အထွေထွေအတွင်းရေးမှူး၏ မှတ်ချက်

(နအဖ)စစ်အစိုးရ၏ အောက်တိုဘာလ ၄ ၇က်နေ့ ထုတ်ပြန်ကြေညာချက်
(၁/၂၀၀၇) အပေါ် လူ့ဘောင်သစ်ဒီမိုကရက်တစ်ပါတီ အထွေထွေအတွင်းရေးမှူး၏ မှတ်ချက်
(၂၀၀၇ ခုနှစ်၊ အောက်တိုဘာလ ၅ ရက်)         

            ခြုံငုံသုံးသပ်ရလျှင် (နအဖ)၏ အောက်တိုဘာလ ၄ ရက်နေ့ ထုတ်ပြန်ကြေညာချက်သည် နိုင်ငံတကာကဖိအားကို ကာကွယ်ရန်နှင့် ပြည်သူလူထုကိုလှည့်စား၊ အချိန်ဆွဲရန်  ကြိုးပမ်းချက် တစ်ခုမျှသာဖြစ်ပါသည်။            

            - အပိုဒ် (၇) ပါ ဖေါ်ပြချက်များသည် စစ်အစိုးရ၏ အသည်းနှလုံးတွင် စူးနေသော အဓိက လှံချက်ဖြစ်ပါသည်။

            - ‘ပိတ် ၄ ပိတ်’ ကို ဒေါ်အောင်ဆန်းစုကြည်အနေဖြင့် လုပ်ဆောင်နေသည်ဟု စွပ်စွဲခြင်းမှာ မမှန်ကန်ပါ။

            - ဒေါ်အောင်ဆန်းစုကြည်ကိုပဲ ပုဂ္ဂိုလ်ရေးရည်ညွှန်းနေပြီး၊ အမျိုးသားဒီမိုကရေစီအဖွဲ့ချုပ်ကို ဖေါ်ပြထားခြင်းမရှိပါ။

            - အရင်စွန့်လွှတ်ကြောင်းကြေညာရမည်ဟု တောင်းဆိုနေခြင်းမှာ တရားနည်းလမ်းမကျပါ။ အကျယ်ချုပ်ချုပ်ထားခံရသူကို အရင်ဆုံး လွှတ်ပေးရန်လိုအပ်ပါသည်။

            - ‘ထိုသို့ကြေညာပါက မိမိကိုယ်တိုင် သူမနှင့် တိုက်ရိုက်တွေ့ဆုံစကားပြောမည်’ ဆိုသည်မှာ နိုင်ငံရေးသဘောဆောင်ခြင်းမရှိပဲ၊ ပုဂ္ဂိုလ်ရေးသက်သက်သဘောမျိုး ဖြစ်နေသည်။ (ပထမအကြိမ် ဇူလိုင် ၁၉၉၅ ခုနှစ်၊  ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာစဉ်က ဗိုလ်သန်းရွှေ၏ အချက် ၃ ချက်ပါ ကမ်းလှမ်းချက်နှင့် နှိုင်းယှဉ်ကြည့်နိုင်ပါသည်) 

            -  ပြောင်းပြန်အနက်ကောက်ကြည့်လျှင် ဆောင်ရွက်ပိတ်ဆို့မှု ၄ ချက် (ပိတ် ၄ ပိတ်)ကို စွန့်လွှတ်ကြောင်း မကြေညာလျှင် တွေ့မည်မဟုတ်ဆိုသည့် သဘောဖြစ်သည်။ (အကြပ်ကိုင်သည့် သဘောဖြစ်သည်)

            - ဘာပဲဖြစ်ဖြစ် လူတစ်ယောက်သည် ပထမဦးစွာ သူ၏ ကိုယ်ရေးလွတ်လပ်မှုရှိဖို့ လိုအပ် သည်။ သို့မှသာ ဒုတိယအားဖြင့် အခြားသော ဆောင်ရွက်ဖွယ်ရာများ ဆောင်ရွက်နိုင်မည်။

            - အမျိုးသားဒီမိုကရေစီအဖွဲ့ချုပ် အီးစီအစည်းအဝေး ထိုင်ရန်လိုမည်။

            - (နအဖ)စစ်အစိုးရသည် လမ်းပြမြေပုံအတိုင်း ဆက်လက်ဆောင်ရွက်သွားမည်ဟူသည့် အချက်ကိုလည်း သတိပြုရမည်ဖြစ်သည်။

            - ဖြစ်ပွားခဲ့သော သံဃာတော်များဦးစီးသည့် လူထုလှုပ်ရှားမှုကို သေးသိမ်စေရန် သရုပ် ဖျက်ထားသည့်အချက်မှာ ကျဆုံးသူများ၊ ဖမ်းဆီးခံထားရသူများ၊ ပျောက်ဆုံးနေသူများမှာ ဥပဒေ ချိုးဖောက်သူများဖြစ်သည်ဟူသော အချက်အဖြစ် ဖေါ်ပြကာ ပြည်တွင်းနှင့် နိုင်ငံတကာကတောင်းဆို နေသည့် မည်သည့်အရေးယူဆောင်ရွက်မှုမျှ ပြုလုပ်ပေးမည် မဟုတ်ဟူသည့် သဘောထားကို ဖေါ်ပြ နေခြင်းဖြစ်သည်။ အထူးသဖြင့် (နအဖ)စစ်အစိုးရ၏ အကြမ်းဖက်မှုကို ဖုံးကွယ်ရန်ဖြစ်သည်။

            - ယင်းအချက်ကို အလျော့ပေး၍မဖြစ်ပါ။

            - ဖြည့်စွက်ချက်အနေဖြင့်ပြောရလျှင် ယခုကဲ့သို့ (နအဖ)စစ်အစိုးရ၏ အောက်တိုဘာလ (၄) ရက်နေ့ ထုတ်ပြန်ချက်အပေါ် အမျိုးသားဒီမိုကရေစီအဖွဲ့ချုပ်အနေဖြင့် မည်သို့ရှုမြင်သည်၊ မည်သို့သဘောထားသည်များနှင့် ပတ်သက်၍ အမျိုးသားဒီမိုကရေစီအဖွဲ့ချုပ်၏ သဘောထားအမြင် ကို ပြည်တွင်းပြည်ပနှင့် ပြည်သူအများ သိရှိစေရန် ထုတ်ဖေါ်ပြောဆိုသင့်ပါသည်။