နအဖစစ်အုပ်စု တဖက်သတ်ရေးဆွဲထားသည့် ဖွဲ့စည်းအုပ်ချုပ်ပုံအား
ပြည်သူ့ဆန္ဒဖြင့် ပယ်ချတိုက်ဖျက်ကြ           

             နအဖစစ်အုပ်စု ခြေလှမ်းပြင်နေသည်မှာ ကြာပြီ။ နောက်တဆင့် တက်လှမ်းတော့မည်။ ၁/၂၀၀၈ နှင့် ၂/၂၀၀၈ ကြေညာချက် ထုတ်လာသည်။ ၁/၂၀၀၈ ဖွဲ့စည်းအုပ်ချုပ်ပုံ အတည်ပြုရေး၊ ပြည်သူ့ဆန္ဒခံယူပွဲ လုပ်ရန်ဖြစ်သည်။ ၂၀၀၈ မေလမှာ ဆန္ဒခံယူပွဲလုပ်မည်ဟု ဆိုသည်။ ရက် သတ်မှတ်ချက် မပြောသေးဘူး။ အချိန်ကပ် ကြေညာလိုက်ခြင်းကို သတိပြုရမည်။ စစ်အစိုးရသည် သူချမှတ်ထားသည့် Road Map အတိုင်း အများဝေဖန်ထောက်ပြနေသည့်ကြားက မဖြစ်ဖြစ်သည့် နည်းဖြင့် ရှေ့ဆက်လှမ်းနေခြင်းဖြစ်သည်။ ထို့အတူ ၎င်းတို့စိတ်ကြိုက်ရေးထားသည့် ဖွဲ့စည်းအုပ်ချုပ် ပုံကိုလည်း မရ ရသည့်နည်းဖြင့် ပြည်သူလူထုအား အာဏာပြ အတည်ပြုခိုင်းလိမ့်မည်။ မည်သူ့ကိုမျှ ဂရုမစိုက်၊ မည်သည့်သဘောထားကိုမျှ ထည့်တွက်မှာမဟုတ်ကြောင်း လက်တွေ့ လုပ်ပြနေသည်။ အဓိက ၎င်းတို့အာဏာ လက်မလွှတ်ရေး ဆင်ကြံကြံနေကြခြင်းဖြစ်သည်။ ၎င်းတို့အကြံ မည်သို့ ကြီးကြသည်ဖြစ်စေ စစ်အာဏာရှင်စနစ်ဒဏ် အလူးအလဲခံစားနေရသည့် ပြည်သူတရပ်လုံးသည် စစ်အုပ်စု လုပ်ရပ်မှန်သမျှ လက်မခံ ဆန့်ကျင်ကြမည်မှာ မလွဲဧကန် ဖြစ်သည်။

            ၂/၂၀၀၈ ကြေညာချက်သည် ၂၀၁၀ ခုနှစ်တွင် ရွေးကောက်ပွဲသစ်တခု ထပ်လုပ်ရန်ဖြစ် သည်။ ကြေညာချက်နှစ်ခု တပြိုင်တည်း ထုတ်ပြန်ခြင်းသည် နအဖစစ်အုပ်စုက သူတို့သဘော အတိုင်း ရေးထားသည့် ဖွဲ့စည်းအုပ်ချုပ်ပုံ မုချ အတည်ပြုရမည်ဟု အပိုင်တွက်ထားသည့်သဘော ဖော်ပြနေသည်။ စစ်အစိုးရကို ဆန့်ကျင်သည့် အတိုက်အခံများအနေနှင့် ဤအချက်ကို အာရုံစိုက် သင့်သည်။ ပြည်သူလူထုကြီးအနေနှင့်လည်း စစ်အုပ်စု၏ ဖွဲ့စည်းအုပ်ချုပ်ပုံအား မည်သည့်နည်းနှင့် မျှ တရားဝင် အတည်ပြုမပေးရန်  အလွန်အရေးကြီးသည်။ နအဖစစ်အစိုးရသည် ဆန္ဒခံယူပွဲဖြင့် ပြည်သူလူထုထံမှ အတည်ပြုချက်ကို နည်းမျိုးစုံသုံး ရယူလိမ့်မည်။ ပြည်သူလူထုနှင့် နအဖစစ်အစိုးရ တို့၏ ဤတိုက်ပွဲသည် လတ်တလော ကွင်းဆက်ကျသည့် တိုက်ပွဲဖြစ်သည်။ ရွေးကောက်ပွဲကိစ္စ ၂/၂၀၀၈ ကြေညာချက်သည် နွားရှေ့ထွန်ကျူး လုပ်ခြင်းဖြစ်သည်။ ပထမ ဆန္ဒခံယူပွဲပြဿနာ အတည်ပြုချက် ရပြီးမှသာ ဒုတိယခြေလှမ်း ဆက်လှမ်းနိုင်သည်ကို နိုင်ငံရေး စိတ်ဝင်စားသူတိုင်း နားလည်သည်။ ပြည်သူဆန့်ကျင်ရေးသမား စစ်အုပ်စုခေါင်းမာဂိုဏ်းသည် နိုင်ငံတကာ လုပ်ထုံး လုပ်နည်းတွေကို ဟန်ပြလောက်သာ အသံကောင်းဟစ်ပြီး ၎င်းတို့ဖွဲ့စည်းအုပ်ချုပ်ပုံ အတည်ပြုရေး၊ ပြည်သူလူထုအပေါ် အာဏာသုံး အကျပ်ကိုင်၍ အဓမ္မအတည်ပြုခိုင်းသည့်နည်း ကျင့်သုံးမည်မှာ သေချာသလောက်ဖြစ်သည်။ ဤသို့သော အခြေအနေတွင် စစ်အာဏာဖီဆန်ရေး၊ ပြည်သူ့ဆန္ဒ အစစ်အမှန် ဖော်ထုတ်ခွင့်ရရေးတိုက်ပွဲ ပေါ်ပေါက်နိုင်သည်။ ကြိုတွက်၍ ပြင်ဆင်ရန်လိုသည်ဟု မြင်သည်။

            ဆန္ဒခံယူပွဲကို စစ်အုပ်စုသည် ဘယ်နည်းဘယ်ပုံစံနှင့် လုပ်မှာလဲ။ ရုတ်တရက် တိတိကျကျ အသိမပေးရဲဘူး။ ပြည်သူလူထုကို ၎င်းတို့မယုံကြည်သလို သူတို့ကိုသူတို့လည်း မယုံရဲဖြစ်နေသည်။ စက်တင်ဘာသံဃာ့လှုပ်ရှားမှုအား ဆန့်ကျင်ရေး၊ ပြည်သူ့ဆန္ဒ ဖော်ထုတ်ပွဲမျိုး အမိန့်အာဏာသုံး ဆင့်ခေါ်၍ လူထုအင်အားပြ အတည်ပြုခိုင်း မဖြစ်မှန်း ၎င်းတို့ သိလိမ့်မည်။ ဤလုပ်ရပ်မျိုး လုပ်လျှင် ငုံ့ခံကြမည်မဟုတ်။ ချက်ချင်း တုံ့ပြန်လိမ့်မည်။ ပြည်သူများ စိတ်ဓာတ်ပြတ်သားမှု ရှိနေပြီ။ စစ်အုပ်စု အပေါ်မှာ ဘာမျှော်လင့်ချက်မျှ မထားကြတော့ချေ။

            နအဖသည် ကြံ့ဖွံ့တို့၊ စစ်ပြန်စစ်မှုထမ်းဟောင်း၊ အမျိုးသမီးရေးရာနှင့် မီးသတ်ကအစ တစညအဆုံး ၎င်းတို့အခြေခံ လက်ကိုင်တုတ်အဖွဲ့အစည်းများ၏ ဆန္ဒမဲများဖြင့်လည်း အတည်ပြုရေး လုပ်နိုင်သည်။ ကြံ့ဖွံ့အဖွဲ့ဝင် ၂၄ သန်းကျော်အထိ ရှိနေပြီ။ လူ ၂ ယောက်ကိုတွေ့လျှင် တယောက်က ကြံ့ဖွံ့ဖြစ်နေသည်ဟု အာဘော်ဖန်တီးနေကြသည်။ ၎င်းတို့ အာဘော်ဖန်တီးမှုများ သတိပြုမိရန် လိုသည်။ ကြံ့ဖွံ့အဖွဲ့ဝင် ၂၄ သန်းကျော်ဆိုသည်မှာ မဖြစ်နိုင်။ ဖောင်းပွထားသည့် စာရင်းသာ ဖြစ်လိမ့် မည်။ လက်ရှိ ဗမာပြည် လူဦးရေ သန်း ၅၀ ဟု ယေဘုယျ ပြောကြသည်။ ဤသည်လည်း ခန့်မှန်းပဲ ဖြစ်သည်။ စနစ်တကျ ကောက်ယူထားသည့် စာရင်းမဟုတ်။ ထားတော့။ ဤ သန်း ၅၀ စာရင်း အတိုင်း ဆိုဦးတော့ ဒီအထဲမှာ ခလေးသူငယ်များ၊ ဘုန်းကြီးရဟန်းနှင့် သက်ကြီးရွယ်အိုများ၊ နိုင်ငံခြားထွက် အလုပ်လုပ်နေသူ မြန်မာလူမျိုး သန်းနဲ့ချီ ရှိနေသည်ကို လူတိုင်းကြားသိနေကြရ သည်။ ဤသို့သော အခြေအနေအောက်မှာ အရွယ်ရောက်၍ မဲဆန္ဒပေးနိုင်သူ မည်မျှရှိမည်ကို တွက်ချက်နိုင်သည်။ ကြံ့ဖွံ့ ၂၄ သန်းကျော်ဟု ဆိုနေခြင်းသည် ဆန္ဒမဲပေးနိုင်သူ လူဦးရေ၏ တဝက် ကျော်မက များနိုင်ကြောင်း၊ နအဖစစ်အုပ်စုက အပိုင်ကြံထားသည့်ပုံ ထွက်နေသည်။ ထို့ကြောင့် အတိုက်အခံအင်အားစုများအနေနှင့် ပြည်သူလူထုအား ရှေ့ဆောင်၍ မဲဆန္ဒရှင်စာရင်း မှန်မှန် ကန်ကန် ပြုစုရေး တောင်းဆိုသင့်သည်။ စစ်အုပ်စုသည် ပြည်သူလူထုထံ ဖွဲ့စည်းအုပ်ချုပ်ပုံမူကြမ်း ရှင်းလင်းရေး အချိန်ပေးလုပ်လိုပုံ မရှိ။ ၁၃ နှစ်ကျော် ၁၄ နှစ် အချိန်ဆွဲ ချမှတ်ရေးဆွဲခဲ့သည့် စစ်အစိုးရသည် မူကြမ်းရှင်းလင်းပွဲလုပ်၍ ပြည်သူလူထုအား အချိန်ကြိုတင်ယူ အသိမပေးလိုသည် မှာ ၎င်းတို့စိတ်ကြိုက်ရေးဆွဲထားသည့် ဖွဲ့စည်းပုံအတွင်းမှာ စစ်တပ်လွှမ်းမိုးသည့် စစ်အာဏာရှင်စနစ် အတည်ဖြစ်ရေးပြဿနာ၊ ဒေါ်အောင်ဆန်းစုကြည် ရွေးကောက်ပွဲမ၀င်နိုင်ရန် ကန့်သတ်ထားသည့် ပြဿနာ စသည့် တဖက်သတ် လုပ်ကြံရေးဆွဲထားမှုများက လူထုဒေါသကို ဆွပေးသလို ဖြစ်လိမ့် မည်။ ဤပြဿနာများအား ဆင်းရဲတွင်းနက်နေသည့် ပြည်သူလူထုနှင့်အတူ မျက်စိနား အပိတ်ခံ ထားရသော အောက်ခြေ ၀န်ထမ်းလောကနှင့် စစ်တပ်အတွင်းရှိ အောက်ခြေတပ်မတော်သားများ အထိ အကျယ်အပြန့် ဂယက်ရိုက်ခတ်မှုမျိုးကို ကြောက်ရွံ့စိုးရိမ်မှု လွန်ကဲနေသည့်ပြဿနာလည်း ဖြစ်နိုင်သည်။ နအဖစစ်အစိုးရသည် ၎င်းတို့လုပ်ရပ် အများပြည်သူဆန္ဒနှင့် ဆန့်ကျင်နေကြောင်း ၎င်းတို့ကိုယ်တိုင် သိရှိကြသည်။ သိပင်သိငြားသော်လည်း ၎င်းတို့အာဏာ လက်မလွတ်ရေး ကိုယ်ကျိုးရမ္မက် အာသာငမ်းငမ်းတက်နေမှုက ၎င်းတို့၏ ဖွဲ့စည်းအုပ်ချုပ်ပုံဖြင့် ထွက်ပေါက်ရှာကြရန် ဇွတ်မှိတ်လုပ်နေကြခြင်းဖြစ်သည်။ ဆန္ဒခံယူပွဲမှ အတည်ပြုချက် ပိုင်ပိုင်နိုင်နိုင် ရရှိရန် အာဏာပြ မဲဆွယ်မှုများ၊ မဲဆန္ဒရှင်စာရင်း ကောက်ခံမှုများ တွက်ချက်ယူနေသည့်သဘော ကြားရသည်။

            ပြဿနာဖြစ်နေသည်က ပြည်သူ့ဆန္ဒအစစ်အမှန် ဖော်ထုတ်လာမှာ နအဖ မလိုလား။ ၎င်းကိုယ်တိုင် ပြည်သူ့ဥပဒေကို မစောင့်စည်းမလိုက်နာဘဲ ပြည်သူလူထုကို ၎င်းတို့က မတရား အမိန့်ဥပဒေတွေထုတ်၊ တားမြစ်ခြိမ်းခြောက်မှု အမိန့်တွေထုတ်နေသည်။ စစ်အစိုးရဆန့်ကျင်ရေး ဒီမိုကရေစီအင်အားစုများအနေဖြင့် စောင့်ကြည့်နေ၍မဖြစ်။ နအဖစစ်အုပ်စုသဘောအတိုင်း တရားမဲ့ လုပ်ချင်သလို လုပ်ခွင့်ပေးလိုက်ပါက ဒီမိုကရေစီအရေး ကြာလေဝေးလေ ဖြစ်တော့မည်။ ထို့ကြောင့် အတိုက်အခံများ ပြည်သူလူထုနှင့်အတူ ပြင်ဆင်မှုရှိကြရန် လိုသည်။ ဗိုလ်ချုပ်ကြီးများနှင့် ၎င်းတို့ သားသမီးသားမက်များ၊ နောက်လိုက်များ၏ စီးပွားရေးကုမ္ပဏီကြီးများ ဖွံ့ဖြိုးကြီးထွား သွေးစုပ်နိုင် ရေးအတွက် စစ်အာဏာရှင်စနစ် ထပ်မံအသက်သွင်းရန် ရေးဆွဲထားသည့် ဖွဲ့စည်းအုပ်ချုပ်ပုံအား ပြည်သူလူထု လက်မခံ ပယ်ချပစ်မည်မှာ သေချာသည်။ ဤသည်မှာ ပြည်သူ့ရင်ထဲရှိ ဆန္ဒအစစ် အမှန် ဖြစ်သည်။ ယခုဖြစ်နေသည်မှာ အမှန်တရားကို ရင်မဆိုင်ရဲသည့်ပြဿနာ ဖြစ်နေသည်။ နအဖစစ်အုပ်စုသည် ဤပြဿနာကို ဉာဏ်နီဉာဏ်နက်တွေ သုံးနေသည်။ နအဖ ဖြစ်ချင်သည့် အတိုင်း ဖြစ်မသွားရေး၊ ဆန္ဒခံယူပွဲ အပြတ်ပယ်ချတိုက်ဖျက်ရေးသည် အရေးပါသည့် တိုက်ပွဲဖြစ် သည်။

            လက်ရှိအနေအထားအရ နအဖဆန္ဒခံယူပွဲ၏ မတရားသည့် လုပ်ရပ်ကို မကျေနပ်၍ သပိတ် မှောက်မှုမျိုး မဖြစ်သင့်။ အတိုက်အခံအဖွဲ့အစည်းများနှင့် ပြည်သူများ သပိတ်မှောက်ရှောင်ထွက် လိုက်လျှင် စစ်အုပ်စုထွင်နေသည့်လမ်း ဖွင့်ပေးလိုက်သလို ဖြစ်သွားမည်။ ၎င်း၏နောက်လိုက် ကြံ့ဖွံ့ နှင့် လက်ကိုင်တုတ်အဖွဲ့အသင်းများ၊ ဆန္ဒမဲများ ပြ၍ ဖွဲ့စည်းအုပ်ချုပ်ပုံ အတည်ပြုပြီးကြောင်း နအဖ ကြေညာသွားနိုင်သည်ကိုလည်း တွက်ထားရမည်။ ဤအခြေအနေတွင် ပြည်တွင်းရှိ စစ်အုပ်စု အတိုက်အခံ နိုင်ငံရေးအင်အားစုများက လက်တွေ့ ထိရောက်အောင် အဆင့်ဆင့် တိုက်ပွဲဝင်သင့် သည်ဟု မြင်ပါသည်။ နိုင်ငံတကာ လုပ်ထုံးလုပ်နည်းအတိုင်း တောင်းဆိုရန်လိုသည်။ ကုလသမဂ္ဂနှင့် နိုင်ငံတကာ စောင့်ကြည့်အကဲခတ်များ စစ်အစိုးရ လက်ခံရန် ဖိအားပေးသင့်သည်။ နအဖစစ်အုပ်စု ရိုးသားမှုမရှိသည်မှာ သေချာသည်။ မရိုးသားခြင်းသည် ဆန္ဒမဲ ကလိန်ကျ အတည်ပြုချက်ရယူရေး ဖြစ်သည်။ စစ်အုပ်စုအလိုကျ ဟန်ပြဆန္ဒခံယူပွဲ ဖြစ်မသွားရေး၊ အတတ်နိုင်ဆုံး ပြည်သူလူထု အသိ ရှိရှိ ပါဝင်သည့် ပြည်သူ့ဆန္ဒဖော်ထုတ်ပြသပွဲဖြစ်ရေး လုပ်ဆောင်ရန် လိုသည်။ အထူးသဖြင့် ရွေးကောက်ခံ ပြည်သူ့ကိုယ်စားလှယ်များ၊ ပြည်သူလူထုအား ရဲရဲရှေ့ဆောင်ရန် သင့်သည်ဟု  မြင်ပါ သည်။ စစ်အုပ်စု၏ ဖွဲ့စည်းအုပ်ချုပ်ပုံ အတည်မပြုရေး ဆန္ဒမဲဖြင့် ပြည်သူများက ပယ်ချပစ်ရေး လူထု လှုပ်ရှားမှုသည် လတ်တလော အဆုံးအဖြတ်တိုက်ပွဲဖြစ်သည်။ ဤတိုက်ပွဲကို ပြည်သူများ အနိုင် မတိုက်နိုင်လျှင် စစ်အုပ်စုအလိုကျ ဖွဲ့စည်းပုံသာ အတည်ဖြစ်ခဲ့လျှင် ၉၀ ခုနှစ်ရွေးကောက်ပွဲ ပယ်ဖျက် ခံရရုံမျှမက NLD ဆက်လက်ရပ်တည်ရေးပင် အန္တရာယ်ရှိသွားနိုင်သည်။ ဒေါ်အောင်ဆန်းစုကြည် ရွေးကောက်ပွဲဝင်ခွင့်ပြဿနာသည်လည်း ပြောစရာပင် မလိုတော့သည့်သဘော ဖြစ်သွားနိုင်သည်။ နောက် ငြိမ်းအဖွဲ့များလည်း လက်နက်အဖြုတ်ခံရ၍ စစ်အုပ်စုထိန်းချုပ်မှုအောက် ရောက်သွားနိုင်ပြီး၊ စစ်အာဏာရှင်စနစ် အုတ်မြစ်ခိုင်၍ ပြည်သူ့ဘက်တော်သားများ ဒီမိုကရေစီရရှိရေး ပိုဝေးသွားမည်။

*****

မောင်စိန်သော်  
၂၈ - ၂ - ၂၀၀၈