ပါတီတံဆိပ်

ဆက်သွယ်ရန်

အမှတ်(၁၂၄)၊ စတုတ္ထထပ်၊ မဟာဗန္ဓုလလမ်းနှင့် ၅၇ လမ်းထောင့်၊ ပုဇွန်တောင် မြို့နယ်၊ ရန်ကုန်မြို့။
အီးမေးလ် – hqdpns@gmail.com
Facebook – Democratic Party for a New Society

ဆရာကြီးသခင်ကိုယ်တော်မှိုင်းဂူဗိမာန်စောင့်ရှောက်ရေးအဖွဲ့နှင့် မှိုင်းငြိမ်းကွန်ရက်တို့၏ အစည်းအဝေး သို့တက်ရောက်

ဆရာကြီးသခင်ကိုယ်တော်မှိုင်းဂူဗိမာန်စောင့်ရှောက်ရေးအဖွဲ့နှင့် မှိုင်းငြိမ်းကွန်ရက်တို့၏ အစည်းအဝေးကို ၂၀၁၇ နိုဝင်ဘာ ၁၂ ရက်နေ့လည်ပိုင်းတွင် ရန်ကုန်မြို့ ရွှေတိဂုံဘုရားလမ်းရှိ မှိုင်းဂူဗိမာန်၌ ပြုလုပ်ခဲ့ပါသည်။ အစည်းအဝေး၌ ရွှေတောင်ဝါးလည်ရွာတွင် ဆောက်လုပ်မည့် ငြိမ်းချမ်းရေးဗိမာန်ဆိုင်ရာကိစ္စရပ်များ၊ နိုဝင်ဘာ ၂ ရက်နှင့် ၃ ရက်နေ့တို့တွင် ပြုလုပ်ခဲ့သည့် နိုင်ငံရေးဆွေးနွေးပွဲ၊ စာအုပ်ဈေးရောင်းပွဲဆိုင်ရာ အခြေအနေများနှင့် ရှေ့လုပ်ငန်းစဉ်များကို ဆွေးနွေးခဲ့ကြပါသည်။

ပါတီဥက္ကဋ္ဌ ဦးအောင်မိုးဇော် အင်တာဗျူး Hot News Journal Vol.8,No.369(10.11.2017)

ပြည်သူ့မျှော်လင့်ချက် မဖြည့်ဆည်းနိုင်ရင် အစိုးရအပေါ် ယုံကြည်မှုကျလာနိုင်တယ် NLD အစိုးရ၏ ဆောင်ရွက်နေမှုများနှင့် လွှတ်တော်ဆောင်ရွက်နေမှုများအပေါ် လူ့ဘောင်သစ် ဒီမိုကရက်တစ်ပါတီဥက္ကဌ ဦးအောင်မိုးဇော်အား တွေ့ဆုံမေးမြန်းခဲ့သည်။ လူဘောင်သစ်ဒီမိုကရက်တစ်ပါတီအနေနဲ့ ပြည်သူတွေအတွက် ဘာတွေ ဆောင်ရွက်နေတယ် ဆိုတာကို ပြောကြားပေးပါခင်ဗျာ။ ကျွန်တော်တို့ လူ့ဘောင်သစ်ဒီမိုကရက်တစ်ပါတီ အနေနဲ့ကတော့ ရွေးကောက်ပွဲပြီးတဲ့ကာလ ကစပြီးတော့ ပါတီတည်ဆောက်ရေးကိစ္စ၊ စုစည်းရေးကိစ္စနဲ့ ကျွန်တော်တို့ပါတီရဲ့ အသံတွေ၊ မူဝါဒ တွေကို လူထုထဲမှာ ကျယ်ကျယ်ပြန့်ပြန့် ဖြစ်ရေးအတွက်ကို ဦးတည်ချက်ထားပြီးတော့ ပါတီ တည် ဆောက်ရေးကိစ္စကို ဆောင်ရွက်နေပါတယ်။ ပါတီတည်ဆောက်ရေးကိစ္စကို အဓိကထားပြီး ဆောင် ရွက်နေတယ်ဆိုပေမယ့် ပါတီတည်ဆောက်ရေးကိစ္စမှာ လက်တွေ့ပြည်သူတွေရဲ့ ဒုက္ခတွေ၊ ပြည်သူ တွေရဲ့ ခံစားမှုတွေ၊ ပြည်သူတွေရဲ့ တောင်းဆိုမှုတွေနဲ့ ကင်းလွတ်ပြီးတော့ တည်ဆောက်လို့ မရဘူး။ တည်ဆောက်တဲ့အခါမှာ ပါတီလုပ်ငန်းနှင့်အတူ ဧရာဝတီတိုင်း၊ စစ်ကိုင်းတိုင်း၊ မန္တလေးတိုင်း၊ ပဲခူးတိုင်း တို့မှာ ဖြစ်နေတဲ့ တောင်သူသမားတွေရဲ့ မြေသိမ်းယာသိမ်းကိစ္စတွေ၊ တောင်သူလယ်သမားတွေရဲ့ အခွင့်အရေးဆိုင်ရာကိစ္စတွေ၊ ဒီလိုမျိုးတွေမှာ တတ်နိုင်သမျှကူညီနိုင်ဖို့ အလုပ်လုပ်နေပါတယ်။ နောက် တစ်ခုက အလုပ်သမားတွေရဲ့ နေ့စဉ်ဘဝ၊ အကြပ်အတည်းတွေကနေ လွတ်မြောက်ဖို့ ရုန်းကန်တဲ့ တိုက်ပွဲတွေ၊ ဒီကိစ္စတွေမှာလည်း တတ်နိုင်သမျှ ကူညီဆောင်ရွက်ပေးတယ်။ ဥပဒေအရပဲဖြစ်ဖြစ် အကူအညီပေးနိုင်အောင် ဆောင်ရွက်ပေးနေတယ်။ ဒါပေမယ့် အလုပ်သမားလှုပ်ရှားမှုနဲ့ ပတ်သက်လို့ ကတော့ ကျွန်တော်တို့ရဲ့ ပူးပေါင်းဆောင်ရွက်မှုက အားနည်းကောင်း အားနည်းနိုင်တယ်။ လယ်သမား တွေရဲ့ အခွင့်အရေးနဲ့ပတ်သက်လို့ကတော့ ပူးပေါင်းဆောင်ရွက်နိုင်တယ်လို့ ပြောလို့ရပါတယ်။ နောက်တစ်ခုက ပညာရေးပြုပြင်ပြောင်းလဲရေးအတွက် ကျောင်းသားလှုပ်ရှားမှုတွေမှာ ကျွန်တော်တို့ တတ်နိုင်သမျှ ဆောင်ရွက်ပေးတယ်။ ဥပမာ NNER မှာဆိုရင် ကျွန်တော်တို့ပါတီအနေနဲ့ ဆောင်ရွက် ပေးတယ်။ ကျောင်းသားသမဂ္ဂ ပြန်လည်ဖွဲ့စည်းရေးကိစ္စ၊ ကျောင်းသားသမဂ္ဂ ပြန်ဆောက်ရေးကိစ္စမျိုး တွေမှာ ကျွန်တော်တို့ပါတီက ရဲဘော်တွေက တတ်နိုင်သမျှ ပါဝင်ပြီးတော့ ဆောင်ရွက်နေတယ်။ ဒီ လုပ်ငန်းတွေကို ဆောင်ရွက်ရင်းနဲ့ ကျွန်တော်တို့ပါတီရဲ့ တည်ဆောက်ရေးကိစ္စတွေ လုပ်နေတယ်။ ကျွန်တော်တို့ပါတီက ငြိမ်းချမ်းရေးကိစ္စဖြစ်ဖြစ်၊ အခြေခံဥပဒေ ပြုပြင်ပြောင်းလဲရေးကိစ္စတွေမှာပဲ ဖြစ်ဖြစ်၊ ပြောသင့်ပြောထိုက်တဲ့ကိစ္စတွေကို ပါတီအနေနဲ့ သဘောထားထုတ်ပြန်ပြီးတော့ သတင်းစာ ရှင်းလင်းပွဲလုပ်လို့ပဲဖြစ်ဖြစ်၊ လိုအပ်လို့ရှိရင် သဘောထားတွေ ထုတ်ပြန်နေတာတွေ ရှိပါတယ်။ ပါတီအနေနဲ့ အရေးကြီးကိစ္စတွေကို ဆောင်ရွက်နေတာက ဒီမိုကရေအင်အားစုတွေကြားထဲမှာ စုစည်း မှု၊ စက်စပ်မှုတွေ ပိုပြီး အားကောင်းအောင်၊ ပိုပြီး ခိုင်မာအောင်လို့ ယနေ့အချိန်ကာလမှာ ပိုပြီး ဆောင်ရွက်သင့်တယ်လို့ ကျွန်တော်တို့မြင်တယ်။ လက်ရှိအနေအထားမှာ ၂၀၁၅ ရွေးကောက်ပွဲပြီး ကတည်းက ပြည်သူတွေက ရွေးချယ်တင်မြှောက်ထားတဲ့အစိုးရ တက်လာတယ်။ တစ်ပြိုင်နက်တည်း မှာပဲ တပ်မတော်က သူ့အခန်းကဏ္ဍနဲ့သူ ရှိနေတယ်။ ဒီလိုအခြေအနေမျိုးအောက်မှာ ပြည်သူတွေရဲ့ လိုအပ်ချက် စိန်ခေါ်မှုတွေက ပိုပြီးသာတယ်။ နိုင်ငံရေးပြဿနာတွေ ဖြေရှင်းဖို့ဆိုတာက ပိုတွေ့လာ သလို ဖြစ်နေတယ်။ ဒီလိုအခြေအနေမျိုးမှာ ကျွန်တော်တို့ပါတီတစ်ခုခုကပဲ ဖြစ်ဖြစ်၊ ဘယ်ပါတီ အဖွဲ့အစည်းပဲ ဖြစ်ဖြစ်၊ တစ်ခုတည်း တစ်ဖွဲ့တည်းဖြေရှင်းဖို့ ခက်လိမ့်မယ်လို့ ယုံကြည်တယ်။ အဲဒီ အတွက် ဒီမိုကရေစီလိုလားတဲ့သူတွေ စုစည်းဖို့က အရမ်းအရေးကြီးတယ်။ အဲဒီအတွက် ၁၉၅၀ ခုနှစ် နောက်ပိုင်းမျိုးဆက်က နိုင်ငံရေးသမားတွေ၊ ၂၀၀၇-၀၈ နိုင်ငံရေးမျိုးဆက်တွေ စုစည်းရင် သင့်တော် မယ်လို့ထင်လို့ ဒီလုပ်ငန်းကို အားစိုက်ပြီးတော့ ဆောင်ရွက်နေတယ်။ ပထမတစ်ကြိမ်တော့ အင်အားစု တော်တော်များများပါတဲ့ ဆွေးနွေးပွဲကို လုပ်ပြီးသွားပြီ။ ယနေ့ကာလမှာတော့ တိုင်းပြည်ကို ဒီမိုကရေစီ လမ်းကြောင်းပေါ် ရောက်ဖို့အတွက် တွန်းတင်ဖို့ပဲဖြစ်ဖြစ်၊ ငြိမ်းချမ်းရေးပဲဖြစ်ဖြစ် ရင်ဆိုင်နေရတဲ့ အခက်အခဲတွေကို ကျော်လွှားနိုင်ဖို့အတွက် ဒီမိုကရေစီကို သက်ဝင်ယုံကြည်တဲ့ နိုင်ငံရေးအင်အားစု ဖြစ်ချင်ဖြစ်မယ်။ ပါတီဖြစ်ချင်ဖြစ်မယ်။ CSO ဖြစ်ချင်ဖြစ်မယ်။ နိုင်ငံရေးအစုအဖွဲ့ ဖြစ်ချင်ဖြစ်မယ်။ တစ်သီးပုဂ္ဂလနိုင်ငံရေးသမား၊ တက်ကြွလှုပ်ရှားသူတွေ ဖြစ်ကောင်းဖြစ်မယ်။ ဒီတက်ကြွလှုပ်ရှားသူ တွေရဲ့ ပူးပေါင်းဆောင်ရွက်မှုက အရမ်းအရေးကြီးနေတယ်လို့ ယူဆတယ်။ အရေးကြီးတယ်လို့ ယူဆ တဲ့အတွက် စတင်ဆောင်ရွက်နေပါတယ်။ ကျွန်တော်တို့ ပါတီတစ်ခုထဲက လုပ်တာတော့ မဟုတ်ဘူး။ မှိုင်းငြိမ်းကွန်ရက်တို့၊ ကျွန်းပြန်တွေ၊ ၇၄/၇၅ က နိုင်ငံရေးအုပ်စုတွေ၊ ဗကသက ရဲဘော်တွေ ဒီ အင်အားစုတွေပေါင်းပြီးတော့ ဆောင်ရွက်ကြဖို့၊ နောက်ပြီးတော့ ၉၆/၉၈ အင်အားစုအကုန်လုံးတော့ မဟုတ်ဘူး။ ကျွန်တော်တို့နဲ့ အမြင်တူတဲ့ ရဲဘော်တွေ စုပြီးတော့ လုပ်နိုင်ဖို့အတွက် ဆောင်ရွက် နေတယ်။ တိုင်းရင်းသားအင်အားစုဖြစ်တဲ့ SNLD တို့ UNA တို့နဲ့ ဆွေးနွေးတိုင်ပင်ပြီးတော့ စတင် ဆောင်ရွက်နေတယ်လို့ ပြောချင်ပါတယ်။ အစ်ကိုတို့ပါတီအနေနဲ့ မြေယာကိစ္စတွေ ဆောင်ရွက်နေတယ်ဆိုတော့ လက်ရှိအစိုးရလက်ထက်မှာ မြေယာကိစ္စတွေ ဖြေရှင်းမှုအပေါ်မှာ အားရကျေနပ်မှုရှိပါသလားခင်။ သိပ်ပြီးတော့ ထူးထူးခြားခြားမရှိဘူးလို့ ကျွန်တော်ထင်တယ်။ တချို့ ပြန်ပြီးတော့ ပေးရမယ်လို့ သဘောထားကျသွားတာတွေ ရှိတယ်။ တကယ်အသိမ်းခံရတဲ့ ကာယကံရှင်တွေလက်ထဲကို ပြန် ရောက်တာ မတွေ့ရသေးဘူး။ မတွေ့ရသေးတဲ့အဖြစ်ကို ဒီကိစ္စနဲ့ပတ်သက်လို့ ထဲထဲဝင်ဝင် ဆောင်ရွက်ပေးတဲ့သူတွေကို ဖမ်းဆီးထိန်းသိမ်းမှုတွေ ရှိနေတယ်။ တချို့လည်း ရကောင်းရမယ်။ ဒါပေမယ့် သိမ်းထားတာထက်စာရင် ပြန်ရတာတွေက နည်းနေတယ်။ ရတဲ့သူတွေက တကယ်ဆုံးရှုံး ခဲ့တဲ့သူတွေ မဟုတ်ဘူးဖြစ်နေတယ်။ တကယ်ပြန်ရတဲ့သူတွေက တကယ့်ကာယကံရှင် မဟုတ်ဆိုတာက ဘယ်လိုမဟုတ်တာလဲခင်ဗျာ။ ပြောရမယ်ဆိုရင် ဥပမာ-ကျွန်တော်တို့ ဧရာဝတီတိုင်းမှာဆိုရင် ဒီအစိုးရတက်ပြီးခါစက ဒုသမ္မတကိုယ်တိုင် လာတယ်။ အသိမ်းခံရတဲ့ လယ်ယာမြေတွေကို ပြန်ပေးတယ်ဆိုပြီးတော့ အခမ်းအနားလုပ်ပေးတယ်။ လက်တွေ့ကျတော့ နဂိုမူလပိုင်ဆိုင်တဲ့သူတွေလက်ထဲကို မရောက်ဘဲနဲ့ အာဏာပိုင်တွေနဲ့ နီးစပ်တဲ့သူတွေလက်ထဲကို ရောက်သွားတာတွေ့ရတယ်။ ကာယကံရှင်စစ်စစ်တွေ မဟုတ်ဘူးလို့ ပြောရခြင်း ဖြစ်ပါတယ်။ အစိုးရဆောင်ရွက်နေတဲ့ ဆောင်ရွက်မှုတွေအပေါ်ကို အစ်ကိုအနေနဲ့ ဘယ်လိုသုံးသပ်မိပါသလဲခင်ဗျာ။ ကျွန်တော်ပထမဆုံးပြောချင်တာက ဒီမိုကရေစီဖွံ့ဖြိုးတိုးတက်လာတဲ့ အခြေအနေပေါ့။ ဒီမို ကရေစီဖွံ့ဖြိုးတိုးတက်မှုအခြေအနေ ရှိမရှိ ပထမဆုံး ဆန်းစစ်ချင်တယ်။ ဆိုလိုချင်တာက အရင်ဆုံး ဆန်းစစ်ကြပါစို့ဗျာ။ လွှတ်တော်ရှိတယ်။ အုပ်ချုပ်ရေးရှိတယ်။ တရားစီရင်ရေးမဏ္ဍိုင်ရှိတယ်။ ဒီသုံးခုက ဒီမိုကရေစီစနစ်မှာ အပြန်အလှန်ထိန်းကျောင်းမှုရှိတယ်။ ဒါပေမယ့် လွှတ်တော်က အုပ်ချုပ်ရေး အောက်ကို ရောက်လာသလို ဖြစ်နေတယ်။ လွှတ်တော်နဲ့အစိုးရ ဆိုပါစို့။ လွှတ်တော်နဲ့ အစိုးရ ဆိုတာက သီးခြားစီရှိဖို့ လိုတယ်။ အာဏာရပါတီပဲဖြစ်ဖြစ်၊ အစိုးရပဲဖြစ်ဖြစ် လွှတ်တော်ကို မလွှမ်းမိုးဖို့ လိုတယ်။ ကျွန်တော်မြင်နေတာက အဲဒီအခြေအနေ ဆုတ်ယုတ်နေတယ်လို့ မြင်တယ်။ လွှတ်တော် ကိုယ်တိုင်က အစိုးရအကြပ်အတည်းမတွေ့အောင်လို့ ဘာမှမဆောင်ရွက်ဘူး။ ယေဘုယျကြည့်မယ် ဆိုရင် အဲဒီလိုပဲ ပြောလို့ရတယ်။ အစိုးရငြိုငြင်မှာကို ကြောက်နေတယ်။ ဒီလိုအနေအထားမျိုး ဖြစ်နေတယ်။ အစိုးရက သဘောတူမှ လွှတ်တော်ကလုပ်ရမယ့် အခြေအနေမျိုး ဖြစ်နေတယ်။ ဒါကတော့ ကျွန်တော်တို့ အပြင်ကနေ အမြင်ပေါ့။ ကိုယ်ကိုယ်တိုင်လည်း လွှတ်တော်ထဲမှာ မရှိတဲ့ အတွက် အပြင်အမြင်အရ ပြောမယ်ဆိုရင် လွှတ်တော်က အစိုးရရဲ့အောက် အာဏာရပါတီရဲ့ အောက်ကို ရောက်နေတယ်လို့ ထင်တယ်။ ပွင့်ပွင့်လင်းလင်းပြောရရင် လွှတ်တော်ကိုယ်စားလှယ် မဟုတ်တဲ့ ပါတီခေါင်းဆောင်က လွှတ်တော်ကိုယ်စားလှယ်တွေနေတဲ့နေရာမှာ သွားနေပြီးတော့ လွှတ်တော်ကိုယ်စားလှယ်တွေကို အမိန့်ပေးနေတယ်။ အဲဒါက အသေအချာ အတိအကျပဲ။ အဲဒီလို ကိစ္စတွေက ဒီမိုကရေစီပွင့်လင်းမှုကို အများကြီး အနှောက်အယှက်ဖြစ်စေတယ်လို့ ကျွန်တော်ပြောချင် တယ်။ ဒီမှာဆက်ပြီး ပြောချင်တာက ရွေးကောက်ပွဲကတိတွေ ရှိတယ်။ ရွေးကောက်ပွဲကတိမှာ ကြီးကြီးမားမား သုံးခုရှိတယ်။ ငြိမ်းချမ်းရေး၊ တရားဥပဒေစိုးမိုးရေးနဲ့ အခြေခံဥပဒေပြင်ဆင်ရေး ဖြစ်တယ်။ အခု နှစ်နှစ်ရှိပြီ။ အခြေခံဥပဒေပြင်ဆင်ရေးနဲ့ ပတ်သက်ပြီးတော့ မကြားရဘူး။ ဒီနေ့ တိုင်းပြည်ရဲ့ အခက်အခဲက အခြေခံဥပဒေကြောင့်ဖြစ်နေတယ် ဆိုတာကို လူတိုင်းသိတယ်။ အဲဒါ တွေက သူတို့ရဲ့မဟာဗျူဟာကြောင့်လားတော့ မသိဘူး။ အခုအချိန်အထိ လွှတ်တော်ထဲမှာ ပြုပြင်ရေး တို့၊ ပြင်ဆင်ရေးတို့ဆိုတဲ့ အသံတွေ အခုချိန်ထိ ဘာသံမှ မထွက်သေးဘူး။ ဒီကိစ္စက ကောင်းတဲ့ လက္ခဏာတော့ မဟုတ်ဘူးလို့ ကျွန်တော်ထင်တယ်။ ဦးသိန်းစိန်အစိုးလက်ထက် ဦးရွှေမန်းတို့၊ ဦးခင်အောင်မြင့်တို့ လက်ထက်မှာတောင် အခြေခံဥပဒေပြင်ဆင်ရေးဆိုတာကို ဖွဲ့တယ်။ အဓိပ္ပါယ် ဖွင့်ဆိုတာတွေ လုပ်တယ်။ နောက်ဆုံးကျမှဗျာ စကားလုံးတစ်လုံး ပြင်တာတို့ဆိုတာတွေ ရှိတာပေါ့။ အနိမ့်ဆုံးအဆင့် အသံတွေထွက်နေသေးတယ်။ အခု ဒီနှစ်နှစ်အတွင်းမှာ အဲဒီအသံတွေ မကြားရ သေးဘူး။ အချိန်မကျသေးလို့ မပြောတာလားတော့ မသိဘူး။ နောက်တစ်ခုက ငြိမ်းချမ်းရေးဖြစ်စဉ် ဆိုတာက အရေးကြီးတယ်။ ငြိမ်းချမ်းရေးဖြစ်စဉ်ကို အားလုံးသိတဲ့အတိုင်းပဲ၊ နဂိုအတိုင်းပဲ၊ ဘာမှ မထူးဘူး။ ပိုတိုးလာတာက ရခိုင်ပြဿနာ ပိုတိုးလာတယ်။ နိုင်ငံတကာနဲ့ ကျွန်တော်တို့ မသင့်မတင့် ဖြစ်တယ်။ ငြိမ်းချမ်းရေးဖြစ်စဉ်ကိစ္စကလည်းပဲ နောက်ထပ်အင်အားစုတွေ ထပ်တိုးလာဖို့၊ မလာဖို့ ဆိုတာက ငြိမ်းချမ်းရေးဆိုတာက ပထမအဆင့်အနေနဲ့ အပစ်အခတ်ရပ်စဲရေးအဆင့်မှာပဲ ရှိသေး တယ်။ အဲဒီအခြေအနေကလည်း မသေမချာမရေရာ ဖြစ်နေတယ်။ ဆက်ကြည့်ကြပါစို့။ တရားဥပဒေ စိုးမိုးရေးကိစ္စဆိုတာက ရွေးကောက်ပွဲကတိတစ်ခုပါ။ ကြည့်လိုက်ပါ။ မနေ့တစ်နေ့က နေပြည်တော်မှာ ဝန်းကြီးဟောင်းတစ်ယောက်ရဲ့သားက မူးယစ်ဆေးဝါးတွေရော လက်နက်တွေနဲ့မိတယ်။ လိုက်ရှာဖွေ တော့ သိမ်းဆည်းရမိတဲ့လက်နက်တွေက တပ်စုတစ်စုစာလောက်ရှိတယ်လို့ ကျွန်တော်ထင်တယ်။ ဒါ သူတစ်ယောက်ထဲနော်။ အဲဒီလိုမျိုး ဘယ်နှယောက်ရှိနေမလဲဆိုတာကို ကျွန်တော်မပြောတတ်ဘူး။ ဦးကိုနီကိုသတ်တဲ့ကိစ္စဆို တစ်ကမ္ဘာလုံးမှာ အထင်အရှားဖြစ်တဲ့ကိစ္စ၊ ခုချိန်အထိ မဖြေရှင်းနိုင်သေး ဘူး။ အဲဒီလို အနေအထားက တိုင်းပြည်မှာ တကယ်ဖြစ်နေတာ၊ သာမန်ပြည်သူတွေရဲ့ လုံခြုံရေးကို စဉ်းစားကြည့်မယ်ဆိုရင် မလုပ်ချင်လို့မလုပ်ကြတာပဲ ဖြစ်မယ်။ လုပ်ချင်လို့ လမ်းသွားနေရင်းနဲ့ ကျွန်တော်တို့ ဝိုင်းရိုက်ရင် ဘယ်သူမှ သိလိုက်မှာ မဟုတ်ဘူး။ အဲဒီလိုအခြေအနေ ဖြစ်နေတယ် ဆိုတော့ သာမန်ပြည်သူတစ်ယောက်အနေနဲ့ မတွေးဝံ့စရာပါ။ စီးပွားရေးကိုကြည့်ရင်လည်း အရင်က ကျွန်တော်တို့ မျှော်လင့်ခဲ့တယ်။ ဒီမိုကရေစီအစိုးရ တက်လာပြီးရင်၊ လူထုက ရွေးချယ်ပြီး တက်လာတဲ့ အစိုးရဖြစ်လာရင် နိုင်ငံခြားရင်းနှီးမြှုပ်နှံမှုတွေ ဝင်လာမယ်။ ကျွန်တော်တို့ပြည်သူတွေ၊ အလုပ်အကိုင် တွေ ပေါများလာမယ်။ ပြည်သူတွေရဲ့ စီးပွားရေးက ဒီထက်ပိုကောင်းလာမယ်။ ဒါပေမယ့် အခုအချိန် အထိ ဘယ်ကမှ မလာဘူး၊ မလာဘူးဆိုတာက ကျွန်တော်တို့မှာ အခြေခံအဆောက်အအုံ ဘာမှမရှိလို့၊ နောက်တစ်ချက်က ကျွန်တော်တို့ဆီမှာရှိတဲ့ ဥပဒေတွေ၊ နောက်ပြီး ကျွန်တော်တို့ရဲ့ နိုင်ငံရေးအခြေ အနေတွေကို မယုံဘူး။ မယုံတော့ လာဖို့ခက်တယ်။ ချုပ်ပြောရရင်တော့ လုပ်နေကိုင်နေကြတာတော့ လုပ်နေကြတာပဲ။ လုပ်နိုင်ကိုင်နိုင်ဖို့အတွက် နိုင်ငံရေးသမားတွေဆီမှာ တက်ကြွလှုပ်ရှားသူတွေ၊ ပါတီ တွေမှာ ရှိနေပေမယ့် စိုးရကလုပ်နေပေမယ့် အခြေအနေက အဲဒီအတိုင်းကြီး ဖြစ်နေတယ်။ အစ်ကိုပြောသွားသလို ဥပဒေပြုမဏ္ဍိုင်ကြီးက အစိုးရရဲ့အောက်ကို ရောက်နေမယ်ဆိုရင် အနာဂတ် တိုင်းပြည်က ဘာတွေဖြစ်နိုင်ပါသလဲခင်ဗျာ။ အာဏာရပါတီအနေနဲ့ ကိုယ်ကိုယ်ကို ပြန်ပြီးဆန်းစစ်စေချင်တယ်။ အစိုးရလက်အောက် မှာတင် မဟုတ်ဘူး။ ပါတီလက်အောက် ရောက်နေတယ်။ အဲဒါကတော့ ဒီမိုကရေစီအတွက် တော်တော်ရုပ်ဆိုးတယ်လို့ မြင်တယ်။ လွှတ်တော်ကိုယ်စားလှယ်တွေက မိမိပါတီရဲ့ မူဝါဒတွေကို ထင်ဟပ်ရမှာတော့ ဟုတ်တယ်။ ဒါပေမယ့် သူတို့ကို ရွေးထားတာက ပြည်သူတွေရွေးထားတာ ဖြစ်တယ်။ ပြည်သူတွေရွေးထားတဲ့ ကိုယ်စားလှယ်တွေကို အမိန့်ပေးနေတာတော့ မဖြစ်သင့်ဘူး။ ပြည်သူက အရွေးမခံရတဲ့သူက ပြည်သူကရွေးချယ်ထားတဲ့ ကိုယ်စားလှယ်တွေကို အမိန့်ပေးနေတယ် ဆိုတာက ဒီမိုကရေစီနဲ့ လုံးဝမဆီလျော်ဘူး။ ဒီမိုကရေစီ ဖွံ့ဖြိုးတိုးတက်ရေးကို ပြောမယ်ဆိုရင် မီဒီယာ တွေရဲ့ အခန်းကဏ္ဍပဲဖြစ်ဖြစ်၊ CSO တွေရဲ့ အခန်းကဏ္ဍပဲဖြစ်ဖြစ်၊ နိုင်ငံရေးပါတီတွေရဲ့ အခန်း ကဏ္ဍဆိုတာ ရှိတယ်။ အခုဆိုရင် CSO တွေ တော်တော် ကျဉ်းထဲကျပ်ထဲကို ရောက်နေတယ်လို့ CSO ထဲရောက်နေတဲ့ ကျွန်တော်သူငယ်ချင်းတွေက ပြောပါတယ်။ သူတို့လုပ်ရ၊ ကိုင်ရတာပဲဖြစ်ဖြစ်၊ ငွေကြေးရှာဖွေရတာပဲဖြစ်ဖြစ်၊ ငြိမ်းချမ်းရေးဖြစ်စဉ်တွေမှာ CSO တွေရဲ့အခန်းကဏ္ဍက ဘာမှမရှိသလို ဖြစ်နေတယ်။ ဒါတွေကို CSO မှာရှိနေတဲ့ရဲ့ဘော်တွေက ပြောပြတယ်။ ကော်မရှင်ဥက္ကဋ္ဌကိုယ်တိုင် ဗိုလ်ချုပ်ကြီးဟောင်းလေ၊ သူတို့ဦးဆောင်တဲ့ အစိုးရ၊ သူတို့စီစဉ်ထားတဲ့ ပုံသဏ္ဍာန်နဲ့ နိုင်ငံရေးပါတီ တွေကို အကောင်အထည်ဖော်တယ်။ ဒီလိုလည်ပတ်ခဲ့တာကို သေချာပြန်ဆန်းစစ်လားဆိုရင် နဂို အတိုင်းပဲ။ မနေ့တစ်နေ့ကဆိုရင် ကြေညာချက်တွေကို စစ်ဆေးမယ်။ ဥပဒေမညီရင် အရေးယူမယ် ဆိုတာက သူတို့အလုပ်လားလို့ ကျွန်တော်ပြောချင်တယ်။ တရားဥပဒေ လုပ်ထုံးလုပ်နည်းအရဆိုရင် ဒီအတိုင်းပဲ ဖြစ်နေတယ်။ နိုင်ငံရေးပါတီတွေကို သူတို့တပည့်တွေလို သဘောထားတယ်။ အဲတာ တွေက ဒီမိုကရေစီသဘောထားတွေနဲ့ ညီမှမညီတာဘဲ။ အဲဒါတွေကို ပြန်ပြီးတော့ စီစဉ်ရမယ်။ ပြုပြင်ရမယ်ဆိုတဲ့ သဘောထားကို ယနေ့အာဏရပါတီမှာ မရှိဘူးလား၊ ဒီလိုမရှိလို့ ဒီအသံထွက်တာ ပေါ့။ နဂို ဦးတင်အေးတုန်းကကျတော့ ဝိုင်းဆဲကြတယ်။ သူကျတော့ ဘယ်လိုလုပ်မလဲ၊ ကျွန်တော်တို့ အဲဒီအခြေအနေမျိုးတွေကို ရင်ဆိုင်နေရတယ်။ သို့သော်လည်း ဒါတွေက ကျွန်တော်တို့လက်တွေ့ ဖြစ် နေတယ်။ ပြည်သူလူထုက သူတို့ကို ရွေးချယ်တင်မြှောက်ထားတယ်။ သူတို့ကိုယ်တိုင်က ကျွန်တော် တို့မိတ်ဆွေတွေဖြစ်တယ်။ သူတို့တစ်တွေ အခု စိန်ခေါ်မှုတွေ ကျော်လွှားနိုင်အောင် ကျွန်တော်တို့ တစ်စုံတစ်ရာတော့ ပံ့ပိုးဖို့လိုတယ်။ ကျွန်တော်တို့ ပံ့ပိုးချင်တယ်။ ကူညီချင်တယ်။ ဒီလိုသဘောထား တွေ ရှိကြလို့လည်း တော်တော်များများက နှုတ်ဆိတ်နေကြတာလို့ ကျွန်တော် ယူဆတယ်။ ပြည်သူရွေးချယ်တင်မြှောက်တဲ့ ကိုယ်စားလှယ်တွေကို ကိုယ်စားလှယ်မဟုတ်တဲ့သူက ထိန်းချုပ်နေမယ် ဆိုရင် လွှတ်တော်က ဘယ်လိုအခြေအနေမျိုး ဖြစ်သွားနိုင်ပါသလဲခင်ဗျာ။ လွှတ်တော်ကိုယ်စားလှယ်တွေကိုယ်တိုင်က သူတို့သဘောထားကို ဆန့်ကျင်ပြီးတော့ ဘာမှ မပြောရဲ မဆိုရဲ၊ လွှတ်တော်ထဲမှာ မတင်ရဲ၊ သူတို့ခွင့်ပြုမှ တင်ရဲတယ်ဆိုတဲ့သဘော သက်ရောက် နေတယ်။ အဲဒါက ဒီမိုကရေစီ မဟုတ်သေးဘူး။ ဒီမိုကရေစီနဲ့ ဘာမှမဆိုင်ဘူး။ ဒီမိုကရေစီနဲ့ ဗြောင် ကျကျကို ဆန့်ကျင်နေတယ်။ အဲဒီလိုကိစ္စမျိုးတွေကို အနိုင်ရပါတီအနေနဲ့ ပြန်သုံးသပ်သင့်တယ်လို့ ထင်တယ်။ ငါတို့နိုင်လို့ ငါတို့လုပ်ချင်သလို လုပ်လို့ရတယ်ဆိုတာ မဖြစ်သင့်ဘူး။ လွှတ်တော်ရဲ့ ဂုဏ်သိက္ခာအတွက်လည်း မကောင်းဘူး။ ဒီမိုကရေစီလို့ပြောရင် ဒီမိုကရေစီရုပ်ပျက်တယ်လို့ ပြောချင် တယ်။ (ဆက်လက်ဖော်ပြပါမည်။)

၆၂ နှစ်မြောက် ကရင်ပြည်နယ်နေ့ ဖွင့်ပွဲအခမ်းအနားသို့ ဘားအံမြို့နယ်၊စည်းရုံးရေးကော်မတီဝင်များ တက်ရောက်

၆၂ နှစ်မြောက် ကရင်ပြည်နယ်နေ့ ဖွင့်ပွဲအခမ်းအနားကို ၇-၁၁-၂၀၁၇ ရက်နေ့က ဘားအံမြို့ ကရင်ပြည်နယ်အစိုးရုံးမြက်ခင်းပြင်၌ ကျင်းပခဲ့ပါသည်။ ၎င်းဖွင့်ပွဲအခမ်းအနားသို့ လူ့ဘောင်သစ်ဒီမိုကရက်တစ်ပါတီ ဘားအံမြို့နယ်ဥက္ကဋ္ဌနှင့် မြို့နယ်စည်းရုံးရေးကော်မတီဝင်များ တက်ရောက်ခဲ့ကြပါသည်။

SocDem Asia က စီစဉ်ကျင်းပသည့် Inclusive Policy Formulation Training Workshop (တတိယနေ့)

SocDem Asia က စီစဉ်ကျင်းပသည့် Inclusive Policy Formulation Training Workshop တတိယနေ့ကို ၇-၁၁-၂၀၁၇ နေ့တွင် ရန်ကုန်မြို့ Orchid Hotel ၌ ဆက်လက်ပြုလုပ်ခဲ့ပါသည်။ ဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ၊ လူ့ဘောင်သစ်လူငယ်နှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့မှ ခေါင်းဆောင်များ၊ လွှတ်တော်ကိုယ်စားလှယ်များ တက်ရောက်ဆွေးနွေးခဲ့ကြပါသည်။ ဆွေးနွေးပွဲတက်ရောက်လာသူများက လက်ရှိ မြန်မာ့နိုင်ငံရေးစိန်ခေါ်ချက်များအား အဖြေရှာနိုင်ရေးအတွက် ယခင်နေ့က ဆွေးနွေးရရရှိချက်များအား ဆက်လက်ဆွေးနွေးခဲ့ကြပါသည်။

SocDem Asia က စီစဉ်ကျင်းပသည့် Inclusive Policy Formulation Training Workshop (ဒုတိယနေ့)

SocDem Asia က စီစဉ်ကျင်းပသည့် Inclusive Policy Formulation Training Workshop ဒုတိယနေ့ကို ၆-၁၁-၂၀၁၇ နေ့တွင် ရန်ကုန်မြို့ Orchid Hotel ၌ ဆက်လက်ပြုလုပ်ခဲ့ပါသည်။ ဆွေးနွေးပွဲသို့ လူ့ဘောင်သစ်ဒီမိုကရက်တစ်ပါတီ လူ့ဘောင်သစ်လူငယ်နှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့မှ ခေါင်းဆောင်များ လွှတ်တော်ကိုယ်စားလှယ်များ တက်ရောက်ဆွေးနွေးခဲ့ကြပါသည်။ DPNS ပါတီဥက္ကဋ္ဌ ဦးအောင်မိုးဇော်က မူဝါဒစာတမ်း(မူကြမ်း)ရရှိအောင် ကြိုးပမ်းခဲ့သည့်အခြေအနေများကို ပြန်လည်တင်ပြခဲ့သည်။ SNLD တွဲဘက်အတွင်းရေးမှူးဦးစိုင်းကျော်ညွန့်က လက်ရှိငြိမ်းချမ်းရေးဖြစ်စဉ်များနှင့်ပတ်သက်၍ ရှင်းလင်းဆွေးနွေးပေးခဲ့ပါသည်။ ထို့နောက် ဆွေးနွေးပွဲတက်ရောက်လာသူများက မြန်မာ့နိုင်ငံရေးစိန်ခေါ်ချက်များအား အဖြေရှာနိုင်ရေးအတွက် အုပ်စုဖွဲ့ဆွေးနွေးခဲ့ကြပါသည်။

SocDem Asia က စီစဉ်ကျင်းပသော အားလုံးပါဝင်သည့်မူဝါဒရေးဆွဲရေး ဆွေးနွေးပွဲ (ပထမနေ့)

SocDem Asia က စီစဉ်ကျင်းပသော အားလုံးပါဝင်သည့်မူဝါဒရေးဆွဲရေး ဆွေးနွေးပွဲ ပထမနေ့ကို ၅-၁၁-၂၀၁၇ တွင် ရန်ကုန်မြို့ Orchid Hotel ၌ ပြုလုပ်ခဲ့ပါသည်။ ဆွေးနွေးပွဲတွင် လူ့ဘောင်သစ်ဒီမိုကရက်တစ်ပါတီ လူ့ဘောင်သစ်လူငယ်နှင့် ရှမ်းတိုင်းရင်းသားများဒီမိုကရေစီအဖွဲ့ချုပ်တို့မှခေါင်းဆောင်များ တက်ရောက်ဆွေးနွေးခဲ့ကြပါသည်။

၅၊ ၁၁၊ ၂၀၁၇ နေ့ထုတ် စံတော်ချိန်နေ့စဉ်၊ အတွဲ ၅၊ အမှတ် ၁၆၄၅

နိုင်ငံရေးပါတီများ လွတ်လပ်စွာရှင်သန်ရေးတွင် အကန့်အသတ်များရှိနေဟု ဝေဖန် ပါတီစုံဒီမိုကရေစီစနစ်တွင် နိုင်ငံရေးပါတီများ အားကောင်းရန်လိုပြီး လက်ရှိတွင် နိုင်ငံရေးပါတီများ လွတ်လပ်စွာရှင်သန်ရေးအတွက် အကန့်အသတ်များရှိနေကြောင်း လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်က ဝေဖန်လိုက်သည်။ ဝေဖန်ပြောကြား နိုဝင်ဘာ ၄ ရက်က ရန်ကုန်မြို့ အောခစ်ဟိုတယ်တွင်ပြုလုပ်သည့် “မြန်မာ့နိုင်ငံရေး – ပါတီစုံစနစ်လား၊ တစ်ပါတီစနစ်လား” ခေါင်းစဉ်ဖြင့်ပြုလုပ်သည့် DVB Debate အစီအစဉ်တွင် လူ့ဘောင်သစ်ဒီမိုကရက်တစ် ပါတီဥက္ကဋ္ဌ ဦးအောင်မိုးဇော်က ဝေဖန်ပြောကြားခြင်းဖြစ်သည်။ ဒီမိုကရေစီနှင့် ဆန့်ကျင်နေ နိုင်ငံရေးပါတီများ၏ သဘောထားထုတ်ပြန်ချက်နှင့် ကြေညာချက်များ ဥပဒေနှင့်မညီပါက အရေးယူသွား မည်ဟု ယခုရက်ပိုင်းအတွင်း ကော်မရှင်ဥက္ကဋ္ဌ ဦးလှသိန်းက ပြောဆိုထားရာ အဆိုပါအကြောင်းအရာသည် ဒီမိုကရေစီနှင့် ဆန့်ကျင်နေသည်ဟု Debate ဝေဖန်မှုများလည်း ပြုလုပ်ခဲ့သည်။ ရှင်သန်ဖွံ့ဖြိုးဖို့လို “နိုင်ငံရေးပါတီတွေက ယနေ့အခြေအနေအောက်မှာ လွတ်လွတ်လပ်လပ် ရှင်သန်ဖွံ့ဖြိုးဖို့လိုတယ်။ ဒါပေမယ့် ကျွန်တော်တို့မှာ အဲဒီအခြေအနေ မရှိသေးဘူး။ နိုင်ငံရေးပါတီတစ်ခု ကိုယ့်ခြေထောက်ပေါ် ကိုယ်ရပ်နိုင်ဖို့၊ သူ့ဘာသာ ဖွံ့ဖြိုးတိုးတက်နိုင်ဖို့ ပတ်ဝန်းကျင်ရှိ၊မရှိ စစ်ဆေးရပါလိမ့်မယ်။ ကျွန်တော် ထင်တယ်။ အခုက အကန့်အသတ်တွေ အများကြီး ရှိနေသေးတယ်။ လက်ရှိအစိုးရအနေနဲ့ပဲဖြစ်ဖြစ်၊ တိုင်းပြည်ကိုဦးဆောင်နေတဲ့ ပုဂ္ဂိုလ်တွေအနေနဲ့ပဲဖြစ်ဖြစ် ဒီကိစ္စကို သေသေချာချာ အလေးအနက်ထားဖို့ လိုတယ်လို့ ကျွန်တော်ထင်တယ်”ဟု ဦးအောင်မိုးဇော်က ပြောဆိုသည်။ သဘောပေါက်ရန်လို တိုင်းပြည်က စင်စစ် ဒီမိုကရေစီအခြေအနေကို မရောက်ရှိသေးသည်ကို သဘောပေါက်ရန်လိုပြီး ဒီမိုကရေစီ အရေး လုပ်ဆောင်သည့် နိုင်ငံရေးအင်အားစုများနှင့် ဒီမိုကရေစီကို အဟန့်အတားလုပ်လိုသည့် အင်အားစု များကြားတွင် နိုင်ငံရေးပါတီများ ရှင်သန်ဖွံ့ဖြိုးနေရကြောင်းလည်း ၎င်းက ပြောဆိုသည်။ ဥပဒေအများအပြားရှိနေ အာဏာရNLD အစိုးရအနေဖြင့် နိုင်ငံရေးပါတီများ ရှင်သန်ခွင့်၊ လွတ်လပ်စွာ ရေးသားဖော်ထုတ်ခွင့် များအတွက် ပြင်သင့်ပြင်ထိုက်သည့်ဥပဒေ အများအပြားရှိနေသည်ကို အာရုံစိုက်ရန် တိုင်းရင်းသားလက် နက်ကိုင်အဖွဲ့ ချင်းအမျိုးသားတပ်ဦး ဒု-ဥက္ကဋ္ဌ ဒေါက်တာဆလိုင်းလျန်မုန်းဆာခေါင်းက တိုက်တွန်းသည်။ လုံးဝမလုပ်သင့် ‘လွတ်လပ်စွာစည်းရုံးခွင့်၊ လွတ်လပ်စွာပြောဆိုခွင့်၊ လွတ်လပ်စွာစီတန်းလှည့်လည်ခွင့် အဲဒါမျိုးက တကယ့်ဒီမိုကရေစီရဲ့ အခြေခံတွေ ဖြစ်ပါတယ်။ Statement ထုတ်တယ်ဆိုတာ လွတ်လပ်စွာရေးသားခွင့်၊ နိုင်ငံရေးပါတီထောင်တယ်ဆိုကတည်းက လွတ်လပ်စွာ ရေးသားခွင့်၊ ဟောပြောခွင့်၊ စည်းဝေးခွင့်မရှိဘဲ ဒီနိုင်ငံရေးပါတီက ဘယ်လိုမှ မရပ်တည်နိုင်ဘူး။ ဒီမိုကရေစီကို ဖွင့်တယ်ဆိုပြီးတော့ ဒီမိုကရေစီရဲ့ အခြေခံ အုတ်မြစ်ကို ပြန်လည်ရိုက်ဖျက်နေသလိုပဲ။ အဲဒါမျိုး လုံးဝမလုပ်သင့်ဘူး”ဟု ၎င်းက ပြောဆိုသည်။ သဘောတူ နိုင်ငံရေးပါတီများ လွတ်လပ်စွာရှင်သန်ခွင့် အကန့်အသတ်၊ အတားအဆီးများရှိခြင်းကို အမျိုးသားဒီမိုကရေ စီအဖွဲ့ချုပ်၏ သန်လျင်မြို့နယ် ပြည်သူ့လွှတ်တော်အမတ် ဦးလွင်ကိုလတ်က သဘောတူသည်။ ပါတီတွေရှင်သန်ရေး ‘အတားအဆီး၊ အကန့်အသတ်ဆိုတာ ဥပဒေဆိုင်ရာ အတားအဆီး၊ အကန့်အသတ်တစ်ခုတည်းမဟုတ်ဘဲ တခြားသော အခြေအနေတွေမှာရှိတဲ့ အတားအဆီးအကန့်အသတ်တွေ အများကြီး ရှိနိုင်တယ်။ အချိန် တစ်ခုမှာတော့ ကျွန်တော်တို့ပြောမယ်။ ဘာဖြစ်လို့လဲဆိုတော့ ကျွန်တော်တို့က ဒီမိုကရေစီကို တန်ဖိုးထား လို့။ ပါတီတွေရှင်သန်ရေးဟာ ဒီမိုကရေစီရဲ့ အသက်ပဲ။ အဲဒါကြောင့် ပါတီတွေ တွေ့နေရတဲ့ အခက်အခဲကို တစ်နေ့ သေချာပေါက် လွှတ်တော်ထဲ ပြောကိုပြောရမယ့်ကိစ္စပဲ”ဟု ၎င်းက ပြောဆိုသည်။ ပါဝင်ဆွေးနွေး DVB Debate အစီအစဉ်တွင် အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်အမတ် ဦးလွင်ကိုလတ်၊ ချင်းအမျိုးသားတပ်ဦး ဒု-ဥက္ကဋ္ဌ ဒေါက်တာဆလိုင်းလျန်မုန်းဆာခေါင်း၊ လူ့ဘောင်သစ်ဒီမိုကရက်တစ်ပါတီ ဥက္ကဋ္ဌ ဦးအောင်မိုးဇော်၊ ရခိုင်ဒီမိုကရေစီအဖွဲ့ချုပ်ပါတီဥက္ကဋ္ဌ ဦးကျော်မြင့်တို့ ပါဝင်ဆွေးနွေးကြခြင်း ဖြစ်သည်။ (၅၊ ၁၁၊ ၂၀၁၇ နေ့ထုတ် စံတော်ချိန်နေ့စဉ်၊ အတွဲ ၅၊ အမှတ် ၁၆၄၅)

လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော် နှင့် First Weekly Journal အင်တာဗျူး

ဒီမိုကရေစီအခြေခိုင်မာဖို့ဆိုရင် ငြိမ်းချမ်းရေးဖြစ်စဉ် အောင်မြင်ဖို့လိုပါတယ်။ ထို့အတူပဲ ၂၀၀၈ ဖွဲ့စည်းပုံပြင်ဆင်ရေး အောင်မြင်ဖို့ လိုအပ်ပါတယ်ဟု ဦးအောင်မိုးဇော် ပြောကြား ယခင်အစိုးရသက်တမ်းအတွင်းက အကောင်အထည်ဖော်ခဲ့သည့် ပြည်ထောင်စုငြိမ်းချမ်းရေးညီလာခံကို NLD လူထု အစိုးရလက်ထက်တွင် ဆက်လက်အကောင်အထည်ဖော်ခဲ့ရာ တိုင်းရင်းသားလက်နက်ကိုင်အဖွဲ့အစည်းအချို့နှင့် လက်မှတ်ရေးထိုးခဲ့သည့် NCA စာချုပ်ချုပ်ဆိုခဲ့သည့်သက်တမ်းမှာ ၂ နှစ်တိုင်ခဲ့ပြီဖြစ်သည်။ နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကြိုးပမ်းအကောင်အထည်ဖော် ဆောင်ရွက်ရသည့် ၂၁ ရာစုပင်လုံညီလာခံနှင့် မျက်မှောက်မြန်မာ့နိုင်ငံရေးအခင်းအကျင်းအပေါ် လူ့ဘောင်သစ်ဒီမိုကရက်တစ်ပါတီဥက္ကဋ္ဌ ဦးအောင်မိုးဇော်နှင့် တွေ့ဆုံမေးမြန်းချက်အချို့ကို ကောက်နုတ်ဖော်ပြအပ်ပါသည်။ အမျိုးသားနိုင်ငံရေးနဲ့ ပါတီနိုင်ငံရေး ကွဲပြားခြားနားချက်များအပေါ် သုံးသပ် ဆွေးနွေး ဖြေကြားပေးစေလိုပါတယ်။ ကျနော်ကတော့ အဲ့ဒီ အသုံးအနှုန်းတွေ ဘယ်လိုကနေဘယ်လို ပေါက်ဖွါးလာသလဲ နားမလည်နိုင်ပါဘူး။ နိုင်ငံရေးဆိုတာ နိုင်ငံရေးပါပဲ။ လူတိုင်းလူတိုင်းဟာ ကိုယ့်နိုင်ငံကိုယ် သာယာငြိမ်းချမ်းဖို့၊ တရားမျှတဖို့၊ တန်း တူဖို့၊ ညီညွတ်ဖို့၊ ဖွံ့ဖြိုးဖို့ ကိုယ်တတ်နိုင်တဲ့ ထောင့်နေရာက တတ်နိုင်သမျှ ပါဝင်ဖို့ ကြိုးစားတယ် ဆိုတာကပဲ သော့ချက်ဖြစ်ပါတယ်။ တကယ့်အခြေအနေတွေအောက်မှာဆိုရင် အရပ်ဘက်အဖွဲ့အစည်းပုံသဏ္ဌာန်ဖြစ်ဖြစ်၊ သမဂ္ဂပုံသဏ္ဌာန်တွေနဲ့ ဖြစ်ဖြစ်၊ နိုင်ငံရေးပါတီလို စုဖွဲ့တဲ့ပုံသဏ္ဌာန်ဖြစ်ဖြစ် ဒီလူ့အဖွဲ့အစည်း တိုးတက်အောင် ပိုကောင်းမွန်အောင် ဆောင် ရွက်ကြဖို့ချည်းပါပဲ။ အားလုံးက တိုင်းပြည်အတွက်၊ လူ့အဖွဲ့အစည်းအတွက် ဆောင်ရွက်ကြတာ ဆောင်ရွက်ကြရမှာ လို့ပဲ မြင်တယ်။ အဲ့ဒါကြောင့် မေးခွန်းမှာပါတဲ့ အမျိုးသားနိုင်ငံရေးနဲ့ ပါတီနိုင်ငံရေးဆိုတာ သီးခြားစီဖြစ်တယ်လို့ ကျနော် မယူဆဘူး၊ မခံယူပါဘူး။ ဒီ့အတွက် ကွဲပြားခြားနားချက် ဆိုတာလည်း ကျနော် ဖြေဆို သုံးသပ်ပြဖို့ ခက်ပါလိမ့်မယ်။ နည်းနည်း ဖြည့်ပြောချင်တာက ဘယ်နိုင်ငံရေးပါတီမဆို ကိုယ်ယုံကြည်တဲ့ အတွေးအခေါ် အယူအဆကို အခြေခံပြီး၊ အမျိုးသားပြည်သူတရပ်လုံးရဲ့ အကျိုးစီးပွါးအတွက် မူဝါဒ၊ လုပ်ငန်းစဉ်တွေ ချမှတ် ဆောင်ရွက်ကြရ တာချည်းပါပဲ။ ကနေ့ခေတ်ဆိုရင် တိုင်းနိုင်ငံဆိုတဲ့ ဘောင်တွေတောင်မှ ကျော်လွန်ပြီး၊ ဒေသတွင်းကိစ္စ နိုင်ငံတကာ ကိစ္စတွေအထိ ကိုယ်နဲ့ အခြေခံတူတဲ့ နိုင်ငံတကာက နိုင်ငံရေးပါတီတွေနဲ့ ဆက်စပ်ပြီး ကမ္ဘာကြီးအတွက်၊ ကိုယ့်ဒေသအတွက် အကျိုးပြုနိုင်ဖို့ ဆောင်ရွက်နေကြတာ အထင်အရှားပါပဲ။ မြန်မာနိုင်ငံရဲ့ ပြည်တွင်းငြိမ်းချမ်းရေးဖြစ်စဉ်မှာ တရုတ်နိုင်ငံ ပါဝင်လာမှုအပေါ် ပြောကြားပေးပါဦး။ ငြိမ်းချမ်းရေးဖြစ်စဉ်မှာ အိမ်နီးချင်းနိုင်ငံတွေ ပါဝင်လာရတာ သဘာဝကျပါတယ်။ တရုတ်ဖြစ်စေ၊ ထိုင်းဖြစ် စေပေါ့။ ဘာလို့လဲဆိုတော့ ကျနော်တို့နိုင်ငံက တော်လှန်ရေးအဖွဲ့အစည်းတွေ၊ လက်နက်ကိုင်အဖွဲ့အစည်းတွေက သူတို့နိုင်ငံတွေနဲ့ ထိစပ်နေကြလို့ပါပဲ။ အဲ့ဒီတော့ ပါဝင်ချင်သည်ဖြစ်စေ၊ မပါဝင်ချင်ဖြစ်စေ တနည်းနည်းနဲ့တော့ ပါကို ပါရမယ့်အနေအထား ဖြစ်နေတယ်။ နောက် တရုတ်ပြည်သူ့သမ္မတနိုင်ငံအနေနဲ့က သူ့ရဲ့ စီးပွါးရေး နိုင်ငံရေး မဟာဗျူဟာစီမံကိန်းတွေကို အကောင်အထည်ဖေါ်ဖို့ ဆိုရင် သူ့နယ်စပ်ဒေသတွေ၊ အိမ်နီနးချင်းနိုင်ငံတွေ နိုင်ငံရေးအရ တည်ငြိမ်ဖို့၊ အေးချမ်းဖို့ ဆိုတာ အရေးကြီးတယ်။ နောက် တရုတ်က ကျနော်တို့ အိမ်နီးချင်းတင်ဖြစ်တာ မဟုတ်ဘူး၊ ကမ္ဘာ့အင်အားကြီးနိုင်ငံတခုပါဖြစ်တော့ တခြား သူနဲ့ယှဉ်ပြိုင်ဖက်တွေရဲ့ ကျနော်တို့နိုင်ငံအပေါ် သဘောထားတွေကိုလည်း ထိန်းယူနိုင်ဖို့ သူ့ဘက်က စဉ်းစားမှာ မလွဲပါပဲ။ အဲ့သည်တော့ တရုတ်က ငြိမ်းချမ်းရေးဖြစ်စဉ်ထဲမှာ ထဲထဲဝင်ဝင် ပါဝင်နိုင်ခွင့်ရဖို့ တောင်းဆိုကောင်း တောင်း ဆိုမှာ ဖြစ်တယ်။ ကျနော့်အနေနဲ့ လုပ်ကိုလုပ်လိမ့်မှာ ဖြစ်တယ်လို့ ယူဆတယ်။ ကျနော်တို့နိုင်ငံအနေနဲ့ကလည်း ကျနော်တို့ရဲ့ ငြိမ်းချမ်းရေးဖြစ်စဉ်ကို ကူညီလိုတဲ့ မိတ်ဆွေနိုင်ငံတိုင်းကို ဝမ်း ပမ်းတသာ ကြိုဆိုကြရမယ်လို့ ကျနော် ယူဆတယ်။ ဒါ ဖြစ်သင့်တဲ့ အခြေခံသဘောထားလို့ မြင်တယ်။ မိတ်ဆွေနိုင်ငံ တွေရဲ့ ကူညီမှုတွေကို ကျနော်တို့အတွက် ဘယ်လို အကျိုးရှိအောင် အသုံးချမလဲ …. ဆိုတာကသာ ကျနော်တို့ ဘာသာ ဖြေကြရမယ့် မေးခွန်း ဖြစ်တယ်။ နောက် တရုတ်နိုင်ငံကို သူနဲ့ နယ်စပ်ချင်း ထိစပ်နေတဲ့ တိုင်းရင်းသားလက်နက်ကိုင်အဖွဲ့အစည်းတွေက အလေးထားကြရတယ်။ ကျနော်တို့ (တတိုင်းပြည်လုံး)အဖို့ကလည်း တစုံတရာ အလေးထားကြရတယ်ဆိုတာ လက်တွေ့ပါပဲ။ အကယ်၍သာ တရုတ်ပြည်သူ့သမ္မတနိုင်ငံရဲ့ သဘောထားကလည်း မှန်ကန်မယ်။ ကျနော်တို့ အင်အားစုတွေရဲ့ သဘောထားကလည်း ငြိမ်းချမ်းရေး တည်ဆောက်လိုတဲ့ သဘောထား၊ စိတ်ဆန္ဒ အမှန်တကယ် ရှိကြမယ်ဆိုရင် ကျနော်တို့ရဲ့ ငြိမ်းချမ်းရေးဖြစ်စဉ်အတွက် တရုတ်နိုင်ငံက အများကြီး အကျိုးပြုနိုင်ပါလိမ့်မယ်။ ကျနော်တို့ ငြိမ်းချမ်းရေးဖြစ်စဉ်အတွက်လောက်တင် မဟုတ်၊ တိုင်းပြည် ဖွံ့ဖြိုးတိုးတက်ရေးအတွက်ပါ တရုတ် နိုင်ငံနဲ့ဆက်ဆံရေး အထူးကောင်းမွန်ဖို့ လိုအပ်မယ် ထင်ပါတယ်။ နိဂုံးချုပ်အနေနဲ့ ပြောလိုတာကတော့ တခါတခါ အင်အားကြီးနိုင်င့တွေနဲ့ ဆက်ဆံရေးတွေမှာ သူတို့ဘက်က ဗိုလ်ကျသလို ဖြစ်တတ်တာ ဖြစ်လေ့ ဖြစ်ထရှိတယ်လို့ ထင်မိတယ်။ ဒါ့ကြောင့်မို့ …… (က) ငြိမ်းချမ်းရေးဖြစ်စဉ်မှာ တရုတ်ရဲ့ ပါဝင်မှုဟာ ကျနော်တို့တိုင်းပြည် တည်ငြိမ်ရေး၊ အေးချမ်းရေးဆိုတဲ့ ရည်ရွယ်ချက်က အဓိကနေရာက ရှိရမယ်။ ဒါမှ အကောင်းဘက်က ပါဝင်မှု လို့ ဆိုနိုင်တယ်။ ( ခ) ကျနော်တို့ နိုင်ငံ့အကျိုး သူတို့နိုင်ငံ့အကျိုး မျှတဖို့ လိုတယ်။ ( ဂ) ကျနော်တို့ပြည်သူတွေရဲ့ သဘောဆန္ဒတွေကို အလေးထားဖို့ လိုတယ်လို့ ပြောချင်ပါတယ်။ လက်ရှိမြန်မာနိုင်ငံမှာ NLD လူထုအစိုးရနဲ့ တပ်မတော်ဆိုပြီး၊ Instituation ၂ ခု သီးခြား ရပ်တည်နေတယ်ဆိုတဲ့ တိုင်းရင်းသားခေါင်းဆောင်အချို့ရဲ့ ဝေဖန်ပြောကြားချက်အပေါ် သဘောထားအမြင် သုံးသပ်ချက်။ ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေအရ မလွှဲမရှောင်သာ သဘာဝကျကျ အစိုးရ (၂)ခုလို ကျနော်တို့နိုင်ငံ မှာ ဖြစ်တည်နေတာ လက်တွေ့ပါပဲ။ တိုင်းရင်းသားခေါင်းဆောင်အချို့တင် မဟုတ်ပါဘူး၊ နိုင်ငံရေးအင်အားစု အားလုံးလိုလိုက ဒီအတိုင်းပဲ မြင်ပါတယ်။ ဟိုတလောက ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်ကတောင် Civilian Authority နဲ့ Military Authority ဆိုပြီး ခွဲခြားပြီး သုံးသွားတဲ့သတင်း ကျနော်ကြည့်လိုက်ရတယ်။ ဒီတော့ ကျနော်တို့နိုင်ငံဟာ ဒီမိုကရေစီနိုင်ငံ မဟုတ်သေးဘူးလို့ ပြောလို့ရတယ်။ တပ်မတော်က နိုင်ငံရေးက နေ လုံးဝ ဆုတ်ခွါပါမှ ကျနော်တို့နိုင်ငံ ဒီမိုကရေစီနိုင်ငံ ဖြစ်လိမ့်မယ်။ ဒီလိုအခြေအနေတွေ မဖြစ်နိုင်သေးရင်တောင် တပ်မတော်က အစိုးရကို ပြည့်ပြည့်၀၀ နာခံဖို့ လိုလိမ့်မယ်။ အနိမ့်ဆုံးအဆင့် အလေးထားပြီး ဟန်ချက်ညီ ဆောင်ရွက်နိုင်ဖို့ လိုလိမ့်မယ်။ အကယ်၍ တပ်မတော်မှာ အရာကိစ္စတွေနဲ့ ပတ်သက်လို့ သီးခြားသဘောထားတွေ ရှိနေရင်တောင်မှ လူထု ရွေးချယ်တင်မြှောက်ထားတဲ့ အစိုးရနဲ့ တိုင်ပင်ညှိနှိုင်းပြီးမှသာ လုပ်ရမယ့် လုပ်ငန်းဆောင်တာတွေ လုပ်ဆောင် သင့်တယ်လို့ ကျနော်ယူဆတယ်။ NLD အစိုးရ့လက်ထက်မှာ နိုင်ငံရေးအရ ဖြစ်ပေါ်ပြောင်းလဲတိုးတက်မှုအချို့ ရှိခဲ့ပေမယ့် စီးပွါးရေး၊ လူမှုရေးနဲ့ တရားဥပဒေစိုးမိုးရေး စတဲ့ ကဏ္ဍများမှာ ပိုမိုဆိုးရွားစွာ ကျဆင်းသွားတယ်ဆိုတဲ့ အချက်အပေါ် သုံးသပ် ဆွေးနွေး ဖြေကြား ပေးစေလိုပါတယ်။ နိုင်ငံရေးအရ ဖြစ်ပေါ်ပြောင်းလဲတိုးတက်မှုအချို့ ရှိခဲ့တယ်ဆိုတာက အငြင်းပွါးစရာရှိတယ်လို့ ပြောချင်ပါ တယ်။ တကယ်က ရွေးကောက်ပွဲကတိကဝတ်တွေဖြစ်တဲ့ ငြိမ်းချမ်းရေးကိစ္စ – နဂိုရ်အတိုင်းပဲ။ တိုက်ပွဲတွေတောင် ပို များလာသေးတယ်။ ရခိုင်ပြဿနာဆိုရင် ကျနော်တို့တိုင်းပြည်ရဲ့ ဂုဏ်သိက္ခာ ကမ္ဘာ့အလယ်မှာ ကျဆင်းသွားရတာ ငြင်းလို့ မရတဲ့ အချက်ပဲ။ ဖွဲ့စည်းပုံ ပြင်ရေး ကိစ္စကရော – လွှတ်တော်ထဲမှာ အသံတောင် မထွက်တော့ဘူး ဖြစ်နေတယ်။ တရားဥပဒေစိုးမိုးရေးကရော ဘယ်လိုလဲ – ဝန်ကြီးဟောင်းတယောက်ရဲ့သား၊ ထိပ်တန်းစီးပွားရေးလုပ်ငန်း ရှင်တဦးကို လက်နက်တွေနဲ့ နေပြည်တော်လေဆိပ်လိုမျိုးမှာ မိခဲ့တာ လက်တွေ့ပဲ။ အစိုးရက ပြည်သူတွေရဲ့ စားဝတ်နေရေး၊ လုံခြုံရေးတွေဘက်ကို အခုအချိန်အထိ မည်မည်ရရ ဦးမလှည့်နိုင် သေးဘူး။ နိုင်ငံရေးအရ တိုးတက်မလာလို့၊ အကြပ်အတည်းတွေ့နေလို့ စီးပွါးရေး၊ လူမှုရေး အကြပ်အတည်းတွေ တွေ့ နေတာလို့ ကျနော် တင်ပြချင်တယ်။ ကျနော် ပြောသင့်တယ်လို့ ယူဆတဲ့ စကားအနည်းငယ်ကို ထည့်သွင်း ပြောချင်ပါတယ်။ ၁။ တိုင်းပြည်ကို တစ်ယောက်တည်း အုပ်ချုပ်လို့ မရနိုင်ဘူး။ ၂။ အစုအဖွဲ့ လိုတယ်။ တစ်စုလုံး တစ်ဖွဲ့လုံး အရည်အချင်းပြည့်ပြီး လုပ်နိုင်ကိုင်နိုင်ရှိဖို့ လိုတယ်။ ၃။ လက်တွဲဖေါ် မဟာမိတ်တွေ လိုတယ်။ ဒါတွေဟာ နိုင်ငံရေးကို မြှင့်တင်နိုင်ဖို့၊ စီးပွါးရေးကို မြှင့်တင်နိုင်ဖို့ လိုအပ်ချက်တွေဖြစ်တယ်လို့ ပြောချင်ပါတယ်။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကြိုးပမ်းအကောင်အထည်ဖေါ် ဆောင်ရွက်နေတဲ့ ၂၁ ရာစု ပင်လုံညီလာခံဟာ NLD ပါတီရဲ့ လက်ရှိ ၂၀၁၆ – ၂၀၂၀ အစိုးရသက်တမ်း ကာလအတွင်းမှာ အောင်မြင်မှု ရရှိနိုင်ပါ့ မလား သုံးသပ် ဆွေးနွေး ဖြေကြားပေးစေချင်ပါတယ်။ အခုဘဲ ၂၀၁၇ က ကုန်ပါတော့မယ်၊ NCA ကို လက်မှတ်ထိုးသူက မူလ ၈ ဖွဲ့အတိုင်းဘဲ ရှိသေးတယ်။ NCA ကို ပြန်လည် မသုံးသပ်နိုင်ရင်၊ သုံးသပ်ခဲ့သည့်တိုင် အသေအချာ သဘောတူညီမှု မရရင် UNFC အဖွဲ့ဝင်တွေက NCA ကို လက်မှတ်ထိုးလာဖို့ မသေချာနိုင်ဘူး။ နောက် ဝ တို့၊ ကချင်တို့ စတဲ့ မြောက်ပိုင်းအဖွဲ့တွေကလည်း ကျန်နေ သေးတယ်။ ဒီကြားထဲမှာ အစိုးရဖြစ်ဖြစ်၊ နိုင်ငံတော် အတိုင်ပင်ခံပုဂ္ဂိုလ်ပဲဖြစ်ဖြစ် အာရုံမစိုက်လို့ မရနိုင်တဲ့ ရခိုင်ပြည်နယ် ပြဿနာက ထပ်ပေါ်လာတော့ NCA နဲ့ ငြိမ်ချမ်းရေးဖြစ်စဉ်အပေါ် အများကြီး ရိုက်ခတ်မှု ရှိနိုင်တယ်။ ဟိုတလောက NCA လက်မှတ်ထိုးထားတဲ့ လက်နက်ကိုင် ၈ ဖွဲ့ထဲက အဓိကအကျဆုံး အဖွဲ့အစည်းကြီး ဖြစ်တဲ့ ကရင်အမျိုးသားအစည်းအရုံး (KNU) က သဘောထားကြေညာချက် ၁ စောင် ထုတ်ပြန်တာ တွေ့လိုက်ရ တယ်။ ကြေညာချက်မှာက “ လွတ်လပ်ရေးနဲ့အတူ ပေါက်ဖွားလာတဲ့ ပြဿနာတွေကို ၂၀၀၈ ဖွဲ့စည်းပုံဘောင် အတွင်းက နေ ဖြေရှင်းဖို့ ခက်လိမ့်မယ်။ ဒါကြောင့် အစိုးရအနေနဲ့၊ တပ်မတော်အနေနဲ့ ကိုင်စွဲထားတဲ့ မူဝါဒတွေကို ဖြေလျှော့ပေးဖို့ လိုတယ် ” လို့ ဖေါ်ပြထားပါတယ်။ ကျနော့်အမြင်မှာတော့ တပ်မတော်အနေနဲ့ကလည်း သူ့မူဝါဒတွေကို ဖြေလျှော့ဖို့ ဆိုတာ ခက်နိုင်တယ်။ ဖြေ လျှော့တော့မယ့်လက္ခဏာလည်း မတွေ့ရသေးပါဘူး။ ချုပ်ကြည့်ရင်တော့ ဒီ ၃ နှစ် – ၄ နှစ် လောက်အတွင်း ပြေလည်ဖို့ ဆိုတဲ့ အချက်အလက် ကျနော် မတွေ့မိ သေးပါဘူး။ လက်ရှိ မြန်မာ့နိုင်ငံရေးအခြေအနေနဲ့ အနာဂတ်အလားအလာများအပေါ် သုံးသပ် ဆွေးနွေး ဖြေကြား ပေးစေလို ပါတယ်။ ကျနော့်ရဲ့ အဖြေ (၃၊ ၄၊ ၅) တို့ဟာ လက်ရှိ နိုင်ငံရေးအခြေအနေတွေပဲ ဖြစ်တယ်။ ဒါပေမယ့် တခုလုံးကိစ္စ ကို ချုပ်ပြီး ကျနော် တင်ပြပါ့မယ်။ ၁။ ကျနော်တို့တိုင်းပြည်ဟာ ဒီမိုကရေစီအခြေအနေတွေ ခိုင်မာဖို့ ရုန်းကန်နေရဆဲ ဖြစ်တယ်။ ဒီမိုကရေစီအခြေ အနေတွေ ခိုင်မာဖို့ဆိုတာ ငြိမ်းချမ်းရေးဖြစ်စဉ် အောင်မြင်ဖို့ လိုတယ်။ ထို့အတူပဲ။ ၂၀၀၈ ဖွဲ့စည်းပုံ ပြင်ဆင်ရေး အောင်မြင်ဖို့ လိုတယ်။ ၂။ ဒီလုပ်ငန်းစဉ် ၂ ရပ် အောင်မြင်ဖို့ ဆိုရင် ဒီ ၂ ရပ်ကို အောင်အောင်မြင်မြင် အကောင်အထည်ဖေါ်လိုတဲ့ (Political Will) ဟာ အစိုးရမှာ၊ တပ်မတော်မှာ၊ လက်နက်ကိုင် တော်လှန်ရေးအဖွဲ့အစည်းတွေမှာ၊ နိုင်ငံရေး အင်အားစုတွေမှာ၊ အရပ်ဖက်လူမှုအဖွဲ့အစည်းတွေမှာ ခိုင်ခိုင်မာမာ ရှိနေကြဖို့ လိုတယ်။ ၃။ ပြည်သူတွေရဲ့ စီးပွါးရေးဘဝကလည်း အရေးကြီးတယ်။ ကနေ့အခြေအနေမှာ အခြေခံလူထုရဲ့ စားဝတ်နေ ရေး ပြဿနာကို လျစ်လျူရှုခံထားရသလို ဖြစ်နေတယ်။ ၄။ အရေးထဲအရာပေါ်ဆိုသလို တကမ္ဘာလုံးနဲ့ မသင့်မတင့်ဖြစ်စရာ ရခိုင်ပြည်နယ်ရဲ့ပြဿနာတခုက ထပ်တိုး လာတယ်။ ၅။ တရားဥပဒေစိုးမိုးရေးကလည်း လူသိရှင်ကြား ယိုယွင်းနေတယ်။ ၆။ ဒီအခြေအနေတွေကို မကျော်နိုင်ရင် တိုင်းပြည်ရဲ့ အနာဂတ်အရေးဟာ ရင်လေးစရာ ဖြစ်တယ်။ ၇။ သို့သော် စိတ်ဓာတ်ကျစရာ၊ အားလျော့စရာချည်းလို့ ကျနော်တော့ မထင်ဘူး။ ကျနော်တို့မှာ အရင်ကနဲ့မတူတဲ့ ပြောနိုင် ဆိုနိုင် လှုပ်ရှားနိုင်တဲ့ ဝန်းကျင်တခု ရှိနေတယ်။ ဒါကို သေချာ ဆုပ်ကိုင်ပြီး ကျနော်တို့အင်အားစုတွေအားလုံး စုနိုင်မယ် ညီညွတ်နိုင်မယ် ဆိုရင် ဖေါ်ပြခဲ့တဲ့ အခက်အခဲတွေကို ကျော်နိုင်ကြမယ်လို့ ယုံတယ်။ ကျနော်တို့နိုင်ငံဟာ ဒီမိုကရေစီနိုင်ငံ ဖြစ်ကို ဖြစ်လာမှာလို့ ယုံကြည်ပါတယ် ××××× ××××× ×××××

ငြိမ်းချမ်းရေးလှုပ်ရှားမှု ၆၉ နှစ်ပြည့် နိုင်ငံရေးဆွေးနွေးပွဲ သို့တက်ရောက်

၂၊ ၁၁၊ ၂၀၁၇ နေ့လယ် ၁ နာရီမှ ၀၃း၃၀ နာရီထိ ရန်ကုန်မြို့ ရွှေတိဂုံဘုရားလမ်းရှိ ဆရာကြီးသခင်ကိုယ်တော်မှိုင်းဂူဗိမာန်တွင် ဆရာကြီးသခင်ကိုယ်တော်မှိုင်း ငြိမ်းချမ်းရေးကွန်ရက်နှင့် ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့က စီစဉ်သည့် စာအုပ်ဈေးရောင်းပွဲတော်နှင့် ဆရာကြီးသခင်ကိုယ်တော်မှိုင်း ပြည်တွင်းငြိမ်းချမ်းရေးလှုပ်ရှားမှု ၆၉ နှစ်မြောက် အထိမ်းအမှတ် “မဟာမှိုင်းငြိမ်းချမ်းရေးနှင့် ယနေ့ဗမာပြည်” နိုင်ငံရေးဆွေးနွေးပွဲကို ကျင်းပခဲ့ပါသည်။ ဆွေးနွေးပွဲတွင် ဆရာဦးအံ့မောင် (နာယက၊ မှိုင်း/ငြိမ်း ကွန်ရက်)နှင့် ဆရာကြည်နိုင်တို့က အဖွင့်အမှာစကား ပြောကြားခဲ့ကြပါသည်။ ထို့နောက် “ဆရာကြီးသခင်ကိုယ်တော်မှိုင်းနှင့် သွေးစည်းညီညွတ်ရေး” ခေါင်းစဉ်ဖြင့် ဦးချစ်ဆောင်ဦး(မှိုင်း/ငြိမ်း ကွန်ရက်)၊ “ဆရာကြီး၏ငြိမ်းချမ်းရေးနှင့် လက်ရှိငြိမ်းချမ်းရေး အကျပ်အတည်း” ခေါင်းစဉ်ဖြင့် ဦးငွေလင်း(မှိုင်းရာပြည့်)၊ “ငြိမ်းချမ်းရေးနှင့် ၂၀၀၈ ဖွဲ့စည်းပုံ” ခေါင်းစဉ်ဖြင့် ကိုကျော်ကိုကို(SDUF)တို့က ဦးဆောင်ဆွေးနွေးကြပြီး ပရိတ်ဿတ်များက မေးခွန်းများ ပြန်လည်မေးမြန်းခဲ့ကြပါသည်။

ပါတီစည်းရုံးရေးစာစဉ် အတွဲ(၁)၊ အမှတ်(၉)

ပါတီစည်းရုံးရေးစာစဉ် အတွဲ(၁)၊ အမှတ်(၉)

Page 2 of 212