်)မှ ဦးချစ်ဆောင်ဦး၊ လူ့ဘောင်သစ်ဒီမိုကရက်တစ်ပါတီ (ပြည်ခရိုင်) ဥက္ကဋ္ဌ ဦးအောင်မြင့်စိန်၊ ပေါက်ခေါင်းလယ်သမား သမဂ္ဂဥက္ကဋ္ဌ ဦးအေးစိုး၊ ပြည် ၈၈ ငြိမ်း-ပွင့်မှ ဦးညီညီ၊ နိုင်ငံရေးအကျဉ်းသားဟောင်းများအဖွဲ့ (ပြည်)မှ ဦးကျော်ဆန်းတို့က ဂုဏ်ပြု အမှတ်တရစကားများ ပြောကြားခဲ့ကြပါသည်။
အခမ်းအနားတွင် လူ့ဘောင်သစ်ဒီမိုကရက်တစ်ပါတီ (ဌာနချုပ်)၊လူ့ဘောင်သစ်ဒီမိုကရက်တစ်ပါတီ(ပြည်ခရိုင်)၊ လူ့ဘောင်သစ် လူငယ်၊ ဗကသများအဖွဲ့ချုပ်၊ မှိုင်းငြိမ်းကွန်ရက်(ပြည်ခရိုင်)တို့မှ ပေးပို့သောသဝဏ်လွှာများကိုလည်း ဖတ်ကြားခဲ့ပါသည်။ လူ့ဘောင်သစ် ဒီမိုကရက်တစ်ပါတီ ရွှေတောင်မြို့နယ်ဥက္ကဋ္ဌ ဦးမိုးမင်းဦးက ကျေးဇူးတင်စကား ပြောကြားနောက် အခမ်းအနားကို ရုပ်သိမ်းခဲ့ပါသည်။ ဦးအောင်မိုးဇော်က အမှတ်တရစကား ပြောကြားရာတွင် မြန်မာနိုင်ငံတွင် ဒီမိုကရေစီနှင့် ငြိမ်းချမ်းရေး မရသေးကြောင်း၊ စစ်တပ်မှာ နိုင်ငံရေးက မထွက်သေးကြောင်း၊ ဖွဲ့စည်းပုံအခြေခံဥပဒေကို မပြင်ဘဲ ငြိမ်းချမ်းရေးရဖို့ ခက်လိမ့်မည်ဖြစ်ကြောင်း၊ အားလုံး တိုင် တိုင်ပင်ပင် စုစုစည်းစည်း လုပ်ကြဖို့လိုအပ်ကြောင်း၊ ဗကသ မူ ၅ ချက်အပေါ် ခိုင်ခိုင် မာမာရပ်တည်သည့် သမဂ္ဂကို ထောက်ခံဝန်းရံ သွားကြရမှာ ဖြစ်ကြောင်း၊ မည်သူတွေက မူ ၅ ချက်ကို ထိကပါးရိကပါးလုပ်လုပ် ဗကသအလံတော်ကတော့ အမြဲထာဝရ တလူလူလွင့်နေမည်ဟု အလေးအနက်ယုံကြည်ကြောင်း ထည့်သွင်းပြောကြားခဲ့ပါသည်။

YES ကျောင်းတွင် ကျင်းပသည့် ၅၄နှစ်မြောက် 7 July အခမ်းအနားသို့ တက်ရောက်

လူငယ်စွမ်းရည်မြှင့်သင်တန်းကျောင်း (Youth Empowerment School) သန်လျင်တွင် ၇ – ၇ – ၂၀၁၆ ရက်နေ့က (၅၄) နှစ်မြောက် 7 July အခမ်းအနားကို ကျင်းပခဲ့ပါသည်။ ၎င်းအခမ်းအနားသို့ လူ့ဘောင်သစ်ဒီမိုကရက်တစ်ပါတီ အထွေ ထွေအတွင်းရေးမှူး ဦးငွေလင်းနှင့် ဗကသများအဖွဲ့ချုပ်နိုင်ငံခြားရေးရာကော်မတီဝင်ဟောင်း ဦးတင်အေးတို့ကို ဖိတ်ကြား ဟောပြောစေခဲ့ပါသည်။ ဦးတင်အေးက 7 July နေ့ ဖြစ်ပေါ်လာပုံသမိုင်းအကျဉ်းနှင့် 7 July စိတ်ဓာတ်အပေါ် ၎င်း၏ ခံစားချက်ကို ဆွေးနွေးခဲ့ပါသည်။  ဦးငွေလင်းက 7 July နှင့်ပတ်သက်၍ ယနေ့ကာလ ထားရှိရမည့် နိုင်ငံရေးတာဝန်များကို ဆွေးနွေးရာတွင် ဇူလိုင် ၇ ရက်သူရဲကောင်းစိတ်ဓာတ်အဓွန့်ရှည်ရေး၊ ဗကသများအဖွဲ့ချုပ် အဓွန့်ရှည်ရေး စစ်အာဏာ ရှင်စနစ်ကျဆုံးရေး၊ ၂၀၀၈ ဖွဲ့စည်းပုံအခြေခံဥပဒေ ကျဆုံးရေးတို့ကို အဓိကထား ဆွေးနွေးခဲ့ပါသည်။ YES ကျောင်းသူ ကျောင်းသားများက သိလိုသည်များကို မေးမြန်းဆွေးနွေးခဲ့ကြပြီး 7 July အမှတ်တရကဗျာများလည်း ရွတ်ဆိုခဲ့ကြပါသည်။ ထို့နောက် ကျောင်းသူကျောင်းသားများက မျိုးဆက်သစ် ကမ္ဘာမကြေသီချင်း ဂုဏ်ပြုသီဆိုကာ အခမ်းအနားကို ရုပ်သိမ်း ခဲ့ပါသည်။

 

ပြည်မြို့တွင် ပြုလုပ်သည့် (၅၄) နှစ်မြောက် ၇ ဇူလိုင် အခမ်းအနားသို့ ပါတီဥက္ကဋ္ဌနှင့်အဖွဲ့ တက်ရောက်

ပြည်မြို့တွင် ပြုလုပ်သည့် (၅၄) နှစ်မြောက် ၇ ဇူလိုင် အခမ်းအနားသို့ ပါတီဥက္ကဋ္ဌနှင့်အဖွဲ့ တက်ရောက်
ပြည်ခရိုင် ဗကသများအဖွဲ့ချုပ်က ဦးစီးကျင်းပသော (၅၄) နှစ်မြောက် ၇ ဇူလိုင် အခမ်းအနားကို ပြည်မြို့ အိုးဝေပညာဒါန ကျောင်းတွင် ၇၊ ၇၊ ၁၆ ရက်နေ့ နံနက်ပိုင်းတွင် ကျင်းပခဲ့ပါသည်။ အခမ်းအနားတွင် ပြည်ခရိုင်ဗကသဥက္ကဋ္ဌဟောင်း ဦးလှချစ်၊ ၁၉၆၂ ကျောင်းသားဟောင်း ဦးအုန်းကျော်၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက် (ပြည်ခရိုင်)မှ ဦးချစ်ဆောင်ဦး၊ လူ့ဘောင်သစ် ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်တို့က ဂုဏ်ပြုအမှတ်တရစကားများ ပြောကြားခဲ့ကြပါသည်။
ထို့ပြင် ဗကသများအဖွဲ့ချုပ်က ကြီးမှူးကျင်းပခဲ့သော တက္ကသိုလ်သမဂ္ဂများ နှီးနှောဖလှယ်ပွဲမှ ထုတ်ပြန်ချက်၊ လူ့ဘောင်သစ်ဒီမိုကရက်တစ်ပါတီဌာနချုပ်နှင့် ပြည်ခရိုင်၊ လူ့ဘောင်သစ်လူငယ်၊ ဗကသများအဖွဲ့ချုပ်၊ ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက် (ပြည်ခရိုင်)၊ နိုင်ငံရေးအကျဉ်းသားဟောင်းများအဖွဲ့(ပြည်)မှ ပေးပို့သော သဝဏ်လွှာတို့ကို ဖတ်ကြားပြီး ဂုဏ်ပြု ကဗျာများလည်း ရွတ်ဆိုခဲ့ကြပါသည်။
ပါတီ ဥက္ကဋ္ဌ ဦးအောင်မိုးဇော်က အမှတ်တရစကား ပြောကြားရာတွင် ဇူလိုင် ၇ အရေးတော်ပုံသည် မပြီးဆုံးသေးကြောင်း၊ ဗကသ မူ ၅ ချက်သည် ယနေ့အချိန်ထိတိုင် မှန်ကန်နေဆဲဖြစ်ကြောင်း၊ မြန်မာနိုင်ငံတွင် ဒီမိုကရေစီမရသေး၊ မငြိမ်းချမ်းသေး၊ စစ်အာဏာ ရှင်စနစ် မကုန်စင်သေးသဖြင့် ဆက်လက်ရုန်းကန်ကြရာတွင် ဗကသ မူ ၅ ချက်ကို ဆက်လက်ကိုင်စွဲ တိုက်ပွဲဝင်ရဦးမည် ဖြစ်ကြောင်း၊ အစဉ်အလာကြီးမားသော ဗကသသမိုင်းကို ရိုင်းအောင်လုပ်လျှင် လုပ်သူများ၏သမိုင်းသာ ရိုင်းမည်ဖြစ်ကြောင်း စသည့်အချက်များကို ထည့်သွင်းပြောကြားခဲ့ပါသည်။

ပါတီဥက္ကဋ္ဌနှင့် ပြည်ခရိုင်စည်းရုံးရေးကော်မတီတို့ တွေ့ဆုံဆွေးနွေး

လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် ပြည်ခရိုင်စည်းရုံးရေးကော်မတီတို့၏ အစည်းအဝေးကို ၇-၇-၂၀၁၆ ရက်နေ့ က ရွှေတောင်မြို့နယ် စည်းရုံးရေးကော်မတီရုံးခန်း၌ ပြုလုပ်ခဲ့ပါသည်။ ရွှေတောင်မြို့နယ်စည်းရုံးရေးကော်မတီရုံးခန်းဖွင့်ပွဲ နှစ်ပတ်လည် နေ့အခမ်းအနားအပြီးမှာ ပြုလုပ်ကြခြင်း ဖြစ်ပါသည်။အစည်းအဝေးတွင် ပြည်ခရိုင်ရဲဘော်များက လက်ရှိကြုံတွေ့နေရသည့် အခြေအနေ များ၊ အခက်အခဲများကို တင်ပြခဲ့ကြပြီး ဦးအောင်မိုးဇော်က မဟာမိတ်အဖွဲ့အစည်းများနှင့် ဆက်ဆံရေး၊ ပါတီတည်ဆောက်ရေး၊ စည်းရုံး ရေးလုပ်ငန်းများ တိုးချဲ့ဆောင်ရွက်ရေးတို့နှင့် ပတ်သက်ပြီး အကြံပြုဆွေးနွေးခဲ့ပါသည်။

ဋ္ဌာနချုပ်ရဲဘော်များနှင့် ဘားအံမြို့နယ်စည်းရုံးရေးကော်မတီတို့ တွေ့ဆုံဆွေးနွေး

၂၊ ၇၊ ၂၀၁၆ ရက်နေ့တွင် လူ့ဘောင်သစ်ဒီမိုကရက်တစ်ပါတီ(ဌာနချုပ်) အထွေထွေ အတွင်းရေးမှူး ဦးငွေလင်း၊ အတွင်းရေးမှူး(၂) ဒေါ်နှင်းနှင်းမွှေးနှင့် ဗဟိုစည်းရုံးရေးကော်မတီဝင် ဦးတိုးတိုးထွန်းတို့သည် ကရင်ပြည်နယ်၊ ဘားအံမြို့၌ ဘားအံမြို့နယ်စည်းရုံးရေးကော်မတီဝင်များနှင့် တွေ့ဆုံ၍ အစည်းအဝေးတရပ် ပြုလုပ်ခဲ့ပါသည်။
အစည်းအဝေးတွင် လက်ရှိနိုင်ငံရေးအခြေအနေများအောက်တွင် ဆောင်ရွက်နေမှုများကို နှစ်ဖက် အပြန်အလှန် အစီ ရင်ခံကြပါသည်။ ဦးငွေလင်းက ယနေ့ကာလ ပါတီ၏ အခန်းကဏ္ဍနှင့် ဆောင်ရွက်ရန်များကို ဆွေးနွေးတင်ပြပြီး ပါတီစည်းရုံးရေးကော်မတီများ ကြံ့ခိုင်သန်စွမ်းရေးဆိုင်ရာများကို အပြန်အလှန် ညှိနှိုင်းခဲ့ကြပါသည်။
စည်းရုံးရေးကော်မတီစုဖွဲ့ရာတွင် အမျိုးသမီးများနှင့် လူငယ်များ ပါဝင်စုဖွဲ့နိုင်ရေးကိုလည်း အလေးအနက်ထားပေးဖို့ ဒေါ်နှင်းနှင်းမွှေးက အကြံပြု တိုက်တွန်းခဲ့ပါသည်။
တဆက်တည်း မိမိတို့ပါတီအနေဖြင့် ဆောင်ရွက်သွားကြရမည့် ရှေ့လုပ်ငန်းစဉ်ဆိုင်ရာများနှင့် ပတ်သက်၍လည်း အစည်းအဝေးတွင် အကျယ်အပြန့် ဆွေးနွေးခဲ့ကြပါသည်။
၃။၇၊၂၀၁၆ ရက်နေ့တွင် ဋ္ဌာနချုပ်ရဲဘော်များနှင့် ဘားအံစည်ရုံးရေးကော်မတီဝင်များသည် ဘားအံမြို့နယ်စည်းရုံးရေး ကော်မတီရုံးခန်းသို့ သွားရောက်ခဲ့ကြပြီး ပါတီဆိုင်းဘုတ်အသစ် ပြန်လည်တပ်ဆင်ရေးလုပ်ငန်းများကို ၀ိုင်းဝန်းဆောင် ရွက်ခဲ့ကြပါသည်။

အနာဂတ်ပြည်ထောင်စု တည်ဆောက်ရေးအတွက် ဖက်ဒရယ်မူဝါဒများဆိုင်ရာ အလုပ်ရုံဆွေးနွေးပွဲ

ဖက်ဒရယ်စနစ်ဆိုင်ရာ အဓိကကျသောမူဝါဒများရေးဆွဲနိုင်ရေး အလုပ်ရုံဆွေးနွေးပွဲကို ၂၀၁၆၊ ဇွန်လ ၃၀ ရက်နေ့မှ ဇူလိုင် ၂ ရက်နေ့အထိ ရန်ကုန်မြို့၊ အင်းယားလိတ်ဟိုတယ်တွင် ပြုလုပ်ခဲ့ပါသည်။
အလုပ်ရုံဆွေးနွေးပွဲကို တိုင်းရင်းသားလူမျိုးများရေးရာစင်တာ(ပြည်ထောင်စုမြန်မာနိုင်ငံ) ENAC က ကမကထပြု ဆောင်ရွက်ခြင်းဖြစ်ပြီး (UNA)အဖွဲ့ဝင် တိုင်းရင်းသားပါတီများ၊ မိတ်ဖက်အဖွဲ့အစည်းများ၊ အလုပ်အဖွဲ့ဝင်များ တက် ရောက်ကြပါသည်။ ပါတီဥက္ကဋ္ဌ ဦးအောင်မိုးဇော်သည် (UNA)နှင့် မိတ်ဖက်အဖွဲ့အစည်းများ၏ အလုပ်အဖွဲ့ဝင် ဖြစ်သဖြင့် ထိုဆွေးနွေးပွဲသို့ အခြားအလုပ်အဖွဲ့ဝင်များနှင့်အတူ တက်ရောက်ခဲ့ပါသည်။
အလုပ်ရုံဆွေးနွေးပွဲတွင် SNLD ဥက္ကဋ္ဌ ခွန်ထွန်းဦးက အဖွင့်အမှာစကားပြောရာ၌ အမျိုးသားပြန်လည်သင့်မြတ်ရေး လုပ်ငန်းများလုပ်ပြီးမှ ၂၀၀၈ ဖွဲ့စည်းပုံအခြေခံဥပဒေကို ပြင်မည်ဆိုသည့် အကန့်အသတ်များ မထားသင့်ကြောင်း အဓိကထားပြီး ထောက်ပြပြောကြားခဲ့ပါသည်။
ဆွေးနွေးပွဲတွင် အနာဂတ် ဖက်ဒရယ်ပြည်ထောင်စုတည်ဆောက်ရာတွင် အခြေခံရမည့် ဖက်ဒရယ်မူဝါဒများနှင့် စပ်လျဉ်းပြီး အကျယ်အပြန့် ဆွေးနွေးခဲ့ကြပါသည်။
ပါတီဥက္ကဋ္ဌ ဦးအောင်မိုးဇော်သည် နယ်စပ်ဒေသနှင့် တော်လှန်ရေးဒေသများမှ လုပ်ဖေါ်ကိုင်ဖက်များနှင့် အလုပ်ရုံ ဆွေးနွေးပွဲတွင် ပြန်လည်တွေ့ဆုံခွင့် ရရှိခဲ့ပြီး ငြိမ်းချမ်းရေးလုပ်ငန်းစဉ်တွင် အင်အားစုအားလုံး ပါဝင်ဆွေးနွေးနိုင်ရေး၏ အရေးကြီးမှုများကို အပြန်အလှန် ဆွေးနွေးခဲ့ပါသည်။

ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲသို့ တက်ရောက်ဆွေးနွေး

ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲသို့ တက်ရောက်ဆွေးနွေး

Comreg နှင့် EBO Myanmar တို့ ပူးပေါင်းစီစဉ်မှုဖြင့် ဖက်ဒရယ်သဘောတရားနှင့် ငြိမ်းချမ်းရေးဖြစ်စဉ် အလုပ်ရုံ ဆွေးနွေးပွဲကို ရန်ကုန်မြို့၊ Orchid Hotel ၌ ၂၀၁၆၊ ဇွန်လ ၁၇ ရက်နေ့မှ ၁၉ ရက်နေ့အထိ သုံးရက်ကြာပြုလုပ်ခဲ့ပါသည်။
ဆွေးနွေးပွဲ ပထမနေ့တွင် အခြေခံဥပဒေနှင့် ဖက်ဒရယ်စနစ် ဗဟိုချုပ်ကိုင်မှုလျှော့ချခြင်း၊ ၎င်းစနစ်တို့၏ အခွင့် အလမ်းများ၊ မတူကွဲပြားခြားနားခြင်းနှင့် စည်းလုံးညီညွတ်မှု တည်ဆောက်ခြင်း ခေါင်းစဉ်သုံးခုဖြင့် ဆွေးနွေးခဲ့ကြပါသည်။
ဆွေးနွေးပွဲ ဒုတိယနေ့တွင် လုပ်ပိုင်ခွင့်အာဏာများ ခွဲဝေခြင်း၊ ဒေသန္တရအစိုးရ ခေါင်းစဉ်တို့ဖြင့် ဆရာခိုင်ကျော်မိုးကလည်း ကောင်း၊ ပညာရေးမူဝါဒများကို နှိုင်းယှဉ်လေ့လာခြင်း ခေါင်းစဉ်ဖြင့် ဆရာဒေါက်တာသိန်းလွင်ကလည်းကောင်း ရှင်း လင်းဆွေးနွေးခဲ့ ကြပါသည်။
ဆွေးနွေးပွဲတတိယနေ့တွင် သယံဇာတ ခွဲဝေသုံးစွဲခြင်းနှင့် ဖက်ဒရယ်စနစ်ခေါင်းစဉ်ကို ဆရာခိုင်ကျော်မိုးက လည်းကောင်း၊ ငြိမ်းချမ်းရေးလုပ်ငန်းစဉ်နှင့် ဖက်ဒရယ်စနစ်ခေါင်းစဉ်ကို ဆရာVictor Biak Lian ကလည်းကောင်း ရှင်းလင်း ဆွေးနွေးခဲ့ပါသည်။ ၎င်းဆွေး နွေးပွဲသို့ ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက်(NNER) အဖွဲ့ဝင်များ၊ ဗကသများအဖွဲ့ချုပ် အဖွဲ့ဝင်များ၊ တက္ကသိုလ်ဆရာ၊ဆရာမများအသင်း(UTA) အဖွဲ့ဝင်များ တက်ရောက်ကြပြီး ပါတီမှ အတွင်းရေးမှူး (၂) ဒေါ်နှင်းနှင်းမွှေး တက်ရောက် ဆွေးနွေးခဲ့ကြ ပါသည်။

အမျိုးသားပြန်လည်ရင်ကြားစေ့ရေးနှင့် ၂၁ ရာစုပင်လုံ ညီလာခံ ဟောပြောဆွေးနွေးပွဲ

နိုင်ငံရေးအကျဉ်းသားဟောင်းများအဖွဲ့(FPPS)က စီစဉ်ကျင်းပသော အမျိုးသားပြန်လည်ရင်ကြားစေ့ရေးနှင့် ၂၁ ရာစုပင်လုံ ညီလာခံ ဟောပြောဆွေးနွေးပွဲကို ပြည်မြို့၊ သီရိခေတ္တရာခန်းမတွင် ၁၈၊ ၆၊ ၂၀၁၆ ရက်နေ့ နံနက်ပိုင်းက ပြုလုပ် ခဲ့ပါသည်။ ဆွေးနွေးပွဲတွင် ဦးအောင်မိုးဇော် (ဥက္ကဋ္ဌ-လူ့ဘောင်သစ် ဒီမိုကရက်တစ်ပါတီ)၊ ဦးစိုင်းညွန့်လွင် (အထွေထွေ အတွင်းရေးမှူး – ရှမ်းတိုင်းရင်းသားများဒီမိုကရေစီအဖွဲ့ချုပ်)၊ ဦးအေးမောင်ကျော် ( ပြည်သူ့အရေးဂျာနယ် ပင်တိုင်ဆောင်း ပါးရှင်) တို့က ဦးဆောင်ဆွေးနွေးခဲ့ကြပါသည်။
ဦးအောင်မိုးဇော်က ဆွေးနွေးရာတွင် အမျိုးသားပြန်လည်သင့်မြတ်ရေး ဆိုသည်မှာ ပြည်သူအချင်းချင်းကြား၊ တိုင်းရင်းသား အချင်းချင်းကြား၊ အင်အားစုများတခုနှင့်တခုကြား ပြန်လည်ရင်ကြားစေ့ရန် ပြန်လည်သင့်မြတ်ရန် ဆောင် ရွက်ရခြင်း ဖြစ်ကြောင်း၊ ငြိမ်းချမ်းရေးရမှ၊ အမျိုးသားပြန်လည်ရင်ကြားစေ့ရေးလုပ်ဆောင်ပြီးမှ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရမည် ဆိုသည့် ပြောဆိုချက်မှာ လုံးဝ မဖြစ်သင့်ကြောင်း၊ ဖြစ်လည်း မဖြစ်နိုင်ကြောင်း၊ ၁၉၄၇ ပင်လုံညီလာခံသည် တောင်တန်းနှင့်မြေပြန့် လွတ်လပ်ရေးကို အတူတကွလက်တွဲပြီးယူကြရန်ဟူသော ရည်မှန်းချက်ပေါ်တွင် တညီတညွတ် တည်းအာရုံစိုက်၍ ဆွေးနွေးခဲ့ကြသည့်အတွက် ပင်လုံညီလာခံက အောင်မြင်ခဲ့သည်ဟု ယူဆကြောင်း၊ ယနေ့စစ်တပ်က ကာချုပ်မူ(၆)ချက်ကို တရားသေ ကိုင်စွဲထားနေသည့်အတွက် ဆွေးနွေးရာတွင် အခက်အခဲများရှိနေကြောင်း၊ ၂၁ရာစု ပင်လုံညီလာခံတွင် နိုင်ငံရေး အဖွဲ့အစည်းများအားလုံးမှ ပါဝင် သင့်ပါဝင်ထိုက်သူများ ပါဝင်နိုင်အောင် ဆောင်ရွက်ပေး သင့်ကြောင်း၊ ဒေသအသီးသီး၊ အဖွဲ့အသီးသီးမှ သြဇာရှိသူများ ပါဝင်သင့်ကြောင်း ထည့်သွင်းပြောကြားခဲ့ပါသည်။
ဟောပြောဆွေးနွေးပွဲသို့ ပြည်မြို့နှင့် အနီးအနားဒေသများမှ နိုင်ငံရေးအကျဉ်းသားဟောင်းများ၊ ပြည်ခရိုင် နိုင်ငံရေးအင်အားစုများ၊ ကျောင်းသားကျောင်းသူများ၊ လှုပ်ရှားတက်ကြွသူများ၊ စိတ်ပါဝင်စားသူများနှင့် ဖိတ်ကြားထား သည့်ဧည့်သည်တော်များ တက်ရောက်ဆွေးနွေးခဲ့ကြပါသည်။

ဆရာကြီး ဂူဗိမာန် နှစ် (၅၀) ပြည့်အခမ်းအနား ကျင်းပရေး အစည်းအဝေး

ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့နှင့် ဆရာကြီးသခင်ကိုယ်တော်မှိုင်းငြိမ်းချမ်းရေး ကွန် ရက်တို့ သည် ဆရာကြီးဂူဗိမာန်တွင် အစည်းအဝေးများ ကျင်းပခဲ့ကြပါသည်။ လူ့ဘောင်သစ်ဒီမိုကရက်တစ်ပါတီသည် ဆရာကြီးသခင်ကိုယ်တော်မှိုင်းငြိမ်းချမ်းရေး ကွန်ရက် အဖွဲ့ဝင်အဖွဲ့အစည်း ဖြစ်သည့်အတွက် ထိုအစည်းအဝေးများသို့ ပါတီမှ အတွင်းရေးမှူး (၂) ဒေါ်နှင်းနှင်းမွှေး တက်ရောက် ဆွေးနွေးခဲ့ပါသည်။
အစည်းအဝေးများကို ၂၀၁၆၊ ဇွန်လ ၅ ရက်နှင့် ၁၅ ရက်နေ့တို့တွင် ကျင်းပခဲ့ကြပြီး အစည်းအဝေး၌ ဇူလိုင် ၂၃ ရက်နေ့တွင် ကျရောက်မည့် ဆရာကြီးသခင်ကိုယ်တော်မှိုင်း ကွယ်လွန်ခြင်း (၅၂) နှစ်ပြည့်နှင့် ဂူဗိမာန် နှစ် (၅၀) ပြည့် အခမ်းအနား ကျင်းပရေးအတွက် အသေးစိတ် အစီအစဉ်များကို ညှိနှိုင်း ဆွေးနွေးခဲ့ကြပါသည်။
အစည်းအဝေးများမှ ရွှေတိဂုံဘုရားလမ်းရှိ ဆရာကြီး၏ဂူဗိမာန်၌ ဇူလိုင်လ ၂၁ ရက် နေ့လည် ၁း၀၀ နာရီတွင် ကဗျာရွတ်ဆိုခြင်းအစီအစဉ်၊ ၂၂ ရက် နေ့လည် ၁း၀၀ နာရီတွင် စာတမ်းဖတ်ခြင်းအစီအစဉ်၊ ၂၃ ရက်နေ့ နံနက် ၇း၀၀ နာရီမှ ၉း၀၀ နာရီအထိ ဧည့်ခံကျွေးမွေးခြင်းအစီအစဉ်နှင့် နံနက် ၁၀း၀၀ နာရီမှ ၁၂း၀၀ နာရီအထိ အခမ်းအနားအစီအစဉ်များဖြင့် ကျင်းပမည်ဟု ဆွေးနွေးဆုံးဖြတ်ခဲ့ကြပါသည်။

(၄၂) နှစ်မြောက် ၇၄ အလုပ်သမားအရေးအခင်း နှစ်ပတ်လည်နေ့ အခမ်းအနားသို့ တက်ရောက်

(၄၂) နှစ်မြောက် ၇၄ အလုပ်သမားအရေးအခင်း နှစ်ပတ်လည်နေ့နှင့် ၇၄-၇၅-၇၆ ကျောင်းသားလှုပ်ရှားမှု အထိမ်းအမှတ် အခမ်းအနားကို ၆၊၆၊၂၀၁၆ ရက်နေ့ နံနက်ပိုင်းက တောင်ဥက္ကလာ စိတ်တိုင်းကျစားသောက်ဆိုင်တွင် ကျင်းပခဲ့ပါသည်။ အခမ်းအနားသို့ ၇၄-၇၅-၇၆ လှုပ်ရှားမှုတွင် ပါဝင်ခဲ့ကြသော အလုပ်သမားခေါင်းဆောင်များ၊ ကျောင်းသား ခေါင်းဆောင်များ၊နိုင်ငံရေးသမားကြီးများ၊ စိတ်ဝင်စားသူ ကျောင်းသားလူငယ်များနှင့် နိုင်ငံရေးပါတီများမှ တာဝန်ရှိသူများ တက်ရောက်ခဲ့ကြပါသည်။

အခမ်းအနားတွင် ၀ါရင့်နိုင်ငံရေးသမားကြီး ဦးလှရွှေ(အောင်သာ-ပီသုံးလုံး)၊ လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး ဦးငွေလင်း၊ ၇၄ အလုပ်သမားခေါင်းဆောင် ဦးဝင်းကျော်၊ ၇၄ ကျောင်းသားဟောင်း ဦးစံနု၊ ၈၈ ကျောင်းသားခေါင်းဆောင် ဦးမင်းဇေယျ၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဒု-ဥက္ကဋ္ဌ ကိုမိုးထက်နေတို့က အမှတ်တရစကားများ ပြောကြားခဲ့ကြပါသည်။

ဦးငွေလင်းက အမှတ်တရစကားပြောကြားရာတွင် ၂၀၀၈ ဖွဲ့စည်းပုံအခြေခံဥပဒေကို လူထုဆန္ဒနှင့် ကိုက်ညီသော အခြေခံဥပဒေ ဖြစ်လာစေရေး၊ စစ်အာဏာရှင်စနစ် အကုန်အစင် အပြီးသတ်ချုပ်ငြိမ်းစေရေးတို့အတွက် ယခုလက်ရှိ အစိုးရ သည် ပြည်သူများ၊ နိုင်ငံရေးပါတီများ၊ နိုင်ငံရေးအင်အားစုများအားလုံးနှင့်လက်တွဲ၍ ၀ိုင်းဝန်းပူးပေါင်း ကြိုးပမ်းဖို့ လိုအပ် ကြောင်း တိုက်တွန်းပြောကြားခဲ့ပါသည်။ ထို့နောက် ပေးပို့လာသော သဝဏ်လွှာများကို ဖတ်ကြား မှတ်တမ်းတင် ခဲ့ပါသည်။

Page 17 of 20« First...10...1516171819...Last »